أذكر انكـ قلت لي :: إرخي جفونكـ ...

... , لي , أذكر , إرخي , انكـ , جفونكـ , قلت

أذكر انكـ قلت لي :: إرخي جفونكـ ...

أذكر إنك قلت لي : إرخي جفونك ،

ويوم أنا غمّضت ..
من وجهي إقتربت وقلت لي :
" هكذا الدنيا بدونك " !



.
.


وإبتسمت !


.
.



وكان دورك في سؤالي ..
جت عيوني في عيونك ،
والله بأحكي ..


ما قدرت !


فيني كانت طفلةٍ تغفي على سرد الحكايا .. .
تعشقك ،
لكن بصمت !



طفلةِ في الروح تركض ..
تنبش بوسط الحنايا ،
ومن غصون القلب كانت تجمع ورود وهدايا !
تزرعك في كل صبح ..
وآخر الليلة وبعض الخلق يلبس نومه وبعضه عرايا ،
تطلب الله وتصلّي ..
علّه يهديها مثل وجهك كثييييييير !
علّها تتنفسك في كلّ يوم من البداية للأخير ..


.
.


" شوف وشلون النوايا " !

طفلةٍ أطرافها رعشة يدين أمك ..
هدبها لك غطا .. وعيونها لجلك سرير ،
طفلةِ بعيونها لوحة يُتم .. .
وبشفاتها : [ يبه أنا أحبك كثير ] !

طفلة ،
من لحمك ودمك !
طفلة .. تتوسد يدينك .. .
طفلة تتغطى بـــ لّمك !
حلمها في كل ليلة سندريلا والأمير .


همّها ماكان هّمك !
همّها ماكان هّمك !
همّها ماكان هّمك !

حلمها في كل مرّة ،
ينتهي قبل الأخير . .
وتصحة بدري سندريلا ،
حافية . .
والأرض ماتوصّل لقاع !والهوى حبله قصير . .
وأول الحب [ إبتسامه ] ،
وآخر الحب " الضياع " !


ياللي علّمني أحبه فوق ماهو
مستطاع !
ونسى يعلّمني بأنه عادي يهجرني ويبعد ..
قبل لحظات
الوداع !!


ياللي أشبعته غرامي والوفا ..
وبأنانية نسى إنه في الهوى ناسٍ
جياع !
وقلب من بعده ،
جرييح !


.
.



شلون قّلي تستريح ؟!

وإنت من علّمني أمشي فوق ظهر الغيمة اللي تمطر ،
وأركض ما أطيح !
ليت لو علّمتني كيف الوقوف بوجه ريح .
وقت ماكنت أنسج من إحساسي " لحاف " .. .
كنت تحفر لي " ضريح " !


ما إكتفيت ؟!


.
.



آتذكر .. .


يوم كنت تقول لي : أفدى عيونك .. و إستحيّت !
وقلت لي : شــ الحل ويّا ذا الخجل ،
وش يعني أحبابكـ فدوك ؟!


طيب أنا هاللحظة ودي أسألك :
شــ الحل إذا أحبابك نسوك ؟!
شــ الحل إذا أحبابك نسوك ؟!
شــ الحل إذا أحبابك نسوك ؟!


ياليت لي قلبك وأنسى اللي نساني !
ذكريات الحب [ شوك ] .




" شوف يا ضعف الأماني " !!


.
.



بُعدك الليلة .. .
يذكّرني بـ مدى قربك في لحظة وإنت تسألني شكثر عندي غلاك ؟!
وما آتكلم !
وإنت تقرب منّي أكثر :
افتحي فمّك أشوف .. يمكن النملة كلَت سكّر الفم وحلاك ،
باقي في فمّك لسان !!!
زين إحكي .. .
وش بلاك ؟!



!
آهـــ لو تدري بـ أن القرب من وجهك هلاك !



وأنا من حتفي إرتعبت !


أذكر إنك كنت تنطرني أجاوب ؟!وأنا فــ عيونك غرفت ..
وتاهت حبال وغوارب !
كنت من وجهي قريب ..
وإرتبكت !
كانت أنفاسك براكين إتّثاوب ،
وأنا ياضعفي .. .
إحترقت !



يا غياابه ..


كانت أنفاسه كفيله بالإجابة !
أنه هو ماي وهواي .. .
أنه الأرض و سماي ،



يا عمااااي .. .
كيف عيني ماحكت لعيونه الحال وعذابه ؟!!


ليت أنا ياحال أمّه ..
ليت أخته .. .
ليت لي منّه قرابه ،
بنت جيران خطبوها !
وإلا لوحة علّقوها ..
وإلا قطعة من ثيابه !!



ليت أنا يا حال "بابه " !
وأنفتح لا طلّ وجهه كل يوم ،
واتقفل لا غاب عني بالكآبه !
ولو هو أهملني وسط كومة هموم ؟
والله بــ أرضى بالرتابه !
.
.


" شوف أحلام الغلابة " !!


وقِس بها ضعف القلوب !
يا هِداياتي وضلالي ..
يا خطيّة والله عنها ما أتوب !
يا خلاصي من سواك .. .
ويا احتلالي ،
يا عبادة في الهوى تمحي الذنوب !
ياغلا يتعدى طاقة احتمالي ..
ياشمال يلغي وجهات الجنوب !
يا هوى مسكون بّي .. ومنّي خالي ،




وين عدل الحب يالخلّ اللعوب ؟!


ليتك فــ هالوقت ياخلّي حلالي
كان مابيّحت أنا سدّ القلوب !
وكان ماوقّفت هاللحظة لحالي ،
أبكي أطلال الهوى وقت الغروب !

الموضوع الأصلي: أذكر انكـ قلت لي :: إرخي جفونكـ ... || الكاتب: ابتهال الروح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

طرح راااااااااااااااااااائع

مشكوووووووووووووووره ع هيك ابداع

" شوف وشلون النوايا " !

طفلةٍ أطرافها رعشة يدين أمك ..
هدبها لك غطا .. وعيونها لجلك سرير ،
طفلةِ بعيونها لوحة يُتم .. .
وبشفاتها : [ يبه أنا أحبك كثير ] !

..........................

غرقتـ لحد الثمالهـ ..

امتعتي وكنتي للجمال الف عنوان ..

همس الروح ..

سأنتظرك هنا دائما ..

حُبـي ..

يعطيك العافيه يالغلا على الطرح الجميل
راق لي التواجد في هذا المتصفح
ماننحرم منك
ودي

يعطيك العافيه يالغلا على الطرح الجميل

للجمال بقيهـ بمداد قلم

ينطق بارق المشاعر

واعذب الاحاسيس

فاي شهد يتقاطر من رضاب حرفك