يصورون شنطهم و يديهم و رجلينهم <<<وش بعد كل ذا ؟؟

<<<وش , يديهم , يصورون , رجلينهم , شنطهم

يصورون شنطهم و يديهم و رجلينهم <<<وش بعد كل ذا ؟؟

يصورون يديهم ورجلينهم و شنطكم <<مهم جدآآ

لا اله الا الله عدد ماكان وعدد مايكون وعدد الحركات والسكون
الهم اصلح بناتنا واصلح العاصيين الهم امين


الى الشعب السعودي لمحترم مع التحيه...امـــــــــــــا بعد

كان يا ما كان
قبل 10 سنوات او حولها
كنا لما نمشي في ديرتنا ونشوف اجنبيه فاتشه
تطير عيوننا .. نقول وش هذي .. يا ساتر ..


كان يا ما كان

قبل ثلاثة ايام
افتح ايميلي واشوف رساله من قروب مشهور... صور لبنات ويتفاخرون انهم سعوديات



السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها
مثال ..
صورتين
لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه
قله الحيا هذي مهيب مقبوله!!



__________10
سنوات فتره موب قليله

كيف وصلنا لهذي الدرجه من فراغ الاخلاق . ؟؟
الصيف اللي راح.. للأسف غلطنا ورحنا مصر .. وما ادراك ما مصر ..
مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!
ويلومننا ليه نكره الدول العربيه!

رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!

لحقونا بعد شوي الشعب الاماراتي والكويتي..
بس السعوديه عادها يمكن 6 مرات..

جلست افكر.. ليه يعني حنا اكثر؟؟
فكرو فيها شوي.. لين يخلص الموضوع بعدين جاوبو..
......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعو- ديات))
لو نتفرج عالصور..
نلقى رجول..




نلقى جزم



نلقى اساور خضرا<<يعني ترا حنا سعوديات.
والفيس بوك عاد..والهاي فايف.. انواع الصور اللي مدري وش اقول عنها
شفايف..
* * *
عيون





ونادر ما تلقى وحده حاطه وجهها..
على فكره.. اللي تحط صوره وجهها,, محترمه اكثر من اللي ترزز اشياء ثانيه!!
يعني عشانكم تتغطون..تروحون تصورون ذا الصور ..!


تمنيت اني اطيح على بروفايل احد..والقاه حاط اسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر..
او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟
ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..
ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..
وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه <_<..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..
بس ان الوحده تجي تصور مقفاها.. هي وخوياتها.. وكاشخه بالجي سترينق!!




والمنتديات والقروبات السعوديه تتسابق لنشرها ..
الدال عالخير كفاعله.. والشر بعد..
بعدين انتي ياللي مصوره انتي وخوياتك
يعني انتي همك الوحيد ما يشوفون وجهك عشان محد يعرفك..
بس مقفاك.. شفايفك.. و* * * *.. عادي يشوفونه!!
لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟
اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟
عيب يعني..يعني عشانكم بنات مع بعض عادي تورون بعض يعني؟؟
ولا اقولكم..انا نسيت انكم ناشرين الصور للشباب..فما يهمكم البنات..
يعني صدق شي يضيق الصدر .. بنات سعوديات مسلمات في مجتمع مثل مجتمعنا يسوون زي كذا..

ودي اعرف امك..وابوك..وش بينظرون لك بعد ذا الصور؟؟
يعني حرام..اهلكم ربوكم احسن تربيه..
بس انتم للأسف ما ربيتو انفسكم..
فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!
ولا قروب ثاني سعودي برضو..والصور اللي ناشرينها..
ذوليك عاد.. متبرقعات..وبعابياتهم..متكحل- ات..ومسوين حركات غبيه ومصورين..!
طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!
طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه
..
اللي همهم نوم واكل.. وفلوس ياخذها من ابوه ولا امه!

تطورو شوي.. ارتقو شوي..اطلعو بصوره احلى من كذا..
انتم عارفين ان النت اكبر وسيله انتشار..
قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !
بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..
ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..
ليه بس تنشرون الشي الشين؟
انواع المقاطع الشينه تنتشر.. انواع الصور الشينه..

ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!
اقولكم شي؟

شفتو كتاب (بنات الرياض) قريته..صراحه كل اللي فيهواقع..اشياء فعلا تصير عندنا..طبعن لفئه معينه من الناس..
بس تدرون ان الكتب تترجم لاكثر من 22 لغه؟؟
تدرون انهم برا يدرسون الكتاب فيه دوله من الدول
يدرسونه؟؟ تخيلو؟؟
رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..
يا حلّو الثقافه اللي يتثقفونها بس!
يعني الحين اللي برا..يدرسون الكتاب كنص سعودي ادبي يمثل حياة السعوديين .. كله سلبيات في سلبيات, ,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..
هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى. . وكل اللي كتبته اشوفه بعيني عندنا..
وكل اللي سوو عليه ضجه.. هذولي يبون يعترضون لمجرد الاعتراض..
ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!
ليه تنكرون كل اللي بالقصه وانه موب موجود!
الا موجود ونص والدليل هاللي نشوفه بالنت والسوق والجامعه وكل مكان!


رجاء الصانع تبي تصلحكم وتفتح عيونكم على اخطائكم..
لكن موب الغلط في اللي كتبته رجاء.. لكن الغلط في مخ كل من يقرا الروايه!!
شلون الواحديصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!
بس عادي يدشرون ويخربون وكل شي.. بس ما ينتشر عنهم شي!
ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!
غلط ! كل دوله بالعالم فيها الصالح والطالح..
البيت الواحد فيه الصالح والطالح..

ما تحبون احد يحكي فيكم ابد.. بالرغم من كل الاغلاط بحياتكم..

قبل فتره سمعت انهم رحلو هشوم الرياض.. الى ديرته الحقيقه(سوريا)
وانه لا يمت للشعب السعودي بصله!
كأن ما عندنا سعوديين من هالجنس!!




ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟



بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. ..طالعين لجده..في رحله بحريه..وصادو كميه لا بأس بها من السمك..
تدرون لو بيبيعون هالسمك.. كم يبيجب لهم؟ تقريبا 4 الاف..
بس هم كانت نواياهم اهم من الفلوس..
اخذو هالسمك وودوه لمنطقه فيها ناس فقرا.. وتصدقو..

برضو حمله تبرعات الراجحي..
ترا اكثر من تبرع فيها شباب..
((المواقف مذكوره عشان ابين انو فيه ناس كويسه,,يعني ابين الجانب الايجابيه))
يعني فيه ناس تشتغل.. فيه ناس عندها اهداف..
موب بس بالنت.. حتى برا النت,,
سواء بنات او شباب..


نبغى جيلنا السعودي الجديد ينتشر عنه كل شي حلو..


انا ما اقول انكم ما تنبسطون.. ما تسوون هبال. . بس برضو بحدود..
موب عشانكم ورا الشاشات يعني عادي؟؟
(هياط ورا الشاشه = مرض)






الصور اللي من النوعيه اللي ذكرتها في البدايه.. بطلو تصورونها .. اوحتى تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..



اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى




وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات....

اولن نشرت شي حرام. ثاني شي ما سترت على بنت او ولد الناس..
ما تخاف ربي يفضحك بشي بعد سنه او 2 او 100!!
قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..
يهمني الموضوع ينتشر في المنتديات السعوديه.. اكثر من المنتديات العربيه..
لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..
ابغى اذا احد قال((احلى تحيه لشعب السعوديه)) وعادها 6 او 10 مرات..
اعرف ليه قالها.. واقول معه حق..
.
.


وترا مب فالسعوديه بس في الخليج كله

.

الموضوع الأصلي: يصورون شنطهم و يديهم و رجلينهم <<<وش بعد كل ذا ؟؟ || الكاتب: أتعبني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

موضوع رائع


لي عوده

هلا اخوي تحدوووه البشر

انا حبيت اضيف تعليق بسيط وهو ان الغلط من الاساس النشأة السلبية ..صحيح هذا غلط كبير وشي يفشل..ممكن الواحد يرجع الموضوع لحريه شخصيه..وكل شخص بيحاسب على الي سواه..وبعدين الواحد قبل لا يحكم على هالطبقه اللي ممكن تعتبرها نوعيه معينه لها سلوك خاص وثقافه سطحيه معينه واعتقادات وتربيه ما ادري من وين جايه ..الواحد لازم يفكر كيف يغير وكيف يثقف وكيف يعلم وكيف يحمي بس مو بالحرمان لان عمر الحرمان والحجب والمنع كان حل ..هذي حلول مؤقته تسبب الكبت وتشتيت الفكر و تخلي الشخص يحتار بين الصح والغلط...ومن خبرتي المتواضعه كل هذا سببه كبت ثم كبت ثم كبت ...لان مساكين ما يدرون وين يضيعون وقتهم .. لا أعلم فعلاً ما مشكلتنا مع التكنولوجيا !لا يقع شئ بين أيدينا الا ونستخدمه استخداما سيئا !!

ما اقول الا الله يهدي هالمجتمع اللي طلع لنا هالاشكال المؤسفه

خصوصا ونحن نعيش على اطهر ارض


اكرر شكري لك وعلى غيرتك على بنات بلدك

فمثلك نادر وجوده بهذه الايام

لك ودي ووردي

مب كل مقال فضيحه بنت او صوره بنت


تعتبر بنت سعوديه بالأصل


بقايا متخلفات...


صدقني ياصاحبي فضايح عالم يقلبونها على بنت سعوديه لمحاربه اطهر اوناس من البشر



محاربين من كل صوب وجه


وعن كلام عن التعبير بحب الوطن كل واحد واسلوبه او الموقف الذي يهز شعوره تجاه حب وطنه


وجه نظر صغير



فواز

((اذا لم تستحي فأفعــل ما شئت))



لك مني كل الاحترام على طرحك الراقي


______________________


ــــــــــــــــــــــ

يعطيكم العافيه على مروركم وارائكم العطره
تحياااتي لكــ م

تعجز الحروف لشكرك وتسليط الضوء ع هيك قضيه

بتمنى توصل صداها لابعد حدود لايهمنا التعليق ع الموضوع كثر مايهمني اتباع ماكتب في الموضوع


الف شكر لك اخوي






ودي

صموتهـ

لاانكر وجود هالظاهره

وانا بنفسي شخصيا شفت بنات

يسون هالشي يصورون رجولهم وايديهم

يعني استغربت وش الفايده منها وش الهدف

وربي ناس عقولهم فاضيه

بس طبعا مو الكل

ومشكور على الموضوع الشيق

والطرح الهادف اتمنى تعم الفائده

ربي يجزاك خير

قضية فعلاً تستحق النقاش ..
ورأي اخي فواز صحيح ..
بنات غير سعوديات ولا يمتون للسعودية بصلة احياناً ..
فقط تشويه لسمعة الفتاة التي عرف عنها العفاف والشرف ..


تحيتي لك تحدوه البشر ..
طريقة طرحك مشوقة جداً ..

يسلمك ربي اخوي فواز على الموضوع القيم
الذي يسلط الضوء على ظاهره انتشرت بيننا نسال الله السلامه
وان يهدي هؤلاء الجهله ويحفظ بلاد المسلمين من كل مكروه.