ياكثر ماتغلط ولا قلت وشفيك - اخر الانتاج

ماتغلط , ولا , وشفيك , الانتاج , اخر , ياكثر , قلت

ياكثر ماتغلط ولا قلت وشفيك - اخر الانتاج

يسعدني ان اضع بين يديكم الكريمه هذه الابيات المتواضعه التي لم يجف حبرها بعد لعلا وعسى ان تصل لمستوى ذائقتكم الراقيه








لاعاد تطريني ولاعاد بطريك
حبل الوصل بيني وبينك بقصّه

منيب صاير لعبتن بين اياديك
يكفي تراك اليوم بالحلق غصّه

ياكثر ماتغلط ولاقلت وشفيك
وان كنت ناسي جبت لك كم قصّه

منوّلن لبطيت روحي تناديك
وصفي انا وياك خاتم وفصّه

واليوم انا ماعاد لي رغبتن فيك
يحرم علي مثلك بحبّي اخصّه

دوّر على غيري عسى الله يهنّيك
وتلقى الذي يرفعك باعلا المنصّه

مانيب متضايق ولانيب باكيك
الله خلق بالكون مليون حصّه

هذا جوابي جاك من قلب ناصيك
واليا وصل عندك تمعّن بنصّه

ومابيك ترضيني ولاعاد برضيك
كلّن يشوف اللي بحاله يخصّه

وسلامتكم

الموضوع الأصلي: ياكثر ماتغلط ولا قلت وشفيك - اخر الانتاج || الكاتب: همس المشاعر || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات