رواية يارب وتبقيه لعين ترجيه

خلصوا الشرطة تحقيقاتهم ... وطلبوا بنقل الشخصين لمركز الشرطة ... وطلبوا حراسة للولد الصغير الى ان تتحسن حالته
الشرطي وهو طالع من المستشفى: شكررررررررررا دكتور فواز ... الله يكثر من امثالك
فواز: ما سويت غير واجبي ... شلون اسكت عن شي زي هذا؟؟؟
الشرطي: المشكلة انهم عصابات كثر ما نمسك فيهم لسه موجودين
فواز: الشر موجود في كل مكان ... بس الحمد لله ربي مسخركم لحمايتنا
الشرطي: شكررررررا ... ما قصرت ... بس ابي انبهك لشي!!!
فواز: هلا
الشرطي: لا تفكر انهم بس هالشخصين ... تراهم مجموعات ... فاحتمال يجيك تهديدات او شي من هالقبيل ... أي احد يتصل فيك تدق علينا وتبلغنا
فواز: ما اخاف الا من اللي خلقني
الشرطي: الحذر واجب
فواز: ان شاء الله
الشرطي: هذا رقم جوالي ... أي اتصال او أي شي غريب يصير لك تتصل فيني على طول
فواز: ان شاء الله

طلعوا الشرطة من المستشفى ... مسك عبدالعزيز كتف فواز ...
لف فواز عليه ونزل راسه ....
عبدالعزيز: ليش داومت اليوم؟؟؟ ما كانت مناوبتك في الجدول؟؟؟
فواز: .........................
عبدالعزيز: ما حصلت تفزع وتداوم الا اليوم؟؟؟ طول عمركم ما تمسكون المناوبة الا بطلعة الروح ... جيت اليوم ومو جدولك ومداوم ... اليوم؟؟؟ الي فيه هالمشكلة؟؟؟
فواز: كنت تبيني اسكت؟؟؟
عبدالعزيز: لو سكت ما كنت واقف لسه قدامي ... اذا سكت عن الحق ما انت بولدي
فواز: طيب ليش معصب؟؟؟
عبدالعزيز: لانه مو مناوبتك ... كان في امكانك تكون في بيتك وتبتعد عن المشاكل هذه كلها
فواز: ............................
عبدالعزيز: ليش داومت؟؟؟
فواز: .........................
عبدالعزيز: فواز اكلمك!! ليش داومت؟؟
فواز: من ضيقة الصدر
عبدالعزيز بعصبية: وليش ضيقة الصدر؟؟؟ انا ابي اعرف ايش تغير عليكم؟؟؟
فواز: كل هذا وما عرفت ليش؟؟؟ كل هذا وما تغير علينا شي؟؟؟ انت ما دخلت على نواف وشفت حالته؟؟؟
عبدالعزيز: اذا على نواف محلولة ... يومين وينسى
فواز: بهالسولة؟؟؟ تتوقع بالسهولة هذه ينسى؟؟؟ طيب خلنا من نواف ... يمكن ينسى ... انا وياه كيف بننسى؟؟؟ شلون بننسى واحنا نطالع امي منيرة؟؟؟ واحنا ما نعرف اذا كانت امنا او لا؟؟؟
عبدالعزيز: صدقني الوضع كذا اريح لكم
فواز: هه ... ما اعتقد انك بتقتنع ... اذا امي كل هالسنين ما قدرت تقنعك ... بس صدقني اذا كان نواف ولد منيرة وانا ولد سارة وما تكلمت .. بتخسرنا احنا الاثنين ... نواف ما بيسامحك لانك خليته يترك زوجته ... ولا انا بسامح كلاني ما ارضى بعذاب اخوي قدامي
ترك ابوه وركب سيارته ....
وقف عبدالعزيز يفكر بالكلام اللي قاله ... وبالموقف اللي صار اليوم وعواقبه ... يا ترى هذا اول عواقب كشف السر؟؟؟


وصل فواز البيت ... البيت ظلاااااااااام وباين ان الكل نايم ... صعد فوق ... وصل لجناحه بس ما قدر يدخل ... اروح اشوف نواف احسن ... رؤى ونايمة عند ليان ... خلني انام عند نواف
دخل غرفة نواف ... شافه نايم ... اطلع اغير ملابسي وارجع انام ... وصل للباب بس رجعه صوت ... التفت لنواف ... ايه الصوت من عند نواف ... صوت انين وتأوه ... رككككككككككض فواز ووصل عنده ... رفع الغطا عنه ... شافه ماسك جواله وعاصره بين يده ... وجبينه يصب عرق ... وجسمه ينتفض ... ويسمع صوت تأوه
فواز: نواف ... نواف؟؟
نواف: آه آه آه آه ...
حط فواز يده على جبينه ونقز من الحرارة اللي تطلع منه .... طلع يرككككككض من الغرفة ... شافه ابوه اللي توه واصل من المستشفى
عبدالعزيز: فواز؟؟؟ ايش صاير؟؟؟
فواز: نواف
عبدالعزيز بخوف: ايش فيه؟؟
فواز: شاب ضو ... وجسمه كله ينتفض
ركض عبدالعزيز لنواف .. وركض فواز وراح للصيدلية ... طلع منها ميزان الحرارة وخافض الحرارة ... ورجع لاخوه
عبدالعزيز وهو ياخذ الميزان: ما اعتقد ان الدوا بينفع ... قاس حرارته
عبدالعزيز: الحرارة 40 ونص ... ما في فايدة من الخافض ... اركض وهات الابرة بسررررررررررررررررررعة

منيرة اللي ما نامت طول الليل ... حست باصواتهم وحركتهم وطلعت من الغرفة ... شافت نور غرفة نواف مفتوح والصوت من عنده ... راحت لغرفته ودخلت بخوف
منيرة: ايش فيه؟؟؟
عبدالعزيز: حرارته مرتفعة بقوة
منيرة وهي تجلس جنبه: حبيبي ... من القهر ... عسى ما يروح من يدنا
عبدالعزيز بعصبية: منيييييييييييرة
فواز: وليش تسكتها يبه ؟؟؟ ليش؟؟؟ ( مد يده بجوال نواف لابوه ) شوف كم اتصال من هبة وكم مسج ... وهو ما رد على ولا واحد ... اصلا لو رد ايش ممكن يقول لها ... الله يسامحك يبه
طلع عبدالعزيز وهو معصب وراح لغرفته ...
منيرة ودموعها على خدها: لا حول ولا قوة الا بالله
فواز: اطلعي لغرفتك يمه وارتاحي
منيرة: شلون ارتاح وولدي حالته كذا
اثرت الكلمة في نفس فواز كثير ... يا ما سمعها ( ولدي ) بس عمره ما حس بطعمها الا الحين ... يا ترى مين اللي ولدك بحق يمه ... مييييييييييييييييييييييين؟؟؟
فواز وراسه بالارض: بجلس عنده وما بتركه .. .انتي اطلعي وارتاحي
منيرة: الله يخليكم لبعض ولا يحرمني منكم يارب



ثاني يوم الصبح ... وصلت طيارة تركي وشهد ... تركي مكلم سواق من المستشفى ومنتظرهم بالمطار ... ما قال لاخوانه ولا لعيالهم يبي يسويها لهم مفاجأة ...
في السيارة ...
تركي: شهد
شهد: هلا
تركي: انا متعود اول ما ارجع من السفر امر بيت اخوي عبدالعزيز قبل لا ادخل بيتي
شهد باستغراب: طيب؟؟
تركي: ما عندك مانع نمرهم قبل لا نروح الفندق؟؟
شهد: اولا ... اذا ما مريتهم انا اللي بزعل ... ما ابيك تقطع عادة كنت تسويها قبل الزواج
ثانيا ... ليش الفندق بالله؟؟؟
تركي: وين تبينا ننام؟؟؟
شهد: ليش ما عندنا بيت؟؟؟
تركي: حبيبتي انا قايل ل كان الشقة فوضى ومو جاهزة
شهد: طالما ما سكناها بتظل فوضى ومو جاهزة ... مين اللي يرتب او يجهز؟؟؟ لازم نسكنها ونرتب فيها
تركي: بس الوضع مرة سيء ... خلينا ننام بالفندق هاليومين بس
شهد: تركي انا تعبت من نومة الفنادق ... ابي انام في بيتي وارتاح ... وبعدين فلوسك ما خلصت؟؟؟ صار لنا شهر من فندق لفندق
تركي: هههههههههههه لا تخافين عالفلوس ... الله يخلي عبدالعزيز اخوي ... مصاريف شهر العسل بالكامل عليه
شهد: الله يخليه لك ... بس من جد انا ابي اروح للشقة
تركي: وين بتنامين؟؟؟ حتى غرفة نوم مافي
شهد: وين سريرك قبل الزواج؟؟
تركي: موجود ... بس صغير بالمرة
شهد: خلاص انت نام عليه وانا افرش لي بالارض
تركي: لا لا لا لا ... انا ما ارضى كذا
شهد: ترررررررررركي ... من جد مو مستعدة انام في فندق!!!
تركي: طيب نروح الشقة بس بشرط؟؟؟
شهد: اللي تبيه انا حاضرة
تركي: تنامين معي على نفس السرير ... ان شاء الله في حضني
شهد: هههههههههههههههههههه أي مكان ... اهم شي اني ببيتي


وصلوا شهد وتركي لبيت عبدالعزيز ... فيصل فتح لهم الباب ... وعطاهم التقرير كامل ...
تركي: خير؟؟
فيصل: هذا اللي صار؟؟
تركي: شهد فهمتي شي؟؟؟ انا ما فهمت؟؟؟
شهد: ولا انا ... ايش اللي فواز ونواف واحد منهم مو ولد امه منيرة؟؟؟
تركي: ما ادري ... بس اكيد يخرط علينا ... وين جالسين بفيلم هندي؟؟
شهد: ههههههههههههههه احتمال والله

دخلوا الصالة وشافوا لينا منسدحة على كنبة الصالة ... اول ما شافتهم قامت وراحت تسلم عليهم
لينا: الحمد لله على سلامتكم
تركي: الله يسلمك ... وين الناس؟؟؟
لينا: موجودين
تركي: ايش فيك لينا؟؟؟ وجهك مو طبيعي؟؟؟ تعبانة؟؟؟
هنا لينا انهارت بكي ...
تركي بخوف: لينا ايش صاير؟؟؟
لينا: شي ما يتصدق يا عمي
تركي بتردد: لا تقولين لي حكي فيصل صح؟؟؟
لينا: ايه ياعمي
تركي بعصبية: شلووووووووووووووووووووووووووووووووووووووووووون؟؟؟
لينا: اسمع السالفة ....