قصيدة الحب الصادق ..!

الحب , الصادق , قصيدة

قصيدة الحب الصادق ..!

من منا لم يجرب الحب سواء كان حباً فطرياً أو حباً خلقه الزمن ولكن هل يستطيع كل شخص ان يصف حبه بشكله الصحيح
لا أعلم قد يكون هناك من يستطيع وصفه بكلمة او بنظرة أو بإي اسلوب أخر .
واحد جاه مرض وقالواله انه بيموت كتب قصيده لصديقه يقول له فيها انه يحب حبيبته ويريده ان ينسيها اياه .
اقرأ القصيده .... وراح تعرف معنى الحب الصادق....




وصــاتي لك من بعـدي ...... تموت فيها علشاني
ابيهـا تعيـش وتحـيا بك ...... واظل با الذاكره مفقود
وصـاتي لك تنسـيهـــا ...... ملامح وجهي وتنساني
وتعزفهـا قصيده حب...... على عكس اللي عزفته بعود
وصـاتي لك تبـعـدهـا ...... عن اشعاري وقيفاني
تراهـا مغرمه بالحيل ...... ويشهد لي عدد الردود
وصاتي لك تسايرها ...... ترى فيها من احزاني
طلبتك لا يضيق بالك ...... طلبتك والطلب مردود
وصـاتي لك تناديهــا ...... حياتي .عمري .ازماني
انـا عـودتـهـا دايـم ...... ادلعها وانا موجود
وصاتي لك تعاملها ...... بطيبة قلب واحساني
تراها تذرف الدمعه ...... ودمعتها بليا حدود
وصاتي لك تحفظها ...... سور وآيات قرآني
وتخبرها عن الميت ...... رحل لا يمكنه بيعود
وصاتي لك ترسمها ...... على قبري وأكفاني
ابيها لـوحة تبـقــى ...... على طول الزمن محدود
وصاتي لك تمازحها ...... وتشوف الضحكه بأسناني
سعيتك ياضحك هالكون ...... طلبتك لاتصير جلمود
وصاتي لك تقهويها ...... من دلالي وفنجالي
تراها تعشق السمرا ...... ويكفيها دخون العود
وصاتي لك تركبها ...... على خيلي وعلى حصاني
وربي فارسه من قلب ...... شهاده ماهي لشهود
وصاتي لك تسفرها ...... بلاد الشام ولبناني
ترى يحلالها تقطف ...... ورده من بلد الورود
وصاتي لك تراقصها ...... على الحان رحباني
ترى فيها عرق خاله ...... وفيها من جنون السود
وصاتي لك تحببها ...... فأبو نوره بعد هاني
وتنسيها ندم غلطه ...... أنا فيها ترى المقصود
وصاتي لك تكرهه ...... في تاريخي وعنواني
أبيها تلعن اللحظة...... وتلعن كل فرح موعود
وصاتي لك تكلمها......عن المجني وعن الجاني
وتخليني انا الظالم ...... وانا من حرق الاخدود
وصاتي لك تشبهني ...... بـــدم احــمـر قـاني
وانا هالقاتل السفاح ...... مجرم من عصر نمرود
وصاتي لك تحلفها ...... تتوب تحبني ثاني
ترى يكفيها ما عانت ...... ويكفي حيلها مهدود
وصاتي لك تنسيها ...... وصيه قالها لساني
أنا اخبرك رجل موقف ...... وانت قدها وقدود
صديقي ما لقيت غيرك ...... يعرف وشلون تنساني
أمانه ضمها بقلبك .. ترى خالد .. رحل ما يعود

الموضوع الأصلي: قصيدة الحب الصادق ..! || الكاتب: رايق || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

ترى يكفيها ما عانت ...... ويكفي حيلها مهدود

عانقت الابيات معاااني الغياب الاليمه ..

وصايا قاسيه وصعبه ..

طرح بركام الحزن

سلمت لنا

تحيتي

تسلمين يالغالية ابيات جميله ورائعه

تقبلي مروري

الله يسلمكم ويعافيكم اخواتي
عزتي ماهي غرور ، خوفي هزمني
اسعدني مروركم لا خلا ولا عدم
تحياتي لكم

رائع ما خطه حبرك
ونزفه حبرك
دمت بكل الخير
روز

بعد هالقصيده ما اتوقع تنساه
من اجمل ما قرت
مشكور على هيك طرح
تسلم اناملك
لاهنت

الله يعافيكم ويسعدكم
روز ، جود بنت خالد
اسعدني مروركم الرائع لا خلا ولا عدم
تحياتي لكم

رايق


حضور مميز ونص راق لي اكثر


تسلم اخوي على الطرح مع اجمل التحايا

ابيات رووووعه
يعطيك الف عااافيه
دام تالقك وابداعك


تحياتي..

ذوق يا ذوق ..

تسلم يمناك يا الغلا ..

أحترامي لك