اسف وسامحني

وسامحني , اسف

اسف وسامحني

آسف وسامحني
.

.

حتى بعد كل هذا الغياب ..لا زالت تلك الخناجر تصلني..
ولكن...اخرها والذي لا تعلمي عنه كان الاكثر إيلام من كل ما سبق..
شكرا لك ..

.
.
ابعتذر منْك يا عمري وسامحني
.........................هالمره كان الخطا أكبر من اعذارك

ما بيك تزعل علي ولا تواخذني
.........................شربت مر الغياب وقهوتي نارك

كم قلت: محتاج لك؟!..وشلون تخذلني؟!
.........................وانا الوحيد الذي ما باح بـ اسرارك!!

انا جمعتك بصدري وانت( ت ن ث ر ن ي)
.........................وكل ما اعذلوني بحبك كنت أختارك

ذبحت لك حلم عمري لجل تسهرني
.........................وخليت دمع القهر واقف على اسوارك

الحزن يمسي معي وانته تصبحني
.........................وانا احلم أني بشوف ان جيتك أزهارك!!

تقول قلبك يبيني وانت تجرحني!!
.........................قلبي وقف بالوجع وعيونه لدارك

في عز حرقت فؤادي منك.. تقهرني؟!
.........................وماشي حياتك ؟!وعادي؟! ومشغل افكارك

يعني لْمتي باتحمل؟! لين تذبحني؟!
.........................آسف حبيبي...كفايه...بنهي مشوارك

ودي أسامحْك وارجع..بس..مو مني
.........................حاولت..وعيّت جروحي اتمرر اعذارك

الموضوع الأصلي: اسف وسامحني || الكاتب: أسير ع‘يون الكريستالة || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

hst ,shlpkd