آخر 10 مشاركات
|
|
|||||||
| ๑۩۞۩๑ للقصائد مـذاق ๑۩۞۩๑ ۞ همس القوافي ۞ |
 |
|
|
أدوات الموضوع | انواع عرض الموضوع |
|
#1
04-01-2010, 04:10 AM
|
||||||||||
|
||||||||||
قصائد لمهندس الكلمه بدر بن عبد المحسن
((الا الهوى ))
ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك ... (( الله اقوى )) الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـ العمَ ((البدر ..... ((انتي اللي وحدك لي)) -------------------------------------------------------------------------------- (( أستبد )) استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. فـ الهجير .. ظلال لكن استبد..استبد باللي عندي اضرب بيدي فـ الهوى..بجبيني فـ الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هـالظالم المسكين... واتركيني انصهر في الشمس والا ارتعد في البرد لكن استبد..واسترد اثيابي من الريح ولحمي من الشوك وابتعد .. ابتعد ((الأربعين )) ادري ان الوقت يذهب ما يعود اربعينٍ فارقتني يالعنود ماطر الايام من غيم الزمان ما يبل الريق لو مهما يجود كم شربته صافيٍ بارد قراح ما دريت ان الظما سر الوجود كل شمسٍ تلمس اشجار العمر تحرق الاوراق وتجف الفنود وكل ريحٍ تدفع شراع العمر ينقطع به حبل ويميل العمود اربعين مرت وتوني صغير انتظر لعل تصدق لي الوعود والغريب اني على هذا مغبوط ادري اني بخير لا شفت الحسود الزمن يا بنيتي كله زوال ما تخلد كود لحظات السجود ((البدر........... ((انتي حلم )) انتظرتك .. عمري كله .. وانتي حلم ومرت الايام والله .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. انتظرتك عمري كله .. وانتي حلم .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي .. إنتظرتك عمري كله عمري كله .. وانتي حلم ((ارقام )) في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. ((اه يا لجراح )) لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. ((اوراق الزمن )) ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. اتمنى تنال اعجابكم الموضوع الأصلي: قصائد لمهندس الكلمه بدر بن عبد المحسن || الكاتب: ذات الشهد || المصدر: منتديات كلك غلا
المصدر: منتديات كلك غلا rwhz] glik]s hg;gli f]v fk uf] hglpsk hglpsk hg;gli fk f]v uf] 
 
|
|
أخر 5 مشاركات ذات الشهد
|
|||||
| المواضيع | المنتدى | المشارك الاخير | الردود | المشاهدة | آخر مشاركة |
|
ورق حائط اخر شياكة
|
๑۩۞۩๑ الديكور والاثاث ๑۩۞&# | 2 | 1017 | 08-11-2016 10:18 PM | |
|
الهندباء البرية تحمي الكبد من التليف وتقي من مرض...
|
الطب البديل و الاعشاب | 1 | 985 | 08-11-2016 10:12 PM | |
|
ابي ترحيب من جديد (اشتقت لكم يالغوالــــي)..
|
๑۩۞۩๑ نقطه بدايه ๑۩۞۩๑ | 10 | 1877 | 10-04-2011 07:29 AM | |
|
سيماهم في وجوههم " الآن أكتشف حقيقة من حولك من...
|
๑۩۞۩๑ البحوث وتطوير الذات ๑۩۞۩๑ | 4 | 1176 | 04-06-2011 08:43 AM | |
|
ياذاك الزمـــــان الي نســـــاني؟؟؟
|
๑۩۞۩๑ لـلأقـلأم الحـصريه ๑۩۞۩๑ | 6 | 1629 | 04-06-2011 06:53 AM | |
|
04-01-2010, 03:24 PM
|
#2 | |
ضمنيـےً مآبين قلبكـ و العيون
|
قمر الكوووووووووووووون
ماشاء الله هنا أقف لآقرأ الإحساس أما صحة لبناء الشعري فلا أتقنه مصافحة شلّت عقولنا لروعة كل ما تحويه إبتداءمن الفكرة واللفظ والمضمون والخيال والحس الشعري الراقي |
|
|
|
|
04-02-2010, 07:25 AM
|
#3 | |
|
مشكور لمرورك لاعدمت طلتك اسيرالصمت من لاتشل عقولهم امام هذه الهندسه الفريده من نوعها والاحساس الذي لن نبلغه اسير لك مني كل ود |
|
|
|
|
04-02-2010, 03:00 PM
|
#4 | |
 
|
عندما ينزف قلمك قمر الكون تقف الاقلام طوعا لقلمك ونزفه المميز
لا عدمنا هذا التميز الرائع يعجز قلمي عن وصف ابداعك المستمر فلا تحرمينا من جديدك وتميزك انتظر جديدك الراقي |
|
 بعض ..الغلآ .. أحيان ... ماله .. معاني كم واحد ٍ .. كنت أحسبه .. حسبة الروح صدّت به .. سنين الحيـــاة ... و .. نساني
|
|
| مواقع النشر (المفضلة) |
| الكلمات الدلالية (Tags) |
| لمهندس, المحسن, الكلمه, بن, بدر, عبد, قصائد |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تعال ندور الكلمه نحاول قد مانقدر .. أحس إن السكوت أبلغ إذا حنا مالقيناها | أنفاس الورد | ๑۩۞۩๑ عـام .. مساحه حره ๑۩۞۩๑ | 7 | 07-10-2011 10:32 AM |
| قصائد أعجبتني (اهداء للرحال ) | عِطْرُكِ أَنْفَاسي | ๑۩۞۩๑ للقصائد مـذاق ๑۩۞۩๑ | 0 | 01-03-2010 09:55 PM |
| لعبة اعكس الكلمه | الحوت | ๑۩۞۩๑ الألعاب والمسابقات ๑۩۞۩๑ | 17 | 09-09-2009 03:07 AM |
| عدة قصائد منثوره | فابريجاس العرب | ๑۩۞۩๑ للقصائد مـذاق ๑۩۞۩๑ | 9 | 06-03-2009 03:07 PM |
All times are GMT +3. The time now is 05:45 PM.