غريـــــــََـــبهّ بــــــس حقيـــــّّــــــقه

بــــــس , حقيـــــّّــــــقه , غريـــــــََـــبهّ

غريـــــــََـــبهّ بــــــس حقيـــــّّــــــقه

,"

محمد شغل سيارته رايح السوق يتمشى من الزهق " خبركم كل من زهق شغل سيارته وراح يتمشى بهالمجمعات " ..
محمد قال دام اني زهقان وما وراي شغل خلنا نروح نشوف هالعالم .. دخل خوينا السوق يمشي ويتبوسم وكل ما شاف
محل عجبه دخله يتفرج عليه .. شافله " جزمة " وانتو بكرامه ودخلت مخه وعزم يشتريها .. " ترى عنده اكثر من 60 جزمه ببيتهم " ..
مبلغ هالجزمه 600 ريال .. دفع المبلغ وشراها .. المهم خلص من السوق وهو طالع شاف مسكين
برى السوق قاعد ع الارض محتاج كم ريال .. طبعا محمد هذا بنيته ان هالرجال مسكين ومحتاج ومقتنع بهالشي ..
فقرر يطلّع كم ريال من جيبه ويعطيه كـ صدقه .. طلع " 10 " ريال .. فكر بينه وبين نفسه قبل
لا يعطي هالمحتاج .. يقول " ما كانها كثيره10؟ " خلني اخليها 5 ريال احسن !

وش نستنتج من خلال الي صار لـ محمد ؟!

** ليه صارت الـ 10 ريال مبلغ كثير على المسكين المحتاج ..
و صغيره لما نصرفها بالسوق بالكاد تصير هالـ 10 زي الـ الريال الواحد ..
غريب ؟


,"



اليوم يوم الجمعه .. عبدالله صحى من نومه .. تروش , وفطر , ولبس ملابسه وراح للمسجد لـ صلاه الجمعه ..
الخطيب يخطب خطبه الجمعه .. والله يجزاه خير طولّ الشيخ بخطبه جمعه هالاسبوع ..
عبدالله طفش يقول بينه وبين نفسه " وشبلاه هالشيخ الله يهديه طول هالجمعه ذي ما يخلص بسرعه ويخليني نمشي " ..
خلصت الصلاه .. عاد اليوم عبدالله متحمس اليوم فيه مباراه بين الارسنال و مانشيستر يونايتد ..
تجهز للمباره ومتحمس وتاكي مع ربعه يتابعون المباره .. المهم ما بقى ع المباره شي عاد عبدالله
بينه وبين نفسه يقول " يا رب يكون الوقت الاضافي يطول " طبعا ربعه يبادلونه نفس الشعور بنفس الوقت .. !

وش الي نستنتج من خلال الي صار لـ عبدالله ؟

** ليه الناس صارت تشتكي من طول خطبة الجمعه ؟
وصار يفرح ويستانس لا حط الحكم 5 دقايق وقت بدل ضايع .. غريب ؟!




,"


ريم رايحه مكتبه جرير .. تشتريلها كم كتاب تقراه بعد ما خلصت الكتب الي عندها وقرتها ..
راحت لـ قسم الروايات حول كتب " اقاثا كريستي " " " .. شرت لها روايتين الروايه الوحده حول الـ 200 ورقه ..
خلصت كتاب واحد بـ 3 ايام تقريبا .. طبعا ابوها يدري انها تموت بشي اسمه قرايه وما تستغني عنها ..
هالقرايه تاخذ من وقتها اكثر من الساعتين بشكل يومي .. بيوم من الايام جات ريم مسكت القرآن وجات بتقرآ ..
قرت مجرد صفحتين من القرآن وحست انها قرت قدر كافي مع ان هالقرايه ما تجي الا بين شهر وشهر ..

وش الي نستنتج من خلال الي صار لـ ريم ؟

** كيف صار شي سهل انك تقرى روايه من 200 او 300 صفحه او الجرايد حتى بشكل يومي ..
وشي مجهد انك تقرى جزء واحد من القرآن .. غريب ؟!



,"



الشايب " آبو حمد " يقرا جرايد وياخذ فيهم فرّه ويتصفحهم كل صبحيه ..
الشاهد .. شاف خبر لـ شيخ طالع ومصرح بالجريده بحلال " شي معين .. يعني شيخ طلع على سبيل المثال "
بــ " شرب الخمر " .. وهالشي مذكور بـ القرآن الكريم وبدليل تحريمه .. لكن يتسائل " ابو حمد "
عن الي يقوله بالقرآن " ليه والمفروض ... الخ " لكنه مقتنع بالي تذكره الجرايد وبدون اي مبررات منه ..
" هذا كـ مثال عشان تكون الصوره واضحه للجميع " والامثله واضحه وكثيره ..

وش الي نستنتج ؟

** العالم صارت تصدق اي شي تذكره هـ الجرايد ..
ويشكك ويتسائل عن ما ذكر بالقرآن الكريم .. غريب ؟!


,"



آذن المؤذن لـ " صلاه العشاء " .. سعود وخالد وصالح يلعبون بلايستيشن .. سعود يقول لـ ربعه يالله قمنى نصلي المسجد آذن ..
يردون عليه خالد وصالح : " تو الناس توه مآذن يمدينا باقي وقت ع الاقامه " ..
بعد ربع ساعه : ( سعود مصلي ورى امام المسجد ) ( خالد وصالح بالصف الثالث من المسجد ) ..
بعد كم يوم كان فيه حفله لـ " راشد الماجد " .. وخالد وصالح مسنترين بالمقاعد الاماميه للحفله
حاجزين منذ مبطي .. !

وش الي نستنتج هنا ؟

** ليه الناس صارت تتسابق على مقاعد اماميه بحفله ولا لعبه ؟ ..
وتشوفهم يتزاحمون عشان يجلسون في آخر المسجد .. غريب ؟!


,"



فايز يطالع مباره برشلونة وريال مدريد .. المباره كانت بـ 90 دقيقه .. والوقت يمر بسرعه على فايز وهو يطالع هالمباره بـ الـ 90 دقيقه ..
فاز برشلونة بـ 5 واستانس فايز بهالفوز / بيوم من الايام حب فايز انه يقرى قرآن ..
فتح المصحف على سورة " البقره " وبدا يقرا .. خذله ربع ساعه وهو يقرا وحس انها طويله وان الوقت يمر ببطيء ..

وش نستنتج ؟

** ساعه بطاعه الله صارت طويله وثقيله على الواحد ..
ومباره بـ 90 دقيقه صارت اسرع واخف يوم انك تشوفها على التلفزيون !

,"


دمتم

</B>

الموضوع الأصلي: غريـــــــََـــبهّ بــــــس حقيـــــّّــــــقه || الكاتب: نبض حايل || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

كــلــمــآتــك رآئـــعـــه

جـدآ جـدآ

شكري لك ولنزيف قلمك

آتمنى لك آلتوفيق دوومآ

ودمــت بآحسن حـــآل

يعطيك آلف عآفيهـ

تقبل مروري وردي آلمتوآضع

يسلموو ع المرور الرائع الذي انار صفحتي بحضورك

لاحول ولاقوة الا بالله

وربي اشياء تحصل بواقعنا

اصبحنا وراء ملاذات الدنيا

لنتفكر قليلا عن الاخره

ماذا اعددنا لها؟؟

اشكرك اخوي نبض حايل

طرح في قمة الروعه

ربي يجزاك الجنان لاحرمك الله الاجر

لاهنت

نقاااط واقعية تحاكي واقعنا ..
كل الشكر لك على هذا التميز الرااقي كعادتك ..

اشكر كل من اطلع ع الموضوع ويسلموو ع مروركم الرائع الذي اسعدني بحضوركم الجميل
دمتم بود

صحيح كلامك اخووي
الي تنفعنا نتكاسل فيها
والي ماتنفعنا نجتهد فيها
أكثر واكثر
مأقوول الله يصلح الباااال
شاااكرة لك من القلب ع جميل طررحك ورقي فكرك

شي واقعي وللاسف مؤسفـ ...,,

كل الشكر لهذا الابداع


مع احترامي ..,

يسلمو ع المرور اتقبل تواجدكم بمتصفحي دمتم بود

** كيف صار شي سهل انك تقرى روايه من 200 او 300 صفحه او الجرايد حتى بشكل يومي ..
وشي مجهد انك تقرى جزء واحد من القرآن .. غريب ؟!



نقاط رااائعه واستنتاجات اروع
هذا هو مانعيشه ونشعر به من فتور في الطاعات
بسبب وسوسة الشيطان وطول الامل
والغفله التي نعيشها بشكل كبير
يعطيك العافيه على ماسطره قلمك