يلعن امك صار مدحه

مدحه , امك , يلعن , صار

يلعن امك صار مدحه

بصراحه هالموضوع شدني واحنا غافلين عنه من جد
ماتلاحظون ان كلمة
(يلعن أمك)
انتشرت انتشار غريب ومريب..
وصار اللي يقولها عااااادي جدااااا...
كأنه قايل > السلام عليكم<.!
والاغرب ان اللي تنقال له عاااااادي عنده..!!
كيف ترضى على أمك ؟! وليش...؟
وحتى بعض البنات اللحين بالعكس صارت عندهم يلعن أمك مديحه..!!
أو هذا تعبير عن الحماس في سالفة ما ! مثلا ..
يجي واحد يقول : والله أمس سويت كذا وسويت كذا ..
يجي الثاني يقول : يلعن أمك ياشيخ ..!!
واذا قال له يلعن أمك
مد هالخشه شبرين كأنه قايل له شعر يمدحه ..!
والا بعض الشباب .. واحد يسأل الثاني :
وش رايك باللاعب الفلاني..؟
يقول :يلعن امممممممممممه يلعب من جد ..!
طيب ابي افهم .. وش دخل امه بالموضوع..؟!
للاسف الشديد ان الكلمه هاذي منتشره عندنا انتشار كبير ..
والان حاصله مع الشباب في جلساتهم ..
فلان : وينك أمس يلعن أمك؟
علان : ابد رحت مع فلان الله يلعن امه.
فلان : ليه ما قلتي انك بتروح معه الله يلعن امك انت وياااااه؟
علان : وش دراني انك بتروح يلعن امك ؟
فلان : ههههههههههههههههههههه
علان : هههههااااااااااااااي
ولا كأنه صار شي !!!
وللاسف تقريبا اكثر كلمه تنقال هالايام واكثر عند الشباب ..
وكم واحد تسأله عن هالكلمه .. بيقول لك : صارت عاده ..!
هذا جواب اقبح من ذنب
ما فيه شي تتعود عليه وانت تدري انه موب زين ولا تقدر تخليه ..!
يمكن انك تغفل أو تتغافل عن الذنب اللي تحصله من هالكلمه ..!
بس لا تنسى وانت تقول هالكلمه انك تسوي شي من الكبائر ..
انت تخيلت معي .. كبائر الذنوب ..!!
صح عنه صلى الله عليه وسلم انه قال:
(من الكبائر شتم الرجل والديه قالوا : يارسول الله وهل يشتم الرجل والديه ؟
قال : نعم يسب ابا الرجل فيسب أباه ويسب امه فيسب امه) رواه مسلم .
وش رايكم ..؟
وش الحل لهذي المشكله الخطيره ؟
يعني لها لدرجه ما فيه احترام ولا تقدير للأم ..؟!
واقعنا مرير وكل يوم من شي للأسوء

الموضوع الأصلي: يلعن امك صار مدحه || الكاتب: تعلمت ارسم الفرحه || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

dguk hl; whv l]pi hl; dguk