سعودية ذبحها الحياء

الحياء , ذبحها , سعودية

سعودية ذبحها الحياء

باديء ذي بدء ((( حلوة باديء ذي بدء ممكن أعيدها ؟؟))) ..
طيب باديء ذي بدء .... ماهي مثل الأولى بس يالله المعذرة منكم بعيدها للمرة الاخيرة .... (( باديء ذي بدء )) إيوووووووووووووه كذا حلو ..
كلام كثير يرددونه الناس بخصوص السعوديات عندما يكونن خارج حدود الوطن ...
لماذ السعودية هنا تلتزم بكامل حشمتها وخارج الوطن نرى العجب العجاب ..
(( طبعا لا أعمم جميع السعوديات هناك الكثر وأتمنى ان يكونن النسبة الأغلب ممن يلتزمن بحشمتهن في كل مكان ))
لكن هناك نسبة أيضا كبيرة للأسف يتعدن حدود الأدب والفيزياء والكيمياء والأحياء وجميع العلوم خارج الوطن ..
ومما لايختلف عليه أحد ولا أربعاء أن السعودية تستحي من إبن بلدها أكثر من أي صاحب جنسية اخرى ..
وسأقص لكم قصة حصلت لي وأستأذنكم بكتابتها بالعامية نظرا لوجود بعض المصطلحات الساخرة ولكي لا يتم هناك أي إنتقام من أي فتاة :
حصلت لي القصة في احد الدول هنااااااااااااااااااك بعييييييييد :
لم كنا في يوم من الأيام نمنا بدري (( أول مرة انام بدري برا السعودية ))
وقمت الصبح ونزلت على البهو ويوم دخلت حمام السباحه ولا كلهم ربي كما خلقتني الا شي بسيط !! حتى من الشكه جلست اناظر بعمري انا نازل بشي والا مثلهم .. المهم يوم دخلت ولا ذي بنت سعودية معها خدامتها وجالسه توها بتسبح لكن شافتني تراجعت (( تستحي فديت خشتها))... وقمت عاد انا وقلت بجلس لين تسبح (( قليل حيا فديت خشتي)) وهي طبعا حاطه في بالها انها تنتظر لين القّط وجهي واروح وعقبه تسبح لكن انا بخبرتي سويت نفسي ماشوف ((.عاد انا اذا اشتهيت اصير اعمى صرت طه حسين )) وبعدين قلت في نفسي وراها ماتسبح قدامي ولا انا الرجال الوحيد هنا والباقي رزان ورفيقاتها ؟؟؟!! . اصلا ماغير هي وثنتين بس بنات ولا الباقي رجال . المهم ركب في راسي اني اعسكر والبنت يوم حست اني مسمار في لوح قامت واقصرتها وخذت خدامتها ومشت واقوم انا واروح عند الرسيبشن وقلت لهم عطوني غرفه على حمام السباحه قالو في زياده بالسعر (( طبعا أسهل للمراقبة )) يوم حسبت الزياده على طريقتي التجاريه ولا يسوى قيمة قعود تقريبا (( القعود للي مايعرفون وش يعني القعود هذا الحوار في سن المراهقه يعني تو شنبه يخط لاهو بعير ولاهوب بحوار)) قلت ماعندي مانع قمت الصبح بدري واقوم واروح اعسكر في حمام السباحه ماعندي غيره واقوم واجيب الشورت حقي اللي مكتوب عليه (( نو لوكت )) يعني لاتنظر إلي والنظارة الشمسيه واقوم وارتكز ولا خذت اربع ساعات الا وهي جايه ويفز قلبي وقلت هلا ومرحبا مليون تعداد مافي الصين والهند واليابان واليمن من شجر وعيون (( بيت شعري مدري من وين جاي بس مشوها ياما مشيتوا لي وقفت هلى هذي ))... ولا جت وشافتني الا وانصفق وجهها (( مالومها توها مفطره )) جلست وهي جالسه قدامي وماغير نطالع في بعضنا هي بنص عين وانا بعيوني كلها ومن زود الحرص رافع حواجبي بمشبك ملابس واقول متى بيهديها الله وبتنزل المسبح وهي طبعا حاطه في خاطرها أني ساعه وامل واروح (( ماتدري ان اللي قدامها كان يعسكر في الاسواق 13 ساعة طبيعي وست ساعات مجاملة يوميا )) المهم عسكرت وقلت في بالي على العموم انا ماجيت من ديرتي الا بعسكر هنا وطبعا ماوراي شي ...
المهم جلست تقريبا لين قبل شوي من المغرب وقامت وشالت اغراضها ومشت وعقبها رجعت ثاني مره كانت ناسيه شي .
ورجعت خذته المهم انها ناظرتني بنظره مقهورة كنها تقول في داخلها وهي تناظرني انا اصطبحت بوجه من اليوم؟؟ وانا اناظرها واقول في نفسي وراها زعلانه؟ (( ابد زعلانه انها خسرت تذكرة طياره وسافرت 6000 كيلو عشان في الاخير تشوف وجهك قدامها))
المهم اني رحت لغرفتي الجديده اللي تطل على المسبح وفتحت دريشتها على الاخر عشان لارجعت شفتها وانام واول ماصحيت الصبح واناظر من الدريشه الا والبنت في وسط المسبح (( حسبي الله عليها غشتني )) بس طبعا كانت بعيده دريشتي عن المسبح واقوم والف من خارج الفندق واجي المسبح ويوم شافتني ويضيق صدرها (( بصراحة مالومها انا مرات اشوف وجهي بالمراية يضيق صدري )) وجلست في المسبح تنتظر اني اضف وجهي عشان تقدر تطلع (( ماتدري المسكينة إني جالس أرربع ساعات أنتظرها تطب المسبح يعني وهي في المسبح عادي لين تخلص الإجازة وفوق هذا بعد جايب السجادة معي ))المهم يوم شافتني مطول ولاني متزحزح من مكاني نادتني وهي في وسط المسبح وقالت لي يا اخ قلت لبيه سمي أمري (( طبعا توقعت إنها بتتغزل فيني )) قالت ممكن تبعد عشان أبغا أطلع من المسبح؟؟ قلت لها إطلعي وهو مسبح ابوي؟ ومأجره لك ؟؟؟ (( إجابة قمة في الادب وفي نفس الوقت دبلوماسية ))
قالت لا بس لو سمحت ابعد عشان أبي أطلع (( يا حليلها تستحي )) قلت لها أسف أنا جالس هنا أتفرج تبين تطلعين إطلعي تبين تكملين سباحه كملي انا وش دخلني فيك؟ قالت تدري قلت ايش قالت انت قليل حيا (( يوووه ليش دايم يذكروني الناس إني قليل حيا)) قلت مشكوره اختي قالت لو سمحت وانا الحين اطلب منك بالطيب لاتخليني اضطر اسمعك حكي تكره تسمعه قلت لها زي ايش؟ قالت زي لو سمحت يا حيو..... ضف وجهك (( إذا أتتك مذمة من مزيون تكفا مشها )) قلت لها مشكوره هذا بس من ذوقك مدري والله وش خلاني استحي على وجهي واصر على الجلسه وقامت يوم شافتني ميت والضرب فيني حرام طلعت ويوم طلعت جات صوبي بكامل لبسها وكانت لابسه ستريتش(( بس من غير نو لوكت كان العرض مفتوح )) انها جاتني وقالت لي انت جلستك هذي كلها عشان بس تشوفني وش لابسه ؟؟ لا تفرح لابسه استريتش ماهوب مايوه يا بو تفكير منحط ... والشهادة لله ياجماعه عشان ماأظلمها بنت الحلال فعلا كانت لابسه ستريتش (( فوق الركبه بشبرين والفخذ كلها شبرين وربع )) واللي صفق وجهي صدق يوم ناظرتني من فوق لتحت وهي مقفيه وقالت صحيح ان لم تستحي فافعل ماتشاء (( هذا اللي هو انا؟؟ انا اللي صرت ماستحي )) المهم بعد ماعرفت اني ظلمت البنت وطلعت مستوره وبنت اجاويد قلت خلاص بخليها تسبح على راحتها عشان البنت تستحي مني صحيح المسبح فيه رجال غيري وكلهم تاركين زوجاتهم ويناظرون فيها إلا ان اللي فهمته انها تعد الاجانب الرجاجيل مثل خواتها وعاد انا خذتها من قاصرها وقلت خلاص انا طالع وبخليها تسبح دامها بالإستريتش ومستوره ولا احد يشوفها غير كذا الاسبان والالمان والبريطانين والاستراليين وغيرهم ماهم برجال اصلا اللي عرفته عنهم (( انهم سنة زوجاتهم يحملون وسنه هم اللي يحملون )) المهم رحت منهم وخليتهم وخاصة اني ماأبغى احرجهم لاني الوحيد اللي فيهم لابس شورت ولا الباقي ماعليهم غير النظارات الشمسية تسترهم من الشمس وتحمي عيونهم من الماء ...... وإنتهت الحكاية ....
بالله بعد كل هذا تشوفون إني ظلمت البنت او هي اللي قهرتني !!!!؟؟؟؟

الموضوع الأصلي: سعودية ذبحها الحياء || الكاتب: تعبت الظلم واجحافك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

بصراحه اخوي تعبت انت نشبه ياخوي خلها على كيفها وبعدين انبسط ياخي ماحسبت في اللي كانو موجودين رجال الا انت بس يمكن في نظرها رجال متوحش ..

وبعدين ليش مادقيت علي على شان اجي واحل الموضوع بنفسي ... ع العموم مشكور على القصه الجميله .. اللي انتهت على خير والحمدلله .. تقبل ملامح خشتي..

ههههههههههههههههههههههههههههههههههههه
ههههههههههههههههههههههه الله يرجك لزقه انت
بس والله فشله هههههههههههههههههههههه
الله يعطيك العافيه على هيك قصه وتعيش وتاكل غيرها
هههههههههههههههههههههههههههههه

هههههههههههههههههههههههههههههههههههههههههههههههههه هههههههه

الضحك على تعليقاتك


اما موضوع الحياء خارج السعوديه هذا كثير وغير مستغرب بس نادر مثل ماذكرت

اما سالفه انت ناشب انتم يالسعوديين ناشبين بكل شي فيه بنات مادري متى بتعقلون تفكيركم للحين ماتغير

والبنت ماسوت كذا الا انها متعوده تسبح ومحد نشبها لها غيرك ههههههههههههههههههه ماشفت خير الله يصلحك



حتى للوله مو مقصر لو انك مناديه كان حل الموضوع هههههههههههههههههههههههههههههههه



يعطيك العافيه اخوي تعبت اسلوب حلو بطرح قضيه للبنت السعوديه بالخارج

دمت بخير

ههههههههههههههههههههههههههههههههههه

والله انك نشبه بقوه عادي عوايدك هههههههههههههههههه

مشكوووووور على القصه

والله انا اقول لها الله يهديك اصبغي شعرك وحطي عدسات واطمري عادي مايعرفون الشباب لو تصبغين هع هع ليتني جالس معكم ياخ العرب عند المسبح انت تنتظر هذيك وانا اشوف الباقيات هع هع شكر لك على الموضوع المشوق حسيت اني الى في الفصه

آإنتـ ظلمتـ آإلبنتـ
شنو هذآإ عينكـ طول آإلوقتـ فيهآإ<<آإكيد سعودي
وبصرآإحـة مآإدري كيف آإلبنت مآإكفختكـ
آإلمهمـ مشكووور ع آإلقصة وآإلتعليقآإت
مآإننحرمـ

هههههههههههههههههههههههههههههههههههههههههههههههههه هههههههههههههااي


روووووووووعه الموضوع ،،


بس فله وعشت جووو مع الحتوته .. ياليتني هالبنت اقرب مشكلة وخليهم يعلمونك وين دربك ،،


بس نرجع للموضوع .. من ناحية الحياء عاد على حسب البنت وقوة ايمانها ،،


ع العمووم يعطيك العافية ع الطرح ،،

هههههههههههههههههههههههههههه

اقسم بالله اني ميت ضحك بس انا اشوف انك ظلمتها البنت مستوره وانت قسيت بحكمك عليها بس تصدق لو كنت مكانك اتوقع أني راح اطلع من طوري واتصرف تصرف خارج أرادتي

اللهم احفظ اعراضنا واعراض المسلمين نسأل الله العلي القدير العفو والستر


تقبل مروري احترامي وتقديري

هههههههههههههههههههههههههههههههههههههههههههههههههه هه يالبي قلبها من بنت تعجبني البنت الثقيله

بس انت مااتخلي حركاتك دايم وانت قز في البنات تبي الصعب
وبعدين تعبت انت برا السعوديه يعني البنات اكيد كثير ماالقيت الي البنت ذا <<>>>مااالومك دايم بنت السعوديه تشدك يمها يالبي قلبها
المهم قصه روئعه يعطيك العافيه