سيب وانا اسيب

وانا , اسحب , سحب

سيب وانا اسيب

عن المشاكل بين الاخوات و حيرة الأم في التعامل معاها
حبيت أشارك بحاجة ممكن تساعد وإن كانت لا تكفي وليست كل شئ.
الحقيقة ان موضوع علاقات الأولاد ببعض كبير عن انه يتلخص في كلمتين في بوست
لكن فيه حاجات ممكن تساعد لو اتنفذت صح
١) خصصي وقت نوعي لكل واحد منهم على حدة، بمعنى جلسة خاصة تكونوا مع بعض، دردشة، فوازير، لعب، أحضان ودغدغة
حتى و لو ربع ساعة...
وكمان وقت نوعي ليكم كأسرة، وبرضه مافيهوش نصايح ولا مواعظ ولا مناقشة مشاكل؛ بس نكت وهزار وحكاية ذكريات ودردشة ولعب وأي حاجة تستمتعوا بيها...
٢) حاولي تعملي أي حاجة تساعد كل طفل فيهم انه يحس بالرضا عن نفسه أو نفسها (بس راعي ما يبقاش راضي عن نفسه على أساس مقارنة باخواته أو بأي حد بأنك تقولي له انت أحسن منهم)
٣) تقبلي مشاعرهم السلبية تجاه بعض لما يفصحوا عنها، بس ده مش معناه توافقيه عليها
"انت اتضايقت من اخوك علشان سخر منك"
دا تقبل صحيح للمشاعر
المؤذي انك تقولي...
"عندك حق، أخوك غلس وماعندوش دم وعندك حق تتضايق"، دا موافقة عليها.
٤) ما تلعبيش دور القاضي في خلافاتهم؛ لكن ممكن تلعبي دور الكاميرا اللي بتوري كل واحد منهم أيه اللي حصل بالضبط بناء على رواياتهم...
مثال:
- الطفل1: ضربني بالمضرب بتاعه
الام: ضربة المضرب بتوجع
الطفل2: علشان كعبلني برجله
الأم: ودا خلاك غضبان منه جدًا
الطفل1: ما هو اللي غلس عليا
الأم: وانت حسيت ان العدل انك تكعبله علشان كده
احيانا دا بيكفي، مجرد انك تعيدي اللي حصل مع تفهم، وأحيانا لازم تفصلي بينهم وتعملي جلسة لحل المشكلة حسب ما يحدد خطواتها خبراء مختصين.
٥) ما تحمليش نفسك المسؤلية عن علاقاتهم ببعض... وهل ها يكونوا أصحاب أو أصدقاء مقربين بيحبوا بعض وبيخافوا على بعض؛ لأن دي حاجة مش في ايدك وما تضغطيش عليهم بيها؛ لأن دا هيبعدهم أكثر عن بعض غالبًا أكثر من انه يقربهم.
اللي في ايدك بس انك ما تكونيش انتي سبب في تعميق الفجوة بينهم بالمقارنة بينهم أو الحكم لصالح طرف على التاني أو إنكار مشاعرهم.
.
.
الحاجات اللي قلتها مش كل حاجة لكن الخطوتين الأولى والتانية كفيلين بتهدئة الوضع بإذن الله، وربنا يبارك لكم في أطفالكم ويصلح ذات بينهم ويقر أعينكم بهم في الدنيا والآخرة.

الموضوع الأصلي: سيب وانا اسيب || الكاتب: ذابحني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

تسلم الانامل الرقيقة والذوق الرفيع
الابداع والتميز من منارة هذا المنتدى
دائما اجد في مشاركاتك فائده
ودائما ارى في مواضيعك نظره ثاقبه
هنيئا ليس لك
بل لنا بك