حظّ الصباح اللي تبسّم عليله

اللي , الصباح , تبسّم , حظّ , عليله

حظّ الصباح اللي تبسّم عليله

حظّ الصباح اللي تبسّم عليله
من يبتسم ثغره ينابيع شيره
لو ذقت طعمه سكرتن في مقيله
ما شفت زيّه بالبشر أو صويره
في شفّته سكّر نبات ورسيله
وفي شفّته جمرن تلاضى سعيره
وصفّت ثناياها شعاع الصقيله
والفرجه اللي حيّر الزين حيره
وحوّل على توت البراري نزيله
له وجنتن كما البرد في نزيره
يمين خدّه غيم ترقب مخيله
ويسار خدّه برق ينهب ضريره
وعينن كما عين المهاة الهزيله
مثل السهم طرفه لزيمن دحيره
وسيعة العينين ما هي كحيله
نظرة عيونه طير يرقب مغيره
وخشمن شطيرن مثل شامان ميله
مرهف شموخه بالشواهيق صيره
حجاجها هلّت معايد تشيله
لا غرّد الحمام اللي تناهض مطيره
ريحة شعرها بنّن يحيّيك هيله
يجذب نزوله يوم تسمع هديره
جديلها خيلن تناهض صهيله
مثل الحرير ان كان تلمس حريره
ونهود رمّانن جديدن مديله
حمرن طلوعه رطبتن تستنيره
تبطن وتبطن ما تجيبن مثيله
في جسمها الريّان عوده دميره
والله فلا العينين شافت زميله
شوري تطيعه بالعلامه بريره
تغضّ طرفه بالحيا والثّقيله
تصبر عضيده يومها طاح غيره
غنّيت لعيونه مواويل شيله
على الوفا دربه يحوفه عبيره

الموضوع الأصلي: حظّ الصباح اللي تبسّم عليله || الكاتب: الحرف العنيد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

يعطيك العافيه

قصيده جميله

يعطيك الف عافيه يارب
ننتظر ابداع طرحك
لك ودي

تسلم يمينك

صح لسااانك

يعطيك الف عااافيه