يوميات الأعضاء

السلام عليكم ورحمةة الله وبركاته ,,
هالمره بسلم بها اليوميه لانه كاد ان يركبني سبب ليلة البارحه ..
هذا ياطويلين العمار الوالد من فتره حصل قطو على قولة الكويتين اعور اثر مشابكه عنيفه بينه وبين كبير القطط
واصيب هالقطو الصغيرون بعينه وصار اعور
اعتنى فيه ابوي واهتم لدرجة انه يلحفه ويتاكد انه نام قبل لايدخل ينام بفراشه
حسيت ان ابوي وده بطفل جديد بالعايله وبديت اغار>>ابو التخمين والمقارنه انقلعي بس
الزبده ان ابوي كذا فيه رحمه وعطف خياليين لدرجة ودي احيانا اقفل عيونه مايشوف العالم الخارجي ,,
طبعا الساعه كانت تشير للثامنه والنصف ودقيقه مساء بالتحديد
وتوها امي نامت وريحت اعصآبها ,,
الا صوت اختي يماااه ياناسو>>اللي تقرى بدلع تنتهي من حياتي
تعالي يابجوده شوفي تزنن
قلت الله لايجننا وانقلعي معها برا
قالت قد كلمتك هذي ؟ قلت أي بالله طلبتس طلبه طلعيها ولاتدخل توني مغسله الدرج
سلكت لي وطنشتني وصارت تلاعبها بمسبحة ابوي ويعني اني ماسمعت
اثاري فيه مخطط لي ووجهي ,الا ابوي يقول تعالي قلت لا بالله يبه طلعوها
برا البيت لو تدري امي ذبحتكم وذبحتها معكم >مسويه رقيقه للحين
قال لا والله حسيت من لكنته فيه نذاله من نوع رجولي عنيف عيار 14 كلاشنكوفي ,,
وانا اطحز لغرفه وراي واقفل الباب واقعد اقلب بجوالي والاقي كم هائل من الرسايل طنشتها الا اختي تكفين افتحي قلت لا قالت بلا ورعنه>>ع اساس انتي اكبر مني يابطله
. قلت مع نفسك البسه معك قالت لا وربي مااقدر اشيلها
قلت وابوي قالت يلاعبها تعالي شوفي وصوري
قلت بذمتك ترى صدقيني لو اطلع ويصير لي شي لاقعد اليوم كله على بطنك >>يقالها ذات الوزن الخورافي

ردت علي رد خلاني احتفظ بباقي عصبيتي لحين الاحتياج لاني بنت ماعرف اعصب دقيقه كامله
فتحت لها وقلبي بيدي وجوالي بيدي الثانيه الا امان وطاعة رحمآن ورحت معها برا الا ابوي يلاعبها و كنها
بيبي
طريقة اللعبه بثلاث طرق .. تعلموا بس > انا ماكان يلا عبني الايابادي ولا حدى رجا بدى رجا
الاولى يحط المسبحه قدامها ويسحبها على فوق وهي تناقز تبيها حسيتها غارت من فيليكس وتبي تطير
والثانيه
تتبطح وابوي يدغدغ فيها ويلاعبها بيده على جنوبها حسيتها منحرفه ويبي لها حجاب اندوسيه

الثالثه واللي كاد يركبني سبب لطيف بسبب بسه ويتعالمون القبيله اني انهبلت بسس جبانتي الفادحه من قطوه,,
انو ابوي خلاها تنتبه للمسبحه وتركز فيها
وبعدين حذفها علي وانا ينخرش قلبي واصــــــــــــــــــــــــــــــــــــرخ
اخوي كان بالمطبخ جا طاير ع صيحتي وكسر بيالة شاهي زين ماصحت امي تكسر راسه
وانا من الرعب بكيت ابوي واختي ماتوا ضحك وحسيت اخوي بيتعاطف معي وانا ابتسي
قال وش فيه انا ماحتسيت قالت اختي مدلعه تخيل بس راحت لها البسه وصرخت يعني دموع دلع تعرفها
قلت انقلعي عساتس للماحي انتي وهالبسه وكنت بقول ابوي بس تداركت لساني قبل يجيني براد طاير
خبركم الواحد وهو معصب يحذف هرج واخاف تنحذف عيني لاجل غير مسمى
وانا ازعل احتري كلمة انصاف من اخوي
الا طلع جمله نفسي اني هفيته كف بس احترام للكبير بنطرم
قال بس كذآ >>بنظره استحقاريه اليمه
والله انكم بنات فسقانات وماهقيتس رعاعه كذا وش خليتي للسبهه ذي وياشر على خيتي >>خرج مني
نظره انتقاميه بنصف ابتسامه
وهو ياشر على اختي هنا عاد تخمني ام العبيد واروح لسريري مسويه زعلانه
الا النور يشتغل وابوي واختي على راسي ينكتون ويستهبلون
وضحك الجميع وانتهت السماجه
بس عسى الله لايروعكم مثل روعتي البارح ,,
المشكله ان اختي مسويه ابو شهاب في باب الحاره ع راسي وهي من العفاز تقافز
و من طيب الوجه فيها راحت تشهر بي و تسرد السالفه للبنات في الواتس بس عادي خلوني مضحكه نص ساعه
وانتهينا >تعزز لنفسها