والنعيم الي خذلني في هيامه
كالهيام اللي جنيته من نعيمه
صرت اعني من غيابه واعتصامه
ولو حضر يجلس معي جلسة اليمة
والغياب الي طعن قلبي حسامه
والشكوك الي بدت ماهي رحيمة
يعتذر لي عن غيابه وانهزامه
كم يحاول بالكذب يخفي هزيمة
ماتجيني من شفاته ابتسامه
ولاغصوني زارها مرة نسيمه
والغموض الي سرقني في زحامه
من ظلامه مهجتي صارت سقيمة
صرت اتابع كل اشارة من كلامه
كن حروفه تشتعل نار عظيمة
قمت الاقي هالبرودة في سلامه
لوتبسم بسمته دايم عقيمة
مع ظنوني خافقي يضحك امامه
ومع عذابي بسمتي دايم حميمة
صرت اهوجس بالخيانة من مقامه
قمت اناظر في عيونه الاثيمة
ياجفوني احضني غدرة سهامه
ياعيوني اسهري ليلة يتيمة
حسبك الله من قوى يحمل خصامه
كم عذابي لو بقى لي بالخصيمة
شفتهم حين الغدر اطلق لثامه
شفتهم صدفة تحت صورة ذميمة
والعشق حاله ينازع في حطامه
من فعايل غدركم جثة جثيمة
الخديعة هي سواته وانتقامه
يعتبر حصد الجروح اكبر غنيمة
الخيانة عينها عين العدامة
والخيانة دربها درب العديمة
ومن يلاحق بالهوى زيف ابتسامة
ماجنى الا حسايف مع شتيمة
وماحصد غير المصايب والندامة
وما عرف طعم السعادة والشكيمة
ومن جلس فوق العشق باعلى سنامه
مايوافق بالثرى يدفن صميمه
قلت اسافر عن عذابك واضطرامه
الرحيل الي يناديني عتيمه
وان عطيتك بالغدر اعلى وسامة
ما وفيتك بالعطى قدر وقيمة
لاحشيمة في هواكم لا كرامة
ولاكرامة في لقاكم....لاحشيمة
كنت