الحياة بنظرة أخرى ...

يوم شتوي يحل الأزمة ..!!









في موضوع ثلاث أيام شتويه .. بصراحة كنت محتار أكتب أو ما أكتب

لكن حسيت إني لازم أفضفض

وضروري أكتب هالأفكار اللي شاغلتني

علشان تطلع من مخي و أرتاح منها ..


لكن ما إرتحت


مانمت مثل الناس كل اشوي صاحي واناظر الساعة

خايف أتأخر عن الدوام ..


والحمد لله وصلت بدري لكن تعبااااان ونعسااان ..


وفوق كذا كنت محتار








أكذب على المدير ولا أصارحه بسبب تأخيري امس يعني أقوله كنت نايم !!!

خايف الحقيقة ماتنفعني ..



ولحظتها ذكرت البصمه ..


وهذي أول مشكله وانحلت ..


قالو لي تأخر الجهاز ووصلتنا بصمتك قبل يومين ..

الحمدلله ..



بقى المدير !!!



صارحت زميلي


أكذب ولا ما أكذب


قال :

مايحتاج تقو له شي أصلا ً


استغربت : هذي نصيحه بالله عليك ؟؟؟


هو : وأحسن نصيحه بعد .. ترى مديرنا أخذ إجازة ومن بكرة طالع ..


ههههه والله وفر علي الإحراج والكذبه










والحمدلله هم الأمس صار يضحكني اليوم ..


يازين اليوم اللي كذا يريحك من كل شي مرة وووحدة ..

والليلة أقدر أنام مرتاااح ..











ماقلت لكم رجل الحظ

هههه

الحمدلله وان شاء الله دايم محظوظ يابقايا ..






*******


من شتوية : بقايا حب

قطعة شوكولاته لاتذوب ..!!











عندما تلتقي بالكثير من الأشخاص ..

تحتار وتضيع بين التعابير والوجوه ..

لكن

رغم إختلاف الشوكولاته تبقى جاذبه

بنفس الطعم الحلو اللذي يمدك بالطاقة والنشاط ..


فعندما تكون محبوباً من الكثيير

فعلم أن سبب هذا الحب

هو قلب ليس من ذهب يطعم به الجميع

ولا قلب من زجاج قد يتكسر بسهولة

ولا قلب من ورق يكتب عليه بعض الحروف ومن ثم يمزق


ان هذا قلب من الشوكولاته













يجذب الجميع ليستمدو من حلاوته مايزين أيامهم

ومن طاقته مايساعدهم على النهوض مجدداً


إجعل قلبك من شوكولاته

وكن معطاءً و مصدراً لحياة أمل الآخرين ..

لاترهق قلبك ولاتجعل الشوكولاته تذوب ..

فالكثير يحتاج قلبك ’’


*******

قلب من شوكولاته : بقايا حب

يقول الشــــــاعر !!

يوم الاربعاء مبسوط طبعاً أكيد بكون مبسوط جالس بين امي وابوي واخواني ..

اتصلت على خويي قلت له يمر علي وناخذ لنا لفتين على الديرة ..

المهم جاني خويي وكان مشغل الراديوا الله لايوريكم مشوش ومزعج وماتفهم شي ..

قلت له وين سيدياتك ياخوي انا مبسوط وانت بتصدع فيني مع راديوك..

المهم جلست ادور بالسيديات طبعا انا من زماااااااان قاطع الأغاني العربية ..

المهم لقيت راشد

قلت أوك هذا السيدي كان عندي وأعرفه ..

يلا إطربنا يابو ..

اول اغنية سمعناها ثلاث او اربع مرات !! ليه ؟

لأن مع كل مطب يطلع السيدي من المسجل !!

والله أشغلني معه ماغير ادخل السيدي وانتبه للمطبات لايتهور ..

المهم كانت الأغاني مثل ماقال الشاعر :-

ويــــلاه ضــاق الـــصدر
ومـاذكـــر يســـأل عـــلي ويــــلاه
نـسّــــاه طـــول الهـجــــر
وإلا الـصــــبر مــن قـســوتـــه قـسّــــاه
ومـاصـــار مـــني خــــطا
غـــير العــــطا والـتضحــــيه مـاصـــار
جــبـــار يـاهـالـزمـــــن
مـاتنــظـمـــن فـــيك البـشــــر جـــبــار
ويـــــلاه

لشاعر الثاني

نــاوي تـرجـــع حبــيبـــي تعـــتـذر عــن كـــل شــــي
بــس أنـــا خــايـــف تجـــينـي مــاتــلاقــــي فـينـــي شـــي
لا إديـــن تمـسـهـــا ولا دمــــوع تحـسـهـــا
لا تـحـــاول يـاحبـيبـــي عـنــدي كــل شـــي إنتـهــــى

إنســــى إنــي كـــنت أحــــبك
وكــل حـاجـــه بالمـحــــبه وكــل لـحــــظه عـشـتهـــا
كـــنت فـرحـــه بــس راحــــت
ولــك أنـــا قـدمـــت روحــــي وإنــت رحـــت وخـنتـهــــا

لا تـفــــكر إنــي بـجــيــك أعـــتـــذر لــك مــا أبيــــك
شـــوف نفـســــك يــاحبـيبـــي إنــت مــن كـرهــــني فـــــيك

الشاعر الثالث

اللــي لـقـــى أحــبابـــه .. نســى أصحــابـــه
يـا دنيـــــا يـا غــرابـــــه ..
كــان العـشــــم يبـقـــى لــــي ..
ويـمــــوت فـينـــي لحـالــــي ..
لا مـا طــرى فـي بـالـــي .. كــذا الغــــالــــي ..
ينـســـى ويطــــول غـــيـابــــه .. يـا دنيـــا يـا غــرابـــه ..
أيـــام كــم عشــنـاهـــا .. يـامـاحــــلاهــا ..
وشـلـــون بــس ينســاهــــا ..
و صــار بســلامـــه يبخـــل ..
وتـمـــر ســـــنـه ومـا يســـــأل ..
وشـلـــون يـازمـــن الاول .. كــذا اتحــــول ..
ولـــــيه عشـرتــه كـذابـــه .. يـا دنيـــا يـا غــرابـــه ..

الرابع :

بــلا حــب بــلا وجـــع قـــلب وش جــانــا مــن ورى هالحـــب
غـــير الألـــم غـــير التعـــب وش جــانـــا

يـا نــاس أنـا مـابــي دفــا قــلبـي مــن الحــب اكـتفــى
ويــن العـشـــق ويــن الـوفـــا ودانـــا

يـا قــلبـي يكــفـي مـاجــرى الجــرح تــوه مـابـــرى
مـاجـانــا مـن الـدنيــا تــرى كـفــانــا
جربــت فـي مــره الهـــوى وأخلــصت أنــا وقـــلبي ســـوى
وفجـــأه كـــذا الغــالـــي نـــوى ينســـانـــا

******

طبعا كثييير بيقولون كلمات حلوة

لكن فيها شي مشترك وش حسيت ؟؟

***

كنت أسمع أول الاغنية وأعديها ..

كنت مبسوط لكن لامايصير في شي غلط بالموضوع

بالأخير فتحت عيوني من الإستغرب !!

ناظرت خويي وقلت له : ليه كذا ؟؟

ليه كل الكلمات هم وغم حزن .... هذا ماهو حب ياناس

انا كيف كنت أسمع هالكلام من قبل !!

مو بس أنا كلنا ..

قلت لخويي كنت قبل أسأل نفسي ليه كل ما أقول لأحد وش رايك بالحب ؟

يردون علي الحب عذاب !!

ليه اذا الواحد سوى نفسه حبيب قال أنا ماخنتك انتي اللي تركتيني ؟؟

ليه لما الناس تكتب عن الحب ماتلقى غير أشعار الخيانه والألم علشان يقولون عنها مسكينه وهذا الحب ومايسوي !!

ليه حتى مدوناتكم انتوا لما تكتبون عن الحب 90% منها حزن وهموم وفراق وووو !!

وين رايحين يااااعالم ويك أب إصحوا ..

لحظتها فهمت ان احنا مااعطينا أنفسنا فرصة نفهم الحب ..

كل اللي سويناه فهمنا إن الحب هو مثل مايقول الشاعر جرح وألم وحزن وفراق و منيل بستين نيله !!

فهمت لحظتها إن " نحن مانسمعه وما نراه لامانحسه " ..

عرفت ليه كان الهم لاعب فيني لعب وأدور الحزن هنا وهناك أهم شي أحس إني مظلووم ومسكين !!

بإختصار كنت أعيش في " قمة الغباء "

لكن من قبل سنتين أو ثلاث تركت الأغاني العربية ..

طيب وش تسمع ؟؟

تصدقون كل شي !!

كوري
صيني
ياباني
يوناني
بلغاري
تركي
اسباني
ارجنتيني

أي خرابيط ثانيه عاااادي ..

طبعا ماسلمت من التعليقات ..

أهم وأول تعليق هي.. فاهم شي ؟؟

أنا :ههههه لا طبعاً ..

فعلا ماكت فاهم شي لكن ..

كنت أحس وتارك الموضوع لإحساسي وبس ..

اذا حسيت ان الاغنيه حلوة حفظتها واذا بايخة حذفتها ..

واللي صار أني ماعدت أسمع كلام الشاعر الحزين ولايهون الباقي ..

والنتيجه خف تفكيري بالهموم والأحزان والفراق والخرابيط هذي ..

ومن كثر ما كنت أعتمد على إحساسي ومشاعري .. هذا خلاها أقوى من قبل بكثييير ..

لما يقابلك أحد تحس إنه مرتبك أو انه حزين ويحاول يخفي هالشي ..

تحس بتغير نبرة الصوت .. بالضحكة بالإبتسامه

بالقوة بالضعف ..

الإحساس نعمه مثل ماهو العقل ..

لاتضيع إحساسك فهو أروع ماتملك .

*****

ملاحظة : انا خفيت عنها و ان شاء الله اتركها نهائيا ..

لكن المهم ان تحذر من ما يدخل حياتك كل ماتسمعه وتراه سيكوون جزء منك ..

أما الحب فهو إحساس وليس كلام شاعر حزين لايعرف أصلاً ماهو الحب

*****

إحساس بقايا حب ..

أفضل واحد في العالم !!

أمس كنت كالعادة أقرأ كتاب و متسدح قدام التلفزيون ..

وكان حفل الفيفا لإختيار أفضل لاعب بالعالم ..

طبعاً كنت متأكد إنه بيكون ميسي كالعادة ..

مع إني أفضل كرستيانو

أو ابراهيموفيتش ..

لكن عجبني كريستيانو سحب على الحفل واللي فيه وماحضر >>> ماهو شايف أحد هههههههه

المهم فاز ليو ميسي مثل ماهو متوقع

تذكرت كلمة قريتها في أحد الكتب ..

إن الانسان دايم ينظر للمشهد الأخير للناجحين ويحاول الوصول اليه لكن لايحاول أن يعرف كيف بدؤ !!!

أقولكم بداية ميسي ..

كان ابوه عامل في مصنع وأمه عاملة نظافة !!!

بداية تقتل أي طموح لأي انسان عادي

برزت موهبة ميسي في كرة القدم

لكن في سن الحادية عشر اكتشف انه يعاني من نقص في هرمونات النمو !!

وعلاجه يكلف 900 دولار شهرياً ..

من النادي اللي بيجيب لاعب علشان يعالجه !!

لكن جات الفرصة ووافق نادي برشلونه الإسباني على التوقيع معه والتكفل بعلاجه ..

هذه بدايات ميسي ولو قال في ذاك الوقت انه بيحصل على جائزة أفضل لاعب بالعالم

كان الكل ضحكوا علية وقالوا عنه مجنوووووووون ..

نرجع للمشهد الأخير

ميسي يصعد المنصة ..

هو أفضل لاعب بالعالم لثلاث مرات متتالية ..

تستاهل يابو وعليك بالعافية ..

حفرت بالصخر وتحملت وهذه نهاية الصبر ..

أما المشهد الثاني اللي شدني ..

كان قبل صعود ميسي ..

كان إختيار أفضل لاعبة في العالم ...

كانت اليابانية ساوا

ماهمني من يفوز منهم لكن اللي عجبني في ساوا صعودها على المنصة

جات بالزي الرسمي لبلادها ..

ماهمها تجامل أحد أو تلبس مثلهم ..

واثقة في نفسها

وواثقة انها جاية تمثل بلادها قبل نفسها ..

علشان كذا تكلمت بلغتها اليابانية ..

وماهمهما يفهمها الحاضرين أو لا ..

كل اللي يهم بلادها ولغة بلادها وثقافة بلادها ..

مقارنة بسيطة ولاحد يزعل أنا ضد فكرة معينه ولست ضد شحص ..

لما المنتشري أو ياسر أخذ أفضل لاعب بآسيا

صعد بشماغ !!

تكلم عربي !!

فكر عربي مايل للهياط ويعنني فاهم كل شي !!

تحياتي لساوا ولكفاحك ياليو ..

******

من منصات : بقايا حب

جنون فنان ..!!











إفتح عيونك وغمض بسرعة كرر هالحركة وانت تناظر الجدار ..

**

مماأعجبني : بقايا حب

..











" تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ "
[ http://youtu.be/bsX6T1raG7A ]

ماشالله
على البركة اللوكـ الجديد

أوربي مره وحده


وربي اتصفح مدونتكـ وأضحكـ على مواقفكـ

بس سؤال؟؟


ليه دايم وأنت تمسكـ كتاب تقرى جالس قبال التلفزيون
ههههههههههه

يعطيك العافية فيورينكا

ماانحرم حضورك..


***


حنين الماضي

والله سؤالك في الصميم .. لكن بجاوبك

بصراحة هذا بسبب الدراسة والإختبارات ..

تعرفين أيام الإختبارات الشاب السعودي يذاكر بغرفته ويقفل على نفسه مسوي فيها فالح ..

ومثل أي شاب سعودي كنت أذاكر بغرفتي بدون تلفزيونات ولامسجلات ولا إزعاجات ..


لكن بقت أكبر وأضخم مشكلة ومستحيل تطلع من الغرفة وهي :










السرير


كنت على السرير أذاكر دقايق ولكن ساعات اكون في وحدة من هالحالتين :

1- أحلام اليقظة .. أرفع عيني من الكتاب وأكون سرحااااااااااااااااااان وعايش جو ثاني وناسي نفسي ..
2- أو أحلام المنام .. وفي هذه الحالة توقف البطانية وتاخذ الكتاب من يدي (( وانا لاحول ولا قوة )) وبعدها تقول لي البطانية برومنسية : ارتاح يا انيشتاين !!!





انتهت الدراسة والاختبارات وانا على نفس الحال ..

من أفتح كتاب أسرح أو أنام ..

لكن التلفزيون كان هو الحل

لما أرفع عيني من الكتاب أناظر التلفزيون وكذا مافي مجال أسرح ..


أشكرك حنين على تواجدك الدائم بالمدونة وعلى ذوقك الراقي ..

ماأنحرم منك ومن طلتك ..


تحياتي ’’

’’ 24/12 ’’
بقايا تاريخ ..!!







هذا تاريخ ميلادي بالتقويم الميلادي ..

وفي لحظة عاطفية عايش يوم ميلادي لحالي طبعا بدون كيك ولاشموع

ولا(( هبي برث دي تو بقايا )) .. وش له هالخرابيط ..!!

روح ماكدونالدز وإعزم نفسك وخذ عشاك وروح الشقة وتفرج على ( ناشيونال جيوجرافيك )

وانت وحظك عالم حيوان ولا ديناصورات اللي بيطلع لك شوفه ..

المهم كنت عايش جوي بذاك اليوم ..


لكن سألت نفسي دامك فاضي خليني أشوف الأحداث اللي صارت بهذا التاريخ ..


أترككم مع 24/12 تاريخ من العالم ..

أحداث

• 1638 - سقوط بغداد مرة أخرى بأيدي العثمانيين بقيادة السلطان مراد الرابع بعد حصارها لمدة 39 يومًا.

>>> ماهي مشكلة العثمانين أحسن من غيرهم ..
بس مراد الرابع !! يعني لوكنت عايش بذيك الأيام يمكن أصير بقايا التاسع مثلاً!!!

• 1777 - المسكتشف جيمس كوك يكتشف جزيرة كيريتيماتي.

.. والله من الفرفره بالسفينه أجل لوعندك كامري !!

• 1800 - نابليون بونابرت يتعرض لمحاولة اغتيال.

شفت هذي آخر العربجة !!

• 1814 - توقيع معاهدة جنت التي أنهت الحرب بين إنجلتراوالولايات المتحدة.

• 1851 - احتراق مكتبة الكونغرس.

لو عندنا وحدة مثلها وتكون عامة يعني خلاص ماهو كل شي بفلوس حتى القراءة !!

• 1871 - تقديم العرض الأول لأوبرا عايدة في القاهرة.

ياسلام الأوبرا هذي شي فظيع ,, تطلع منها صداع نصفي وصمم كلي ..

• 1924 - ألبانيا تتحول إلى النظام الجمهوري.

• 1929 - الرئيس الأرجنتينيهيبوليتو يريغوين يتعرض لمحاولة اغتيال.

شوف وش انت مسوي !!

• 1941 - القوات الإنجليزية والحليفة تحتل مدينة بنغازي في ليبيا.

• 1943 - تعيين الجنرال دوايت أيزنهاور قائدًا للقوات الأمريكية العاملة في أوروبا ضد الجيش النازي.

• 1946 - تأسيس الجمهورية الفرنسية الرابعة.

أها يعني مثل الدولة السعودية الأولى والثانية .. بس ليه انتم مسوين أربع !!

• 1948 - إنشاء أول منزل يستخدم بالكامل الطاقة الشمسية في الولايات المتحدة.

ياسلام عليك قبل أكثر من خمسين سنه ...
بس ليه إحنا للحين على 220 فولت !!

• 1951 -
  • الملك محمد إدريس السنوسي يعلن استقلال ليبيا ويطلق عليها المملكة الليبية المتحدة.

• • توقيع اتفاقية عسكرية بين فرنساوليبيا تتيح للقوات الفرنسية بالبقاء في فزان .

• 1954 - الإعلان عن استقلال لاوس.

• 1967 - الصين تجري تجربة نووية ناجحة.

صار لعبه ..

• 1968 - طاقم أبولو 8 يدخل إلى مدار حول القمر وبالتالي يسجل أول محاولة في تاريخ الإنسان، دار الطاقم 10 مدارات حول القمر وبثها التلفزيون بصور مباشرة وأصبحت من أشهر برامج عشية عيد الميلاد ومن أكثر البرامج مشاهدة في تاريخ التلفزيون.

إييييه هاذي اللي جد يسمونها كشته

ماهو مثل ربعنا يطلعون بهالبر وفي عز البرد وماخذين حطب وجدر ومسوين فيها عيش سفاري !!

• 1972 - ملك الأردنالحسين بن طلال يتزوج من علياء بهاء الدين طوقان.

• 1974 - "إعصار تريسي" يدمر داروينبأستراليا.

الله يبعده عنا ..

• 1978 - اندلاع مظاهرات عنيفة جداً ضد الأمريكيين في طهران.

اوووه هالعالم من زماااان شغالين !!

• 1979 -
  • الاتحاد السوفيتييغزو أفغانستان لدعم الحكومة الماركسية فيها.

راح الإتحاد السوفيتي وبقت أفغانستان !!

أقول

مع نفسكم ..

• • إطلاق صاروخ آريانالأوروبي.

• 1983 - خاطفوا الصائغين الرومانيين الثريين "أنّا" و"جورجيو بولغاري" يفرجون عنهم مقابل فدية بلغت 51 مليون فرنك فرنسي.

يعني القصة كلها أوك بس ليه واحد خمسين !!!

المليون هذا اللي على جنب بيتبرعون فيه مثلاً !!!

• 1989 - بداية الحرب الأهلية في ليبيريا.

• 1997 -
  • محكمة فرنسية تحكم على الإرهابي الدولي كارلوس بالسجن مدى الحياة .

اللي قاهرني إنه كان متخبي بالسودان !! يستهبل



المسلحون في الجزائر يذبحون 59 في قريتي تباريت وبابنام قرب الجزائر العاصمة.

• 1999 -
  • المسلحون في الجزائر يقتلون 26 على مداخل العاصمة.

• • باكستانيون يختطفون طائرة مدنية هندية بين كاثماندوونيودلهي ويوجهونها إلى قندهاربأفغانستان، ثم يفتدون ركابها وملاحيها بثلاثة نشطين كشميريين.

• 2002 - افتتاح مترو نيودلهي.

• 2004 - منتخب قطر لكرة القدم يفوز بكأس بطولة الخليج السابعة عشر المقامة في دولة قطر.

• 2008 - قائد الانقلابين في غينيا النقيب موسى داديس كامارا يعلن توليه الرئاسة.

باقي المواليد بخليها وقت ثاني ..

لكن شوف الأحداث اللي صارت بيوم ميلادك على مر التاريخ ..

صراحة ماعجبني اللي صار في 24/12

نووي واغتيالين وإحتلال .. بس البيت اللي بدون كهرب ذا عجيب ..




********

24/12 : بقايا تاريخ

28/2
’’ بقايا تاريخ ’’

اليوم عيد ميلادي بالهجري هههه ..

يتميز المواطن السعودي عن باقي العالم بأنه يقدر يحتفل مرتين بعيد ميلاده بالسنه الواحده ..

تاريخ الميلاد بالهجري في بطاقة الأحوال وتاريخ الميلاد بالميلادي في الجواز ..!! ههه احتفل بس



المهم طلعت من الدوام وعزمت نفسي صراحة كنت متردد بين الباستا والستيك ..


وأخيرا قررت أنزل مطعم إيطالي وأخذ باستا ..

وأنا أقلب في المنيو بصراحة مااعجبتني الباستا حقتهم باين من الصور ..


وبآخر صفحة لقيت ستيك !! تو أدري إنها أكله إيطالية !!

اتصلت بوالدتي ..

قلت لها اليوم تاريخ ميلادي ..

صراحة هي استغربت !!

كيف ماتذكرين أنا أول عيالك يما !!

هي : ايه بس نسيت صراحة ..

أنا : لا بس أنا مانسيت 28/2 يوم الجمعة المغرب ..

أمي ضحكت : هههه ماشاء الله عليك ذاكر كل هذا !!

ههههه طبعا أنا واخواني دايم نقول لأمي إحنا أول ماجينا ماكنا نصيح ونبكي !!

أول ماجينا أخذنا المنشفه من الممرضه ورحنا تروشنا وبعد ماكشخنا ..

رحنا للوالد وقلنا له يلا نروح البيت ..

ومسكنا يد امي أو اصبعها المهم ورحنا سوا للبيت ...

أمي كانت دايم تضحك علينا وتقول ايه انتوا غير الناس ..

ذكرت أمي بالسالفة وقلت لها : صدقتي الحين أني أول جيت سألت الطبيب كم الساعة !!














وبعد السوالف



بالأخر قالت لي : كل سنه وانت طيب وعقبال ألف سنه ..

***

كل همي بيوم ميلادي أذكر أمي بأول فرحتها اللي هو أنا هههه ..

وهمي الثاني أسمع دعواتها ..

أما الكيك والشموع !! ماهي من همومي ..

****

عمري الجديد
بقايا حب ’’