علاج الاختلافات بين الابناء

الابناء , الاختلافات , بين , علاج

علاج الاختلافات بين الابناء

إختيار الأصحاب .. ما بين طفل ليس عنده أصحاب وطفل آخر لا يجيد إختيار الأصحاب.
إفهم طفلك .. نفسك ... والموقف.
أحيانا بننسي الإختلافات اللي بين أولادنا وبنبقي عايزين نحطهم في قالب واحد. بس في الآخر ، كل واحد وله شخصيته.
الإقتراحات للمشكلة دي:
1- أعطي مساحة لأولادك أنهم يختاروا أصحابهم (كدة كدة همة هيختاروا).
2- لو في صديق مش عاجبك ، إعزمه في البيت وحاول أن تبث له الأخلاق الجميلة والحب والقيم اللي موجودة عندكم في البيت بنية أنه يستفيد.
3- لو خايف أن الصاحب ده يكون له تأثير سلبي علي ابنك (بنتك) ، حافظ انت علي تأثيرك الإيجابي عن طريق المحافظة علي علي علاقتك الطيبة معه.
4- لما ابنك يحكيلك عن خلاف مع أحد أصدقاؤه ، اسمعه بإهتمام ولا تتدخل. خليك مؤمن بأن ابنك يقدر يتصرف.
5- متقلقش علي العدد المناسب من الأصحاب بالنسبة لإبنك. في أطفال بيفضلوا صديق واحد مفضل وأخرين يفضلون العدد الكبير من الأصحاب.
6- لو أحد أبنائك اشتكي إن معندوش أصحاب ، مارس معاه الإستماع الفعال ثم حاول أن تصيغ له الكلام بأسلوب تملأوه المشاعر مثل " انت شكلك زعلان أوي لأنك حاسس إن معندكش أصحاب ؟ هل في حاجة حصلت إنهاردة بينك وبين أصحابك في المدرسة؟"
* كتير أوي الأطفال بيبالغوا في الوصف لما بيكون عندهم مشكلة مع أحد الأصدقاء .. استمع جيدا عشان تساعد ابنك يفكر في المشكلة بصوت عالي.
لتجنب الوقوع في مثل هذه المشكلات :-
1- ساعد طفلك اللي معندوش أصحاب بأنك تخلقله المواقف اللي ممكن يقابل فيها أطفال أخرون مثل زيارات للحدائق / النادي / المعسكرات ...
2- لا تتوقع إن أولادك هيصاحبوا اولاد صحابك أو تصمم إنهم يلعبوا معاهم.
3- خللي بيتك مكان يحب الأطفال أنهم يروحوه لأنهم بيحسوا فيه بالحب الغير المشروط ، مكان آمن وفيه قواعد الإحترام وكثير من المتعة.
4- لو إنت عندك مشكلة إنك معندكش علاقات إجتماعية كثيرة أو أصدقاء كثر ، متقلقش إن ابنك (بنتك) هيكونوا كدة. بلاش أحكام مسبقة علي إختيارات أولادك .. لأنها هتكون متغيرة في هذا السن الصغير ..
فقط كن ملاحظ جيد واترك ابنك يتعامل مع اختياراته..
لللأباء .. احذروا :
* لو ابنك دايما بيختار أصدقاء لا يعجبونك ، شوف علاقتك بيهم عاملة ازاي ؟؟ هل انت متحكم أو متسلط معهم ؟ هل بتجرحهم أو بتنتقدهم كثير ؟؟
* خليك مؤمن بأولادك وشجعهم وخليهم دايما يشعروا بأن أصدقائهم مرحب بهم في البيت.
* القدوة .. إختيارك لأصحابك ممكن يؤثر علي إختيارتهم .. فأختر جيدا

الموضوع الأصلي: علاج الاختلافات بين الابناء || الكاتب: BAYALA || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات