خـل ..( الفرح ).. من داخلك منبعه / أنت .. ولاتنتظر دنيـا تفرُح ..ْ{ خفـــوقك~

قلي على الله وابتعد عنك وارتاح.......قلي على الله بس من غير تجريح

من شب نار الشوق ياشوق ماصاح.....واللي وطاها يشرح الجيب ويصيح

لو لاالغلا ماهنت النفس ياصاح.........محبتي لك ماوراها مصاليح

وشلون تنسى يالغضي كل ماراح.......مركب غرامك صار مع وجهت الريح

القلب في يمناك ياعزوتي طاح..........حنا على شط الرجاء بك مجاريح

جرحتني واحسبك للقلب جراح.........اشوف بعيونك على الصد تلميح

قلي على الله وابتعد عنك وارتاح.......قلي على بس من غير تجريح

هذا أحلى عشا من ماك لعيون اللي بيسير علي الحين هع





عاد ماشاء الله هي دوووبه بتآكل حتى وجبتي وتطردني هع هع



حياااااااك ربي وأسفرت وأنورت بك المدونه

هههههههههه واي واي
وانا اقول وش هالزييييييين مآآك مره وحده وه وه
كنك داري اني ابيييييه
يالله اقلط الله يحيييك < تبي تاكل ويا عينها هههههههههه

اقتباس:

المشاركة الأصلية كتبت بواسطة شموخ هلاليه

هههههههههه واي واي
وانا اقول وش هالزييييييين مآآك مره وحده وه وه
كنك داري اني ابيييييه
يالله اقلط الله يحيييك < تبي تاكل ويا عينها هههههههههه

ههههههههههههههههههههه كلي حياااااااك جعله بالعافية هع


منورة شموخ بطلتك الحلوه

ياصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

مدونه بها من الروعه مالايعقل
الابداع يتناثر بها من كل مكان
دائما تختار ماهو راقي برقي شخصك
استمر على ابداعاتك هاهنا
فمتابعتي ستكون صامته ..
تحياتي واحترامي لسموك .~

هلا والله وغلا بشموووخ

منوررره المدونة بطلتك الحلوووه لا عدمتها يارب


والله محييك بكل الاوقات يالغلا

على الله يازمن بشكي جروحي والليالـي طـوال
عسى راعي العنا ينسـى عنـاه وينشـرح صـدره



على الله يازمن بشكي همومـي والهمـوم جبـال
تـعـدّت عاصـمـة حـزنـي حــدود العالم بأسـره



خسـاره يالسنيـن اللـي كتبتـي سـيـرة الـرحـال
فرحت امس وحزنت اليوم بس الخـوف مـن بكـره



لساني كم شكى صمته والى منّه حكى ماقال!
طغى طبع السكوت بسيرة المحـروم مـن صغـره



سقى الله يوم كنت اضحك وبالي مستريح البال!
ضحـوكٍ ماعرفـت الحـزن وش معنـاه وش قــدره؟



وكبـرت وكبـرت احلامـي وصـارت قـصـة التـرحـال
اماني فـي مهـب الريح وحـلمٍ ماكتـمل بـدره



بعذر اللي مع ايامه جلـس يبكـي علـى الاطـلال
تـذكر مـاضـي افـراحـه الـين خنـقتـه العـبـره



عزيـزه يالعـيـون اللي حضنـتـي دمـعـة الـرجّـال
حبستي دمعتـه بين المحاجـر يـوم ضــاع امــره



عزيـزه يالحـروف اللي سكـتـي والـكـلام يـقـال
حكيتـي ماشكيتـي الهـمّ وهـمّ القلـب ياكـبـره



عزيزه ياليدين اللـي ثنيـتـك باصـعـب الاحــوال
اكفّـك ساعـة الحاجـه وامــدّك سـاعـة الـقـدره!



وعزيزالنفـس لو يصبـر علـى صبـر الليالـي نـال
ابصـبـر والرجـل يصبر ومقـيـاس الـرجـل صـبـره



انـا منهـو حمـل همّـه علـى راسـه تقـول عقـال!
مجـاديـف الـزمـن دارت علـيـه ونَسـف الغـتره!



وانامنهـو فقد صوتـه وبعـض الـصـوت بــه مازال
دعـيت الله يـفرّجـهـا عــليّ وبــحَّــت الـنـبـره



أشيل الحمل عن غيـري وحملـي صـار ماينشـال
كماالشيـخ الهزيـل اللـي مشيبـه منقـضٍ ظهـره


جروحـي مزنـةٍ منهـا هطـل فيـض الشعـر همّـال
سقـت جـدب العـروق اللـي تبلـل ريقـهـا قـطـره



وعـن حـر الزمـن صـارت حروفـي للـجـروح ظــلال
تـذرّت عـن هبـوب اليـاس حلـمٍ قـد بـنـى قـصـره



عسـاهـا للمـطـر روحٍ بهـاوادي الظـمـا مـاسـال
عــروق سنينها جـفّـت وورّاهـا الـزمن غـــدره



عسـاهـاللمـطـر روحٍ قـضــى مرباعـهـا مـاطـال
كساهـا ثوبهـا الاصفـر وكانـت تلـبـس الخـضـره



علـى الله ينجـلـي وقــتٍ قضيـتـه هــمٍ و غـربـال
ويشعّ النور فـي قلـبٍ غشـى ليـل الظَلَـم فجـره



عـلـى الله والـولي الله وبامـر الله يـزيـن الـحال
ويضحك للزمـن قلـبٍ مـع همومـه قضـى عمـره

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق