الحياة بنظرة أخرى ...

حب الأسد ’’

للرجال فقط










يا حبي للأسد ..

أكثر شي يعجبني فيه إنه حكيم ..

حتى اللبؤات حقاته يحترمونه إحترااام مو طبيعي ..

يعني الأسد يتزوج اربع وست وعااادي ولا وحدة منهم تقول تزوجت علي ياخاين !!

أبداً ولاكأنه صاير شي ..


يمكن تقولون وش فهمهم !!

الطيور يتزوج وحدة بس ويبقى معها طول عمره ..

يمكن يكون وفي !! ... ويمكن خايف منها !!


عموماً هذا ما يمنع إن في بعض الأسود يفشلون ..











بس ما يمنع إنك تكون أسد في بيتك ..


طبعاً ما أقصد تتزوج أربع ..


والأسد تحبه اللبؤات مو لأنه قوي وبس ..

الأهم إنه حكيم .. وثقيل ويعتمد علية ..


بكذا تكون أسد ..



يعني مثلا تكلم زوجتك وهي مطنشة ومركزة مع البلاك بيري ..

على طووول شيلة وكسرة على راسها ..

ههه أمزح بس من كرهي للبلاك بيري ..


بس من جد لازم تشوف لك حل ..











لالا مو كذا

كل شي بالتفاهم وخلك أسد






بعضهم يحاول يصير أسد

وتجي الزوجة تعطيه قائمة الطلبات ..


نبغى طماط
وبصل
وبيض
ودجاج
وبلازما50 بوصة !!



والأسد ماسك الورقة ويسجل ياعيني ..












شاطر شاطر ..

لا يابو مو كذا ..

ناقش تفلسف إسئل وش دخل البلازما طيب ؟؟ وليه؟؟

طيب وش رايك يا قلبي تروحين معي وووو ... والله انبسط لما اتمشى معك ونختار سوى وو ...


طبعاً اذا ما كنت أسد وحكيم تحمل اللي يجيك ..


بعد ماترجع فرحان بالطماط

بتصرخ بوجهك وين البيض

ووين ذا وووذاك

طبعا ماقدامك غير خيارين ..


الأول :















في هذه الحالة ياعزيزي إنت جنيت على نفسك ..




أما الخيار الثاني :













والنهاية معروفة ماراح تتعدى هالاحتمالين


الأول :-


كل واحد بيمسك له زاوية ويزعل لحاله ولا هو سائل بالثاني .














يمكن الاحتمال هذا يكون صعب وماهو مرغوب

بس بيني وبينكم هذا الاحتمال أهون من الاحتمال الثاني ..



والإحتمال الثاني :-

الله لايوريكم بس اذا ماكنت أسد توقع كل شي يطلع منك ..

مثل أخونا اللي تحت ..



















آخرتها تمساح !!




بس لو طعتني وسألتها من قبل وأخذتها معك ..

يااااااااااا والله انها بتنبسط ..

وانت بترجع مبسوط

والبيت بينبسط

وكل حياتك بسط مبسوط ببساطة

هذه الحكمة وماتسوي ..

تدري ان اللبؤات من كثر حبهم للأسد

يخلونه جالس وهم يروحون يصيدون ويجيبون الغدا لمكانه ..

هذا هو حب الأسود



أحترررمك يا أسد ..


****


من حب الأسد : بقايا حب .

كل مرا تكتب شي يعجبني

لكن عن الاسد مو مراااا فيه اشيااء نرفزتني هع

وجهة نظر اتمنى تقبلهاا..



.....................



ننتظر البوح الاجمل من استاذنا بقايا حب

.

.

نورتي صفحاتي بحضورك

بالعكس احترم رايك واتمنى ان مواضيعي تعجبك ..

بس وش اللي نرفزك ؟؟

الف مبرووووك على افتتاح المدونه
وان شاء الله تكون فال خير عليك

شخصية الاسد بشكل عام

والطيور اقرب شي الوفى احتمال الي تجعلها تعيش ع هذا المنوال



للمرا التانيه مشكور ع كل شي منك

منور المنتدى دائما بضهورك الراقي

ولد مكة نورت مدونتي

أشكرك على مرورك الرائع ماننحرم طلتك ..

وانا أشكرك مرة ثانية اسطورة

واحترم وجهة نظرك

بس يبقى الأسد أسد والطير طير والانسان انسان

كل واحد منهم يفيد ويستفيد من الثاني ..

تحياتي لك و لرقيك ’’

الحياة بنظرة أخرى ..!!






يعيش الناس من حولنا حياتهم كما هي وكما تفرضه الظروف عليهم ..

ولكن يبقى هناك من فهم الحياة وفرض إحترامه على الدنيا ..


ففي الظروف الصعبة ينظر لنا الناس بأننا قد هزمنا وأن الهم قد أحكم قبضته علينا ..

والحقيقة هم ينظرون للظروف وشدتها

ولا ينظرون إلينا ..








اما نحن فنعلم بأن الشمس تغيب كل يوم






لتشرق سماء الأمل باليوم التالي ..

لذا نستمتع بمغيبها

وننتظر إشراقها بكل شوق ..



نعلم أن كل من على الأرض يتعرض للخطر









حتى الجبال و الصخر ..

تنحتها الرياح وتضعفها المياه ..


ولكن يبقى صامداً حتى يحين القدر ..


فقط القدر هو من كتب لنا نهاية الصمود ..

القدر هو خط النهاية ..


اما الهموم والمصاعب ليست سوى رياح تهب يوماً وتختفي أيام ..

فنحن لانعيش في دوامات تلك الرياح بل ننفض عنا غبارها ونكمل المسير ..






حين تصعب الأمور فلا تعمض عينيك ..

ولاتفتحها لتنظر ماأصابك من الهم


بل إفتحها وانظر للحياة بنظرة أخرى ..

ومهما كان السواد يحيط بك

فأبقي فيعينيك بريق التفائل والأمل والحب ..












فالحياة تحب الأطفال ..

لذا كن طفلاً ببرائته وتفائل بالغد فالقادم أجمل ..









*********

الحياة بنظرة بقايا حب

رسالة إلى ...!!










حبيبتي منيرة ..


كل يوم أشتاق لك أكثر وأكثر ,, أشتاق لصوتك لضحكتك لجنونك ..

أعترف ان شغلي ابعدني عنك وحرمني من شوفتك , بس احيان تعصف فيني أفكاري المجنونة ..

و يحترق قلبي لشوفتك ..

أحيان أفكر اجيك بس اشوفك لودقيقة وارجع لشغلي اللي ينتظرني كل صباح ..


بس ياحبيبة قلبي مومعنى اني صرت بعيد عنك هذي الفتره يعني خلاص تحبيني غيري ..


صح ان راح أتزوج بس مومعناه اني بنساك ..


انتي بالقلب دايم انتي لي احلى ملاك ..


حتى وان تزوجت راح ابقى مثل ما انا ..


ببقى أحبك وأشتاقلك


ببقى مثل ماعودتك أحتفل معيد ميلادك ..


ومثل ما أنا ببقى أهديك الهدايا ..


مع كل شهر اجيك وانا جايب لك كل شي بخاطرك


وكل شي ماخطر على خاطرك راح أجيبه لك ..


بس لجل أشوف ضحكتك لجل أعيش معك فرحتك ..



ومثل ما إحنا خلينا

نفتح الهديه سوا ..

وتاخذينها من بين يديني وتروحين بها بعيد ..

علشان تورينها العالم وكل من حولك ..

ابتسامتك تصرخ ماعندكم مثلها أكيد ..


لعيونك بس أجيب لك العالم كله وألفه وأزينه بأوراق الهدايا

وأقولك تفضلي هذا مايغلى عليك ..



راح أبقى أحبك و أحبك وأحبك


تحياتي : خالك بقايا حب

ربي يحفظك ويسعدك

يابنت اختي








******

من أشوق : بقايا حب

قصة مؤتمر ..!!




صباح الأثنين كان من أقلق صباحاتي ..

استأذنت من الدوام ساعتين أحاول أخلص من مشاغلي

ولكن تعقدت أكثر ..

وجربت أغلب الحلول وكان الحل الأخير اني انزل الشرقية ..

حاولت قد ما أقدر ورجعت الدوام والاتصالات ماتوقفت ابغى حل ..


وانا جالس سألوني الموظفين اللي معي :

عندك شي بكرة ؟

أنا : لا . >> متفائل ان موضوعي بيخلص وما راح انزل الشرقية ..

هم : حلو احنا بنروح المؤتمر بكرة واللي بعده وانت تغطي عملنا ..


: ها !! >>> طيب لو مامشت الأمور مثل ما ابغى !! يعني مستحيييل انزل الشرقية حتى هذا الحل انحرق ..

وبعد ساعتين رجعوا كلموني تعال المكتب بسررررعة نبغاك ..

جيت وانا مستغرب وش السالفة !!

هم : يا أمك داعية لك ولا حماتك تحبك ..

أنا : ههه ان شالله الاثنين بس خير وش صاير .!!

هم : المدير رشحك انت للمؤتمر من بينا احنا الاربعة ..

بيني وبين نفسي : بصراحة انا أصلا ماطلبت أروح يعني ودي وماودي ..

أنا : مدري عطوني فرصة أفكر ..

هم : اسمع وش يقول !! تفكر كل واحد منا يتمنى يحضر وانت تقول أفكر !!

أنا : طبعاً لازم أفكر >>> بصراحة متورط وأخاف أسحب عليهم وعلى ومؤتمرهم وانزل الشرقية بس مابينت هالشي ..

وبعد نص ساعة انحلت الأمور وارتحت مافي نزول للشرقية .. الحين تعال يالمؤتمر اشوف وش سالفتك انت الثاني ..

خلصت الأوراق والموظفين يوصوني جيب لنا كل اللي تقدر عليه معلومات ووو

أما المدير : لاتنسى تسوي تقرير كامل عن المؤتمر وش اللي صار فيه ..

أنا : أوكي لاتوصون ..



***

رحت للمؤتمر بدري ..

طبعا انى كنت اتمنى محاضرة دورة ندوة بس مؤتمر مرة وحدة ياسلام ..


دخلت القاعة ياهوو زحمة










جلست والحمدلله كان جنبي أخصائي نفسي صديقي بس بعد المؤتمر أعتقد إنه ماراح يسلم علي مرة ثانية ...

والله نشبت بحلقه ,, اقولكم ليه ..


جلست طبعا المحاضر بريطاني ..

جلس يبربر ويبربر وانا انتظر و انتظر

طبعا انتظر الترجمة ..


صح اعرف انجليزي لكن موكذا هذا سالفته طويلة ماتلحق معه ..

والأكثر من كذا مؤتمر طبي !!!

طيب وش عرفني


علشان كذا نشبت بحلق صديقي >>> يلا ترجم وش يقول ذا ؟؟

طيب انا فهمت كذا وكذا صح هذا هو الموضوع ؟ >>> طبعا لا .

طيب هالمرض اللي يتكلم عنه وشو ؟؟


ومن هذي الأسئلة ..


بعد ما حسيت ان الرجال مو عارف يركز قلت مالك الا حل واحد ..


ورقة وقلم وانقل من السبورة >>> ورانا تقرير وناس تنتظر .


وبعدين الحل هذا مجرب من ايام الدراسة .. وناجح مية المية ..

وبما أن كل اللي مكتوب انجليزي ..

علشان كذا اكتب الحين وبعدين استعين بصديقي الثاني ..













لكن اعتقد الحل هذا فشل ..

لأن البريطاني ماينتظرك الين تخلص مثل مدرسينا .. على طووول يحط شي جديد ..


خلاص انا دخت ماني فاهم شي انجليزي x انجليزي

حتى السعوديين مايتكلمون سعودي ..



نسيت نفسي والتفت على صديقي وكأني في استراحه

وقلت : مافي فطور !!











والحمدلله فطرنا ..


ورجعنا للمؤتمر .. وكنت متفائل ان العرب بيتكلمون

ولكن الجماعة فاهمين علشان كذا عطو المحاضر الكندي فرصة يطقطق علينا ..


وخلصنا وانا تيتي تيتي مافهمت شي ..


تغدينا >> صراحة الأكل هو الشي الوحيد اللي فهمته بهذا المؤتمر ..


ورجعنا وانا دااايخ ليتني ماجيت ..


وبدى صديقي الوفي ينادي >> ماهو صديقي الاول ولا الثاني صديق قديم من ايام الطفولة ..



هذا صديقي















الله يعين بكرة يوم ثاني من المؤتمر الورطة ..

يارب ما أتجنن وسهلها بالتقرير اللي مدري وش بكتب فيه ..


****

من أول مؤتمرات : بقايا حب