جسد احتوى روحين هنا بوح أسير

لحظه .. بوادعك قبل إنك توادعني

ماني من اللي تروح ويمشي خلافك

لي عزة ٍ ياوليد الناس تمنعني

لوقلت .. مابيك تمزح .. خاطري عافك

قد قلتها لك قبل ماكنت تسمعني

واليوم فعلك هو اللي حطم أهدافك


يابن الأوادم نصيحه واخذها طعني

ماكل شخص ٍ يذل النفس لا شافك

صحيح زينك بعض أحيان شجعني

لكن زود الكرم زودت بسرافك

ماهوب أنا اللي تنزلني وترفعني

لو درت في نيتك كسرت مجدافك

تبي الصراحه .. تصدد لا تطالعني

أخاف من دمعتك ولا أنت ماخافك

ماغير واحد .. ولا مخلوق ولعني

الحب يجرف ولا تختار جرافك

لو قلت لحدٍ تحب.. وقال لك يعني

خله وبعد مادام الوقت ماطافك

أصارع النفس والدنيا تصارعني

والفرق واضح بمغرافي ومغرافك

ياخي ترى القلب عيا لا يطاوعني

يابن الأوادم توكل خاطري عافك

كنت احسبك لي حبيتك وعزيتك
واثرك الغيري وانا احسبك لي متهييّ

انت اللذي جيت في رجليك ماجيتك
واليوم تبخل علي بالصوت وتعييّ

بس لايهمك على فرقاي لبيتك
وابيك تسمع كلامي يابعد حييّ

لو مابه الا انت والله ماترجيتك
ولا انت بلاقي حبيب يقدرك زييّ

منت اول انسان كلمتك وخاويتك
لاكن درب الهوى ماصار بيدييّ

هذي توافيق لو اني تمنيتك
الميت مايرجعنه طبي وكييّ

بس اعرف ان كان خليتن وخليتك
يبقى جبل طي مع مر الزمن طييّ

باتسر اليا جيتني لاتقول ذليتك
تبى تجيني ترجاني وباعييّ

الطير لاكسر جنحانه يطير؟
هذا السؤال اللي ذبحني بالخفا



ما همني ما بعد هذا وش يصير
الي حصل في صفحة الماضي كفا



ما بين خوف الله وتأنيب الضمير
ما خاب رجال(ن) لوجه الله عفا



انا السفير اللي يدور له سفير
وانا الوفي اللي زمانه ما وفا



شفت الزمن لبسني الثوب الحرير
وثوبه يبنجني لطعنات القفا



ما عاد ابي ثوبه وابي ثوب الفقير
اللي احس بلبسته ستر ودفا



اسهل ما بالدنيا برستيج الأمير
بس المصيبة لو بعد ناره طفا



من عاش وقته لايجار ولا يجير
محدن بداريبه مشى والا لفا



والكلمة اللي حدها حد الشطير
لا قال شخصن تحسب حسابه افاااا



ياكبرها كبراه في عين الكبير
ويا صغرها للي بمرجلته هفا



الحمل ما شاله سوى ظهر البعير
اللي تبين في مواطيه الحفا



البارحة تقريب في حزة عصير
كنه خفوقي قطن في دار السفا



طرا علي الحب الاول والاخير
اللي معلقني على جسر الجفا



وش هو سبب هالصد والدنيا بخير
ليته مأكد صدته والا نفا



ماني بناقص هم تكفااااا يالعشير
جفنك ينام وجفن غير ما غفا



مااحب غيرك لان حبك غير اي والله غير
لوهو صفا جوي بدونك ما صفا



بقول لك كلمه وانا اعرفك كبير
ما هي تجيني منك يالغالي افاااا

آلقسوة لآ تكون دآئماً عنوآنُ
للقلوبّ آلميتة ..
فَ ثمة قلوب تنبضُ بِ آلجمآلٌ وَ آلحب
لكنهآ‘ تقسسسو.. !


" لآنهإ خآئفة

شخص الى منه مضى لي معه .. يوم }
أندم على أيام مضت قبل مالقاه

احتاج له لاصار في صدري هموم
ولو تنكسر ساقي ‘ تسندت ‘ يمناه

جعل المعزه بيننا دايم الدوم ..
هذا الرفيق اللي من الصعب تنساه

وِاللهَ إنُ تضُيَعٍ عِلُوِمَيْ لًيُآ قِآلَت :: حُبِيبُيٌ ::



. . . . . . . . . . . . . . . . . . . . مُيَرِ ـآلُبَلاِ كلَ ـآلُبَلاِ لاَنطِقَتهُـــآ :: أحُـبّـك ::

گل يومي ليل ,

و أيامي ..... " ليال "

يـ متى تشرق !؟

... و أشوف الصبح فيگ !؟

و أتناسى گثر ترديدي سؤال :

[ وينك البارح !؟ آنا خايف عليك ! ]

~‏ » گل شي مگتوب بس . .

آهـ يآ بخت من آللي مگتوب له أنآ ≈