رومانسيات اجدادنا .. وهـ بس ياحبيلهم يهبلون (( وبالصور ))

وهـ , وبالصور , اجدادنا , بس , يهبلون , ياحبيلهم , رومانسيات

رومانسيات اجدادنا .. وهـ بس ياحبيلهم يهبلون (( وبالصور ))

رومانسيات اجدادنا .. وهـ بس ياحبي لهم يهبلون (( وبالصور ))


.
(( رومانسيات الاولين ))


.

.
.
ياحبي لهم ورومانسياتهم
صح انه بسيطه لكن بااخلاص وبدون تصنع على الفطره بكل مافيها من طبيعه وبراءه
تكشخ ام صالح لابو صالح وتلبس له ذاق المقطع السنع ( مقطع يعني فستان بوقتهم ) طبعا من صلاة الفجر وهي مرتزه لابو صالح
.

.
.

تحمس القهوه وتشب الضو ( النار ) في بيتهم الطين صح طين بس ونيس ومجهزه فطوره طبعا وقتها الفطور خبز وشاهي ولا روب من بقرتهم
الله يحفظها اللي اخذتن نص البيت تقديرا واحتراما لها لانها هي راس المال :cow_mooing_md_wht:

.
يجي ابو صالح من المسجد الفجر وتهلي فيه ام صالح ياهلا بخلف امي وابوي وشلونك عساك طيب
يرد ابو صالح الله يسلمتس ام صالح حمدلله بخير مادام اني اشوفتس فاانا بخير
ماشاء الله وش عندتس اليوم متزينه لابستن مقطعن جديد
ترد ام صالح بكل عفويه وحياء ابد يابو صالح قلت اوريك هالثوب توي شاريته بس وش رايك يهبل علي ؟
يرد ابو صالح : اي والله ماشاء الله انتي نور بيتنا يام صالح وش حنا بدونتس انتي كل شي

يتقهوون وتصب له ويضحكون بكل طيبه وعفويه ويقوم ابو صالح يالله انا بروح ادور رزقي مسكين وقتها ام فلاح ولا حمال ولا صبي
يعني راضين بحياتهم واللي ربي كاتب لهم
ام صالح : وش تبي اسوي لك غداء يابو صالح ؟
طبعا هي تخطط لليل من الصبح وانتم عارفين وش اقصد
يرد ابو صالح : اللي تبين يام صالح رزيزه <<< يعني رز ولا مريقيقه <<< يعني رز ولا مطيزيزات <<< يعني مطازيز
اي سم ابشر الله يستر عليك وترجع لنا سالم
يطلع ابو صالح ورى رزقه عاد هو وحظه يلقى ولا يجي يسحب رجليه وام صالح في بيت الطين لحالها لاحنيس ولاونيس وخوف لاامن ولا امان
ولا كهرباء ولا اتصالات بس يجمعهم حب عذري طاهر مهوب حب اليوم الله يخلف تحبك اسبوع وتمل وتدور غيرك
يجي ابو صالح بعز القوايل حر وحاله وام صالح مجهزه له غداه يتغدى وينام تحت رحمة الله لامكيفات ولا مراوح وراضين مايتشكون
الحين لو يطفى الكهرب خمس دقايق طفشت وقالت بموت مقدر اتحمل مافيه صبر ولا عزيمه ولا تحمل ولا تقدير ظروف
.
.
يجي بالليل وترقى للسطح ام صالح او ( الطايه ) على قولتهم <<< نرقى يعني تطلع وتفرش فراش ابو صالح عشان يبرد وتطيبه وتبخره عاد وش بخورهم هاك الوقت ( جاوني ) حق الجن بس على قدهم
ياحبيلهم والله من يحصل عود بخور بوقتهم
طبعا زي ماقلت لكم مخططه من الصبح لهالوقت وحاسبه له حساب
من الصبح وهي تحط ديرم على براطمها ( الديرم ) روج الاولين
.
.
وكحل القديم الحجري هذاك اللي اذا حطته شوي ويقوم يصب على وجهها وتصير توحش وحركات ياحليلهم
.
.

.
.
تناديه ابو صالح ترى فراشك مفروش تسان تبي تنام وهي مستانسه وقتها
يجي ابو صالح ويطيح بفراشه وتغطيه بالشرشف عاد الحين يبدأ تميلح العجوز ماتدري وش تسوي
تبي شي يابو صالح قبل اروح ؟ يرد على نياته .. هاه لامابي تبين تنامين انتي ؟ ايه بنام وش اسوي ودي اسولف معك بس اخاف انك تعيبان
وماتقدر <<< بدت تخش بالعميق
ابوصالح : تعالي وش رايتس تنامين بجنبي اليوم <<< على نياتهم يلمح
تدخل ام صالح معه بالفراش ويتغطون سوا وماتسمع الا ضحكهم لا يشوفون شي ظلام وكل واحد لابس ثوبه شوي وهم خالصين
وتقوم ام صالح من فجر الله مهبب ريحها ابو صالح البارجه وهي تضحك ومزينه فطوره واذا شافته هلا ابونا هلا بزين الرجال
جلس وقامو يتقهوون بكل براءه
الله ع حياتهم طيبه وبراءه مافيه تشكي ولا زوجي سوا ولا راح ولا مايسوي لي ولا ماعطاني فلوس ولا ماسافر بي
ولا ماوداني للمول الفلاني او شرى لي بلاك بيري او لاب توب
المقصد من الموضوع حبايبي اننا نعيش حياتنا بدون تكلف نعيشها حسب ظروفنا ومانكلف الزوج فوق طاقنه
الحياة مو فلوس الحياة تفاهم وحب وموده وتألف بين روحين وصدقو لو تألفتو حياتكم بتكون روعه وتعيشونها زي الاحلام المهم تتفاهمون تقدرون بعضكم كل واحد يسمع للثاني يحترم رأيه معاناته طلباته
الحياة الزوجيه مهوب للتفريخ والولاده بزر ورا بزر كننا ارانب وبالاخير مانعرف كيف نربيهم التربيه الصحيحه اوحتى نحسسهم بالحنان والحب والدفْ
وبس

الموضوع الأصلي: رومانسيات اجدادنا .. وهـ بس ياحبيلهم يهبلون (( وبالصور )) || الكاتب: يوسفية الملامح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

الحمدلله على كل حال

يعطيك االف عافيه

تسلم يدك كرح مميز

تحياتي للجميع

يارومانسيتهم وحياتهم لبعض مافيها غش وخداع

مشكورة على الطرح النايس

يوسيفيه
لقد طرحتي فاابداعتي
وليس غريب عليك الابداع والتمييز
اه بس يازين زمانهم يكفي انه خالي من النفاق والكذب
كان كل واحد قلبه مشغول على الثاني
واحلي شئ بحياتهم انه كل افعلهم على الفطرة
يعني بدون غش او تمثيل
نصيحه للجميع
اللي الحين في بيته جد او جده انصحه يجلس ويسوالف معهم كثير
صدقوني راح يستفيد من الجلوس معهم
طرح استمتعت بتواجدي به
سلمت اناملك الذهبيه
ودمتي كما تحبين
مر من هنا
تعلمت ارسم الفرحه
مر من هنا

اه بس يازمن اول وربي احيانا
اتمنى لو اكون عايشة بوقتهم
يعرفون معنى كلمة وفاء مو مثل
البعض في زمنا هذا
مشكورة يوسفية ع الطرح الرائع
لاعدمناك

بعد التكحيل فالمؤضؤع تذكرتك يا جدي يالله انك ترحمه مع اني ما اذكر شكله بس ابوي كفا في وصفه

طرح مميز يعطيك الف عافيه

صح انه بسيطه لكن بااخلاص وبدون تصنع على الفطره بكل مافيها من طبيعه وبراءه

إألله إألله إألله ع حيإأتهم إألقديمه ,, ؤفإأءء إأخلإأص مإأكؤؤ خيإأنه ؤ لإأ لعب ؤ فيهإأ تضحيه ..
زمإأننإأ ~} ربي يستر ..

ؤ يسسعدكٍٍ ربي يؤؤسفيه ع نثر إألؤصيه لنإأ ,, إألي ربي كتبه لك عيششه لإأن ربي إأدرى فيك ؤ مصلحتك ؤ إأيإأك ؤإألتؤبيخ ..

كل ألؤد ؤ إألؤرد ؤ إألإأمتنإن لسمؤؤكٍٍ |~

دعإأني ألشؤؤق|~

ياهلا فييكم نورتوا متصفحي فديتكم