السعودية

السعودية

السعودية

السلام عليكم ورحمة الله وبركاته

(( اكلّم من السعودية ))


رفعت سماعة الهاتف و جاني الصوت منه يقول
بغيت فلان الفلاني ... يا اختي بسرعة شويّه !


أنا احاول ولي فترة و رقمه دايمن مفصول
يا ليتك لو تكرمتي تجيبين الرقم ليّه


على صوته تخايل لي شكل حلمي وصوت خيول
عجزت ارد انا و أقول دقيقة اصبر عليّه


طرى لي من نسى حبٍ يصول بخاطري ويجول
هذاك اللي له بقلبي غلا واشواق مخفيه


وضاع الفكر لحظتها و تشتت عقلي المشغول
طلبنا فزعته ولكن تجاهل طلبتي وعيّا


دخيل الله يا قلبي ترفّق .. والله مو معقول
تذكرني على صوته بقصة حب منسيّه !


بدمعي وعبرتي و خوفي وحزني وحلمي المقتول
تذكرني بهم يا قلب وتطري لي مآسيّه


سلامي لدار يسكنها حبيبٍ لو جفاه يطول
بتبقى له معاني الحب مشاعر صدق عفويّه


مشاعر صافيه مني ولا فيها قصد مجهول
مشاعر واضحة بقلبٍ به الآلام حصريّه


مشاعر ما يخالطها شكوك ولا حكي مقيول
ولا اقبل من طعن فيها ولا فـ قلبي ولا فيّه


اعرف الصح والغلطة واعرف إني بعد مسئول
و أنا مالي بحب خبال ولا لي عالخطا نيّه


مع إني ما أبي غيره ولا لغيره في قلبي ميول
رضيت .. وشكوتي لله ولا في شي بايديّه


رضيت بقسمته ربي وكل مكتوب لي مقبول
و عسى ربي يسامحني على كل زلّة و سيّه


سمعت الصوت يرجع لي سمعته ثاني و هو يقول
تراني فلان الفلاني ... واكلّم من السعوديّة

الموضوع الأصلي: السعودية || الكاتب: عِطْرُكِ أَنْفَاسي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

سمعت الصوت يرجع لي سمعته ثاني و هو يقول
تراني فلان الفلاني ... واكلّم من السعوديّة


طرح راقي وجميل
تقبل مروري

مشكوور على الرد