مغامرات بعض الاشخاص بالمستشفى عرقة

مغامرات , الاشخاص , بالمستشفى , بعض , عرقة

مغامرات بعض الاشخاص بالمستشفى عرقة

إليكم تجارب حقيقية لبعض المغامرين.........


1-عرقة و مستشفى الجن: سـأنقل منها الموقف المخيف مع الرجل الأسود....

كتبت بتاريخ 08-10-2010

01:58

pm

قام بكتابتها راعي البليزر
يوم الثلاثاء اللي فات كان فيه اتفاق بيني وبين اخي و صديقي المسفهل ( ابو زايد ) انا نروح لمستشفى عرقة اللي يقولون فيه جن

المهم دقيت عليه بعد المغرب قلت هاه على وعدنا الليله قال هذا

انا جايك في نصف الطريق قلت يالله انا والم عند الباب

المهم مالكم بالطويله

كان سبب الاتفاق ان يكون دخول المستشفى بالليل لكي نعيش الاكشن ونشوف هالجن اللي يقولون

عاد طبعاً انا و ابو زايد ما فينا اللي يروع السكن

عفواً قصدي اللي يروعونه السكن


المهم مرني ابو زايد وركبت معه وحنا في الطريق قلنا ينقصنا ابو سعد ( AL_FOUZAN ) دقينا عليه وقلنا السالفه كذا وكذا تجينا قال تم

قبل نبداء في طرح الصور خلوني اعطيكم مقدمه عن المستشفى مما سمعت وقريت من النت :

موقع المستشفى : الرياض .. حي عرقة .. مخرج 1 او مخرج 36 .. امام مدارس بنات .. خلف قصر الامير مشعل بن عبدالعزيز

وهو مستشفى حكومي ضخم جدا مهجور من ايام حرب الخليج خلف المستشفى سكن اكبر من المستشفى بالنسبة للمساحة والمستشفى كبير يتكون من 8 ادوار وسطح والمستشفى كامل بل متكامل بكل الاجهزة والكهرباء متوفرة بالمستشفى الى الان و هناك مصاعد بالمستشفى وانوار تعمل الى الان
وصلنا المستشفى ولبقنى سيارتنا في الحاره علشان محد يشك ان فيه احد بالمستشفى
وكنا ننتظر ابو سعد يوصل لنا

قلت لأبو زايد خل نصلي قال ابو زايد خلاص اجل ندخل نصلي في مسجد المستشفى الى ان يوصل ابو سعد قلت قدام

دخلنا من البوابه الخلفيه ودخلنا دورات المياه وانتم بكرامه نبي نغسل للصلاة

انا دخلت الدوره وابو زايد كان عند المغاسل وفجأه اسمع صوت واحد يتكلم يقول وش عندكم هنا انا الصراحه شوي ويوقف شعر راسي وقام يدور في راسي حو يجوز اني اسمي بالرحمن الرحيم وانا بالدوره والا ما يجوز ثم تكلم ابو زايد يقول جايين نصلي وانا طلعت من الدوره قلت لا ينهبل ابو زايد

ويوم طلعت والى اللي واقف عند الباب واحد اسود نيجيري طويل ولابس شماغ وشوشته طالعه من ورا الطاقيه من عند اذانه

انا عيني على الباب ادور النحشه وابو زايد مثلي يدور النحشه

وكلاً منا لسان حاله يقول هونا عن الصلاة هنا

>> تخيلوا معي المنظر واحد اسود فحمه و واقف على الباب واللي وراه كله اسود ظلاااام و زود على هذا ما فيه الا لمبتين اللي تشتغل بدورات المياه

معناها انه جني لا محاله

المهم قالنا تبون تصلون قلنا ايه

قال جزاكم الله خير وغسلنا وحنا مسرعين والله ما ندري هو هنا بدينا بالترتيب والا لا

دخلنا المسجد ودخل معنا هالنيجيري وبينما نحن نصلي فقدناه

وايضاً الصلاة قلنا بها وحنا عجلين وندور هالنيجيري ما لقيناه قلنا اكيد طلع ؟؟




2- مستشفى عرقه .. المهجور والمسكون من 30 سنة
كتبت بتاريخ July 15th, 2010, 07:46 AM
قام بكتابتها : wiceked

حبيت افتح نقاش عن مستشفى عرقه .. اللي بالرياض .. جنب وادي حنيفه
طبعا قصه هالمستشفى انه انبنى عام 1400 .. على عهد الملك خالد رحمة الله عليه
ويقال انه انهجر بسبب حرب الخليج .. وقالو ان الكويتيين سكنو فيه لمده ايام
المهم ماعلينا من ذا كله

وبعد ما انهجر من 30 سنه .. صار مستشفى مسكون

انا و مجموعة من اخوياي قررنا نروحله ونكتشف عنه

فهد ومشعل و احمد و انا ووليد ونايف .. طبعا كلنا ماخذين الدعوه جد ونحاول نكتشف اشياء ..
ماخذين كاميرا والمشكلة الكاميرا بالتصوير الصور تقدر تستخدم فلاش .. اما فيديو ماتقدر تستخدم فلاش

والجو كان بعض الغرف ظلمة وبعض الغرف منورة .. من 30 سنه ! او 31 سنه ..

الساعة طبعا رحنا صلينا العشاء في المسجد اللي جمب المستشفى .. حتى كان المؤذن صوته اعوذ بالله يخوف

طبعا المستشفى من برا تشوفه تقول جديييييييييد .. ومن داخل كذلك .. بس راح تشوف كتابات بالبخاخ وكلام ماله وصف .. والأجهزه !! ماقول الا لو تاخذها وتبسط فيها تجيبلك مليون .. مليونين !! خخخ

المستشفى هو المبنى الكبير وجمبه مبنى حق السكن ..
هذا نصيحة لا تدخلونه !! لأنه العن والعن من المستشفى
طبعا فيه كلب مشهور هناك .. نصيحة لا تقربون له ..

طبعا انا سمعت صوته من بعيد وبلعت العافيه ..

طبعا الدور اللي تلقى فيه جن هو الدور الاول ثم من السابع فما فوق
واقوى دور هو الدور الثامن .. لحد يقربله



3- مستشفى عرقه المهجور بالرياض (قسم بالله يشيب الراس)
قام بكتابتها : فايرس نت
في تاريخ : 27 - 01 - 2010, 04:10


ياشباب زي مانتوا شايفين الساعه اللحين 03:40 الفجر

توني جاس من مستشفى عرقة القديم المهجووور

ياااوك ياعيااال يشيب الراااس منه

حصلنا هناك ناس مانعرفهم معهم جمس ابيض (سبعان والله ونعم فيهم ) >> يمكنه مسجلين هنا ويشوفون الموضوع

المهم ياعيال السالفه ومافيها جاتني رساله بالاميل فيها صور للمستشفى

حرت له انا و2 معي ولاحصلنا المسشفى

المهم اليوم الساعه 1 بالليل حصلت واحد يدله ورحنا عددنا 5

وحصلنا راعي الجمس فيه حول 6

مافيه صامل الا انا وخويي اللي يدلها مع العلم خويي دخله كذا مره

المهم جينا ندخل شفنا زول (شكل) رجال من بعيد واختفى وترددنا

وبعدها صملنا وصلنا للمدخل وطلعت اصوات كلاب (جعر) وانتم بالكرامه

ورجع خويي وانا وراه خخخخخخخ

المهم واحد من العيال يحلف يقول قسم بالله قد دخلناه وسمعنا صوت بزر (طفل) يبكي وانحشنا

وواحد يقول سمعنا صفق باب وواحد يلعن ويطردنا وانحشنا

المهم ياشباب انه فراسي ادخله بس تشوفه من برى تهوون

اشياء تهوول وتشيب الراس من برى مهجوور بشكل غير طبيعي

ياشباب نص المستشفى من داخل منور كيف الانوار (اللمبات = الليت )

للحين شغال شي يشيب الراس

والله ياعيال كنا نمشى الا اشتغلت اللمبه في الدور الثالث تقريبا

الا العياال يشدون ويطلعون من عرقه بكبرها

ومااقول الا مهما تكلمت ماراح اوصف اللي شفته قبل شوي

3- القصة غير معروفة المصدر لكنها مشهورة جدا بلمنتديات ومتناقلة من قبل الكثير
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها طبعا مهنا مكان نروح له المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسوا فيه وبعدها معد احد دخله
ويقولون فيه جن انا بس سمعت جن قلت له جايينه جايينه
عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقسم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهرالمهم سمعنا صوت قوووي مرررره في الدور الثاني العيال خاافو وكل واحد صفقته ام الركب وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته !!!!!!
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي ؟
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم<<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي المهم وصلنا للدور السابع لقينا الباب حقه مقفول بس واضح ان لو تهف الباب طاح
المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينهاحنا طارت عيوننا جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك المهم هم رقو واحنا قاعدين ندور
ما وعينا الا نسمع صراااخ اخويانا الثنين وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد
والي مو مصدق يروح يدخله ويشوف

الصور؛





7





7













هالصوره من غرفة الحاسب الآلي حقهم





يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه


شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل







مدري وشو

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x450 .



مدري وشو بعد بس يمكن حق تسجيل مكالمات او هيك شئ

نو كومنت
لكن شكله من اثار الأذرس

الموضوع الأصلي: مغامرات بعض الاشخاص بالمستشفى عرقة || الكاتب: عِطْرُكِ أَنْفَاسي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

على اني موظف بالرياض وقبل اتوظف بالرياض تقريبا شهريا موجود فيه


اول مرررره اسمع عن هالمستشفى


بجد شي غريب ووين الرقابة عنه ليش مايعيدون تشغيلة وصيانته


عموما


تسلم اناملك الذهبية يالغالي على الطرح الرائع

الف شكر اخووي عطرك
وانا ولدت بالرياض وعمري مااخرجت منها اكثر من شهر
بس وربي اول مررة اسمع بهالمستشفى ولاعندي خلفية عنة
بكررا بسال اهلي عنة عطررك مشااء الله علييك مدري كيف دخلت
تحياااتي لك ولاااصحاابك

ههههههههههههههاااااااااااي

جد ولا مزح

طيب ليه مهجور وش السبب ؟؟!!


ياأما يرجعون الحياة فيه هع هع أو يهدمونه أزين مسوي زحمه هع هع


يعطيك الف عافيه خيي

تقبل مروري المتواضع

يمه يخررع
هههههههه


يسلمو عطرك

اف ما خذ مسااحه يهدمونه ويستغلو الارض احسن

تسلم الانامل اخوي

ههههىاأآي

يـأآ هلأـآ والله

منؤوؤرين

اههم شششي ما خفتؤوأ

يا خوّافين ليه ما رحتوا بالليل آكشششن أكثـررر
انا انصدممت من الحمام (وانتوا بكرامه) وغرفة التنويــم..مرره ما تقولون انها في مستشفى صار له مبني أكثر من 30 سنة!!!! بصرراحه حرآآآآم والله مهجور ومهمل كذآ
أمّـآ هذول النآس الرايقين اللي مكتبين ع الجدران وراسمين..مدري وش جوهم بالضبط


.

بس تصدقون عاد .. ربي بلآني بعيآل عـم دلوخ دلوووووخ بمعنى الكلمه ..

جيت عليهم وهم على هالكيبورد .. واشوفهم يقلبون في هالكيبوررد ..

المهـم سألتهم .. : يآعيــال شفيكم .. تبون اسآعدكم بشيء؟؟؟

قالو .. ياخي الله يلعن امهم ياخي .. وين حرف الذآل مو موجود في هالكيبورد

آنا على طول دعيت ربي آني الوحيد اللي يطلع من هالمستشفى ..

قلت امش امش انت وياه امشو فضحتونا مع الجن هنا..

هيا لو جا جني يعرفني .. وشافكم وش اقوله بالله

ههههههههههههههههههههههههههههههههه<<< فآآآآطسه
توحفـهـ هالمقطع

والله يصلح هالمستشفى يمثلون فيه أفلام رعب أمريكيه بيطلع الفيلم تووب

عآزف..
تقرير ممتــع..ومـآ يخـوّوف أبد
يعطيـكـ العافيه

.

،،،، طرح راائع
تسلم الايادي يا الغلا
ويعطيك ربي الف عافيه
بانتظار جديدك القادم ،،،،

أششكركم على تفأآعلكم

مع القصصصة

بس طلعتوأآ اقويأآءء >>>> ارحمنا يا أقوؤيـأآءء

هههههههههههههأآأي

منؤوورين