01-10-2013, 11:13 PM
|
#11 | |
  
|
رد: رواية يارب وتبقيه لعين ترجيه
: انتظرووووووووووووووووووني التفتوا وشافوا ليان ... منيرة: ايش مصحيك؟؟؟ ليان اللي وجهها مورم من الصياح: ما نمت اصلا ... بجي معكم منيرة: مالها داعي الزحمة من الصبح ... انتظري لما وفيصل يصحون وتعالي معهم ليان ودموعها نزلت: ما اقدر انتظر منيرة: يمه ليان ... هو ما صحى ولا حس باللي حواليه ... واذا زاحمناهم ابوك بيرجعنا البيت ... انتظري اخوانك وتعالي معهم ... يمكن يكون صحى!!! ليان وراسها بالارض: خلاص ... بنتظر ... كملوا طريقهم وهم نازلين ... رفعت ليان راسها بسرعة: اذا صحى دقوا علي ... لا تخلوني احاتي!!! منيرة: ان شاء الله ... انتبهي لاخوانك وصلوا المستشفى ... وراحوا للعناية ... دخلوا وشافوا عبدالعزيز جنبه وعينه حمرة من الصياح ... اول ما شافهم مسح دموعه: ما شاء الله رجعتوا؟؟؟ رؤى دخلت على طول وجلست مكانها ومسكت يده: شلونه يا عمي؟؟ عبدالعزيز: على حاله رؤى: الى متى؟؟؟ عبدالعزيز: ربي ارحم بحاله منا ... ربي ارحم بحاله باست رؤى جبينه وقربت من اذنه وهمست: حبيبي ... الغالي ... اللي ما احب احد كثره ... مو اتفقنا انك تصحى الصباح؟؟؟ هذا انا رجعت ... وانت لسه نايم ... حتى ولدك اشتاق لك ... يالله اصحى وكحل عيني بشوفتك ... فواز لا تخليني اكثر حكي وتقوم وتعصب علي ... تكفى شد حيلك ... باست يده وجلست رؤى: خالتي ليش واقفة بعيد؟؟ منيرة وكأنها انتبهت ... مسحت دموعها: هلا حبيبتي ... هذا انا جاية الكل وصل ... تركي وشهد ... عبدالرحمن وخالد ولينا ... ليان ولما وفيصل ... نورة وبناتها ... الكل تجمع وفواز على حاله ... ولا حاس بالدنيا اصلا نورة وهي تمسح دموعها: عن اذنكم يا جماعة قربت منها جود: يمه بدري نورة: غصب عني ... ولا ودي اتحرك من عنده ... بس اعمامه مساكين ... واقفين برا ... خلاص خلونا نرجع البيت ونرجع العصر قربت منه وباسته ... ووراها البنات ... رغد وجود ووعد ... سلموا عليهم وطلبوا منهم اتصال اول ما يصحى وطلعوا ... دخل عبدالعزيز وجلس على يمينه ... طبعا يساره رؤى ولا تتحرك من مكانها ... عبدالعزيز وهو يمسك يده: ما في استجابة؟؟؟ لينا: ولا شوي عبدالعزيز: لا حول ولا قوة الا بالله ... مسك يده وجلس يكلمه : فواز يبه ... فواز حبيبي ... شد حيلك شوي ... كلنا حولك وننتظرك ... افتح عينك وشوفنا ... يكفيك تغلي ... انت عارف غلاتك ... قوم يبه ... قوم ورجع لنا بسمتنا عبدالعزيز يتكلم والبنات يصيحون ... عبدالعزيز ودموعه نزلت: لا تبكون ... ادعوا له ... ادعوا له |
|
|
|
| مواقع النشر (المفضلة) |
| الكلمات الدلالية (Tags) |
| لعين, وتبقيه, ترجيه, يارب, رواية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية (( أنـــــت لــــــــي )) | بقايا حب | ๑۩۞۩๑ القصص والروايات ๑۩۞۩๑ | 136 | 10-05-2015 11:09 PM |
| اروع رسائل وسائط يارب ، اروع mms يارب ، احدث رسائل ادعية 2013 | أغْ ـتِرآبْ~| | ๑۩۞۩๑ جوالك وما يخصه ๑۩۞۩๑ | 9 | 11-19-2012 10:10 AM |
| الصراط اشد اهوال يوم القيامة و اشدها خطراً يارب سلم يارب سلم | يوسفية الملامح | ๑۩۞۩๑ نفحات ايمانيه ๑۩۞۩๑ | 9 | 04-11-2012 06:27 PM |
| رواية احبها ولكن | الشوق عطري | كلك غـــلآ_ للروايات الطويلة | 14 | 12-27-2011 02:02 PM |
| انا لـ/ اليوم أجي وادعي .. تجي يارب .. تجي يارب!! | ساندرا | ๑۩۞۩๑ للقصائد مـذاق ๑۩۞۩๑ | 4 | 07-26-2011 02:33 AM |
All times are GMT +3. The time now is 08:12 PM.