تمنيتك علي مقبل مبتسم فرحان....

أبتسم , مقبل , تمنيتك , علي , فرحان

تمنيتك علي مقبل مبتسم فرحان....

تمنيتك علي مقبل مبتسم فرحان...

تمنيتك علي تقبل أشوفك مبتسم فرحان
وأشوف اهلك يغنوا لك ولدروبي يزفونك


وتزيد بقلبي نبضاته ويحمر وجهي الخجﻼ‌ن
ويرعش جسمي بقدومك وأقول امشي على هونك


وامﻼ‌ك السما تحفك بنور الرازق المنان
عليك اسم الله يا لغالي وعمت عين لــ يحسدونك


تسابق لجلي خطواتك تجيني محترق لهفان
وأحط يدي على قلبي واقله جاك مفتونك


وتفتح طرحتي بيدك وأتوه بسحرك الفتان
يعمري والله خجﻼ‌نة وميته بنظرة عيونك



يريحني كﻼ‌مك لي يمحﻼ‌ ليلة العرسان
وتعاهدني بتوفي لي وأعاهدك أني ما أخونك


مضى عمري وأنا احلم واظم طيوفه باﻷ‌حضان
واسأل ليلى يا ليلى شسويتي بمجنونك


تحقق نصف حلمي بك وشفتك مقبل وفرحان
وشفت اهلك يغنوا لك.وللحلوة يزفونك


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك


فضحني صوت شهقاتي ورجيت الواحد الديان
يخليها ويقدرني أضمّد جرحي من دونك


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك


وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك


وناديتك وﻻ‌ لبيت وتخالط شوقي بالهجران
بتنهيدة أنا ترجيت لي ربعي يجيبونك


يقولون ادفني ذكره يقولون انسي اللي خان
قسم بالله ما بنساك ولو هالكون ينسونك


تروف بحالتي سارة وتحلف والله هو خسران
يواسوني رفيقاتي يقولن كلنا عونك


كبيرة بعين كل ربعي أموت وعزي ماينهان
كذا تخليني أصغرهم مع فﻼ‌نة يلقونك


أنا مابي مهر منك وﻻ‌ شبكة وﻻ‌ فستان
طموحي احتضن حزنك وازين بالهنا كونك


أبيك تكون لي وحدي بديره مابها سكان
تنومني بوسط عينك وتلحف جسمي بجفونك


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك


وش اللي مو حلو فيني كسرت بخاطري يفﻼ‌ن
خبر عرسك قضى فيني هلكت قليبي بطعونك


(مزن )ضميتها وبليت شعرها بمدمعي الهتان
يعمري خلو الخالة وعساهم ما يخلونك


يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك


أسف والله أسف مكتوب أهيم بسكة اﻷ‌حزان
ومكتوب ألقى بنت الناس بدالي تعيش في كونك


يشين اللحظة ذي والله تمنيت البس اﻷ‌كفان
وأشوف الظلمة في قبري وﻻ‌ بغيري يهنونك


يبين ارجوووك خذ روحي ونادو يا هلي الدفّان
ابيك تحس بجروحي وبتابوتي يمرونك


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني


فراق أهلي وزواجك موت ، ودمعك موتي الثاني
خﻼ‌ص ارحمني ﻻ‌تبكي دخيل الله على شاني


زماني مارحم ضعفي هزم حسي وتحداني
(((عهد))) في قبري ما بنساك تعال وزورني عاني
بحس إنك علي ولهان ، وبفرح وســـــــــــط تربـاني

الموضوع الأصلي: تمنيتك علي مقبل مبتسم فرحان.... || الكاتب: عجزت انسساك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

عندما كنت هنا اقراء ما كتبتي

وانغمستُ مع ما وجدته فيها

تعرضتني عاصفه قوويه

عصفت بأشرعتي الهادئه

ليست ككل العواصف..

فقد كانت من نوع اخر

نوع يعصف بالوجدان قبل الارواح

نوع يعصف بالساكن قبل المتحرك

ســــيــــــدتــــي

استمتعت كثيرا بما طرحت

لقد عانقتي السحاب في طيات ما كتبتيه

هنيا للابداع فيك .. وهنيا للمنتدى فيما تكتبين

//
\\
//

أســـيــر .. وقفت هنا كثير