ست6 قصائد حزن رووعه امل اعجابكم؟؟؟؟

اعجابكم؟؟؟؟ , رووعه , قصائد

ست6 قصائد حزن رووعه امل اعجابكم؟؟؟؟

السلام عليكم ورحمة الله وبركاته


هذي مجموعة من قصائد اعجبتني ونقلتها
لكم اتمنى تحوز على رضاكم..


(( قصائد حزن ))
الجزء الأول.
لشاعـــــــــــــــــر :
سعد بن جزاء الميموني
"شــــــــاعر حــــــــزن"
ـــــــــــــــــــــــ


(1)


شفته بعيني بعد فـــــــــــــرقاه باسبوع
مــــــن بـــــعـــــد منهى حبنا باختياره
شفته وعينه غـــــارقه كلها دمـــــــوع
شفته وجسمه بان فيها انــــهـــــــــياره
يبكي وصوته للبشر صــــــار مسموع
واعلن عليهم نـــــيـــته بانـــــــــتحاره
قربت لمه وكنت حاير ومــــــفـــجوع
بسأل عن اللي عيشه بانــــــــــــكساره
قال اللذي خنت عشانه من اســـــــبوع
خان المحبه وداس قلبي بحــــــــــقاره
ماكان يحبني وكنت انا فيه مـــــخدوع
عشم خفوقي واحرقه وسط نــــــــــاره
مسكت يده وقلت حبيت بــــــاســــبوع
وانخنت هذي تعتبرهـــا خـــــســـــاره
طيب انا اللي محرقٍ نفسي شمــــــــوع
خضعلك قليبي وضحى بـــــــوقـــــاره
وكم لي سنه امرك انا امشيه بالــــطوع
لنك مناة القلب وانت اخـــــــتيــــــــاره
وخليت صدري لحضرتك يصبح ربوع
صرت الامير وصار صــــدري امــاره
وكلما طلبنا حب تقول مـــــــمــــــــنوع
حتى عرفت انك مضيع مـــــــــــــساره
وعشان حـــــــبـــك داخل القلب مطبوع
ماراح يــــــدور فيـــــــــــك رد اعتباره
اربع سنين احب واكون مخــــــــــــدوع
هذي هي اللي ياحــــبـــــيـــببي خساره


ـــــــــــــــــــــــ


(2)


لاتقول انا ما اخطيت لا والله اخطيت
واستح على وجهك وكافي وجع راس
يا ما تحملتك ويا ما ترجـــــــيت
لكن اشوفك ماتحرك بك احــــساس
تدري انا غيرك له الحب ما اعطيت
وغيرك ترى واجد هووني من الناس
كافى ترى من هالطبــــع جد ملـيت
اليا متى تسمع حكي نــــاسٍ انجاس
تمشي بهواهم لينك تشوفني اقفـــيت
ترجع تقولي وين حبك والاحـــساس
يعني شسويلك اذا الحس بك ميـــيت
تكذب وتكذب منت بانسان حســاس
تدري عشانك ناس واجد تحــــديت
ونذرت منهو يعترضنا بـــيـــــنداس
ولني على افعال الرجوله تربيت
ماحركو شعره وربي من الـراس
مير البلا انت اللذي حبي انهيــت
مسكين مغرينك بعقدٍ من المــــاس
بحفظك قبل ابتعد شطر من بيـــت
خذي الحذر ياجاهله الناس اجناس
ـــــــــــــــــــــــ


(3)


سافري يا ابيات شعري..وانصي ديار الحبايب
وانقــلي اخبار عــاشق ..خـبـري فيـها ضنينه
انقليله اخبار شاعر صار هــمه هــم شـــايب
واشرحي له كل حــالي ســاعة انـك تاصلينه
علمي خلي عن حياتي شايفٍ فيها النكايب
قولي خلك شاف ذله والقــهر شاف الغبينه
وقولي اني دون خلي عايش بدنيــاي هايب
وانزرع خوفٍ بصدري من عقب ذيك السكينه
واسأليه ليه الخيانه؟وش حصل وشهي السبايب
وقولي حلفتك بربك ماحفظك بوسط عينه
حلفيه ان كان مره جاء طلبني ورد خايب
حلفيه ان كان غيري مسعده مثلي بسنينه
حلفيه شكثر قلبي منـــه اتـــحمل طلايب
حلفيه شكثر نفسه قابلتني بنفــــــس شينه
وحلفيه مادام قلبي في غرامه حيل ذايب
قولي حلفتك بربك قلب صانك لاتــهيــنه
واطلبيه يشوف حالي من فراقه صار عايب
ويرحم قليبٍ تعذب من سبب فرقى ضنينه
واطلبيه الحين يرجع من قبل حط النصايب
فوق قبري من غيابه تصبح عضامي دفينه
ـــــــــــــــــــــــ


(4)


توك تجي ماتدري انّا انتهينا
توك تجي بتكمل الدرب وياي
توك تمد ايديك تحضن ايدينا
توك تجي بخطاك تسند لي خطاي
راجع لنا من بعد ماحنا انكوينا
من نار بعدك يوم قررت فرقاي
ياما عليك من زود صدك رجينا
ونبكي رجاء ترجع ولا فاد رجواي
وياما من جروحك مرضنا وبكينا
ودواي بيدك وكنت تحرمني دواي
غير الحزن قلي وش اللي جنينا
وغير القهر وطعون مدفونه بحشاي
ذقنا القهر من زود ظلمك علينا
واليوم بذوقك الغبينه بيمناي
ابعــــدت وحــنا تــونا مابــدينا
خليتني ضامي وفي ايدينك الماي
والحــين حـــنا للمــحبه نســينـــا
وخلاص ماتفرق اذا رايح او جاي
ايه والله الا من هواك اكتفينا
وماعاد في يدي ترى غير هالراي
ومهما تحاول وقلت قلبك يبينا
ماعد لك حبٍ بقالك بدنـــــياي
هذي حقيقه ياحبيبي انتهـــينا
يعني مبيك تكمل الدرب وياي
ـــــــــــــــــــــــ


(5)


حبيبي تدري يالغالي وش احـــوالي بعد فرقاك
ورب البيت في بعادك حــــياتي كلها احـــــزان
ثمان سنين في بعادك وانا ضامي ادور مـــــاك
ثمان سنين بفراقك وانا عايش وسط نـــــــيران
ثمان سنين متوقع انا بقدر في يوم انـــــســـــاك
ولكن ياحبيب الروح حقيقه كنت انا غــلـــــطان
في كل لحظه وكل ساعه تمر بخاطــري ذكراك
واتــمــنى تــجــي لــمــي لانــي لـك انا ولهـــان
احبك واعشقك واغليك ومغرم بك انا واهـــــواك
ياروحي يابعد روحي ياقلبي يا اعـــــــــز انسان
ياخلي شف دموع العين نزلك يالغضي لــرضاك
اذا انك باقي ياعمري على خلك ســـعـــد زعلان
حبيبي هذي يميني امـــــدهـــا مدلي يمــــنــــاك
حبيبي مدلي يمينك حبيبك بالــحـــزن غرقـــــان
حبيبي يكفي يالغالي ثمان سنـــين اتــــرجــــاك
خلاص ارجوك ترجع لي حبيبي والعن الشيطان
ـــــــــــــــــــــــ


(6)


تسأليني ليه انا بـشـعـري حــزيـنـي
وليه ما اكتب من قصايد هالـــطرب
وليه انا أرجي بالشعر موتي يجينـي
وتسأليني ياترى وشــهــو الســبــب
ومن بعد ماراح خلي شصـــار فيني
وليه خــــان ولــيــه في قلبي لــعــب
وليه انا دايم تــهـــلّ الـــدمـــع عيني
وليه انا أرضى أشعل بصدري لهـــب
وليه ما انسى دام خلي قد نــــسيـــني
وليه انا للحين مــــخــــدوع وأحـــب
والجواب عن كل ما انتي تســــأليني
قـلـبـي الأعـمـى عـلـى عـقـلي غـلب
كــــان لو يــكــذب على قلبي ظنيني
قلبي صـــدقـــهــا وهو يدري كــذب
وش اسوي صار حــــبــي محتويني
لمّه الــــخـــطوه تمشيني غـــصـــب
وأخـــتصار القول انا عايش حزيني
وقــلــبي الأعمى ترى هو الســـبـب
ـــــــــــــــــــــــ



@ الــنــهــــــــايـــــــة @

الموضوع الأصلي: ست6 قصائد حزن رووعه امل اعجابكم؟؟؟؟ || الكاتب: نبض حايل || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

sj6 rwhz] p.k v,,ui hlg hu[hf;l???? v,,ui