طل القمر

القمر , طل

طل القمر

طل القمر في نصف ليلة تمــامه=دارت به ايام الشهر واكتمل بدر
يجلى عن القلب المتيّم ضلامــه=من حزة المغرب ليا مطلع الفجر
شفته بكامل طلــّته وارتسامــه=كامل حسابه لا نواقص ولا كسر
هذا القمر صدقه يبين كلامـــه=لا غدر في صافي هيامه ولا شـر
قال القمر توصف حلاي ومقامــه=قلت القمر وصفه يبي له معي دهر
قال انضر لوجهي وشوف ابتسامـه=والمح عيوني كل وحده لها سعر
قلت ابشر ابشر يا هواي وغرامــه=بوصَفك واخلي القلم يرتوي حبر
يابو عيون ٍ مثل ضبي العدامــه=ورموشها فوق المحاجر بنت جسـر
والحاجب اللي زاد وجهه وسامــه=مثل الهلال اليا بزغ باول الشهر
الخد براق ٍ مخاله تهامـه=في لمعة ابروقه لمفهومنا سحر
الثغر توت الشام بلـّـل لثامــه=واما الثمان البيض تقتل وتقبر
ابو جديل ٍ طاف ملقى حزامــه= بعضه على متنه وبعضه تنثر
العنق من شافه تزايد هيامــه=يدق صدر الشوق من شوفته قهر
بالصدر من شدة بياضه غمامــه=واضنها شامه على ثومة الصـدر
الخصر يفرق في حلاه ونظامــه=مفتول ناحل في يعاسيبه التمر
الردف مالت به قوانس عظامـه=يمشي ويِتمايل ونوب إيتمختر
لو شافه الصايم بيجرح صيامـه=والفرض ينويبه على نية الوتر
كله على بعضه شموخ وفخامـه=مثل الورود المزهره ريحها عطـر
حبه جرى بالدم مجرى كرامـه=والنيل ما يجري سوى في وطن مصر
الوصف ما يوفي مرابع خيامه=لأنه سكن في خافقي وابتنى قصر
احساس وصفي من خيالي ختامه=والفكر حافي والمشاعر على جمر
الحر الاجدل ما يجيد افتهامـه=إلا الذي قلبه عطوف ومعه صبـر

الموضوع الأصلي: طل القمر || الكاتب: الحرف العنيد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

يسلمو الحرف علي هيك طرح
دمت لناا ودام تميزك
ودى/~

الحرف العنيد
مازلت تواصل ابداعك وتواجدك المميز
لقد وجدت بطرحك كل معاني الابداع
تقبل مروري المتواضع
في انتظار ابداع قلمك الجديد
تحياتي تسبق مودتي

صح لسان كاتبها ..وسلمت انامل ناقلها


انتقااء رائع


دمت بود

ورودهـ

يسلموووووو ع الطرح الاروع..

ماننحرم جديدك المميز ..