آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑

๑۩۞۩๑ القصص والروايات ๑۩۞۩๑ ۞ قصص وروايات لتمتعو بها قلوبكم وعقولكم ۞

إضافة رد
 
أدوات الموضوع انواع عرض الموضوع
#1  
قديم 04-15-2018, 06:27 PM
دلوعة القمر
همسه غلا غير متواجد حالياً
    Female
لوني المفضل Violet
 رقم العضوية : 2387
 تاريخ التسجيل : Mar 2011
 فترة الأقامة : 4746 يوم
 أخر زيارة : 07-08-2022 (05:52 AM)
 الإقامة : السعوديهــــ
 المشاركات : 1,867 [ + ]
 التقييم : 10
 معدل التقييم : همسه غلا is on a distinguished road
بيانات اضافيه [ + ]
افتراضي رواية #مشاعر_مطرطشة الموسم التانى الحلقة 32




#مشاعر_مطرطشة

الموسم الثاني

الحلقة 32 - بارت 1

مروان باستغراب : اها رقم امّي
مازن : اهلين عمّتي وفاء
وفاء : اهلين مازن كيف حالك
مازن : الحمد الله
وفاء : الحمد الله علي سلامة لؤي
مازن : الله يسلمك ,, قاعد امعايا مروان غادي في المستشفى
كيف جبت هلي غادي
وفاء : اها ممكن بعدين نبيك اول ماتفضى
يعني لو تقدر اتجيني للحوش خير
مازن : ان شاء الله خير
مروان استغرب من كلمة ان شاء الله خير
وفاء : ماتخلش مروان يقعد عنده علم
مازن : هلي كلّهم تمام وبارك الله فيك
عشان حمدتّي عالسلامة
ديما سبّاقة في النشدة ياعمتي
وفاء : ربي يحفضك نرجى منك في اتصال
مازن : في امان الله
مروان : فارس وين
مازن : اكيدة قاعد في السوبر ماركت
,,,,,
كانت مايا في الشقّة تبرم
خشّت لدار معاوية تبرم فيها
لقت صورة
في راجل وولية وعيلين وبنت
وكان في عيل اصغير
في يد امّه
هذا كان معاوية لكن هيا ماتعرفش
مايا : زعمك من السموح هذا
اكيدة اهل معاوية هذيما
وقعدت تبرم في الشقة
وتفتح في الدلاوب امتاعه
,,,,,
حنين ونرمين
يتفرجّن عالتلفزيون في الصالة
كانت نرمين زعلانة وسرحانة اشوية
حنين : كنك زعلانة شن فيه نيرو مرات نقدر انساعدك
نرمين : مافش شي حنّو ما ادققش
حنين : بجديات كنّك شن فيه
نرمين : فارس
حنين : كنّا شن صار شن دارلك
نرمين : معش قعد كيف فارس زمان
فايتني بارد المشاعر ,, لا مبالاة قعد بالجو يكلم فيا
صح حبّيته لكن حتّى انا نبي نقعد
اندير نفسه ,,, راه يحسابني ميّته عليه
ولا حندير المستحيل عشان خاطرة
حنين : فيش تحكي صايرة مشكلة ولا شن
مش فاهمة كنك تحكي في طراطيش كلام
نرمين : الخُلاصة قعد معش يرن نفس قبل
انشوف فيه فاتح واتس ومايبش يهدرز
انخشله يطول في الرد
معش يرن كل يوم
معش يسال كل يوم
يعني لو ما اندورش انا مايدوّرش
كل شي الا كرامتي
ولا ناسي انا اخت العقرب
نرمين راني مش أي بنت
حنين : لو تبي اديري نفسه مش حتطلعو بحل
احكي امعاه هدرزي امعاه اسألي ليش تغير عليك
ليش دار هكي
نرمين : لا ما نسأله خلي ادير اللي اريحّة
معش نبي انرن حتى انا لا نسأل
وخليها هكي واللي اتجي من ربي
راضية بيها
حنشوفو شن نهاية هالدرامة امتاعه
" نرمين تبي اتغير معاملتها مع فارس
تبي اتوريه من تطلع اخت العقرب
مش اخت العقرب اللي تقعد تجدّة ولا ترجى
اهتمام من شخص "
,,,,,,
مايا وهي تبرم لقت مسجل دسكات
وشافت الدرج امعبي دسكات
وشافت دسكات واجد
قعدت بالدسكة اتشووف
الصافي
بونقطة
صغيرونة
التلاوي
علي العريبي
مايا : هههههههه كيف صار حتى انت تسمع في اعليوة يامعاوية
وقعد تقلب في الدسكات
شافت دسكة مكتوب فيها
الفنانة اعويشة
مايا : هذي طيرتي وماعندش امعاها رووح
ترا انولّعووها
حطت الدسكة
قعدت ترجى فيها تولع
الاغنية : " مش اخسارة فيها عيني مش اخسارة فيها عيني
محامي من البيضاء اتجيها "
مايا : حي حي واتصفق ابرووحها
وقعدت ترقص معا نفسها
الاغنية : ياربي نجي غلاي ياربي نجيّ غلاي
امعّبي والسيارة هاي
مايا : عدّي عدّي نعليا منّك ياعويشة اتقول عايشة واقعي توّا
الاغنية : "ياربي سلّم غالينا يوقع في الشيك ويعطينا "
وقعدت ترقص مع الاغنية وعايشة جو مع نفسها
الاغنية : ياريتني مسمار في كندرته
ياريتني مسمار في كندرته
ياناخذ يا انطلق مرته
مايا : حي حي حي حي
قعد ترقص وعايشة اللحظة
مايا تحساب رووحها تحلم
وكأنها طفلة تلعب في بستان
وكانت محرومه من طفوولتها زمان
علي عفويتها وطبيعتها
,,,,,
الرائد فوزي يبرّم في القنوات الليبية
صفحات الفيس بوك
يشووف هالاخبار مزالن يحكن عليه ولا لا
,,,,,
بعد مرور ساعة

روّح مازن بأمّه واخته من العيادة
شور الحووش
بعدها اتصل بعمته وفاء
مازن : نعم عمتي وفاء شغلتيني
شن فيه
وفاء : لازم انتقابلو هكي مايصيرش شي
مازن : خلاص تو انجيك توا
وفاء : خلاص تعال توا قبل ماايجي مروان
مزال امطوّل
مازن : هيا جايك
’’’’’
مروان كان كيف واصل في السوبر ماركت
مروان : مرحب مرحب
فارس : اهلين مروان ,, شن جو صحّة لؤي
مروان : لا اكويسة الحمد الله
فارس : باهي الحمد الله
مروان : يعلم الله انّك طيري ومانتحمل فيك شي
فارس : ولا انت يالغالي ,, نبي ناخذ رايك في حاجة
مروان : شن
فارس : مرات نبي نحكي للعقرب نبّي نفسخ الخطبة
خلاص معش عندي جو بكل
مروان : اصبر اشوية اسمع كلامي
مرات تقعد مستعجل وتندم بعدها
راه نرمين مافش كيفها بكل
فارس : اكيدة انا عايش امعاهم
وعارفها نفسها نفس فاطمة
مروان : غير وسّع بالك بس اشوية
فارس : تمام حنريّح الكارطة
لكن يعلم الله كرهتها خلاص
مافش أي شعور اتجاها بكل مش عارف عليش
,,,,
حنين : شن صار في لؤي
فاطمة : لا الحمد الله هكّي تريّحت انا
نرمين : الحمد الله طيّب فيك
ام مازن : صبّي ديرّلنا قهوة يانرمين
نرمين : حاضر
حنين : والله مانك امصبّية حنصبي انا خليك
نرمين : تي غيّر حوّلي انتي الاخرة فكيني
حنين : حلفت عاد خلاص
نرمين : باهي مش دايرة قهوة نبي انشوف الكيكة اللي دايرتها شن صار فيها
,,,,
وفاء : غريبة طوّل العقرب
نجاح : شن حيدير مثلا
وفاء : انا حنحكيله كل حاجة وهو ادرى
الباب قعد يدق
وفاء : شكله هووو
نجاح : تو انخش في داري وان شاء الله خير
وفاء : البسي ملاية الصلاة
مرات اتجي تحكي كل حاجة بالتفصيل
نجاح : حاضر
خشت نجاح للدار
وفاء : اهلين اهلين يالعقرب
مازن : فكنا الله من العقارب خليها مازن خير
وفاء: هههه حاضر هيا تفضل
,,,,,
الساعة 7:00 مساءا
معاذ وإسماعيل امكسدين في الكافيه "
معاذ : هههههههههه المهم بعدها انصدمت طلعت شينة بكل
إسماعيل : قتلك من الأول انا ماعمرك ما تحكي مع بنت بدون ما اتشوفها
معاذ : صوتها هبلني شن نبي اندير معش نقدر هبلتني بكل
إسماعيل : تستاهلها ياطيري هههههههه
معاذ : خلاص خلاص هانت بعد بكرة حنلعبوو بالفلووس ياصاحبي
إسماعيل : كيف صار ,, شن فيه من جديد
معاذ : خلاص حنهربو الباشق من الحبس
ونمسك انا ويا الشغل بدال معاوية
إسماعيل : امتفّهين الموضوع بكل وكأن مش قاعد في الحبس
معاذ : حنقولك كيف وحتعرف ليش امتفهين المووضوع
وقعد يحكيلة معاذ بالتفصيل
,,,,
خش معاوية ملقش مايا
معاوية : مايا مايا مايا
وين عدّت هذي
خش للمطبخ للدار امتاعه للصالة
يبرم في الشقة كلّها
معاوية : ياربي شن هالبنت شن قتلها انا
طلّع نقّالة ورن علي واحد من الجماعة
اللي يراقبو فيها
معاوية : هذي طلعت من الشقة ولا كيف
" لا يالزعيم من امبدري قاعد انا
مافش حد طلع كان هذا رنيت عليك
معاوية : باهي انت تحركت من مكانك ولالا
سكت اشوية
معاوية : تي جاوبني ابسرعة
" اها مشيت للمحل بس "
معاوية وهو راقيله : عليك فصخة اماله عليش حاطك انا
وسّكر في وجه الخط
وقعد في الصالة يفكر زعمك وين مشت هذي
,,,,
وفاء حكت المازن كل حاجة

مازن : بس كيف هي رضت هكي في روحها
وين كان عقلها بس
لاحول ولاقوة الا بالله
انقّانة واحد مش راجل
وفاء : ضحك عليها وعقل بنت انت عارف
مازن : ترا كلميها ليا
وفاء : نجاح تعالي
جت نجاح
مازن : كان برضاك ولا غصبن عنّك الحق
نجاح مابتش اترد
مازن : تمام عرفت الجّواب
عطيني رقمه وين يسكن وين يخدم
نبي كل حاجة عليه بالتفصيل
وفاء : شن حدير من راي
مازن : انتي مزلتي تبيه ولا لا
نجاح : كيف
مازن : يعني لو صلّح غلطه وازّوجك عادي
نجاح : بس مروان
مازن : انتي مش شورك بس
لو صلّح غلطه ويبي يزوجك تزّوجي ولالا
نجاح : عادي
وفاء : تخيل قال مانبّش نصلح غلطتي
مازن : لا حيصلحها غصبن عنّا
عطيني بس جميع معلومات عليه
وحنقابله وانهدرز امعاه
وان شاء الله خير
وفاء : مع انّي ياما درت فيكم
زمان وتعّبت امّك لكن مزلت تخدم فينا وامصبي امعانا
مازن : خلاص ياعمتي اللي فات مات
وايصير في كل العائلات
وفاء : ربي يحفضك ويرعاك
مازن : اللهم آمين ,, أي جديد حندورك ياعمتي
وفاء : افطن المروان هبل وادير أي حاجة
مازن : لا مش حنعطيه علم
,,,,,,
معاوية امقعمز في الصالون
وحط ايديه علي راسه
معاوية : وين مشت هذي
مايا : بعي بعي بعي
معاوية مانفجعش لا شي
مايا كانت كارسة وراء الستارة علي أساس
تبي ادير في مقلب
مايا : كنك ما افجعتش لا حاجة
معاوية : معقولة هكي تشغليني عليك
خفت عليك فكيني منهن هالحركات الطفولية
معش اتخليني انخاف عليك
سالتك بالله
مايا وهي تضحك : حاضر ,, بس خفت صح
لكن مابيتش اتحرك من مكانك
معاوية : نبي انخاف من كلمة بعي بعي بعي
واخرة بصوت ارقيق بكل
باهي اللي ماضحكت مش خفت
مايا : هههههههههه باهي باه هازي عليّا
معاوية : خلاص من بكرة حتمشي للمعهد
وحيقعد المعهد يوميا لازم تضغطي علي روحك
اقل شي اول مستويات بس
وبعدها تقعدي تمشي ثلاث أيام في الأسبوع
نبي انجليزيتك تقعد تمام مش تخدمي امعايا
في مقر الحزب لاني نبي انرشح روحي
ونبيك تقعدي اذراعي ووكيلة اعمالي
مايا : حي حي تخيلني ترا ههههههههههه
معاوية : كنك يمشي امعاك عادي
مايا : نسالك بس تفهمنش غلط
معاوية : تفضلي
مايا : انا شن بالنسبة لك
نرقد في الشقة امعاك
ومافش أي حاجة تربطني بيك
معاوية : شن مثلا تبيني نزوجك
مايا : خليني انفكر قبل
معاوية : ههههههههه مجنونة
مايا : كنك شن ناقصني
انسيت انت اكيدة تبي بنت هاي كلاس
معاوية : اها نبيها هاي كلاس
مايا : أصلا انبصر امعاك
بس نبي نعرف انا شن وضعي امعاك
معاوية : صنّفي روحك كيف ماتبّي عادي
مايا : صعب انصنف روحي
لان مش عارف روحي وين
لما نلقى روحي
حنصنفّها بعدها
,,,,,

الساعة 10:00 مساءا
حنين : غريبة مازن طوّل لعند توا ماروّح
نرمين : حتى سوبر ماركت امسكر
ام مازن : رنّي عليه
حنين : كلمته قالي جي في الطريق
هذا كلّه في الطريق
وتو انرن عليه مايردّش
نرمين : اكيدة قاعد امكسد مع جماعته
حيجي ,,
حنين : ان شاء الله
نرمين : كيف صار يافطوومة رايحة ماسكة النقال واجد الأيام هذينا
فاطمة : اها رديت نقرا في الروايات
تذكرن مرة حكيتلن علي وراية مشاعر مطرطشة
حنين : مقدمك كنها
فاطمة : دار منها موسم ثاني وقاعدة انلحق نقرا في الحلقات
لكن دورت ايميله مش قاعد في القروب
شكله دارله تعطيل نفس قبل
ديما هكي اللي اسمه ديندار كاتب الرواية
يكتب من الرواية اشوية وبعدها ايفووتها
مع انّ كان امنزل منشور انّ مش حيختفي نفس قبل
نرمين : بالك امحصل طير جديد عالخاص
خلّاه يأخذ وقته وفات الروايات
فاطمة : هههههههههه ممكن بس خاطري انكملها
بديت الموسم الثاني ايميله اختفى عليّا ,, عليك بخت
" علي فتحة باب الحوش "
ام مازن : اهوو جا مازن
حنين : تي وينك انشغلت عليك كنك طوّلت
مازن : كان عندي كم موضوع بس درته

في الماضي قبل ساعتين ,,

بعد طلع مازن من حوش عمّته
جا تليفون من إسماعيل
مازن : نعم شن فيه
إسماعيل : عندي اخبار جديدة
مازن : وين قاعد توا ,,
إسماعيل : في الحوش
مازن : اني جايّك توا
,,,
سهام : توا وقت ذا فويس مزال تبي الكورة
احمد : لا عادي تو نتفرج عليها في الدار خليك في الصالة
وهو ماشي للدار
سمع نقالة يرن
مشى لنقاله كان في الشحن
طلع مازن
احمد : اهلين .. يامازن
مازن : اهلا .. انزل قاعد تحت العمارة
احمد : هيا هيا نازل
مازن : غيّر دبشك ,, نبو نمشوو الكافيه انهدرزو اشوية
في موضوع جديد نبيك يقعد عندك علم
نزل احمد شاف مازن وإسماعيل قاعدين في السيارة
ركب امعاهم ومشوو الكافيه
,,,,,,,
بعد مرور ربع ساعة
أحمد : كان فكّيتنا من الكافيه
تو مرات ايقولو هذيما الاثنين شن جابهم البعضهم
مازن : شن قعدت اتبرّا مني ومعش انشرّفك انا
احمد : لا مش هكي قصدي
هكي الجماعة حيعرفو انّي نتعامل امعاك
ونفس الوقت جماعة معاوية
مرات ايشوفو إسماعيل امعانا
مازن : كافيه هذا في الوحيشي في منطقتي
كلهم امعايا هنا مافش حد يعطي فيّا
احمد : المهم توا خلينا ننهو النقاش بسرعة
إسماعيل : معاوية ومعاذ يبو يهربو واحد اسمه الباشق
ممكن يومين بس ,, بعدها حيصير عصيان واضراب في الحبس
واحتمال حتخش في بعضها
وع أساس اللي يقعد مضرووب
واتجي سيارة اسعاف تاخذة وبعدها يهرّبوو
احمد : تم من الناحية هذي اطمنووو
أي سيارة اسعاف حنراقبها لعند وين ماتمشي
هيا توا خلووني نمشي
العقرب : كنك ياراجل مستعجل
احمد : يامازن مانبش نحرقوو اكرووتنا افهم انت اللي كنك
مازن : هيا هيا عليك اللي دار موضوع
احمد : دير بالك ع روحك يا إسماعيل
إسماعيل : لا داير امنيّاتي متخافش
مازن : اهم شي عندك الموضوع كلّه يا احمد ودير جوّك

في الوقت الحاضر

حنين : شن المواضيع اللي يخلنّك ما اتردش علي نقالك
مازن : ومن أمتى يسألو فيّا علي مواضيعي
وبعدها خش للدار امتاعة مازن
حنين : نستاذنكن
ام مازن : خوذي راحتك
وخشت حنين للدار وراء مازن
حنين : كنك حكيت امعايا هكي قدام هلك
مازن : حكيت عادي يا اعيوني
غير كنت مشغول اشوية
لو مش مشغول راه رديت عليك عالنقال
وكلمتك شن المواضيع اللي يخلنك ما اتردش عليا
حتى امي ماعمرها سالتني عليهن
حنين : اسفة اعيوني
مازن : الدواء اللي جبته لكي اللي يهدي في الاعصاب
تاخذيه فيه ولا لا
حنين : ناخذ فيه
مازن : نجك ليا
حنين : نسالك حبيبي عليش انت ماكملتش دراستك
مازن : دراستي
لما مات باتي كنت اصغير انا وخواتي
وكنت شايل المسؤولية امتاع الحوش من طفولتي

في الماضي قبل سنوات

الابلة : الترتيب الأول عالفصل مازن
مازن خذا الشهادة وكان فرحان
نفس أي طفل ناجح من سنة ثالثة ابتدائي
وكانت المدرسة اقريّب من الحوووش
روّح للحووش يجري حاط الشنطة فووق راسه
يبّي يورّي شهادة الباته والامّة
كان يطير وهو يجري
وصل لبداية الشارع
شاف خيمة عزاء
مش عارف شي كان مازن علي نيّاته
وقعد يجري شوور الحوش
لقى خيمة وصبايا يتباكن
وكانن نرمين وفاطمة يلعبن قدام الحوش
مش عارفات شي
خش يجري يدّور في امّه
مازن : ماما ماما نجحت
كانت ام مازن تبكي وقتها
شافها مازن شاف امّه تبكي
قعد يبكي امعاها نفس أي طفل
ومش فاهم شي
طاحت الشهادة امتاعه
قعدن يعفسن عليها الصبايا
طلع قدام الخيمة لقاه الجيران
يطبطبو عليه
ومش فاهم حاجة
اللي فهمها انّ امّه كانت تبكي قعد يبكي
امعاها
نرمين : حي مازن يبكي زي البنات
فاطمة : بكاي بكاي
كانن نرمين اصغار مش فاهمات شي
مازن لمّا شاف نرمين وفاطمة يضحكن عليه
مشى شورهن وقعد مضبّطهن
ومسح دمووعه
مازن : خلاص معش نبكي انا مش بنت
وقعد حاضن نرمين وفاطمة
امّه طلعت ادوّر فيه
شفاته برّة هو ماسك بخواته الاثنين
كلمتهم جوو شورها
قعدتهم حضنتهم وتبكي
,,,,,,
في الوقت الحاضر

حنين : كنها عينك دمّعت سالت عالدراسة بس انا
مازن : مش عارفة شي انتي ياحنين
قلتي كلمة دراسة خطرن في بالي حاجات واجد
حنين : كل طفل كان عنده طموووح وحلم
شن كان حلم حياتك

يتبع ,,


كلمات البحث

العاب ، برامج ، سيارات ، هاكات ، استايلات





v,hdm #lahuv_l'v'am hgl,sl hgjhkn hgpgrm 32 hgl,sl hgjhkn hgpgrm




 توقيع : همسه غلا

تستطيع أن ترى الصورة بحجمها الطبيعي بعد الضغط عليها

رد مع اقتباس

أخر 5 مشاركات همسه غلا
المواضيع المنتدى المشارك الاخير الردود المشاهدة آخر مشاركة
وصفة شوربة تورتيلا الدجاج بالفلفل الحار السهل ๑۩۞۩๑ فنون الطبخ ๑۩۞۩๑ 1 3024 04-12-2022 04:32 PM
أفضل مقبلات 30 وصفه حصريه ๑۩۞۩๑ فنون الطبخ ๑۩۞۩๑ 0 1745 08-24-2021 04:19 AM
طريقة عمل الكيك الأسمر ๑۩۞۩๑ فنون الطبخ ๑۩۞۩๑ 0 1144 02-07-2019 10:34 PM
الدجاج بدبس الرمان ๑۩۞۩๑ فنون الطبخ ๑۩۞۩๑ 0 1027 02-07-2019 10:32 PM
عمل البرجر في المنزل من اللف للياء ๑۩۞۩๑ فنون الطبخ ๑۩۞۩๑ 0 1065 02-07-2019 10:29 PM

قديم 04-15-2018, 10:41 PM   #2


الصورة الرمزية مزاجـيه
مزاجـيه غير متواجد حالياً

بيانات اضافيه [ + ]
 رقم العضوية : 43
 تاريخ التسجيل :  Dec 2008
 أخر زيارة : 09-30-2023 (09:04 AM)
 المشاركات : 3,325 [ + ]
 التقييم :  25
لوني المفضل : Cadetblue
افتراضي رد: رواية #مشاعر_مطرطشة الموسم التانى الحلقة 32



موضوع جدا رائع
سلمت يمناك
باقة من الورد لك


 
 توقيع : مزاجـيه



رد مع اقتباس
إضافة رد

مواقع النشر (المفضلة)

الكلمات الدلالية (Tags)
#مشاعر_مطرطشة, الموسم, التانى, الحلقة, رواية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية #مشاعر_مطرطشة الموسم التانى الحلقة 25 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:40 PM
رواية #مشاعر_مطرطشة الموسم التانى الحلقة 26 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 27 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 28 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:31 PM
رواية #مشاعر_مطرطشة الموسم التانى الحلقة 29 همسه غلا ๑۩۞۩๑ القصص والروايات ๑۩۞۩๑ 2 04-15-2018 10:43 PM


All times are GMT +3. The time now is 01:17 AM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant