الحب شايب والفراق ابنه العاق

والفراق , الحب , العاق , ابنه , شايب

الحب شايب والفراق ابنه العاق

الحب شايب والفراق ابنـه العـاق




الحب شايب والفراق ابنـه العـاق
والوصل غايه والقصايـد وسيلـه
.
اثر المفارق له علاقـه بالاخـلاق
ويقصر طويله صدر راعي الطويله
.
مافيه اشرّ من الهواوي ليا ضـاق
من ضيقته حتى البزر يشتكي لـه
.
ياللي غضبت وكانت حلولك فـراق
الغيـض ولعـه والمجـادل فتيلـه
.
ابليـس للفتنـه وللشـر سـبّـاق
يجيك في صـورة رذيـل ورذيلـه
.
العين مايغـدي بهـا كـل بـرّاق
والاذن ماكـل الحكـي ترتخيـلـه
.
راعي الكلام يزّود الطاق بالطـاق
يحكي بشخص وياصله ويحكي لـه
.
خص ٍ ليا كان الحكي بين عشّـاق
ماله سوا: مالـك دخـل والفشيلـه
.
لو شفت وش قيمة غرامك بالاعماق
ماطعت لـو لامـوك فينـي قبيلـه
.
ماهو تضيّق صدرك وتركز السـاق
كنّي كفـرت وقاتـل ٍ لـي قتيلـه
.
ياللي خدودك قطنه وعودك دقـاق
والوجـه ياحلـوه وياحبنـي لـه
.
عليـك ماظنـي بتحـتـار الاذواق
الا اليـا كانـه هبيـل او هبيـلـه
.
صغيّر ٍ وتشيـل حمـل ٍ ماينطـاق
وشلون عافـرت الحمـول الثقيلـه
.
وانا احسبنك طيّب وقلبـك رقـاق
يامدرّس فنـون القسـاوه لجيلـه
.
رح والشقا على الهواجس والاوراق
ياللي عقب فرقـاه شوقـه بديلـه
.
اشتاق وادري مانت راجع لو اشتاق
مير العوض بالذكريـات الجميلـه

الموضوع الأصلي: الحب شايب والفراق ابنه العاق || الكاتب: جريح الحب || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

اشتاق وادري مانت راجع لو اشتاق
مير العوض بالذكريـات الجميلـه

،
.
،

غالينا طرحت فأبدعت ،،

ننتظرجديد ذائقتك بكل شووق ،،

لاعدمناك ..

اذا كان للابداع عنوان
فهو من خلال ما سطره لنا
قلمك الراقي
تسلم يالغالي ع الطرح
تحياتي لك

ابداع احساس ,,كلمات ,,ذووق



تقبل مروري

.
اشتاق وادري مانت راجع لو اشتاق
مير العوض بالذكريـات الجميلـه
ابدااااااع اخوي تسلم يدينك على الطرح

تحياتي