هذا اللي تحبينة

اللي , تحبينة

هذا اللي تحبينة

خسيتي لعنبو جدك ؛ خسيتـي والغلـط ينعـاب
خسيتي واقلبي وجهك ؛ ولا كلمـه ؛ ولاجابـه

خسيتي والزمي حدك ؛ تراها ضاعـت الاداب
انا لاطاشت جنوني ؛ يعـرف الجاهـل ادابـه

وش المغزا من الكلمه بلا داعي بـلا الاسبـاب
وهرج الكذب والتجريح ؛ قوليلـي وش اسبابـه

انا الشرهه علي اني فتحت لخافقـي كـم بـاب
ولكن مثل ماجيتي ترا كبـر الجمـل بابـه

خذي نفسك معك برا ؛ ثم انقلعي بـدون إيـاب
فمان الله ؛ والا اقول :: فمان ابليس واصحابـه

تحسبيني على فرقاك ابندم واغـرق الاهـداب
انا مبسوط يوم اني ؛؛ طردت الشـوم وغرابـه

انا ما اعاشر الخاين ولا اسمع هرجـة الكـذاب
ومثلك قيمته عنـدي تحـت الزيـرو حسابـه

هذاك اللي تحبينه ؛ حقيـر و خكـري ولعـاب
عاجبك ان قذلته شقراء ويميّـل بالشعـر كابـه

صحيح انه حقير و زين وشكله للنسـاء جـذاب
تشّبه بأختـه فلانـه ؛؛ ومنهـا الـدم متشابـه

وانا مانيب حرف الجر ؛؛ تجرينه على الاعراب
انا حرف(ن) جزم نفسه ؛ ومثلي يصعب اعرابه

تشوم النفس عن زينك عقب ماطاح فيها ذبـاب
وانا حر(ن) ولد حر ؛؛ تركت الزيـن وذبابـه

انا شيخ(ن) ولد شيخ ؛ بذكره تنعـم الانسـاب
اليا قام العرب كـلاً ؛؛ يراجـع دفتـر انسابـه

ولد شيخ(ن) وسط ربعه له بين الرجال حسـاب
اليا ضاقت به الارياء ؛ يهز الارض مشعابـه

محنكني على الطيبه من يومي صغيـر وشـاب
اجل وش رايك بطفل(ن) دلال القهـوه العابـه

ترى بدري على مثلك تعيب وساسهـا معيـاب
ياليت اللي يعيبنـي ؛؛ يحـاول يستـر اثيابـه

انا لاجتني الزله ؛ من الجاهـل وهـو كـذاب
تركت القافله تمشـي ؛؛ وراهـا تنبـح كلابـه

وانا ليامن كشف ان الخوي اصبح لسانـه داب
نزعت السم من عرقه وكسرت بمخلبـي نابـه

خلاص اليوم يافلانه ؛ كرهتك والقلوب اغراب
وترى كل طير(ن) بكبد السماء يشبع بمخلابـه

خساره مثلك بقلــبي تضمـه غرفـة الاحبـاب
وخساره غلطة العاشق ؛ يحطـك اول احبابـه

بعد هذا تبين ارجع لاجل عينك نصير اصحاب
خسيتي واقلبي وجهك ؛ ولا كلمـه ؛ ولاجابـه
واتمنى انة عجبكم

__________________

الموضوع الأصلي: هذا اللي تحبينة || الكاتب: tofe moon || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

شباب\بنات انا تلخبطت وحطيت هذا الشعر في قسم الشعر الفصيح واذا تبون تردون على ذاك ترى عادي مافية مشكلةd

ترى بدري على مثلك تعيب وساسهـا معيـاب
ياليت اللي يعيبنـي ؛؛ يحـاول يستـر اثيابـه

يعطيك العاافيه على الكلاام الرااائع
اهم شي انك اسعتينا بوجوودك يالغاليه

خساره مثلك بقلــبي تضمـه غرفـة الاحبـاب
وخساره غلطة العاشق ؛ يحطـك اول احبابـه

بعد هذا تبين ارجع لاجل عينك نصير اصحاب
خسيتي واقلبي وجهك ؛ ولا كلمـه ؛ ولاجابـه




لبى قلبك والله على الابيات ..

فيها أحساس بالألم والندم ..


غاليتي أهنيك ع الطرح ..

أحترامي لك

كل ما قلت البيت ذا حلو يطلع اللي بعده احلى
من جد جنااااان كلمات قوييييه
الله يخليك لنا وننتظر ابداع ثاني لك
................

روعـــأ الابيات ..
يسـأــمو ..
بإنتظار جديدك ..

تقبلي مروري..

رنووده

رووووووووووووووووووووووووووووووووووووووووووووووووو وعه الابييات يسلمو خيتوه

(((والله صدق رجال كـــفو))))<<<هههههههههه

تقبلي مرووووري:.

هيوووفه

بصراحه القصيدة في غاية الروووووعه
ويعطيكـــ الف عافيه ........