كيف تكون داشراً ..قصدي ناجحاً (فيس يضحك )

ناجحاً , تكون , يضحك , داشراً , كيف , فيس , قصدي

كيف تكون داشراً ..قصدي ناجحاً (فيس يضحك )

لاحظت ان العيال واجدين اللي يدرسون ,,بس السؤال وشوله يدرسون ؟؟
يعني بالعقل أوباما هاللي صار رئيس امريكا .. تتوقعون انه قد درس كتبكم ؟؟
ولا قد شافها


طيب كرستيانو رونالدو -وانتم بكرامه - اللي أخذ أكبر صفقة بالتاريخ
قد درس كتابنا الجغرافيا ولا التاريخ .. ولا قد درس الأدب العربي والنصوص ؟؟


و(رساوي برساوي) هاللي تشوفونه ..تتوقعون انه درس مثل دروسكم ؟؟لا والله تبطون عظم يدرس مثلكم


وأوباما و(رساوي برساوي) وكرستيانو ناجحين بمجالاتهم


وانتم اذا بتصيرون ناجحين لازم تقتدون بالناجحين
عشان تسذا لحد يفتح دروسه بعد اليوم


وانا ابعطيكم عدة طرق للتلهي عن الدراسه
وانصحكم باتباعها وعدم تفويت أي خطوة


وعلى قولة المثل.. طريق الألف ميل يبدأ بخطوة << ماله دخل بس عشان به كلمة خطوة


الأولى : التغذيه مهمه في حياة الإنسان
لذلك اذا جلست مع أهلك على العشاء ولا الغداء لاتقوم الا بعد ساعه ونص
ترا ان قمت بدري يمكن يجيك نقص تغذيه ثمن تمرض علينا .. وش بتنفعك دراستك اذا مرضت ؟ :d




ثاني شي : الرياضه وما أدراك مالرياضه
البدن يحتاج الى ممارسة الرياضه يوميا والا يصاب بالسمنه والأمراض والبلاوي
لذلك اذا رحت تصلي
شف لك أبعد طريق واللي ياخذ وقت طويل .. عشان صحتك طبعاَ
اذا كنت جالس تذاكر وسمعت اخوك يطقطق بالكورة,, اطلع العب معه
منها تمارس الرياضه وتزيد صحتك , ومنها تونس أخوك وتاخذ أجره


ثالث شي : السنن الرواتب
هذي اللي مايحتاج اوصيكم عليها.. ومايخفاكم أجرها
لذلك احرصوا عليها كلها ولا تفوتون ولا سنه
طبعا خلو هدفكم الأجر مهب عشان الدراسه ولا شي
ولاتنسون صلاة الوتر
طبعا الأفضل انها تصلى بالثلث الأخير من الليل
وفيه ناس يصلونها بعد العشاء وهذا يجوز
لكن انت احرص على الأجرين
اذا جاء بعد العشاء صل عشر ركعات
ثمن اذا قمت بتراجع قبل الفجر صل لك 11 ركعه أو 13
وأول مايذن الفجر أطلع للمسجد أكثر للأجر :d



رابع شي : قضاء حوائج الأهل
اذا أخوك الصغير يبي حلاوه ولا شي احرص انك تلبي طلبه
اطلع للبقاله وجب اللي يبي .. أخوك سندك ,, أهم من الدراسه


خامس شي : العبادات وقراءة القرآن
وهذي ان شاء الله انكم تحرصون عليها
لكن اللي مايحرص عليها لا أوصيه بأيام الاختبارات
ولاينسى أذكار الصباح والمساء والخروج من المنزل وركوب السيارة
وكل الأدعيه
واحرص انك تاخذ الأدعيه الطويله أكثر للأجر


سادس شي : لا تضع جدول لتنظيم وقتك ودراستك
التخطيط للجدول وكتابته تضيع عليك وقت ماكان المفروض تضيعه
خل وقتك بدون تنظيم أحسن لك


سابع شي : صلة الرحم
وطبعا غير متوقع ان العمان والعمات والخوال والخالات بيستقبلون زياراتك بالاختبارات
لذلك دور لك ولد عم ولا ولد خال داج مهب راعي دراسه واحرص انك تصل الرحم معه


ثامن شيء : كل يوم اذا طلعت من اختبارك اذا رحت للبيت لا تبدا تدرس على طول
احرص انك تراجع اختبارك اللي قبل وتراجع اجاباتك .. عشان تعرف انت مجاوب ولا لا


تاسع شي : يجب انك تريح عيونك من الدراسه بمشاهدة التلفاز ودخول النت
خاصه الأخبار لا تفوتك ولا نشرة اخباريه
والله الله بالنشره الجويه ياشباب .. اذكر ماكانت تزين واحرص على الامطار ودرجات الحراره الا بالاختبارات


العاشره والأخيره : النوم المبكر
من أهم أسباب إبعاد القلق والإرهاق بالاختبار
وسبب من اسباب التركيز بالاختبار (هذا اذا صار عندك معلومات )



عموما هذي العشر خطوات لو اتبعتها ممكن يبقالك ساعه وشوي للدراسه
والظاهر علي بن ابي طالب يقول "ساعة وساعه"
يعني هالساعه اللي بقت للدراسه اقسمها نص ساعه دراسه والنص الثاني بلاي ستيشن


يعني اذا مشيت على نصايحي بهالموضوع أنا أضمن لك تصير ناجح "باللعب والدجه"
وأضمن لك شهادتك كلها بتصير مطبوعه بخط أحمر .. والأحمر هو لون الحب
وأضمن لك ماعاد يتلفظ عليك ولا واحد بفصلك << لأنك بتسقط وتصير أكبر واحد بالفصل محد يهرج عليك



هذي نصايحي اللي ما أتمنى تمشون عليها عشان ما تنجحون و لا تاخذون من المراتب الأولى على الصف



واعذروني على اني كثرت الكلام


واعتذر ان موضوعي موجه للشباب
لأنه بصراحة البنات دوافيييير الله لايضرهن
وماينفع معهن نصح الله يهديهن بس يعني الدوفره تمشي بعروقهن نصحتهن ولا مانصحتهن

تحياتي لكم

الموضوع الأصلي: كيف تكون داشراً ..قصدي ناجحاً (فيس يضحك ) || الكاتب: شيخ بإحساسه وذوقه || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

ههههههههههههههههه انا لو اذاكر منا الى السنه الجايه مافهمت خخخخخخخخخ

يمدحون الغش والبراشيم هههههههههههههههه

يسلموووووو عاشق على الفرفشه الحلوه

تحياتي لك،،،،،

هههههههههههههههههههههه عز الله راح الوقت عليه

وانت قناص عاد ما يحتاج لو تعطي دروس خصوصية في البراشيم والغش تصير تاجر من وراها

هههههههههههههههههههههههههههههههههههه

يعافيك ربي أخي [[ عاشق هواها ]]


تحياتي لك

ههههههههههههههههههههه

وربي صدق ماعندكم غير البراشيم


اما احنا ياااربي يسعدنا ماعندنا هالسواليف


يسلمو عاشق ع الفرفشه الحلوه

تقبل تواجدي

يسلموووووووو على مروركم الرائع

صدقت يا القناص مالها الا البراشيم ههههههههههههههههه

والله ياعاشق إني قريت أمس فرفشتك هذي وأنا كنت دايخ فيني النوم وجيت برد قلت ياولد خلني لين استوعبها ..
الله يوسع صدرك مثل ماوسعت صدري وتقبل تواجدي

ربي يوسع صدرك طول عمرك

تسلم اخوي على مرورك الحلو

والله غشاشين من يطلعوووووووووووا من بطن امهم

انا نفسي اعرف كيف يغشوووووووووا مايخافووا مايتفشلووووووووووووووا

يسلموووووووووووووووووووووووووووووووووووووووووووووو و

ع النصايح بحاول انقلها عنك هههههههههههههههههههههههههههههههههههههههههههههههههه هههههههههههههه

يسلموووووووو غيبتك على مرورك

لا تقولي ما عمرك غشيتي ههههههههههههههه

هههههههههههههههههههههههههاا

موضوع مغبر بس لافت انتباهي

طيب طيب ياعشووق كلهم يقولوو عشووق لبى النك ذاا



غشاااش وتعترف بعد

ههههههههههههههههههههههههااا