انتي هوا بالي

هوا , انتي , بالي

انتي هوا بالي

يابنت قلبي بالهوا مولعن فيك
وحبّك بنى بالقلب قصر وعماره

جاهل وتلعبّي واناقول وشفيك
وتسقيني من حبّك بكاس المراره

تغضي بعينك ثم تشّر بياديك
جمعت خفّت دم معها عياره

ان كان ماجيتي فنا لازم اجيك
هذا جواب القلب وهذا قراره

انتي هوا بالي وبالحب شاريك
وانتي قمر عمري ادور بمداره

لو دلّهوني عنك مانيب ناسيك
اموت لامنّي سمعت اسم ساره

مالك شبيهن بالخلايق يساويك
حتّى القمر لابنت غيّر مساره

ياحظ منهو حط ايدينه بياديك
وياحظ منهو صرتي عنده بداره

يابنت خوفي بي من اللي مسوّيك
اللي جعل للخلق جنّه وناره

مانيب طمّاعن ولانيب موذيك
ولانيب انا يابنت راعي دشاره

ابيك تسمحلي اجيلك واراعيك
عساي لاشفتك تخف الحراره

اللي بلاني فيك عساه يبليك
وتصير في يدّي سواة السّواره

الموضوع الأصلي: انتي هوا بالي || الكاتب: الحرف العنيد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

تغضي بعينك ثم تشّر بياديك
جمعت خفّت دم معها عياره
وصف رائع لما صدر من الحبيبه
حيث شاركت اهم شئ هو العين مع اشارة اليد
بخفة دم مع اعطاء الامر أكثر مم هو (( عياره ))

وكان أكثر ابياتك وصف رااقي لتلك الحبيبه
لكن شدني هالبيت

اللي بلاني فيك عساه يبليك
وتصير في يدّي سواة السّواره

دلاله على أنه مابيك اكثر بكثير من تلك الحبيبه
وتتمنا أن تكون بيدك مثل السواره
بيت جميل جدآآ

أستمتعت بقرأت ابياتك الشعريه
دامت حروفك تنبض بالاحساس الشاعربقيمة
الحرف حينما ينسج ابيات في الوصف والتشبيه البليغ
تقبل تواجدي هنآآ
تحيااتي لك

ابيات رااائعه

ابدعت في انتقائها

يعطيك الف عافيه

تقبل مروري المتواضع

اسعد الله قلوبكم وامتعها بالخير دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخيروعافيه

ـرغم قسـآو ت تلك المراره
التي يعيشهـآ الشخص .. الا انـ روعتهـآ تفوق كل شيء
قلب صادق حروف ذرفت بحب منهمر
سحابه من الابيات ترانمت على متصفحك
جزيل الشكر على ابداع طرحك
سلمت اناملك
من ابداع الى ابداع
تحياتي واحترامي .~