الاتكيت الخليجي _صيري سنعه ويخطبونتس

ويخطبونتس , الاتكيت , الخليجي , سنعه , صيري

الاتكيت الخليجي _صيري سنعه ويخطبونتس

صِيري سَنعه ويخطِبونك>> الاتكيت بالخليجي (السنآعه)

السَلام عليكُم ورحمَة الله وبركاتُه
أسعدَ الله أوقآتكُمْ بِ الخَيرْ وطَآعَة الرحمَنْ . . ~



امم
المُنتديَات كثِير تتكلّم عنْ الإتِيكيتْ بسْ لِيه مَآنظرْ لهآ بِ نَظرَه خَليجِيّه شوَي




ونشًوف يعنِي آتكِيتنآ كِيفْ رَآح يكُون يعنِي بِ آلعَآمِي [ آلسنَآعَه ]



بِ النِسبَة لِي , ولكَثيرْ مِنّا مَا نعرفْ لِ السَنَآعَة وكِذَا
لِ أَنُه بِكُل بَسَآطَة كلّنَا بَنَآتْ وَ أخوَآتْ
وَ قَلِيلْ مَرّة أطلَعْ طَلعَآتْ يَعنِي فِيها حَرِيمْ كبآرْ ورسميّآتْ وكِذَا



كلْ طَلعَآتِي وَعلاقَآتِي كَانتْ مِيآنَة فِي مِيآنَة
يعنِي تقتصَرْ عَ النآسْ القريبَه مرّه خَوآتْ وخالات وعمّآتْ وبنآتْ خوآل وَ عَمْ وصدِيقآتْ



فَ المُجآملَة عِندْ النآسْ هَذُولا مُو ذَآك الزُودْ يعنِي ( إيه هيّنْ ) أجآملْهُم
مِنْ خِلالْ هذا المَوضُوعْ حبينَا نتكلّم عنْ السناعه
امم




* يعنِي مَثلاً إذَا جَاتسْ أحدْ فِي البِيتْ كِيفْ تَهلِينْ فِيه ؟



هَلا والله وغَلا ……………………….. نوَقفْ ..
طيّبْ وشْ بَعدْ ؟





أَبسَطْ القَوآعِدْ نفَهِي عِندَها
ألحِينْ خَلاصْ كبَرنَآ وكبَرتْ علاقَآتنَآ مَعْ النآسْ
يعنِي لازمْ نصِيرْ إتكيتْ وكشخَة بِ الإسلُوبْ بسم الله علينَآ





طيّبْ وشْ رآيكُم نخلِّي الموضُوعْ هذا [ دَلِيلْ ] لِ إتكِيتنَآ الخليجِي






مَثلاً :




عَطِيتِي أَحدْ كَأسْ مُويَة
قَالْ لتسْ : عِشْتِ
تردِينْ وتُقولِينْ :" عَآشَتْ أيَّامِك "

اَو اذا قَدمْتي الكَآس قولِي :سَمِي
واذا انقالت لتٍِس قولِي : سَم الله عَدٌوتِس




صَحِيتِي مِنْ النُومْ متأَخّر وأَحدْ منْ إخوانتسْ حآبْ يستهبلْ ويِستضْرِف
قَال لتسْ : صَحْ النُومْ
تقُولِينْ له : …." صَحْ بدَنكْ "

ولا بدري مثلي هع>>
تردين بَدرِي من عِمرتْس




أحدْ حآبْ يعرفْ وشْ عَاِئلتك , تقُولِينْ عَائِلتِك ..
يقولْ : وَالنعمْ فِيكْ ..
تردِينْ وَتقُولِين : …. " ما عَلِيكْ زُودْ "





أحدْ يَبِي يبآركْ لتس , طبعَاً يقُولْ : مبرُوكْ ..
تقُولينْ : " الله يبآرِكْ فِيكْ وعُقبآلكْ ".. بسْ إنتبهِي تقُولين عُقبآلك وهُو صَآيرْ له هالشَي




يعنِي مثلاً بآركْ لك بِ التخرُجْ وهُو متخرّج مآتقُولينْ عُقبآلكْ لأنه خلّص

لا تسوون مِثل خَآلتِي قَآلَها خَالي مَبروكـ المِلكه ردَت له عِقْبآلِك
وهو متزوج ههههههه بَغت تُموت زُوجته ولا بَآركة لخَآلتِي




أَحدْ تزَوّجْ , تقُولِينْ له :
" ألفْ مبرُوكْ الله يَجمَعْ بِينكُم بِ الخِيرْ , مِنُه المَآلْ ومنِكْ العِيآلْ
الله يبآرِكْ لِك بِزُوجِك وبِيتِك
الله يسعدِكْ ويهَنيِك ويرزِقك بِ الذُريّة الصَآلحَة
الله يعمّر حَيآتكُم بِ المَحبّة وَ المودَة ..





طيّب وحدَة تَوها جَآبتْ بِيبِي وحآبَه تبآركِينْ لهآ ..
تقُولِينْ لَها :
الحمدْلله عَلَى سَلامتِك وَألفْ مبرُوك , الله يجعلُه مِنْ مَوآلِيدْ السَعَآدَة ويتربَّى بِ عزِكم انْ شَاء الله , والله يرزقكُم برّه ويسَخرُه لكُم الله يجعلُه مِنَ الصَآلحِينْ ويحفظُه لكُم مِنْ كلْ عِينْ..





وحدَة بِ المستشفَى تعبَآنَة ومَرِيضَة
تقُولِينْ لَهَا : طهُورْ إنْ شَآءْ الله
الله يشفِيكْ ويعَآفِيكْ ويرَجعِك لِبيتِكْ بِ السَلامَه , وإنْ شاء الله العُمرْ الطوِيل يَاربْ ..
وترجعِينْ بِ الصحّة وَالعَآفيَة وَأحسَنْ مِنْ أَوّل ..
والله يجعَل مَرضِك تَكفِيرْ لِ ذنُوبِك وَتعظِيْم لِ أَجرِكْ , مَا تشُوفِين شَرْ .. وانْ شَاء الله تقُومِينْ بِ السَلامَة ..

وقُولٍي مثْلٍي انتٍي وهٍي لانٍي بجٍد اح النَآس تُقولْها لٍي
سَلامْتٍك وبعُمْري عنتْس وجٍعْلٍني اخِذ شَرِتس
وه بس ودي انِط علِيهآ ابُوسْهَآ



حَآلة وَفَآة لِ أَحدْ و تبينْ تَوآسِينهُم
تقُولِينْ :
" عظّم الله أَجرِكْ , إنّا لله وإنّا إليه رَآجعُون , الله يرحمُه ويغفرْ له ..
ويجعَلْ قَبرُه رَوضَه مِنْ رِيَآض الجَنّة , آمِينْ يَآرَبْ العَآلمِينْ ..
اللهُمَ أغسِله بِالمَاء والثَلج والبَرَدْ ..
ونَقِه كَما يُنَقَى الثَوب الأبيَضْ مِنَ الَدَنسْ " وأدعية كثيرة " ..


مَره كَلمة صِديِقتي وعُمري مَآعَزيت احَد ولا احَب اعَزي
البِنت تِشكِي لِي وَضع امُها رَديت عليِها الله يِسعْدْها
وسَلامتها >>مِت احراج وربي هع


جَآكِ ضيُوفْ وتَبِينْ ترحبِينْ فِيهُم
تقُولِينْ لهُمْ :
هَلا وغَلا أسفَرَتْ وَأَنوَرتْ يَالله انّ تَحيِيهُم
وتبقِيهُم وتمَسِيهُم بِ الخِيرْ وتصبَحهُم بِالسرُورْ تَو مَا نَوّر البيتْ تفَضلُوا تفضَلُوا .. >> شسمُه مُو كأنِي دخلتْ جَو

ولا اَرحِبوآ

لِكن اذا انْقآلَ لك انتِ ارحِبي
قولِي البقآ لكلا الجنسِين
بس اذا رجآل قولِي سَلِمه وابْقَه
واذا حِرمه ولا بِنت قولي:: سَلِم رجَآلَها

انا مَره عَمِي قَآلِي اَرحِبي وطَبعا لان عَمِي له هِيبه
واخْجَل مِنه كِثير قِلت سَلِم رِجآلَه وكَآن عَمِي الصِغير
ملقُوف مِثلي وشَرواي شرْواكم الطِيب وَرآه وسِمعنِي
مآآآآآآآآآآآآت ونِقع ضِحك وانا انْقَلب لُونِي كِحْلي
وطََلعت مِن المِكآن بُدون لااَسَلِم هع



لُوا النَآسْ عِندتسْ فِي البيتْ وخلصتِي مرحبَه
شلُونْ نضَيفهُم ؟



أوّل شَيء تقدمِينْ لهُم " العصيرات " إذا كآن الجَو حَآرْ




كُوكتِيلْ , وَ عصِيرْ طَبيعِي طبعَاً غيُروا فِي العصِيرَآتْ عشَان مُمكِنْ مُو الكلْ يشرَبْ مَثلاً بُرتُقاَل وَلا الكُل يِشربْ تُفَّاحْ , فَ الأفضَلْ التَنوِيعْ ..
تَأكِدي أنهُم كلهُم شربُوا .. ولزّمِي عَليهْم




وإذَا خلصُوا ..



تَبدأَ المَرحَلة الثَانيَة مِنْ الضِيَآفَة " القهوة " ..



فِي شَيء مُهمْ عِندَ القَهوَة ..



أَولْ شَيء لازِمْ لازِمْ لازِمْ يكُونْ مَعهَا " تَمرْ "
الشَيء الثَانِي .. انُه فِي نَآسْ عندهُم عَادَاتْ وتقَآلِيدْ



مَثلا : القهوَة إذَا جِيتِي تصبينهَا لآزم لآزم تمسكِين الدَلّة باليسَآرْ وَالفنجَآلْ بِ اليمين .. >> يامَا أخذتْ لِي علقَه منْ الوآلدْ



وعَبِي نُص الفنجَآلْ أَو أقَلْ مِن النُص بِشوَي ..
لأنُه فِيه بَعضْ النَآسْ إذَا صَبيتِي لهُم الفنجَآلْ مَليآنْ مَعنَاتَها عندهُم ( إشربُوا وإخلصُوا وإطلعُوا بَرَى بِيتِي ) .. كأنها طردة



بِتقُولون مَآتَوآ اللِي يِصَلحُونْها والله للحِين مَوجُوديين
لا تضحكُونْ وربِي ترَى فِي نَآسْ كِذا إلَى الآن , يعنِي الموضُوعْ مُو لعبْ ..
خصُوصَاً الشِيبَآنْ وَالعجَآيزْ والرجَآلْ أعتقدْ يهتَمُون بِ الأمور هذِي ..



والفنآجِيلْ لاتكُونْ صغِيرَه مّره يعنِي إختآرُوا من النُوع الوَسطْ يآ حبِي لكُمْ



وعشآنْ مَآتعرضُونْ لمثلْ الموقف هَذا وتنحرجُون ..





مرّه بنتْ عمِي تقُولْ لِي إنُه زوجهَآ كآن معزُوم عندْ نآسْ ولمّآ جآبُوا القهوَة كآن فِيه رجآل كبيرْ شَوي وشآفْ الفنآجِيلْ صغيرَه ..



وشْ سَوَى أخذهآ كلَّها وكسرهآ .. ويقُول أنا قدرِي أكبرْ منْ فنآجيلكُم وطلَع ..
قِلت بخَآطِري دَفْعت شَرقِي والهَوى مَردي بستِين دَاهيه هع >>هذي اللي بتشْرح لكُم الاتيكيت

عآدْ َتدرُونْ وشْ ألعَنْ مَوقفْ وَاكْرهه لمّا تصبِينْ قَهوَة ومَاسكَة الفنجَالْ وهِي حَآرّة بِيدّك ..




والضيُوفْ يسُولفُون يسُولفُونْ وأنتِي مآدّة الفنجآلْ وتقُولِينْ تفضَلِي خَالتِي .. تفضلِي ..



تفضَلِي يَدِي حرَقَتنِي تِفَضلي لااكِب الفِنجَآل بِحِضنِك>>سَنعه تَرى ..



و لمّا تقَدمِينْ الضِيَآفَة مُو كِلْ الي فِي البيتْ يرُوحُونْ المَطبَخْ ..
لازِمْ أَحَدْ يَجلِسْ مَع الضيُوفْ , مَا ينفَعْ يطَولُون لحَآلهُمْ ..



و حلُو تحطُونْ حَلَى مَعَ القهوَة أنَا متأكدَه أن الكلْ عَآرفْ هَالأشيَاءْ ..




طيّبْ نرجَع مَرّة ثَآنيَة لِ الضيُوفْ المَرحَلَة الثَالثَة " الشاي "
أفضَلْ إنّك تسَوينْ إِبريقِينْ وَاحدْ لِ الشَآي وَالثَآنِي لِ النعنَآع ..
وأحسنْ بعدْ ماتكثرينْ السكّرْ وتجيبينْ سكّرْ برّى (سُكريه) , عشَانْ هُم يضِيفُونه بِنفسَهُم ..


و إذَا بتحطُونْ العَشَاء بَدرِي خلُوا الشَاي بعدَ العشَاءْ ... عشَانْ يصِيرْ فِي شَيء تضيفُون عَليه بَعدْ العَشَاء ..






التعَامُل مَع الضيُوفْ :





دَايمْ حَآولِي تَأخذِينْ وَتعطِينْ مَعْ الضيُوف لَو كانُوا جَاينْ عندتس [ إنتِي شَخصِيّاً ] ..



لَو الضيُوفْ مُو لكْ وكنتِي بنُوتَة .. يُفَضل تكونِينْ عَ السَايلنتْ لين أحَدْ يِبدَأ يِتكَلّم معكْ .


السَايلنتْ يعنِي بِ أَدَبْ وَ لُطفْ وَ حيَاءْ أُكَرِرْ حَياء لأنْ الحيَآءْ زِينَة البنآتْ لبّى قلُوبنَآ وه بَسْ





وَ الحَيَاء مَا يِمنَع إنِّك تكُونِينْ مِضيَآفَة وتسُولفِينْ بس شوَي ..





سوي إحتكآكْ بِلبَآقَة مَع ضِيفتِك لَو إنتِي بَنُوتَة خصُوصَاً لَو كَآن عِندهَا عيَآلْ شَبابْ .. هههههههههههههههههه



يمكنْ تُعجَبْ فِيكِ وتخطبِكْ





ودَايمْ الأُمهَآتْ يحشُونْ فِي عيَآلهُم عِندَ الحَرِيمْ ..




" والله ولِيدِي مسِيكينْ معذبتِه جَامعتِه لِيلْ نَهَآرْ يدرِسْ >> ياسلامْ الوَلدْ طَمُوحْ هذِي إحتكِي فِيهآ ..


" متَى ولِيدِي يكبَرْ ويعقَل " >> هَذِي آنتبهي لا تحتَكِينْ فِيهآ ..

طَبعاً بعضْ الأمهآتْ تسَوِي حَركَآتْ البهَآرَات لبنتهآ , تقُولْ بنَيتِي تستحِي خَجُولَة .. كَلامهَا قلِيلْ ..

هَذَا حَلَى بنتِي سَوتُه , طَبعاً الحلَى مِنْ محلْ الحلويَآتْ بَسْ منْ قُوّة النَصبْ صَآرْ حلَى بنتَها ..

مَآانْسى مَره رجَعنَآ مِن عِند زِمِيل الوَآلِد وَكَآنُوا بنَآتُهم حَبوبِين ووآضِح انُهم مِدَلِعين
فكآنَت امُهم تِمدَح فِيهِم قِدآم الوَآلده وأول مآرجَعْنآ البِيِِت استَلَمَت امِي تَهْزِيء لِوحْدَه من
خَوآتٍي رَدة عَليها اخِتي اذآ وَحده ف ِيهم تَعْرف تِشيل بِيآلَة شآهِي خِذي البِيآلَه مِنها
وحِطِيهآ بُوَجْهِي لَكِن الرُفِل يِكَشُخونْهم امْهَآتِهم مو يِكٍسرون خُطرهم







طيّب خلاصْ نجِي للأشيَآءْ الممنُوعَه الجزءْ هَذَا سَوا لُه [ shift + delete ] عندْ الضيُوفْ



خَليكْ عَ شَخصِيتِك , بَس أَكِيدْ مَا تصِيرينْ بَجِحَة ..


يعنِي مَرّة جَرِيئَة .. دَآخلَة جَو مَعْ سُوالِيفْ الحَريمْ , خلهُم يسُولفُونْ أنتِي بَريئَة مَا تعرفِينْ وشْ يقُولُونْ لَو كِنت تِعْرفِين الكِفت كِله هع....

وإذَا نَآدِيتِي وحدَة كبيرَة مَرّة يعنِي فُوق 70 .. قُولِي لَهآ خَآلتِي ..

وفِي نَآسْ مَا تحبْ أحدْ يِنَادِيهَا خَالتِي أَو يكبِّرهَا فِي العُمرْ ..

أتذكرْ مَرّه فِي المسجدْ منْ زِينْ وجهِي جمبِي حُرمَة كبيرَه وقلتْ لهآ خآلتِي أجيبْ لكْ مُويَه قآلتْ تخلخلتْ عظآمكْ ..
طيّبْ وشْ أسوي أنا ألحينْ شعرفنِي بإسمكْ وإلا إسمْ ولدكْ عشآن أناديك فِيه ..
حتَى لو أقُولهآ هِيه تبي تسفّل فِيني >> بغيتْ أصِيحْ ..
عشَآنْ مَآتعرضُونْ لِ مثلْ هالمُوقفْ مُمكِنْ تقُولِينْ
" أُمْ فلانْ " سَمِّي , تفَضلِي , عيُونِي , آمرِي , لَبِيه .. >> لزُومْ الذرآبَه يعنِي
طيب إنقطعتْ السآلفَه وتَبينهَآ تَكمّلهآ قُولِي لهَآ " إسّلمِي "


امم

الكَلِمَاتْ هّذِي إنسِيهَا منْ قَآمُوسِكْ عندَ الضيُوفْ والحرِيمْ الكبآرْ ..

[ بليز , أوكِي , سُورِي , يَبْ , نُو ] ..




فِيه حُرمَة تحشْ بوحدَه منْ البنآتْ تقُولْ هَذِي لَو أعطسْ مَآتُقول ارحَمكم الله تُقولي [ أُوكِي ] ..


فعشَآنْ ما أحدْ يحشْ فِينآ مثلْ هَذِي ننسَى المُصطلحآت الأجنبيه ..


امم



كَلِمَآتْ تَتحوّلْ بِ قُدرَة قَآدِرْ :



يُما تتحوّلْ وتصِيرْ " أمي " ..
معَآيرْ الخوآتْ إنسيهَآ


إختكْ قآلتْ لكْ جِيبِي لِي مُويَه تقُولينْ لها جيبي لنَفسِك ما عندّك رجِلين هذِي بعدْ انسِيها .. وتقُولينْ منْ عيُونِي أَجيبْ لكْ ..
ما آبِي تتحوَلْ وتصِيرْ " تآمرِينْ أَمرْ " ..


بَرضُوا قَآلَت شَيء مَآاستوعَبتيه ماتِقُولِين قَسمْ حوّليِهآ وتصِيرْ " صحيح " ..
بَعَد ،،

كَذّابَة / نَصَابَة تتحَولْ وتصِيرْ " تَمزحِينْ أَكيدْ " ..



امم كلْ التحولاتْ هَذِي تصيرْ عندْ الضيُوفْ بَسْ ..



كلمَآتْ تقُولِينهآ إذَا أحدْ قآلكْ مثلْ الكلامْ هَذا ....




• يعنِي مَثلاً لمّا ترُوحِي لنَآسْ ويقدمُونْ لكْ بخُورْ تقُولِي [ طَيبَ الله فَالِكْ وَخَلا لِكْ أَحبَابِك ] ..
عِندَنآ الجُنُوب يُقُولون [طَآب طِيبتس وَعَآش حَبيِيبتس ويِجْعَل الجَنه مِن نِصِيبتس]
طبعآ الحبِيب مُو حبِيبهآ اللي بآلِي بآلْكُم يَعْنِي النَآس الغَآلِين عَلِيهآ



• لمّا تزُورِينْ أحَدْ وجيتِي بِتَطلعِينْ وقَالُوا لكْ لِسَى بَدرِي تردِينْ وتقُولِينْ [ الجَلسَه مَعكُم مَاتنمَل والله يجمَعنَا فِي جَنّات النَعِيمْ والجَيآتْ َكْثَر] ..




• فِي الزوَاجْ لمَّا تقُولِكْ عُقبَالكْ تردِينْ وتقُولِينْ [ تِسلَمينْ ] , مُو آمينْ ..


قبل كآن كل من قآل لي عقبآلك آقول آمين



• حلُو لمّا تكثرِي مِنَ الدُعَاء للِي إنتِي زَايرتهُم مِثلْ [ أنعَمَ الله عليكُم وَكثّر الله خِيركُم جَآد الله عَلِيكُم] ..
وَهكآ مِن الكَلام الحُلو


• لَمّا أحدْ يِجيْب لِك مُويَه تقُولِينْ له [ يَاربْ يسقِيكْ مِنْ حَوضْ النَبِي ] ..





• لَمّا أحدْ يِنآدِيكْ تردِينْ بكلمَة [ سَمِي ] صعبَة تقُولِينْ لجدَتِك وَالا وَحدَة بسنّها " هلا " ..



• مُو حلُو تعلِينْ صُوتِك أَو ضحكتِكْ عِندَ النَآسْ خذِي رَآحتِك بَسْ بدُونْ مَا يعلَى صُوتِك ..




• حلُو إنّك تكُونِي [ مُستمعه ] أكثرْ مِنْ كَونكِ [ مُتحدِثَه ] ..




• لَو عَزمتِي أَحدْ وَقالْ لِك " سفرة دايمة " أَو " أكرمكُم الله " أَو " أنعَمَ الله عليكُم "







[ مُمكِنْ لَو إنتِ مَعزُومَة تقُولينْ الجُمَل هَذِي بَعد الأكلْ ]



لَو احدْ قَالها لكْ .. تقُولِينْ لُه [ صحتِينْ ] أَو [ حيّاك الله ] أَو [ صِحّة وَعافيَة ] ...



• أشخَاص أَولْ مَرّة تقَابلينهُم وَإنبَسطِتي مَعهُم تقُولِينْ [ سَعِيدَة بمعرفتِك ] أَو [تِشَرَفْنآ بِمَعْرِفَتْكُم][ فُرصَة سَعِيدَة ]
ولَو أَحدْ قَالهَا لِك تردِينْ [ أنَا أَسعَد ] [الله يِشَرِف مِقْدَآرِك وِيعِز شَآنِك]..

مَره مِن المَرآريِر كَآنَت مُعَلِمة عِلم النَفس فِي ثَآلِث ثَآنَوي تَبي تَعرف شَكْلِي
لان بَنآت الادَبي دَآيِم يِسْتَأذِنون وِيِجُونِي بِفَصْلِي نِسَوِي رَجَه
ولَمآ شَآفَتْنِي َقآلَت لِي انْتِي (اسمِي) قِلت اِيه امري قآلَت لا بَس اخِيرآ شِفْتِك
سِكَت انَآ يِقآلِكم انحَرجْت قَآلَت تِشَرَفْنآ مَآعَرفْت اَرد بَس قِلْت تِسْلَمِين لَكِن اوم الاحْرآج




تَعَبت هَع واللي عِندهَآ اضآفَآت تِحَطهآ المَوضُوع عَجَبْنِي وضِفْت لَه واتْمَنى انْه يِعجِبكُم
ولا تِحُرمُونآ الرُدود مَوآقِف وهكآ وشسمه عِبآرَات سَنَع وتَكْلِيجآت

الموضوع الأصلي: الاتكيت الخليجي _صيري سنعه ويخطبونتس || الكاتب: أغْ ـتِرآبْ~| || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

ابجديات ذوووق ( انتي ذوووق )

موضوع رائع تسلم يديك ..

يجهل الكثير مثل هذه المصطلحات والتي تضفي اجواء رائعة وجميلة في اوساط المجتمعات

والملتقيات ...

فهي تعني اللباقة والكياسة وحسن المنطق ...


بعضهم يكلجون إذا قاله احد شيء مايقدر يرد يقعد يتعتع كأنه زالط له حبة ( برجون ) مادري حد يعرف البرجون

هههههههههههههههههه ( زمان شكلي قديم )


المهم موضوعك حلو جداً ورائع ولو اقيمه بيقولون لي إني مجامل وابي اكسب وجه عندك بس باقول يستحق التقييم


وما يهمني ويش علي من الناس ويش على الناس مني وارض مكناس ههههههههههههههههه


اصلاً ماحد بيقول بس حبيت اسوي النشيد ذاك حق اول ...


المهم مبروك على الموضوع النايس ويتربي في عزك خخخخخخخخخخخخخخخخخخخخخخخ

طرررح رااائع يارااائعه

وصراحه صدقتي الي يقهر يوم نمسك الفنجال القهوه وست الحسن والجمال تسولف ماتبي تأخد الفنجال
الين تخلص سالفتها ماتحس بالحراره والوقفه ههههههه يقهرون وربي خاصة العجاائز
بصرااحة استفدت من مو ضوعك كثير
يعطيكي الف عاافيه
تحياتي لسموك

موضوووووعتس يهبل هبااااااال فيه اشياء يعني استفدتها
بس وي وي وي اول قبل مااعرف الذرابه اذا جيت اسلم على حريم وتسذا
اقول شلونتس وش اخبارتس اناالحمد لله بخير>> اسئلها واجاوب على نفسي اهي تحتسي بطريق وانا بطريق ههههههههه

ام على موقف خايس قد رحنا لعزيمه واكثر اللي عازميننا حريم بس قالو لامي وخالتي جيبو بناتكم >> احم احم ..............
المهم انا كنت ساكته اسمع سواليفهم طفشت ودي احتسي والله ساكته من يوم دخلت المهم على الموضوع اللي يتكلمون فيه
انا تذكرت سالفه والف على اختي وبنات خالاتي ثنتين واجلس اسولف عليهم >> سحبت ع الحريم
المهم صوت الحريم واصل لاخر البيت شوي يسكتوون الحريم وكل وحدتن تسكت الثانيه وصار صوتي اهو اللي واضح
اثاريهم يسمعون سالفتي اللي انا اقوله للبنات ههههههههه يماااااااااااااه وربي عرقت ووجهي قلب الوااان
بنت خالتي تهمس بذني تقول لاتسكتي كملي السالفه واانا مدري شسوي تورطت ومستحيه حييييل
قمت اكمل السالفه وانا راسي بالارض وجعووووه حتى السالفه كان به طاري العرس هههههههههههههه >> تخيلتو الموقف
يوم قضيت تنفست بعمق وقلت خلصت السالفه هههههههههههههههههههههههههه اهم قامو يضحكون علي
يمه يمه يمه وربي وقتها حرمت اسولف الا مع اللي يسولف معي

اصبري يااااااي خليني اهف شعري هههههههههههه

ابو الاتكيت ياناس ترا الدنيا تمشي مب واقفه خخخخخخخ >>خربتها

بس اكره شي اصب قهاوي ماعاد الا هي اصبصب لحريم خلق الله ههههههه
هي مرة وحده صبيت وحرمت اصب قالت لي مرت خالي صبي يعني انتي توي معرسه دلعين
المهم صبيت اثاريها ملتفته ع امي تسولف معه وانا ماتدتن الفنجال وبنت اللذين ماكلفت ع عمره تاخذ الفنجال
والله ايدي ولعت صارت ضو المهم واعطي امي ذيك الغمزة يعني انقذين ههههه امي فهمته وقالت تفضلي فنجالتس ي بنت ابوتس

من ذاك الوقت وانا اذا احد قال لي قومي صبي قلت اذا تبون القهوه تنكب عليكم قولي قومي صبي لنا خخخخخخخ
والله ماهمني وش يقولون اهم شي ارتاح
لاتقولون ماعندي سنع بي انا عجازة بالحيل هههههههههه


تسلمين بالغلا ع الطرح

ياوجه الله الموضوع طووووووووووووووووووووووووويل انا وراي سحور >>ريقه نشف

ابجديات ذوق
تمتليكن ذائقه رائعه
دمتي بالف خير
بأإأنتظار جديدك

اقتباس:

المشاركة الأصلية كتبت بواسطة اسير الشوق

ابجديات ذوووق ( انتي ذوووق )

موضوع رائع تسلم يديك ..

يجهل الكثير مثل هذه المصطلحات والتي تضفي اجواء رائعة وجميلة في اوساط المجتمعات

والملتقيات ...

فهي تعني اللباقة والكياسة وحسن المنطق ...


بعضهم يكلجون إذا قاله احد شيء مايقدر يرد يقعد يتعتع كأنه زالط له حبة ( برجون ) مادري حد يعرف البرجون

هههههههههههههههههه ( زمان شكلي قديم )


المهم موضوعك حلو جداً ورائع ولو اقيمه بيقولون لي إني مجامل وابي اكسب وجه عندك بس باقول يستحق التقييم


وما يهمني ويش علي من الناس ويش على الناس مني وارض مكناس ههههههههههههههههه


اصلاً ماحد بيقول بس حبيت اسوي النشيد ذاك حق اول ...


المهم مبروك على الموضوع النايس ويتربي في عزك خخخخخخخخخخخخخخخخخخخخخخخ

هههههههههههه تِسلم على ذُوق حُروفِك
والاروع والاجمَل والاكمل والامثل حُضورك
ههههههههههههههههههههههههههه
هات بَرجون بس وكمل طَرب
بالنسبه للتكليجات والتعتعه خذ عندك عمي يقول عاش من شآفك يالقاطعه
من اللخبطه قلت ادق عليك قفالك مجول
ومااستوعبت تكليجتي الا بضحكة اخُوي قررت ابتسم واسوي نفسي متعمدتها بس للحين يعلقون فيها علي
لاعدمت حُروفك يالغالي

اقتباس:

المشاركة الأصلية كتبت بواسطة ۈرڍيــــﮥ اڷخــــڍ

طرررح رااائع يارااائعه

وصراحه صدقتي الي يقهر يوم نمسك الفنجال القهوه وست الحسن والجمال تسولف ماتبي تأخد الفنجال
الين تخلص سالفتها ماتحس بالحراره والوقفه ههههههه يقهرون وربي خاصة العجاائز
بصرااحة استفدت من مو ضوعك كثير
يعطيكي الف عاافيه

تحياتي لسموك

ههههههههههههه العجآيز تهون قولي ملزومه تمسكين يدها وتمَسِكينها الفنجال
بس اذا هم بنات واندمجوا بالسوالف مشكله عاد تصرخين وتسببين زلزال وهي مبققه عيونها يقالك مركزه بالسالفه
اختي مره احرقت رجل بنت عمتي ولم هدى الوضع ضحكت وقالت لبنت عمتي تستاهلين اقولك امسكي فاقه خشتي
دواك ماجاك
شُكرا لحُضورك حَبيبتِي

اقتباس:

المشاركة الأصلية كتبت بواسطة كلي دلع

موضوووووعتس يهبل هبااااااال فيه اشياء يعني استفدتها
بس وي وي وي اول قبل مااعرف الذرابه اذا جيت اسلم على حريم وتسذا
اقول شلونتس وش اخبارتس اناالحمد لله بخير>> اسئلها واجاوب على نفسي اهي تحتسي بطريق وانا بطريق ههههههههه

ام على موقف خايس قد رحنا لعزيمه واكثر اللي عازميننا حريم بس قالو لامي وخالتي جيبو بناتكم >> احم احم ..............
المهم انا كنت ساكته اسمع سواليفهم طفشت ودي احتسي والله ساكته من يوم دخلت المهم على الموضوع اللي يتكلمون فيه
انا تذكرت سالفه والف على اختي وبنات خالاتي ثنتين واجلس اسولف عليهم >> سحبت ع الحريم
المهم صوت الحريم واصل لاخر البيت شوي يسكتوون الحريم وكل وحدتن تسكت الثانيه وصار صوتي اهو اللي واضح
اثاريهم يسمعون سالفتي اللي انا اقوله للبنات ههههههههه يماااااااااااااه وربي عرقت ووجهي قلب الوااان
بنت خالتي تهمس بذني تقول لاتسكتي كملي السالفه واانا مدري شسوي تورطت ومستحيه حييييل
قمت اكمل السالفه وانا راسي بالارض وجعووووه حتى السالفه كان به طاري العرس هههههههههههههه >> تخيلتو الموقف
يوم قضيت تنفست بعمق وقلت خلصت السالفه هههههههههههههههههههههههههه اهم قامو يضحكون علي
يمه يمه يمه وربي وقتها حرمت اسولف الا مع اللي يسولف معي

هههههههههههههههههههههههههههاااي ياكثر هالاحراجات ولو انتي تتكلمين بمحاضره دينيه محد يمك
بس لازم الكبسات على شي خايس

الله يسعد قلبك ضحكتيني واسعدتي خاطري يالغلا شُكرآ لك