ياغيبة ابن هذيل ياغيبة الذيب

هذيل , الذيب , ابن , ياغيبة

ياغيبة ابن هذيل ياغيبة الذيب

قصة وحيشة المشلحية مع ابن هذيل
ابن هذيل من شيوخ العمود من أمراء سقف(سقف من محافضة الغزالة جنوب حائل) للي مايعرفها!
و وحيشة من سقف ايضاً
القصة: أدهرت نجد بأسرها ورحل ابن هذيل ومن معه إلى نقرة أيوب(نقرة أيوب بين سوريا وتركيا)
الكلام هذا قبل ما يقارب 300 سنه
لم يبقى في ديرة ابن هذيل سقف الا الضعفاء والمساكين وكانت وحيشة ممن بقي في سقف!!
المهم غاروا عليهم القوم ونهبوا حلالهم واراضيهم ومالهم ونخيلهم مابقوا لهم شي

عاد هي وحيشة جالسة تحسّر على حلالهم الي راح وتوجد على ابن هذيل أميرهم لو كان عندهم مانهبوهم القوم
قال له ولده: يمه!!
قالت: نعم!
قال: أشوف الشيب كثران براسك
قالت آآييه!!
وهذت هالقصيدة الي تمعط الحشا



قالت وحيشة ياملا ليه ماشيب=وغرس الجدود الي غدا وقت الإفلاح

ياغيبة ابن هذيل ياغيبة الذيب=شفنا النكاير والنكد عقب ماراح

مار ياراكب حمرا تجيبه تحاضيب=تجدع يديها بالخلا تقل زناح

حمرا هميمة من خيار المناجيب=أكواعها عن لمسة الزور طفاح

حمرا ليا نيشت بروس العراقيب=أسرع من الشيهان لا شاف ملواح

ركابها من عزوتي منقع الطيب=ضد الحريب إن صاح بالنزل صياح

وأربع ليالي صدق ماهي تكاذيب=تلفي على ابن هذيل كساب الأمداح

قل ديرتك سقف ولوها الأجانيب=يروح عليها من الشعب كل مصلاح

جانا ضعنهم مع دبشهم جناديب=وصار الخطر منهم علينا بالأرواح

عجل علينا ياحصان الأطاليب=لك هدة(ن) تاخذ مع الخيل مسراح



عاد يوم وصلت القصيدة لابن هذيل عقب فترة
وهو يشاور الي عنده



وش هقوتك مداد من نقرة أيوب=العصر مايمسي حوال الغزالة

فوق أشقر(ن) طلق الذراعين مرعوب=أسرع من الشيهان معلف عياله


قال: لا وينك ووين الغزالة بينك وبينه ما يبيد السمينة

وهو يفرك غرابة الشداد ويرتكي عليها
بعد شوي صبوا القهوة ومدوا الفنجال لابن هذيل ( تقهو يا الأمير)
ما رد عليهم ...............

مات حسرة وغبن على مركاه
والسبب قصيدة وحيشة
نخته وهو مايقدر يسوي له شي

وسلامتكم

الموضوع الأصلي: ياغيبة ابن هذيل ياغيبة الذيب || الكاتب: قول وفعل || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

dhydfm hfk i`dg hg`df hg`df