آخر 10 مشاركات
|
|
|||||||
|
|
أدوات الموضوع | انواع عرض الموضوع |
01-02-2013, 12:57 PM
|
#11 |
 
|
رد: ®°•.¸. رفضت أسكن صدور الناس،،وجيت أسكن وسط صدرك ®°•.¸~من تأليفي~
الجزء الحادي عشر اليوم رحلة اهل فهد لجده صباح كانت مشغولة تلم اغراضهم بالشنط كانت جالسه وتطبق ملابس انور وانور كان بالحمام يتروش شوي طلع وطالع فيها وهي معطيته ظهرها وتطبق ملابسه مشى لين وصل عندها وجلس وحضنها من وراها هي خافت وشهقت بخفه وهو قال بضحك:انور انور ماعليه ضحكت وقالت:خوفتني ابتسم انور وباسها بخدها وقام من عندها وهو ينشف شعره ويقول:وين ليان صباح:عند ابوي انور وهو يطالع بساعته:ما بقى الا ساعتين ع الرحله يلا بسرعه خلونا نروح لفهد نسلم عليه قبل لا نمشي صباح وهي تقفل شنطته:زين خلاص كل شي جاهز انور لبس ثوبه وقال وهو يزبط الشماغ:يلا يلا البسي عبايتك اخذ الشنط ونزل وحطهم بالسيارة وطلع لقا عمته وعمه نازلين وصباح وراهم وليان مع عمه ابتسم ومد يدينه لليان وهو يقوول:تعالي معااي ابتسمت ليان ومدت له يدينها وهو حملها من عمه ونزلو وراحو للمستشفى بالمستشفى سلمو ع فهد وودعوه وامه جلست معاه اما صباح وانور وابوها راحو للمطار بالمطار كان انور يمشي وهو حامل ليان وبعيد شوي عن عمه اللي كانت صباح تمشي معاه وصباح عيونها ع انور وبالها مشغووول وتقول بخاطرها:انور متغير هالأيام بالحييل وسكتت وكملت بألم:كأنه مودّع ابوها انتبه انها مسرحه وقال وهو يمسك يدها:وش مشغل بال صبوحتي صباح قالت:همم لا ولا شي ابوها:متأكده وضعك مو عاجبني هالأيام صباح صرفت نضراتها وقالت:ابد يبه مافيه الا اللي يسرك ابوها:أكييد صباح:إيه اكييد شوي الا انور يطالع فيهم ويقول:تجلسون هنا باقي نص ساعه ع الرحله صباح استغربت من "تجلسون" وقالت:وانت؟ انور:مشغول شوي وبرجع صباح صارت تطالع فيه بضيق وما ردت وهو مد لها بليان وقال:خذيها واجلسي انت وعمي هنا واذا اعلنو عن رحلتنا دقي علي يمكن اتأخر صباح تنهدت وقالت:زين جلست هي وابوها وابوها شاك بوضعهم حييل مرة مو عاجبه انور راح وهو مو مشغول ولا شي بس حاس نفسه من الضيقه ما عاد يبي يجلس بمكان هي فيه راح وجلس بصالة انتظار ثانيه وصار يستنى الرحله ع احر من الجمر شوي الا جواله يدق طلعه ولقاه ابوه رد:هلا يبه ابوه: هلا بك شلونك يا ولدي انور:تمام والله انتم شلونكم ابوه:والله كلنا بخير الا متى ناوي ترجع؟؟ انور:شوفني بالمطار يبه خلاص راجع ابوه:إيه عشان دوامك اليوم مكلميني انور:زين معليه ابوه:وفهد شلونه عساه بخير انور:بخير والله اليوم سلمنا عليه ويسلم عليك ابوه:الله يسلمك ويسلمه يلا توصلون بالسلامه انور:يلا فمان الله قفل الجوال وحطه بجيبه وسررح صار يقول بخاطره:لمتى علاقتي بصباح بتكون كذا .. والله كل ما اشوفها اتعذذب والله احبها بس مو قادر اصدقها بكل الكلام اللي تقوله لي..احسها تككذب تمثثل ولا بكل المواقف يبان ما تصدق وتززعل مني ع طوول حتى ع المززح ياربييي لمتى والله مليييت من هالحياه غرق بتفكيرة اللي زاد من توتره وشوي الا ويحس بيد ع كتفه لف لقاه عمه وصباح واقفه معاه صباح كانت متضاايقه حييل من حركته انخرش قلبه وما عرف يصرف الوضع اللي هو فيه لكن عمه فهمه وقال وهو مبتسم :انتحرنا بجوالك شفيك ما ترد انور طلع جواله وشاف صدق اكثر من مكالمه لعمه ولصباح وقال وهو يقوم:معليش ما انتبهت عمه:يلا الرحله تلقاهم وصلو جده انور ابتسم وقال:يلا يلا قام ومشى معاهم وطلعو للطياره ومشو لجده ... بجده صباح وانور داخلين بيتهم بعد ما تطمنت ع وضع ابوها واصر عليهم يرجعون لبيتهم ويريحون صباح ما كان ودها ابد من الضيقه اللي فيها بس طاعت ابوها ورجعت انور كان منسدح ع السرير بتعب وليان جنبه ونايمه وصباح كانت جالسه ومسررحه وباينه الضيقه بوجهها شوي طالع فيها انور وقال:شفيك ما فيك نوم؟؟ صباح ما ردت وضلت مسرحه انور سحبها من يدها وقال:ناامي صباح تأخر الوقت صباح فلتت يدها من يده بقوه وقالت بقهر:ما يخصك انور طالع فيها بإستغراب وقال:ليه ما يخصني؟؟ صباح ما ردت عليه ولفت وجهها عنه وهو قال وهو يلف للجهه الثانيه:براحتك دامه ما يخصني صار لاف وجهه ويفكر ويقول بخاطره:اكيد زعلانه من سالفة المطار بس والله كرهتني عيشتي خلااص ملييت دخل بنومه وهي قامت وخرجت من غرفتها وراحت نامت بغرفة ليان ... بعد يومين رحله روان وفهد وسعود وخالد وصلو لجده قبل يوم الحين هم بالطيارة وبطريقهم لجده روان نايمه وفهد بعد ناايم والأمهات بدو يندمجون ويسولفون مع بعض اما احمد حاط شماغه ع وجهه ونايم بعد ما وصلو لجده وبالتحديد بمستشفى الحرس الوطني وحطو روان وفهد بالتنويم ام روان قالت بترافق معاها وام فهد كانت بترافق معاه بس هو رفض واصر عليها انها تروح وترتاح اما احمد ما صدق خبر وراح يكمل نومه بالبيت ... ببيت انور كانت الساعه 4 العصر ومر ع وصولهم لجده 3 ايام وصباح ما تكلم انور وحتى غرفتها هجرتها وصارت تنام بغرفه ليان وكل ما جا بيكلمها ولا يقرب منها تصد عنه انور كان جالس بالصاله وطفشااااان ومتضاااييق وصباح كانت بغرفة ليان وليان معاها انور صار يقول بخاطره بضييق:ياربي وش هالحاله ملل وضييق ونكد والله لو اموت ولا اتعذب مليون مرة اريح لي من هالعيشه قام وهو يتأفف ويقول:خلني اشوف حل ما يصير نجلس كذا مشى لين وصل لباب غرفة ليان ووقف وصار يسممع صوت صباح كانت تغني لليان وتلاعبها وليان كانت تضحك فتح الباب ودخل وقفل وراه وصباح طالعت فيه ورجعت تلاعب ليان ولا كأنه دخل جلس ع طرف السرير بجنب صباح وصار يطالع فيها وسااكت وباين انه متضاايق حيييل شوي ليان طالعت فيه ومدت له يدينها وهي تقول:بااباا ابتسم بدون نفس وحملها وخلها بحضنه ولف وطالع بصباح وقال بضيق:عاجبك وضعنا كذا ؟! صباح تنهدت وسندت ضهرها وقالت وهي تلف وجهها عنه:اسأل نفسك هالسؤال تنرفز انور وحط ليان بالأرض ومسك دقن صباح ولف وجهها عليه وقال وهو متنرفز :زين سألت نفسي موعاجبني ابد ومررة ما فيني اكممل حياتي بهالطريقه اببد ملييييت من هالعيشه صباح فكت يده من دقنها وقالت بحزن:انت اللي تغيرت وكل تصرفاتك صارت تضايقني انور بقهر:إيه ما صرت اعجبك اصلا من اول موعاجـ... قاطعته صباح وقالت:مو ذا قصدي وكملت ودموعها بعيونها:انور والله بعد انا ملييت خلااص كثثرت جروحك ما عاد اتحمل اكثر انور قال وهو يقوم بقهر وعصبيه:جروحي كثرت هه صباح مو علي هالكلام سكت شوي وطالع فيها وقال بألم:الواحد يقول ع الجرح جرح اذا جا من انسان يحبه وما اضن هالشي ينطبق علييك انتي ما بقلبك أي شعوور تجاهي لا تكذبين علي وع نفسسك صباح نزلت دموعها بقهر وقالت:انور والله احــبـــ.. انور قاطعها بعصبيه وبصوت عاالي: قلت لا تكذبين علي اصلا ... سكت ولف وجهه عنها وصار يبي يهدي نفسه طالع بليان الي كانت مصدومه من صراخهم وخايفه وشاده ع لعبتها ودموعها بعيونها ولف وجهه بقهر وألم ع صباح وقال:علاقتنا من اولها غلط .. قلت بتتحسن بوجود ليان لكن زادت نكد وقهر .. صباح صارت دموعها تنزل وتذكرة كلامها له بأول ليله وانقهرت زيااده جات بتتكلم بس سبقها وقال بألم:أنـــتـــي طـــالــــق صباح طالعت فيه ولا شعوريا صرخت وقالت بألم:ليييييييييييه .. ليييه تبعدني عنك انور عض ع شفاته ودموعه بعيونه وخرج من الغرفه وخرج من البيت كلله اما صباح صارت كاتمه راسها بوساده ليان وتبكي بقهههر وليان صارت تبكي وخاايفه وتنادي امها ... ببيت ابو فهد ابو فهد كان جالس هو وزوجته ويسولفوون عن فهد وعمليته ام فهد:والله مو عشان شي بس كنت خايفه عليه ابو فهد:الحمد لله هو بخير والبنت بخير ام فهد:الحممد لله لو تشوف فرحة امها شلون الحمد لله اللي فرح قلبها ابتسم ابو فهد وقال:الحمد لله الله لا يغير عليهم ويحفظها لهم ويبعد عنها كل مكروه سكتو شوي يتقهوون وقال ابو فهد:اخوي اليوم مكلمني يتطمن ام فهد:كيفه وكيف اهله<<ابو نورة ابو فهد بضيق:يززقح هو واهله ما عليهم خلاف ام فهد فهمت ضيقته بس ما عبرتها لأنها ما تشوف ان فيه شي يضيقه بس هو ما يطييق اهل اخووه لا بناته ولا اولاده وبالذاات نورة كملو قهوتهم وراح ابو فهد لصلاة المغررب ... ببيت انور دخل انور البيت و صدره ضااايق حيييل وجا يبي يطلع لغرفته وشاف نور غرفة ليان مفتوح تنهد وقال:ياربي ما راحت لأهلها ؟؟ فتح الباب وشافها جالسه وليان بحضنها وهي ضامتها وتششهق استند ع الباب وتنهد وقال وهو عاقد حواجبه:قومي لمي اغراضك صباح سمعته وحسست بقهر فضيييع مسحت دموعها ومسكت نفسها من البكا وقامت ودخلت غرفتها وهو جلس بالصاله يستناها تخلص هي بغرفتها وترمي ملابسها بقههر في الشنطه طالعت بالدولاب واخذت كل شي لها شوي فتحت دولاب ليان وطالعت بملابسها وهي ما تدري بيخليها تاخذها ولا شلون شوي حطت ملابس ليان بالشنطه قفلت شنطتها وقامت لبست عبايتها واخذت ليان وغيرت ملابسها وحضنتها وصارت تطالع بغرفتها ودموعها تننزل مسحت دموعها وجات عينها ع دبلتها اللي بيدها فسختها وحطتها ع الكومدينا وحملت ليان وسحبت شنطتها وطلعت طالع فيها انور وطالع بليان وعرف انه يمكن تكون ذي اخر مرة يشوف صباح فيها تنهد بضيق وقال:أوديك؟؟ صباح وهي تنزل الدرج:مشكور نزلت الدرج وجلست بالصاله اللي تحت وطلعت جوالها ودقت ع ابوها ويدينها ترتجف من التوتر شوي رد ابوها اللي كان دوبه طالع من المسجد:هلا والله بصبوحه صباح بصوت كله حزن:هلابك يبه معليش يبه تقدر تمرني ابوها استغرب من نبرة صوتها وقال:ايه من عيوني الحين اجيك صباح:تسلم يبه مع السلامه ابوها:مع السلامه قفل منها وركب سيارته وهو عاقد حواجبه ويقول:يارب اجعله خير وصل عند بيت انور ونغم لها وهي ع طول طلعت انتبه ان سيارة انور موجوده وزاد قلقه يوم شاف معاها شنطه كبيره نزل وحط الشنطه بالسيارة ركبت صباح السيارة وهي ماسكه نفسها بالحيييل وضامه ليان اللي نامت من كثر ما بكت لصدرها ابوها ركب ومشى بالسيارة من دون ما يتكلم بس كان قلقاان حييل وباين عليه شوي ما قدر يمنع نفسه وقال:شفيك يابنتي صباح ما كانت تبي يسألها ابد وسكتت ما ردت زاد قلق ابوها وقال:صباح ردي علي صباح وهي تشد ع ليان قالت بتوتر:ااننوور طلققني ونزلت دموعها ع طول وصارت تشههق ابوها زادت نبضاته وقال بصدمه:طلقك!! طالع فيها وهي كانت متأزمه حييل وحن عليها وقال وهو يمسك يدها:بس صبوحه نوصل البيت وافهم منك كل شي لا تضغطين ع نفسك صباح مسكت دموعها وصارت شاده ع يد ابوها وعاضه ع شفاتها بقههر وصلو للبيت ونزلت صباح ونزل ابوها ونزّل الشنطه وهم داخلين للبيت استقبلتهم ام فهد واستغربت من ملامح صباح وملامح أبوها والشنطة !! طالعت بصباح وجات بتتكلم بس ابو فهد اشر لها انها تسكت وسكتت وصباح ع طول طلعت لغرفتها وحطت ليان ع السرير ورمت نفسها ع السرير وصارت تبكي بألم بالصاله امها تطالع بأبوها وتقول بصدمه:شفيها؟؟ ابوفهد وهو يرمي شماغه ع الكنب بضيق:انور طلقها ام فهد حست برجولها ما تحملها وجلست ع الكنب بصدمه وقالت:طلقها!! لييه ابو فهد:مادري علمي علمك خليها تهدى وبنعرف كل شي سكتت ام فهد وحطت يدينها ع راسها بضيق وقالت:ياربيييي ... صباح جالسه ع سريرها وتفكر بحياتها وتقول بخاطرها:خلااص انتهى كل شي الحين طلقني وارتاح لفت وطالعت بليان وحسست بقهر يوم شافه ملامحها الطفوليه ودمعتها ما جفت تذكرة شكلها وهي تبكي بعد ما خرج ابوها ونزلت دموعها وقالت بخاطرها:الحين شلون بتعيش ليان مسحت دموعها وصارت تحاول تقوي نفسها وما تضعف اببد شوي الا الباب يدق قالت:هممم فتحت امها الباب ودخلت وبيدها كاسة عصير وقالت وهي تجلس ع طرف السرير وتعطيها العصير:عسى ما شر يابنتي ابتسمت صباح بدون نفس وقالت وهي تاخذ العصير:الشر ما يجيك يمه امها:وش صار عليكم صباح تنهدت وقالت:مثل ما قلتي لي اول صار اللي توقعتيه <<تقصد كلام امها لها يوم عرفت باللي سوته صباح بأول ليله>> تنهدت امها وجلست وقالت:وهو مالقى حل غير الطلاق صباح تضايقت وقالت:خلااص هذا المكتوب يمه تنهدت امها وقالت:وانتي مقتنعه فيه صباح بغصه:وش تبيني اسوي عجزنا نتفاهم وقام طلقني امها:طلقك بالثلاث؟! صباح:لا وحده وخرج من البيت شوي رجع وقال لي لمي اغراضك امها تنهدت وطالعت بليان النايمه وقالت:وذي وش بلاها صباح ابتسمت بحزن ومسحت ع شعر ليان وقالت:تعبت من بكاها ونامت امها وهي تقوم من عندها:الله يهديك يا بنتي صباح:وش اخبارك فهد وروان امها:بخير يزقحوون صباح تنهدت وقالت بصوت واطي:عساه دوم يارب الله لا يغير عليهم ورجعت بسرحانها ... عند انور بعد ما خرجت دخل الغرفه وصار واقف عند بابها وقال وهو يروح للصاله بقهر:حتى هالغرفه كرهتها انسدح بالصاله ع الكنب وصار حاط يدينه ع راسه بضييق وقال:حتى بعد ما طلقتها مو مرتاح ابي افهم وش اللي يريحني نزلت دموعه وهو يتذكر ليلتهم الأولى وكلامها يوم طلقها وقال وهو يبتسم بسخريه:يلعن ام التناقض بأول ليله تقول مجبورة عليك ومابيك ويوم طلقتها تقول ليه تبعدني عنك وش اصدق بالله اتعبه تفكيرة وهواجسه لين دخل بنومه ... باليوم الثاني الساعه 3 العصر خالد كان جالس هو وسعود بالحوش ويشربون الشاهي سعود:هاه شلون دوامك خالد بضحك:ما صدقو اني جيت السكرتير اول ما شافني قام يزغرط ههههههههه سعود:هههههههههه واحمد ما سوو له شي خالد:الا شلون هو المدير والله شوي ويذبحون خرفانهم سعود:ههههههههه والله انكم مهابييل يلعن ابوها من شركه هههههه الموضفين ومديرهم بعد مراجيج خالد:هههههههههه وانت وش صار ع الجامعه سعود بضحك:انتو زغرطو لكم اما انا اكلت تهزيئات من كل الدكاترة وعاد تعال اقنعهم بضروفك مافي اممل جدولي انضغغط بزيااده الله يعينني خالد:الحمد لله اني موضضف سعود وهو يشرب الشاهي:إلا شلونك مع مرتك وزواجك اللي بعد سنه خالد ابتسم وتذكر كلام روان له وهم بالرياض وقال:ماشي الحاال سعود بضحك:زين قبل لا تتزوج لازم تزكي ع اريج خالد بإستغراب:ليه سعود:حال عليها الحول وذا من شروط الزكاه ههههههههههه خالد ضحك وقال:ليه ذهب ولا فضه سعود طالع بخالد وقال:تقدر تنكر؟؟ ابتسم خالد وقال بضحك:لا ابد ههههههه سعود بضحك:آآآآه الله يرزقنا من فضله خالد بضحك وهو يرفع يدينه للسماء:اللهم تققبببل سكتو شوي وطالع خالد بجواله وقال وهو يقوم وياخذه:يلا انا بروح سعود:ويين خالد:للحبييبه بغيت شي؟؟ سعود يعني انه استحى وقال:لا الله يستر عليك ضحك خالد وخرج من البيت وركب لسيارته وهو بالسيارة مسك جواله ودق ع اريج وصار يستناها ترد اريج كانت مندمجه بسوالفها مع ريم شوي لفت وطالعت بجوالها واخذته وقالت بقهر وهي تقفل:أوووف ريم:مين؟ اريج:خالد ريم:ليه تقفلي طيب اريج:كيفي يلا بس خليني اكمل لك وكملت لها السالفه شوي الا توصلها رساله من خالد انتبهت للجوال و فتحتها وكان مكتوب فيها"ارييج انا جاااي اباخذك ونططلع تجهزي" تأففت اريج وارسلت"ماني طالعه معاك لا تتعب نفسك وتجي" خالد ارسل"ما شاورتك انا قلت بجي يعني بجي يلا بس تجهزي" قرتها اريج وطنشت وكملت سوالفها مع ريم وهم مندمجين بالسوالف الا ابوها دخل وهو يضحك ويقول:ريموووه اقلبي شوي ريم قامت وقالت:شفييه اريج ارتبكت وتذكرة رسالة خالد بس ابوها قال لريم بضحك :هيا بس رووحي وبعد استغربت ان ابوها راح مع ريم وخرجو للمجالس طنشت ومسكت جوالها الا وتسمع صوت يقول لها:باقي ما تجهزتي رفعت راسها وصارت تطالع بصدمه وقالت بصوت واطي:خاالد خالد كان يطالع فيها ومبتسم كانت لابسه بيجاما لونها احمر ع اسسود وقطنيه وطويله واكمامها بعد طويله وشعرها لامته فرس ضحك وقال:هيا قومي بسرعه تجهزي انا استناك هنا اريج نزلت عيونها ع الجوال وقالت:قلت مو طالعه معك خالد مشى لين وصل عندها وسحبها من يدها وقال:اريج لا تعانديني يلا بسرعه مابي نتأخر اريج فكت يدها منه وقالت:خالد ما راح اطلع خالد مسكها من ذراعها وقرب وجهه من وجهها وقال:يلا عاد لا تتغليين والله وحشتييني وكمل وهو يجلس ع الكنب ويحسب بأصابعه:امممم شهر قاطعتني هيا اريج اريج لفت عنه بإرتباك وماردت وهو قال:بتجيين؟ ردي علي اريج ما ردت وطلعت الدرج وهي ساكته ابتسم خالد وقال:ارييج استناك لو ما نزلتي بأطلع لك دخلت اريج غرفتها وقفلت الباب وراها وقالت وهي تستند عليه:ياليييييل ما عرفت له شلون روان قدرت تفهمه مشت لين دولابها وطلعت لها ملابس ولبستها وصارت واقفه عند المرايه وتزبط شعرها خلصت منه وحطت مكياج خفيف وناعم ولبست اكسسواراتها وشوزها واخذت شنطتها وحطت اغراضها فيها وسحبت عبايتها من العلاقه وفتحت الباب ونزلت الا وهو واقف قريب من الدرج واول ما شافها ابتسم ومد لها يده وهي مسكتها وخرجو بالسيارة من يوم ما ركبو ويده ما فارقت يدها وهي مشاعرها متلخبطه ومو فاهمه شي شوي قال لها:وين تبينا نروح اريج:أي مكان يريحك ابتسم خالد وقال:المكان اللي يريحك يريحني اريج سكتت شوي وقالت:عادي أي مكان ما تفرق خالد:زين وقفو عند الشاطئ وقرب السيااره من البحر حييييل ونزلو جلس خالد ع مقدمة سيارته وسحبها وجلسها بحضنه هي ارتببكت ححيل وهو طالع فيها وقال وهو مبتسم:احبك اريج لفت وجهها عنه وكأنها مو مقتنعه وهو قال:اريج طالعي فيني اريج ما ردت عليه وهو مسكها من دقنها وجا بيلف وجهها بس هي فكت يده وبعدتها عنها وهو قال:شفيك اريج مو مقتنعه اريج:شلون تبيني اقتنع ضحك خالد وقال:زيين اريج تحبيني؟ اريج طالعت فيه بنظره خلته يضضحك وقالت:لا ما بقلبي شعور تجاهك خالد بثقه:هه كذااابه تحسبين اني بصدق اريج تنهدت وما ردت وهو ضحك وحضنها ويقول بضحك:أحبك..أحبك..أحبك..أحبك..أحبك اريج صارت تسمعه وفيها ضحكه بس كاتمتها وهو منندمج شوي ما قدرت تكتم نفسها وضحكت سكت هو وبعدها عنه وطالع فيها وقال:مو قاعد ادغدغك انا مافي شي يضحك اريج سكتت وقالت:سوري ابتسم خالد ورجع حضنها بس هالمره غير الكلمه وصار يقول:أعشقك .. أهواااك..امووت فيييك واريج صارت تضحك ومو قادرة توقف ابتسم خالد وبعدها عنه وقال:خلاص اقتنعتي اريج بثقل:لا بعد خالد وهو يقومها ويقوم:وش تبين بعد اريج مسكت يدينه وقالت:ذا اللي بجييبك شيله خالد استغرب وشو طالع بجيبه وشاف بكت الدخان وابتسم وقال:لو شلته انا برجع مرة ثانيه اخذه بس لو شلتيه انتي ما راح افكر فيه بعد ابتسمت اريج ومدت يدها لجيبه بإرتباك واخذت بكت الدخان ورمته بعييد ابتسم خالد وحضنها وباسها بجبهتها وصار يقوول:حياتي والله عذبتيني حييل ما تتخيلي قد اييش نفسي الططشك وانتي ما تردين علي مادري شلون كنت متحمل اريج بضحك:تلطشني؟ خالد:هههه ايه بس بالمعنى الثاني اريج:ههههههه خالد حضنها بقووه وقاال:والله اعششششققك اريج ابتسمت وما ردت وهو قال:ما تحسين فيني انتي ارييج:بس خاالد ترى مادري وش غيرك ولا كنت اول ترفع ضغطي خالد ابتسم وقال:تصدقين حتى انا ماعرف وش غيرني تدرين وش اللي كان يخليني ابعد عنك كنت احسك ما تستحقيني احسك تستاهلين واحد احسن مني يفهمك ويسعدك ولا كنت ابي اظلمك معاي بس الحيين صرت مجنووون فيك وابيك لي مو لغيري اببد حتى لو كنت عصبي وما اعرف اتصرف ابيك تكونين لي ابيك تفهميني سكت شوي وتنهد وقال:حياتي أي زله تجي مني صدقيني ما اقصدها ولا اقصد اني اجرحك ابد بالعكس والله ارتحت لك من ذاك اليوم اللي جلستي معاي فيه وهديتيني بس ما كنت اتخيل ان حظي حلو لدرجه اني اتزوجك كثر الصدمات بحياتي خلتني اتخيل اني انسان تعيس وما ينفع اني افرح ابد حتى ربعي واخواني كانو كلهم يقولون لي عصبي ما تعرف تتفاهم كلهم كانو يتجنبوني الا روان هي الوحيده اللي تفهمني وعلى ما اعصب عليها واجرحها الا انها تفهمني وما تزعل وتسامحني من غير ما اعتذر لها كنت احب اقضي وقتي معاها وتعببت حييل يوم حسيت اني بفارقها بس الحمد لله اللي خلاها لنا سكت وبعد اريج عنه وطالع فيها وقال وهو يحط يده ع صدره:حبيبتي ابيك تثقيين بهالقلب والله ويشهد علي الله ولا وحدة ساكنته غيرك ومستحييل احد يبعدني عنك الا موتي اريج مسكت يده وقالت:بس الله يخليك لي ابتسم خالد وقال:الله لا يحرمني منك ابد مسك يدها وقال وهو يقومها:يلا خلينا نروح ونشرب لنا شي اريج قامت معاه وركبو للسيارة وراحو لمقهى ... |
|
| مواقع النشر (المفضلة) |
| الكلمات الدلالية (Tags) |
| مسكن, وسط, الناس،،وجيت, تأليفي, رفضت, صدور, صدرك, ®°•¸, ®°•¸من |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لا تخليني على الدنيا وحيد~||من تأليفي||~ | ضجة مشاعر ~ | كلك غـــلآ_ للروايات الطويلة | 41 | 09-13-2012 05:21 AM |
| مسكن قلمي .....وكتبت | أإميرأإلمشأإعر | ๑۩۞۩๑ عـام .. مساحه حره ๑۩۞۩๑ | 4 | 07-24-2012 06:57 PM |
| قصه من تأليفي | α7saS | ๑۩۞۩๑ القصص والروايات ๑۩۞۩๑ | 7 | 06-25-2011 10:22 AM |
| جيت قلب وجيت روح وجيت شوق | الحرف العنيد | ๑۩۞۩๑ للقصائد مـذاق ๑۩۞۩๑ | 4 | 05-11-2011 11:21 PM |
| لجنة الاستنئاف رفضت ضم الدوخي دون مواد نظامية | مشغول في حاله | ๑۩۞۩๑ عالم الرياضه ๑۩۞۩๑ | 0 | 09-14-2009 07:36 PM |
All times are GMT +3. The time now is 12:55 AM.