بردوا حرتكم يالشباب

بردوا , يالشباب , حرتكم

بردوا حرتكم يالشباب

اليوم جايب لكم موضوع معشر الشباب ونبي نتكلم عن عيب واحد من عيوب السحالي التي يقدر مجموعها بــ 765893452309857 بعد المليار وهو
موضوع الحش لدى السحالي ..
وللحش عدة طرق وكل الطرق تجيدها المرأة وتعرف خباياها أما الرجال ما يجيد منها شيء وحتى لا جا يحش ودك تكفخه بلوح من سوء الترتيب في الحش يعني
لا جا يحش ما ودك تسمعه أصلاً ما يعرف كيفية حبك الحشه تحس أنه كذاب عشان كذا أنا باتبع المثل اللي يقول عط الحش حشاشه لو يحش نصه ولا تظنوني أني
أقصد بس الحريم في الحش لا وربي حتى البنات ((يا مكحلها)) وأعتقد تعرفون المسميات الثانية للحش؟ الحش يعني القرض ويعني السلق ويعني النميمه
والغيبه عند هل الخير الله يحفظهم.
المهم الحش تخصص فيه الحريم بحكم الفراغ والروتين الممل والحش يختلف من بنت لبنت ويقولون إنه أقوى الحش حش الحوامل تحشك وكنها جالسه تشوف
برنامج تعليمي يقول سيدتي كيف تجعلين من طفلك حشاش هاوي ويا ويلك لو يجي الحشاشه الطلق وهي جالسه تحش فيك والله ان تطلعك من اكبر تجار
المخدرات ويا ويلك لو يجتمعون ثلاث حشاشات عليك في الشهر التاسع وربي ليطلعونك متزوج حليمة بولند بعد مارميت ديانا حداد على سهيل عبدول ..
يقول نابليون بونابارت لابغيت تزعزع الثقة في خصمك ابعث له نمامه يقصد حشاشه على مستوى فرنسي تنشر بينهم الأكاذيب((أعرف وحده حشاشة وربي
لو مستعين أبها نابليون كان أنشرت له الخبر في الولايات المتحدة كلها خلال يومين مع كندا وباريس وسويسرا والنمسا وبريدة واليمن والمجمعة فوق البيعة ..
والحشاشة فيها ميزة غريبة لا جات تحش تعدل جلستها الظاهر أن الحش مثل (الكحة) عند المتخصصين فيه يعني لا شفت لك حرمه تعدلت في جلستها
خل وجهك بوجهها ..
ومن ميزات الحشاشات هو اختيار الموعد المناسب للحش يعني عمرها ماتحش وهي تبي منك شيء بالعكس ماترضى عليك لكن من تخلص
حاجتها علقتلك الرمانة ((الرمانة ذي حديده كبيره مربوطه بسلاسل شفتها في فيلم لعادل إمام وهم يعلقونها له يبغون يذبحونه ويغطسونه بها في البحر))
لكن مع هذا الحشاشات فيهم حنيه وطيب سبحان الله تناقض رهيب وأذكر وحده من العجايز الله يرحمها كانت بتنصح ولد اخوها قالت اسمع ياوليدي عندي
لك نصيحة رد قال انصحي قالت عمرك وانا عمتك لا تعطي حشاشه قفاك ((يدري ياخالة ماتشوفينه معطيك وجهه؟)).
وفيه مره من المرات بنت حبت اني أحش معها في بنات جنسها قالت لي ياولد وش رأيك بالجنس اللطيف ((الله يكفينا شره)) قلت تقصدين البنات قالت
يعني من غيرنا جنس لطيف؟ ((ابد والله ما عاد ألطف منكم غير تماسيح نهر النيل اللي بالسودان )) قلت لها انا بصراحه ما حب الحريم لأن الحرمه مثل
الريال المعفس ما تخلص منه وحتى يوم تخلص منه في الدكان وانت تشتري بيبسي رجع لك وانت تشتري ماعون فول قلابه من مطعم اليمنين اللي في الملز
<<<< حش على الهوا مباشرة(( لا تظنوني يا السحالي اني حشاش لا والله جالس أجاملكم)).
وطبعاً ما هوب كل الحريم يحشون لا أنا أعرف بنت حلال يوم تجي مجمعه لها كم حرمه حشاشات أول الليل ومسكوا في وحده من خوياتهم حش وقامت
عليهم بنت الحلال اللي تكره الحش وقالت لهم لو سمحتوا كل وحده تحترم نفسها ماله داعي نجيب في طاري البنت أنا ماحب الحش اللي بتحش تحش برا بيتي
صحيح انها نذله وبنت كلب ولا فيها خير وشايفه نفسها مدري على إيش لكن مابي أحد يحش فيها ((الله يجزاك خير ليت كل الحشاشات زيك كان ماحتجنا
لحش الحوامل)) وازيدكم من الحش مشرط لا جوا الحريم اللي عندها يغيرون الموضوع قالت تدرون انكم خذيتوا ذنب في حشكم فيها يعني وذمتكم الحقيرة
ذي اللي ماتسوا نعالكم تستاهل الواحد ياخذ فيها ذنب؟؟
الله يقطعهم ذكروني بالحريم ( أذكرهن وانا صغير ) وتجمعن وبدو مسلسل التشهير تقول كل وحده قبل النوم كاتبه على مراية الزينه
حقتها بقلم الروج وش بتحش فيه بكره وربي مسكينه اللي عازمتهم تقول ودي كل يوم يجوني بس المصيبه خايفه أجمعهم على الشر وآخذ
ذنبهم لعنبو دارهم أقرب مالهم حبيب يحشونه وبعض الاحيان تحش مع الشاهي وقطعة البخصم يعني حش مزاجي ويا ويلك من ذيك
المره اللي تحشك وهي تقشر فصفص وربي تقشر في ظهرك كنها تقشر حب شمسي.
والحشاشة سبحان الله لا جلست جلسة حش ادمان مثل مدمن الانترنت يمرالوقت سريع اللهم هي اعنف شوي ما تحس بالوقت يعني
لو تجمع خمس حشاشات في سياره واحده وتسافر فيهم تركيا عن طريق البر من الرياض اول ما يوصلون تركيا يقولون لك مشاء الله
كن حنا رايحين للمجمعة مسرع وصلنا وطبعاً في هالطريق زوجوا وطلقواوسجنوا وكل واحدة لاخلصت من حشها قالت أستغفر الله كني حشيتها
((لا بسيطة خذي نفس)) وغير كذا الحشاشة طريق الرياض للدمام ما يوفي معها ولايعدل مزاجها لأنه الطريق كله ما يمديها تحش في أول رفيقه.
وسبحان الله الحشاشة لا طحت عليها وهي توها خالصه حش تشوف آثار الحش في شفايفها >سووووووووود< تقول توها مخلصة بكت زقاير
أبوبس ولا حجرين شيشه.
عاد أنا يوم شفت الحالة زادت الايام هذي قلت بقول للحشاشات وش سمعت عن اللي تحش وهي وكيفها اللهم اني بلغت (( تكفى يالمرشد الاجتماعي )).
يقول أحد علماء التربية وهو الدكتور لاوس روبن أن أكثر الأطفال عرضة للخطر والإصابات والإهمال هو اللي أمه حشاشة الحرمة
تجلس تحش وناسيه ولدها في الحوش يحارش ويمارش لين يصيبه مكروه وهي جالسة تلوي حنكها من الضحك والحش والبزر المسكين ابتلي
له بأم لو ترضعه كثر ماتحش كان صارت صحته تنافس داود حسين ونبيل شعيل وفهد الحيان ومايكل تايسون .
وفيه دكتور اسمه لوربينتو فلارميتو يقول إن الحش والانفعال في طريقة الحش تسبب الجلطة وتصلب الشرايين
((اللي يبحث في قوقل عن اسم الدكتور هذا لا يعلن النتيجة )).
ويقول بعد الدكتور الهامرت لورين يقول إن الحش حالة نفسية عادة ما تصيب أصحابها بالشيخوخة المبكرة ويسبب التجاعيد
((على كذا هند رستم عمرها ما حشت وأمينة رزق أكبر حشاشة بالقاهرة ))
ويقول الدكتور لورنس هاملت((تدري خذ راحتك أكيد بيطلع لك كم فلم تتابعه لين تنسى الاسم ))
أن الحشاشة إذا حشت أكثر من ساعة في اليوم يعرض قلبها للدق 120 مرة في الدقيقة
(يا أنا أعرف لي حشاشة قضى عليها الزمن يدق عندها أربع آلاف مرة في الدقيقة) وأنه يشكل خطورة في الأوعية الدموية ممكن
يؤدي للوفاة السريعة (( يارب مديري يكثر من الحش وأفتك منه ))
طبعاً لا أحد يصدق أمزح أدري أنه قلة قليلة من الحريم اللي تحش ما تتعدى 99% ولا الباقي الله يحفظهم ما غير يقشرون فصفص ..
ملاحظة هامة // على كل السحالي الذي بدان يخططن لإغتيالي العلم بأنني تعاقدت مع ثلاث آلاف بوديقارد للحماية الشخصية ..
الزعل مرفووووووووووووووووووووووووووووووض

الموضوع الأصلي: بردوا حرتكم يالشباب || الكاتب: تعبت الظلم واجحافك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

مالت عليك انت ودكاتره الي سادحن اسمائهم

حش وحشاشه

اقول لايكثر

اقول تعبت قد هالكلام انت

<<<<<<<<<<<ناويه عليه الليله

من القهر مكبره الخط كش عليك

الله يقطعهم ذكروني بالحريم ( أذكرهن وانا صغير ) وتجمعن وبدو مسلسل التشهير تقول كل وحده قبل النوم كاتبه على مراية الزينه
حقتها بقلم الروج وش بتحش فيه بكره وربي مسكينه اللي عازمتهم تقول ودي كل يوم يجوني بس المصيبه خايفه أجمعهم على الشر وآخذ

ههههههههههههه

الحش أجمل الاوقات بالذات وقت الاربعااء
نسميه احنا تسميه رآآقيه(( وين الرآآوي ياابنت يلاا))
يسلمو تعبت ع الفرفشه الحلوه تقبل توآآجدي

هههههههههههههههههههههه
نسميه احنا تسميه رآآقيه(( وين الرآآوي ياابنت يلاا))
حلوه يالحنونه التسميه
والله انك صادق هذا الي يصير
الحرمه حبلها بس كاسة شاي وفصفص
وخلها والله من الحش
ههههههههههههههههههههه
ما عليش يالسحالي هذا الواقع
ههههههههههههههههههه
مشكور خيو على الموضوع
تقبل تواجدي
تحياتي

هههههههههههههههههههه وانا اشوف بعض السحالي

ماتطابق حنوتسهن << ايه اكيد من اللياقه خخخخخخخخ


تعبت الحرس اللي بحمايتك خلهم ينتبهو علي ههههههه


يسلمووووووو تعبت على الفرفشه الحلوه


تحياتي لك،،،،،،،،،

أشكركم على المرور جميعا ..
القناص بالنسبة للحماية يالله يكفوني انا بس عندي رقم واحد يوفر لك حماية وماهو أي حماية قراصنة من الصومال بعد ...

ههههههههههههههههههههههههههههههههه

وربي كل كلامك في مكانه يا كافينا بس منهم

هذا اسمه فلونزا الحش عند السحالي ههههههههههههههههههه

تسلم اخوي على الفرفشة الحلوه

تحياتي لك

تعبت .. تبي الصدز الصدز ..

مجالس الحريم لاتخلوا من الحش ..

سبحان الله يجوز لنا .. الله لايؤاخذنا ويتوب علينا ..

عاد المشكلة اني حشيت فيك حش بعد الموضوع .. سحبت كل حسناتي مالت عليك..

أقول أنت وياه يعني انتوا ما تحشوا والله تقطعوا الي يمشي قدامكم

وعاد تعبت انت وقناص راح نحشكم انتوا الحراسة الي معكم



واقول تعبت مبروووك عالنجوم أخيرا وصلت ههههههههههه>> حشه ههههههههههههههههه


دمت بخير وحش يالدب ههههههههههههههههه

عاشق ربي يسلمك على المرور ولاهنت وتوني فيهن بس نبي الدعم منكم معشر التماسيح قصدي الشباب ..
ماتهاب خذي راحتك الحش منك عسل <<<<<<<<< نصاب بيكسب حسنات من وراها ..
أما أنتي يالشوق فسالفتك سالفة من الرد حشيتيني وسالفة النجوم امس داهمنا انا ونواف ومجبور وماتهاب كم منتدى وسرقنا منهم هالنجوم اللي تشوفينها كاشخ بها هههههههههههههههههههههههههههه
لاهنتم على مروركم جميعا ربي يسعدكم