ردّ من زوجة سعودية .. على الرسالة التي تتناقلها زوجات سعوديات :::::

::::: , التي , الرسالة , تتناقلها , زوجات , زوجة , سعوديات , سعودية

ردّ من زوجة سعودية .. على الرسالة التي تتناقلها زوجات سعوديات :::::

ستعجبكم معشر الرجال

قويه قويه بالذات اخر سطرين

هههههههههههههههههههههههههههه

ردّ من زوجة سعودية .. على الرسالة التي تتناقلها زوجات سعوديات .. عن الزوج السعودي

السلام عليكم ورحمة الله وبركاته ...

لقد اثار إهتمامي رسالة

تتناقلها زوجات سعوديات

عن اللي تبي الدلع والكلام الحلو ... و وين تلاقيه ..... !! ؟؟؟

فحوى الرساله : -

إن اللي تبي الدلع تاخذ لبناني
واللي تبي الكلام الحلو تاخذ سوري
واللي تبي مدري إيش تآخذ .....
واللي تبي مدري إيش تآخذ .....

واللي تبي الأجر تاخذ سعودي.

عاد الأخيره هي الشاهد ....

::

::

معلومه أفتتح فيها رسالتي:

أنا من بيئة زراعية تؤمن أن الأرض الطيبة ... تعطيها ... تعطيك ..

وكثر ما تهتم فيها ... يكون الثمر أطيب .....

::
::
::

إلى كل إمرأه سعودية تعتقد أنها مأجوره لأنها ماخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....

إلى كل إمرأه سعودية تعتقد أنها فاقدة الرومنسية مع زوج سعودي.....

إلى كل إمرأه سعودية تعتقد أنها فاقدة الكلام الحلو مع زوج سعودي.....

إلى كل إمرأه سعودية تعتقد أنها مظلومه عاطفيا لأنها مع زوج سعودي.....

إلى كل إمرأة سعودية تبحث عن زوج حق دلع ولا كلام حلو......

::

أختي الفاضله:

إجلسي مع نفسك صباح يوم من الأيام
بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،
وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟

إذا كانت الساعة؛ أين كنتي؟

إذا كنتي أنتي؛
كيف أيقظتيه؟
وبأي صوت نبهتيه؟
وفي أي صورة كنتي عندما تفتحت عينيه؟

بعد أن استيقظ، ودخل الحمام للدش؛
هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟

(ولا كوب قهوه وكيكه على المكتب)

قبل أن يخرج للعمل؛ من أين أخذ ملابسه؟
(من بين يديك ولا من الدولاب)

هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛
هل من مودع؟

ولا أحسن إختاري أجابه واحدة مما يلي:

1- خرج وأنا نايمه.

2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.

3- كنت جالسه بالصاله، وهو خارج قلت له لاتنسى الأغراض اللي وصيتك عليها.

4- رافقته للباب، وكان وداع حار.

( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب
(طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تتطمنين إنه وصل بالسلامه؟

تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟

بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟
(ولا منطوله بطرف السرير)

يبي يدخل الحمام وياخذ دش؛
(كرري السؤال حق دش الصباح).

بعد الدش يبي أسترخاء،
رجليه تألمه من الوقفه طول النهار والمشي،
جسمه هلكان؛ هل ريحتيه؟
(طشت مويه وملح وهاتك يا تدليك)

الآن يبي غفوه قبل الغدا، هل ساعدتي على توفير الجو الهادئ؟

لما صحي؛ هل وجد الغدا جاهز ولا هو اللي جابه معه من المطعم؟

بعد الغدا أكيد يبي شاي،
هل قدمتي له الشاي،
وجلستي معه سواليف،
وكيف كان يومك؟

الآن فتره مستقطعه إلى الليل،
وشلون قضيتوها؟

بالليل وقبل النوم على الأقل ساعتين
(إذا فيه عيال أكيد ناموا)؛
وش كنت لابسه؟
كيف رائحتك؟
وشلون صورتك وهيئتك أمامه؟

خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟

وقت النوم، وأنتي رايحه السرير؛ وش كنت لابسه؟

كيف وضعية النوم مع زوجك؟
(وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:

هل كنتي أنثى مع زوجك السعودي وعيشتيه جو زوج وزوجه؟

طبعاًَ
هذى مو كل الأسئله المطلوبه من زوجه أنثى،
لكن المهم منها والمطلوب حتماًَ
وحق الزوج فيها.

إلى كل إمرأة سعودية
تبحث عن زوج حق دلع ولا كلام حلو:

ضعي درجه من 100 على كل سؤال،
ووزعيها بحسب الأهميه،
ثم أجيبي الإجابه الصحيحه،
ومن ثم اجمعي الدرجات التي حصلتي عليها.

كم مجوع الدرجات اللتي حصلتي عليها؟
0%
ولا 10%
ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض.
إعتبري النتيجه هي نسبة إهتمامك بالأرض.
والأرض زوجك كيف بتكون الثمره اللي تحصدينها؟

(الثمره أكيد الدلع والكلام الحلو و... و....)
اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني،


واللي تبي الكلام الحلو ما تاخذ سوري

واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:

تعرفون ليه الزوج السعودي تولع عيونه
لما يشوف امرأه متبرجه وتطيح سعابيله.

تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله
بالشاشه.


تعرفون ليه الزوج السعودي لما يتزوج من سوريه
ولا مغربيه
ولا...
ولا...

يحس ان فعلاًَ
فيه جنس آخر بالكون غير الذكور.

لأنه في الأصل عايش

مع واحد من ربعه.

الموضوع الأصلي: ردّ من زوجة سعودية .. على الرسالة التي تتناقلها زوجات سعوديات ::::: || الكاتب: أمير بطبعي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

قووووووووووووووووووووووووووووووووووويه من جد

حرااااااااااام عليها تقول كذا مو كل الزوجات من هالنووع

الحين كل الرجال ودهم بهالسعووديه

والحريم بيقومون عليها

ههههههههههههههههههه

لاعدمناك خيرووو

تحياتي

بالتأكيد خيتوه موكل النساء السعوديات كذا

لكن ( البعض) واغلب اللي مذكور حقائق

واقعية نشاهدها أو نسمع عنها على الاقل

والطرق المذكوره من ضمن الحلول الجذرية


لحياة إجمل على طريقة ( حياة اسهل )


دمتي بسعادة وصحة ::::

والله صح اللسانه كلامها جد على الجرح انا وحده

من المجتمع السعودي.~

واشوف الظلم لي على الرجال السعودين

بالعكس الرجل السعودي اذا حصل حنان

ولدلع يكون ارق رجال بدنيا .~ْ

وبتشوفين الدلع صح .~ْ}

لك مني كل التقدير والاحترام

على طرحكـ الراااقي جداااا اخوي امير بطبعي .~ْ}

مشكور امير بطبعي على نقلك للموضوع

الذي يحمل الفائده ....






ودي

صموتهـ

أمير بطبعي

خليهم يقولوا اللي يقولوا


سعودي وبس



يكفي انه غيور ~ ومنهم من يخاف ربه ..

والحمدلله بالفتره الاخيره تغيرت الفكره وفيه وعي افضل من قبل ..

شكرا ع الموضوع الهادف
احترآآمي

يسلمووو الغوالي


على المرور والاضافة الجميلة


من افكاركم النيرة


دمتم بأفضل حال

يسلمو امير على الطرح الجميل
والموضوع الذي يحمل الفائده الكبيره للجميع


ســـاندرا

مشكور على الطرح الجميل والموضوع يكشف خفايا المجتمع السعودي وطبعا مو كل الحريم كذا

سلام........اخوك مخاوي الذيب.

من جد قوووويه لكن كله زمان اول
صدقتي بقايا جروح وصح لسانك
يسلمووووو أمير
دائما طرحك مميز
بس كنك فرحان بالسب ذا وكنه برد خاااطر صح هههه
...............