تموت من البطا غيمه , طعنها من جفاك بروق

البطا , بروق , تموت , جفاك , طعنها , غيمه

تموت من البطا غيمه , طعنها من جفاك بروق

على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته


يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته


أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته


أحبك دمعة(ن) طاحت , على خد الصباح شروق
يموت النور لو طاحت , على كفي وضميته


أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته


تموت من البطا غيمه , طعنها من جفاك بروق
وغشى روض الحشا وسمي , جفافك وإنت ما ارويته


رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته


تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته


قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته


من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته



وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته


دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته


إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته


يذكرني صباح الورد , وإسمك , والحلا والذوق
وأردد يا ( أجمل أحلامي ) بقافي يوم هليته

الموضوع الأصلي: تموت من البطا غيمه , طعنها من جفاك بروق || الكاتب: نواف || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

jl,j lk hgf'h ydli < 'ukih [th; fv,r fv,r jl,j [th;