|
๑۩۞۩๑ فنون الطبخ ๑۩۞۩๑ ۞اكلات صينية شرقيه ,عربية ,رمضانية ,طعام ,حلويات , اكلات شعبيه ,طبخات,اطباق ۞ |
|
أدوات الموضوع | انواع عرض الموضوع |
#1
|
||||||||||
|
||||||||||
فطيرة الوردة بالسكر و القرفة
السلام عليكم اخواتى فى الله يا رب تكونو بخير و بصحة يا رب انتو و كل حبايبكو وحشتونى جدا جدا و من زمان ما نزلتش مواضيع و اتمنى ان موضوع النهاردة تنول رضاكم ... ان شاء الله النهاردة هقدم لكم فطيرة الوردة بالسكر و القرفة...فطيرة ماشاء الله رائعة جدا فى الطعم ومبهرة جدا فى الشكل اتمنى انها تنول رضاكم 3 كوب دقيق 3 معالق كبيرة سكر نص معلقة صغيرة ملح حوالى كوب ماء او لبن دافئ (هنا اخدت العجينة كوب الا ربع لبنحليب ) بيضة واحدةو رشة فانيليا للعجينة +بيضة مع فانيليا لدهان الوجه +سمسم قطعة خميرة فى حجم الليمونه او معلقة كبيرة خميرةجافة ربع كوب زيت +معلقة كبيرة ممسوحة سمن او زبد 2 معلقة لبن بودرة او 2 معلقة زبادى (اختيارى بس وجودها بيعطى طرواة اكتر للعجينة) الحشو (هنا هيكون زيت او زبدة سايحة +5 معالق سكر مخلوط برشة قرفة حوالى نص معلقة صغيرة) الطريقة *هندوب الاول الخميرة فى شويه ميه من الكوب مع شوية سكر *هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء * و بعدين نسبها تخمر ساعة و بعدين نتبدى نشكلها كالاتى ..... هتقسم العجينة الى 5 كرات ( 4 كرات متساوية + كرة صغيرة ( اللى هتحطها فى منتصف الورة ) و هنسيبهم يرتاحو ربع ساعة على الاقل ** هنفرد اول كورة من العجين على شكل دائرة ...مش سميكة و مش رفيعة ..وسط يعنى و هندهنا بالزبدة السايحة او الزيت و نرش سكرالمخلوط بالقرفة و بعدين نفرد الكورة التانية من العجين و نحطها على الدايرة الاولى و ندهنها زيت او زيدة و نرشها بالسكر لمخلوط بالقرفة و نفرد الكورة التالتة من العجيم على شكل دايرة و نحطها على الدايرة التانية و ندهنها زيت او زيدة و نرشها بالسكر اللى مخلوط بالقرفة و بعدبن نفرد اخر كورة عجين اللى هى الرابعة و تحطها فوق الطبقة التالتة و مش هندهنها حاجة ** هنحاول نقسم دوائر العجين الى 8 مثلثات متساوية ( هنقسم 2 ثم 4 ثم 8 ) و نبتدى نعمل فتحة بالسكين فى منتصف كل مثلث بحيت ان الفتحة دى متوصلش لطرفى المثلث بالشكل ده ** هتجيب طرف المثلث بتاع العجين و هنلفه لتحت و نطلعه من فتحة مثلث العجين بالشكل ده و بعدين هتجيب اول طرف او طبقةالعجين بتاع قاعدة المثلث و نلم بيه الطبقات اللى تحت كدا و تلمها على بعض و تقفلها بالشكل ده و تعمل كل مثلثات العجين بالشكل ده و بعدين نحط الكورة العجين الخامسة و تبططها بسيط و نحطها فى صنيها يفضل تكون على ورقة زبدة عشان تشيليها بكل سهولة لما تستوى و لما تحط الكورة اللى فى النص نبتدى ترص المثلثات 8 براحة بالشكل ده هنسيبها ترتاح نص ساعة و نغطيها طبعا ...و بعدين ندهن وشها بالبيض ....لو مفيش بيض ادهنيها باللبن الحليب و نحط فى منتصف الوردة سمسم و ندخلها فرن شغال قبلها بعشر دقابق على نار متوسطة فى الرف اللى فى النص (انا حطيت قرفة فى منتصف الوردة و كنت بخبزها الساعة 12 بليل لانى اكتشفت ان السمسم خلص ماااازن حبيبى كل السمسم هههههههه اه و الله ....فخبزتها وحطيت قرفة فى النص و تانى يوم الصبح جبت سمسم و حطيت مربى خفيفة فى منتصف الوردة و رشيت عليها سمسم عشان يثبت ( الجيش قالك اتصرف) هههههههههههههه و طلعت بالشكل ده ( دى اول ما طلعت من الفرن ... و دى لما حطيت السمسم اتمنى انها تعجبكم
المصدر: منتديات كلك غلا t'dvm hg,v]m fhgs;v , hgrvtm hgrvtm fhgs;v |
أخر 5 مشاركات العنود بنت خالد | |||||
المواضيع | المنتدى | المشارك الاخير | الردود | المشاهدة | آخر مشاركة |
تحويل ملف pdf الى jpg | ๑۩۞۩๑ الـتطور التقنـي ๑۩۞۩๑ | 1 | 2020 | 12-22-2019 07:29 PM | |
ما هو الفرق بين انتيل كور وانتل سيليرون | ๑۩۞۩๑ الـتطور التقنـي ๑۩۞۩๑ | 1 | 1875 | 12-22-2019 07:29 PM | |
الغاء الباسورد للكمبيوتر ويندوز 10 | ๑۩۞۩๑ الـتطور التقنـي ๑۩۞۩๑ | 1 | 1605 | 12-22-2019 07:28 PM | |
تحويل الفيديو الى ام بي ثري | ๑۩۞۩๑ الـتطور التقنـي ๑۩۞۩๑ | 1 | 1667 | 12-22-2019 07:27 PM | |
طريقة حل مشكلة لم يتمكن windows من اكمال عملية... | ๑۩۞۩๑ الـتطور التقنـي ๑۩۞۩๑ | 1 | 1700 | 12-22-2019 07:27 PM |
مواقع النشر (المفضلة) |
الكلمات الدلالية (Tags) |
الوردة, القرفة, بالسكر, فطيرة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حلى الشعيرية بالسكر وجوز الهند | حكايه عاشقه | ๑۩۞۩๑ فنون الطبخ ๑۩۞۩๑ | 0 | 04-30-2018 04:25 PM |
اعداد كيك القرفة | همسه غلا | ๑۩۞۩๑ فنون الطبخ ๑۩۞۩๑ | 1 | 04-07-2018 03:26 PM |
طريقه عمل توست الدونات بالسكر | BAYALA | ๑۩۞۩๑ فنون الطبخ ๑۩۞۩๑ | 0 | 03-11-2018 06:20 AM |
الكسكسي الحلو بالسكر | نواف | ๑۩۞۩๑ فنون الطبخ ๑۩۞۩๑ | 1 | 07-13-2017 01:44 PM |
التقشير بالسكر. | همسه غلا | ๑۩۞۩๑ عالم المرأة ๑۩۞۩๑ | 1 | 07-11-2017 07:14 PM |