مدري ( تفو ) هي مدحا ولاّ شتيمـة‏..

مدحا , مدري , هي , ولاّ , تفو , شتيمـة‏

مدري ( تفو ) هي مدحا ولاّ شتيمـة‏..

حــتــى وردنـي تالـي الـليـل جــوال




وانا على شاهي وبسكـوت ديمـة




الرقم بايخ لكـن الــصــوت قــتـال




كنــه مثل صـوت المذيعـة حليمـة






قــالت مساء الخير يـا طيّـب الفـال




قـلـت ارحــبـي تــرحيبـةٍ مستديمـة


بـالـعــود والصفـري ودلـة وفنجـال


واجـبـك يا بنت الأصـول الكريمـة


وردت بضحكة ثم قالت وش الحـال؟


قلت اشهد إن الحال عقبك سقيمـة


قالت وهي تضحك بعد مثل الأطفال


وانـــا بـعـــد كــنــي بــدونـك يتيمـة


مـــن يـوم قـالـتهـا تزلزلـت زلـزال


مــن فجعتي كنـي مسـوي جريمـة


قلت ارفعي صوتك ترى مابه ارسال


كـــذاب لــكـنّ المصيبـة عظيمـة


قالت أقول اسمع ترى هرجنـا طـال


مــمكـن تصاحبنـي ترانـي وسيمـة


واسمي الحقيقي أول حروفـه الـدال


لــكـــن يسمّونـي البنـات الزعيمـة


صحيح أحب الفخفخة واعشق المال


لكـن ترانـي طــاهــرة مستقيـمـة


ما عندي امغازل ولا( لعب يهّـال )


ما عندي إلا في الشرف والحشيمـة


بس الصراحة قلبي لشوفتـك مـال


واصبحت وحدك جالسٍ في صميمه


فكّر بعقلك واترك القيـل والقـال


واحذر تطيع اهل العقـول العقيمـة


وارسل علي الحين خمسميـة ريـال


أشحن بهـا جـوال أختـي غنيمـة


أو طقم غالي فيه خاتـم وسلسـال


أروح بـه فـي عـرس ولاّ عزيمـة


قلت الحقيقة مانيب رجـل أعمـال


ولانـي بتاجـر والمـوارد عديـمـة


أنا الصراحة شبـه عطّـال بطّـال


وعلاقتـي بالفــقـــر جـداً حميـمـة


والراتب الله يرحم الحـال مـا زال


محـدود والمصـروف ربـي عليمـه


والــديـن بـالآلاف والبنـك شغّـال


يــاكـل فـلـوسـي بالربـا والظليمـة


والسوق طايح والغلا ضيّـق البـال


والموت والله صايـر اكبـر غنيمـة


قالت تحمّل بـس والحمـل ينشـال


خلك شديد الباس صلـب العزيمـة


ياخي تصرّف جعلك اتصيـر نشّـال


أهـــــم شــي إن النوايـا سليـمـة


لابــد تـفـهمني علـى كـل الأحـوال


ما دمت من أهل العقـول الفهيمـة


قلت إيه والله فاهم اللي على البـال


لــكــن تــرى هـذي علينـا قديمـة


يــا بـنت هـذا صايـر اليـوم مـوال


للي تبي تلعب علـى ابـن اللئيمـة


يا بـنــت ما تدرين كـم فيـه محتـال


يلعب على الحبلين وانتـي غشيمـة


يا بنت كم من جاهلة دمعها سـال


من عقب ما جات العواقب وخيمـة


والبنت لا اقتفى عرضها بيد الأنـذال


والله مــا يــبـقـى لهـا أي قيـمـة


قالت تبي ولاّ فـ خـلّك علـى جـال


مهوب ناقصـني نصايـح حكيمـة


عز الله إنك للأسف منـت رجّـال


وانك قليل الذوق ما فيـك شيمـة


يا لعنبو اللي مـا يسطّـرك بنعـال


حــتـى يـعـلمـك الغـزل يـا بهيمـة


) تفو ) عليك وصكّت الخط في الحال


مدري ( تفو ) هي مدح ولاّ شتيمـة؟؟
وصلامتكم

الموضوع الأصلي: مدري ( تفو ) هي مدحا ولاّ شتيمـة‏.. || الكاتب: رومانتك بوي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

حلووووووووووووووووووه ..

الصراحة استمعت بقرأتها ..


لك مني الف تحية ..

مع خالص شكري

روعه يعطيك العافيه رومانتك تسلم

مالت عليها بس اتوقع تفوو مدح

يسلموو اخووي ع الطرح

ماننحرم.

قصيده رغم بساطت كلماتها
بس لو قرأنها نجد بيها صدق
هالزمن الذي نعيشه ونتعايشه
تشكراتي رومانتك ع طرحك الرائع
تقبل جل الاحترام

قصيده اكثر من رائعه

يسلمو على الذوق الحلو
تسلم يمناك يعطيك العافية
دمت في حفظ الرحمن

هههههههههههه اكيد مدح رومانتك

أشكرك اخوي على طرحك الجميل

تقبل تواجدي،،،،،،

هههههههههههههههههههههههههههه

تسلمون جميعآ والله لايحرمنا طلتكم آلآكثر من حلوه


منورين