رجل كتب شعر في بنت .. وحدثت المفاجأه !!!

وحدثت , المفاجأه , بنت , رجل , شعر , كتب , في

رجل كتب شعر في بنت .. وحدثت المفاجأه !!!

قصة بنت كانت تطالع واحد بعين قويه


المهم الرجال طلع شاعر

وما قصر فيها كم بيت عشان تتأدب

لكن المفاجأه هي ؟؟؟؟
وش صار؟؟



تابع القصيدة



يقول:
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟



روووووووعة

الفائدة: لا تحكم بتسرع على اي شي

((ان بعض الظن اثم)

الموضوع الأصلي: رجل كتب شعر في بنت .. وحدثت المفاجأه !!! || الكاتب: إبتهال الروح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

مشكورة اخت : ابتهال الروح
وهي بالفعل ليس من الفائدة أن لاتحكم بتسرع على أي شيء
حتى البائسين ومبروك فوز الهلال.

قمة من الروعه الكلام الرائع والاروع من هذا كله الي كتب ونقل هالموضوع الحلوو هذا

يارب يخليها لي ولا يحرمني منها ولا من كلامها الحلوو وذووقها الاروع...

وياااارب ماتحكمي على اي شييي خاصه انتي وبتسرع

تحياتي ياأحلى لولو

بالعالم

...

تســـــــلــم أنـــامــلكـ أختي الغـــاليــه على الطــرح الممــيـز كالعاااده ..

لا تحرميــنا روووعة هذا الطــرح دووومــا ..

أج ـــمل تحيــهـ ..

مشكوره اختي والله انك صادقة لازم الواحد ما يتسرع في الحكم عالناس
تحياتي

صح لسانك ،،


رووعة هالقصيدة .. وفيها فائدة كبيرة ،،


لاعدمناك ..

يشرفنــي وجودكمـ .,

يسلمكمـ ربيـ ..