.~.سجل حضورك بذكر اسم مطعــم.~.

اخذت لفه على شارع الأندلس
وشوي صديق لي يدق على جوالي ويقول مرني تراني طفشان ...
مريته ولفينا بالشوارع ندور مطعم رايق ...
خويي يقول نفسه في أكل شرق اسيوي مرينا على المطاعم الصينيه...
وكلها زحام لدرجة انه يوجد مطعم من كثرة الزحمه اللي فيه ...
الجرسون يعطي الزباين رقم وهم ينتظرون في سيارتهم
واذا فضيت طاوله يناديهم...
صراحة احترت وش فيهم الناس اليوم بالذات مشافيح
وكأنهم اول مره ينزلون المطاعم.



خويي قال يابن الحلال الراتب توه نزل وكل رب عيلة يبي يمشي عياله
لأنك على في يوم 10 من الشهر ماراح تشوف هالزحام لأن كل العالم بتكون ( مطفره)...

صراحه اقنعني بتحليله <<<متأثر بالاسهم كل شي لازم بالتحليل والشارتات

المهم وشوي وانا ماشي بالسياره القى مطعم بالصدفه اسمه ( قادو قادو)
بشارع الأندلس.

وأصفط عنده سيارتي ... وأشاور خويي واقله ها وش رايك يصلح ذا المطعم
كان يقولي يالله ننزل ( ترى عصافير بطني تزقزق من الجوع)

والحين بدت المهمه الصعبه

وطلعت كاميرتي




والقط هذه الصوره قبل ما انزل من السياره







وهذه صوره بعد نزولي من السياره







صوره من خارج المطعم تبين صالة الطعام من الداخل








جلسنا ورحب بنا الجرسون وكان منيو الطعام على الطاولات
وهذه صورة منيو الطعام








المهم لقينا وجبة جاهزه عباره عن مشكل ...
ويضم طبق خاص به ( الإيدامات المتنوعه) + طبق أرز ابيض
+ شوربه ( مسلوقة) + 3 اعواد ساتي ولك أن تختاره من الدجاج او اللحم
+ سلطه حاره + سلطة لووز+ مشروب غازي...
طلبنا هذه الوجبه لكل شخص والوجبة قيمتها 35 ريال
وأول شي أحضروا لنا الشوربه وهذه صورتها








وشوي يجينا الجرسون يقول طلب عشائكم جاهز ...
وخويي يقول جيبه بسرعه تراني ميت من الجوع ...
وجاب الجرسون وجبتي العشاء وهذه صورة وجبتي