ثمان سنين أجي نفس المكان بحزة المغـرب..!

المكان , المغـرب..! , بحزة , ثمان , سنين

ثمان سنين أجي نفس المكان بحزة المغـرب..!

قصيدة راقت لي وأتمنى تنال إعجابكم ...
على الموعد بلهفـه جيـت لا مانـع ولا تأخيـر
لفيت من العصر هايم مع ان الموعـد المغـرب

وجتني بس انا مدري شعرت الجيّة هـذي غيـر
وهي تقرب من عيوني شعرت ان الممات اقرب

وقلت الله يهوّنها عسى فـي جيّتـك لـي خيـر
انا من شفتك أقبلتـي وانـا خايـف ومستغـرب

على كثر الحكي مـدري كأنـه خانهـا التعبيـر
وقالت لي جمل وأشيـاء لا تكتـب ولا تعـرب

هدَت فجأه.. تطالعني وأنا فـي حاجـة التفسيـر
لجل نحكي بهدوء اكثر سألت: الحلوة وش تشرب

فصاحت بي انا احبك ولك في هالحشـا تقديـر
وتدري ان المثل فينا وفـي احساسنـا يُضـرب

صحيح انّك وفي وانّك بري من تهمـة التقصيـر
ولكن ذي عوايدهـم مـن ايـام وزمـن يثـرب

تكون البنت لابن العم ورغبـات الكبـار تصيـر
وتدري الاقربون اولى .. مع انك للخفوق أقرب

وتدري للقـدر كلمـة.. لعـادات الأهـل تأثيـر
لذا أرجوك تتركني وانـا مـن دنيتـك باهـرب

شعرت بحكيها كنّـه قصـاص وامـر بالتعزيـر
شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر
يحسب ان الغرام اشعار شاعر واغنيـة مطـرب

ضحكت وماقدرت اني ألاقي لضحكتـي تبريـر
من اللي بوقتنا مرّه ضحك مـن لدغـة العقـرب

رفضت أستوعب اللي صار ولا استسلمت للتغيير
ثمان سنين اجي نفس المكـان بحـزة المغـرب

برغم ان الثمان سنيـن جـرح وكلّفتنـي كثيـر
أنا لليوم اجي وادعي.. تجي يارب .. تجي يارب

الموضوع الأصلي: ثمان سنين أجي نفس المكان بحزة المغـرب..! || الكاتب: جود بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

elhk skdk H[d kts hgl;hk fp.m hglyJvf>>! hglyJvf>>! fp.m elhk