ماما انا خايف

ماما , انا , خايف

ماما انا خايف

ماما انا خايف من القمر "
نعم خايف من ايه ياحبيبي 😇😇
الخوف تراااااا
الجملة اللي فوق دي سمعتها من ابني لما كان عنده تقريبا سنتين ( كانت مش واضحة كده طبعا &#128584 ومش من القمر بس الحقيقة لا ده كمان الشجرة ومره النجمة وهكذا اللي هي حاجات من وجهة نظري متخوفش طبعا ايه الهبل ده ( طب الكلاب مثلا اصدق &#128540
طبعا ناس كتير عدو اوبيعدوا بالمرحلة دي وكل شوية المخاوف بتتغير ، طب تعالوا نعرف الاول ايه اللي بيحصل وايه موضوع الخوف ده
الخوف عند الاطفال ليه تلات انواع
١- خوف نتيجة صدمة:
زي مثلا طفل كلب عضه ، اوطفل لاقدر الله حد تحرش بيه ، اوشاف حدثه كبيره ، او عمل عملية مثلا وهكذا يعني بتبقى مواقف فعلا ترعب وهنا مينفعش خالص ماما تتدخل بهدوء كده وتقوله لا ياحبيبي متاخفش لا طبعا اوعي تعملي كده
٢- خوف مكتسب متعلم مورث:
ايه ده هو فيه خوف بالوراثة ٠٠٠ اه طبعا زي ماما بتخاف من الكلاب
فتقعد تقوله حاسب الكلب، اوعى يعضك اوعى اوعى وتبقى هي اللي مرعوبه اصلا
وهنلاقي ماما تانية بتخاف من الضلمه وواحدة تانية بتخاف من القطط وهكذا 😂 وبالتالي الخوف بيتنقل للولاد بسهولة جدا ٠٠٠٠ بس خلى بالك اللي بيتربى على خوف من حاجة معينة بتاخد وقت طويل جدا عشان يقدر يتعامل معاها، يبقى الاحسن أعلمه الشجاعة والمواجهة بحرص بدل الخوف صح
٣- خوف فطري طبيعي:
وده اللي هيطمن كتير منكم ان في مخاوف طبيعية جدا بتظهر مع كل سن وبتختفي نتيجة النمو والمعرفة وتعامل الأم الصح، زي المثال اللي فوق كده انا فعلا ساعتها خوفت جدا على ابني عشان مكنش عندي المعلومة ولما عرفتها اطمنت جدًا، ان المخاوف الطبيعية دي دليل جيد جدا على تطور ابنك العقلي، ايوه ان ادراكه بدأ يزيد ويفهم اكتر كل اللي حواليه عشان بعد كده يميز الخطر، سبحان الله ٠٠٠٠٠٠ المخاوف دي طبعا كتير بس مش هقدر أقولها كلها هنا، هقول امثلة ليها
- حديث الولادة هنلاقيهم بيزعجهم الاصوات والاضاءة العالية
- من سبع شهور هنلاقيهم بدأوا يخافوا من الناس الغريبة ومن الوحدة، وده مؤشر صحي جدا لتطورهم
- في سن سنتين وتلاته هنلاقيهم بيخافوا من الضلمة القمر العربيات الماسكات العرايس الكبيرة وغيره
طيب حد هيجي ويقول ابني مبيخافش من الحاجات دي هو كده مش طبيعي ( اه عارفه ان حد هيسال 😅&#128517 دي ابحاث اتعملت على اطفال من بيئات مختلفة كتير يعني دي مجرد مظاهر للخوف مينفعش اقيس عليها، لكن بنقولها للطمأنينة، وتابعي مع دكتور الأطفال الخاص بيكي، خاصة أول سنة تطور الطفل، وهو هيلاحظ اي تغير عليه لاقدر الله
بعد ماعرفنا انواع الخوف واطمنا، هيجي السؤال: أعمل ايه لما ابني يقولي انا خايف من...؟
1- ابنك من حقه يخاف وانت دورك تحتويه (ياه ياحبيبي بجد طب تعالى في حضني)
2- حاجتين متعملهمش، انك تقوليله لا ديه متخوفش أو انك تقوليله بس ياخواف ويبقى ده لقبه الجديد مثلا ده الخواف اوعيييييييييي
3- علميه يواجه خوفه ازاي (انا خايف أنام... ليه؟.... عشان تحت السرير و👺👹👿💀👻👾👽 أو في الدولاب.... بجد ياحبيبي طب تعالى نروح مع بعض نطمن الأول وتبدأي تفتحي الدولاب، لا مفيهوش حاجة، تعالى نقول الأذكار وننام)
4- متأكديش خوفه وتكبريه (ماما انا خايف أوي من الكوبايه..... ليه؟..... عشان سخنة.... اه فعلا، طب هنسيبها شوية وكل شوية نحط عليها صباعنا لحد ماتبرد شوية ونشربها)
5- بلاش تخوفيه... بلاش تخوفيه... بجد بلاش، الولاد اللي شوفتهم وبيحكولي عن خوفهم من الظابط ومن الحرامي اللي هيخطف لعبهم لوماناموش أو ياخدهم لو طلعوا من الأوضه ومناموش، حاجة تخنق بجد..... الولاد بيصدقوا وخيالهم واسع جدًا أكتر مما تتخيلي وممكن يتحول لتوتر وأعراض مرض
6- علميه يواجه خوفه ازاي واديلوا معلومات كل مايسأل
7- حفظيه أذكار وخليه يسمي الله قبل كل حاجة
8- انتي قدوة في المواقف الصعبة والصدمات، هيتعلم منك يواجه خوفه ازاي
هربي شجاع.... يعرف يواجه بذكاء.... هديله معلومات عشان ميخافش على طول...... انا معاه ومصدقة مخاوفه

الموضوع الأصلي: ماما انا خايف || الكاتب: ذابحني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

ربي لايحرمنا من هذا القلم الذهبي
يعطيك الف عافيه على الموضوع الرووعه
دمت ودام قلمك