وجــــــــــه الــــمـــوانـــــي :::::

::::: , وجــــــــــه , الــــمـــوانـــــي

وجــــــــــه الــــمـــوانـــــي :::::

ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فالزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك ! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ و... آتنفّس رغم هذا الضيق في صدر المدينة ..! ..................... وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! ..................... تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! ..................... بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! ..................... صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ..................... ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! ..................... شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه ..................... مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! ..................... وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! ..................... مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! ..................... مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! ..................... مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه ..................... يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! ..................... قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! ..................... من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! ..................... الحزن لاجيت ادور لك وانا اجهل مكاني ! ** الرائع جداً بركات الشمري

الموضوع الأصلي: وجــــــــــه الــــمـــوانـــــي ::::: || الكاتب: أمير بطبعي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

مشكور على الابداع تقبل مروري

يسلمووو اخوي جريح الحب


على مرورك الراائع

الله على الاختيار والذوق الشعري

مبدع اخوي اميربطبعي

تقبل تحياتي

يسلمووووو امير على الطرح الرقي
لا عدمنا هذا الطرح
ننتظر جديدك