كاذب,, أناني,, ميت احساس,, مغرور..*^

أناني , مغرور..*^ , احساس , كاذب

كاذب,, أناني,, ميت احساس,, مغرور..*^

آخر كلامك قلت لي منت مجبور..
وش رجعك بالله بعدك تبيني ؟!
::
::
وصلتها لفراق ومنت معذور..
أبيع بايع واشتري مشتريني..
::
::
ومادام قلبك خالي احساس وشعور..
ماني بحاجة قلب ماحس فيني..
::
::
ماني على خبرك تمثل لي الدور..
ولاني على كيفك تروح وتجيني..
::
::
واذا الزمن له جور والحب له جور..
جورك على جور الزمن مبتليني..
::
::
ضايقتني حتى وأنا دمي يفور ..
وكذبت في شي حصل شوف عيني..
::
::
كاذب,, أناني,, ميت احساس,, مغرور..
قاسي,, عنيد,, وياخسارة حنيني..
::
::
وشلون أمد الكف والكف مبتور ؟!
من قلبك اللي مايقدر يميني..
::
::
وقتن مضالك مالفى مني قصور..
ماباقي الا أشيلك براحتيني..
::
::
وكتبت فيك حروف وأبيات وسطور..
ليتك تحس وليت قلبك يبيني..
::
::
زرعت فيك الكبر وأصبحت محقور..
وأعميت عيني من رفالة يديني..
::
::
رفعت من قدرك وواجهت بغرور..
وأول وفاك تروح ماتحتريني..
::
::
واليوم ترجع لي عقب غيبة شهور..
ودك تعيد الحب؟! لا ياضنيني
::
::
ماعاد باقي غير أوادعك مجبور..
راحت عليك وياخسارة سنيني..
::
::
العام قلبي يوم ألاقيك مسرور
واليوم عقب الود لاترتجيني..
::
::
واذا ذكرت العشره بقلب مقهور..
تذكر اللي صار بينك وبيني..
::
::
وابعد بعيد وعن فعايلك مشكور..
الربح نفسي والخساره لعيني..
::
::
آخر كلامك قلت لي منت مجبور..
والحين أظنك منت مجبور فيني

الموضوع الأصلي: كاذب,, أناني,, ميت احساس,, مغرور..*^ || الكاتب: العنود بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

ذاك القلب حد الوجع
حين أراه يلتحف السواد ويرحل بنبضهـ
نحو المجهول
نحو المدى الذي تميل خيوطه للإنحدار عن القمم
والسقوط بهاوية الوداع والفراق

غاليتي ..
العنوود بنت خالد

رائعة أنتِ
حقاً تعجز مفرداتي عن التعبير
أمام هكذا احساس
رائعة جداً ومميزة بحق

كنت هنا أقرأ وأتأمل
حرف أبهج خاطري وأسر ذاتي

ودي
وعبيـــــر احتـــــرامي

رااائع اختي العنود هذا الشعر المتفرد

بخاصيه العتاب و الشموخ

يعطيك العافيه وصح لسانك دوم الابداع تقبلي مروري

آخر كلامك قلت لي منت مجبور..
والحين أظنك منت مجبور فيني


هنا بحور الابداع وقمة عزة النفس

دمتي لمن تحبين

محبتي

احساس رائع اختي ..



مشكووووورهـ على الابيات الجميله ..

دمتي بود

يسلموووووووووووووووو العنووود على الطرح الرقي
لا عدمنا هذا الطرح
ننتظر جديدك

الله لايرحمني من مروركم

واسعدتني ردودكم

ولا عدمنا طلتكم

كلمات رائعه وراقيه
مبدعه العنود
دمتي بتألق ورقي
تقبلي مروري
جود بنت خالد