آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑ > كلك غـــلآ_ للروايات الطويلة

إضافة رد
 
أدوات الموضوع انواع عرض الموضوع
قديم 04-09-2012, 10:51 PM   #21


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



تفضلو
هذا الجزء الرابع
باليوم الثاني الكل صاحي وجالسين يفطرون الا ريهام باقي ما صحيه ماجد فقدها وقال:يمه وين ريهام؟
امه:ما صحيت باقي
ماجد:صحيتيها؟
امه:ايه بس مو راضيه تقوم
ماجد:قام وراح يصحيها
دخل الجناح لقى سريرها فاضي وعرف انها قامت شوي الا خرجت من الحام وهو كان يفرفر بجواله ويستناها واول ما شافها قال:يلا رهووم الفطور
ريهام ما ردت عليه ولا حتى طالعت فيه وهو استغرب منها وقال بخاطرة:يعني كل ذا عشان خاصمتك بشي لمصلحتك ولا عشاني اهتميت فيك قام ووقف قدامه وقال:انا اقول يلا الفطوور
ريهام من دون ما تطالع فيه وهي ماسكه جوالها قالت:خلااص
ماجد:طالع فيها بقهر وضييق وقال وهو يخرج:استناك خلصي وتعالي
ريهام ما ردت عليه وهو خرج وراح يكمل فطورة
شوي وجات وجلست وصارت تفطر
بعد الفطور ماجد مقهوور منها وما يكلمها وهي نفس الشي
هي كانت جالسة بالصاله مع جيهان ويسولفون
وهو كان مع وليد برا راحو يجيبون اغراض لأم وليد
كان الجو حاااار حييل وماجد ووليد موقفين عند المحل
ماجد:انزل انت ما راح انزل حرر خليني اتبرد بالسيارة
وليد:اقول بسرعه انزل حتى بالمحل مكيفات
ماجد:مابي انت روح خلاص ما بطير
وليد ضحك وقال اووكي
وفتح الشباك شويه وقفل السياره واخذ المفتاح معاه والمكيف مقفل
ماجد:وليد افتح ياخبل حرام عليييك
وليد وهو يروح:مو مطول حبيبي انشوي شوي خلييك تسمر
راح وليد وتأخر حييل
وماجد بالصياره صار معرررق وحران وحالته حاله
بالنهيه نزل من السيارة وراح لكفي قريب وجلس فيه يشرب قهور
وليد رجع وما لقاه بالسيارة ودق عليه وراح له وهم راجعين للبيت
ماجد:وليد وربي انك نذذل
وليد:ههههه توك تدري
ماجد:اوف منك وربي ابراهيم اهون منك بالنذاله
وليد:هههههههههههههههه شقصدك
ماجد:ياحلاة جده متى نرجع بس
وليد:ع تراااب اتحداك اصلا انت ما تقدر بدوني ابد
ماجد بضحك:ايه مرة انا اشهد
وليد:هههههههههه
شوي قال وليد:ايه صح وش كنت تبي امس
ماجد:متى
وليد:يوم جيت عندي بالغرفه
ماجد:آها لا بس كنت متضايق وانت ما عطيتني وجه
وليد:ههههههههههههه يا مسكيين ليش طيب
ماجد:رهووم زعلت عشان خاصمتها وللحين ما تكلمني
وليد:من حقها وربي
ماجد طالع بوليد وقال:ليش طيب انا كنت خايف عليها كانت بتطيح يعني ذي جزاتي عشان اهتميت فيها
وليد:هههههه اصلا طول عمرك مهتم برهووم بس كلامك لها كان قوي حييل لو انا منها ما اكلمك سنه
ماجد:اوف اصلا مو فاكر وش قلت كنت معصب وفارط لساني متر
وليد:ههههههههه زين افكرك
ماجد:هههههههه لا بس ما قلت لها شي غلط
وليد:راجع حساباتك ولا شكل عندك زهايمر
ماجد:وجع بعيد الشر عني ياخبل
وليد:ههههههههههههههه
وصلو للبيت ونزلو وماجد حرااان حييل اول ما نزل راح للغرفه وريهام كانت فيها ترتبها وانسدح ع السرير ووجه المكيف عليه وعلى درجته
ريهام طالعت فيه وجهه محمممر باين انه حران وكان معرق وخافت انه يمرض بس ما تبي تكلمه هي
رتبت الغرفه وخرجت شوي هو قام واخذ ملابسه ودخل الحمام عشان يتروش
بعد ما تروش خرج وكان يبي ينام ونام ع سريره من دون ما يرفع المكيف
ريهام جلست مع جيهان بالمطبخ وجيهان مشغوله بالغدا مع الشغاله ويسولفون
شوي قالت جيهان:اليوم بنروح السوق
ريهام:جد؟
جيهان:يب وليد قال بيودينا
ريهام:اها
جيهان:ماجد بيجي؟؟
ريهام بضيق:مادري عنه مع نفسه
جيهان:حبت تغير الجو يوم شافتها تضايقت وقالت:يلا بس قومي قطعي السلطه خليني اخلص
ريهام:هههههه
وقامت تقطع السلطه معاها
*******************
وليد قاعد بالصالة ويتفرج بالتلفزيون شوي صاح وقال:جيهاان
جيهان:نعـــــــــــــــم
وليد:وين الغدا بمووت جووع بسررعه
جيهان:خلاص ثواني واحطه
شوي خلص الغدا وحطته وجلسو كلهم بيتغدون شوي ام ماجد قالت لريهام:رهوم روحي صحي ماجد
ريهام تضايقت وقالت لعمتها:عمة مابي اكلمه
عمتها طالعت فيها وقالت بصوت واطي:باقي متخاصمين
ريهام بضيق:ايه
ضحكت عمتها وقالت:حبيبتي انتو اخوان بالنهايه لازم تتفاهمون
ريهام ابتسمت وسكتت وعمتها قامت تصحي ماجد
صحته وجا يتغدا وبدو كلهم ياكلون
بعد الغدا جلسو بالصاله ووليد وجيهان يتناقرون وريهام تضحك ع اشكالهم اما ماجد كان جالس بعيد عنهم ويفرفر بجواله شوي سكتو وريهام صارت تطالع بماجد شوي ماجد عطس وصار يكحكح
ريهام قالت بخاطرها وهي تلف وجهها عنه:الله يستر لا يكون مرض من هالمكيف اوووف
شوي سكت ماجد ووليد ضربه وقال:يرحمك الله
ماجد من دون ما يرفع عيونه من الجوال:الحمد لله
وليد:تعبان؟؟
ماجد:لا
وليد:صدق؟
ماجد:مدري
وليد:هههههههههههههههه
شوي سكت وقال:بتروح السوق معنا
ماجد وعيونه ع الجوال:مين انتو ؟
وليد:جيهان ورهوم وانا
ماجد طالع بوليد وقال:رهوم بترووح!
وليد:مادري بس اكيد جيهان بتاخذها
ماجد:غريبة ما قالت لي؟!
وليد:هههههههه بوجهك انت متخاصمين وبتقول لك ههههههه والله انك توحفه
ماجد ما رد عليه وكمل بجواله
شوي وليد قال:وش تسوي بجوالك؟؟
ماجد:اكلم اياد
وليد:لاحوول وش يبي لا تقول يعزمك
ماجد:هههههههه لا نسولف
وليد وهو يسحب الجوال:اشوف
ماجد:سحب الجوال وقال:بس يالملقووف شدخلك
وليد:ههههههههه عادي اموون
ماجد:مو علي يا خبل هههههه
وليد:هيا مالي دخل اليوم بتخرج معاي المول مو يعزمك الحين وتروح معه
ماجد:طيب خلاص اجل هو بكرة قلت له
وليد:الله وين!!
ماجد:مدري يقول نطلع كلنا
وليد:كلنا يعني حتى انا
ماجد:هههههه ايه
**********************
بعد المغرب ريهام جالسه مع جيهان بالغرفه وجيهان تتجهز عشان بيروحون السوق
ومبين عليها طفشانه متضايقه قالت:مابي اروح
جيهان لفت وقالت:ايش وربي لتروحين خييير
ريهام سكتت شوي وقالت :ماجد بيروح
جيهان:اضن شفت وليد يكلمه
ريهام تنهدت وقالت:ياربيي
جيهان:ما تبينه يروح؟
ريهام:مو كذا بس
سكتت ونزلت راسها وما عاد تكلمت
ريهام قالت لها:قومي تجهزي وربي لتروحين ولا والله ما عاد اكلمك حرام عليك كم لنا ما شفنا بعض وتتنكدين الحين ما عليك من ماجد
ريهام:مو عشان ماجد انا مالي خلق ابد
جيهان انقهرت وقالت وهي ترمي عبايتها ع السرير:وانا مو رايحه الا عشان نتمشى انا وياك مو انا وحدي يجلس وليد ينكد علي رهووم قومي وربي لأزعل
ريهام قامت بضيق وراحت للجناح تتجهز
تجهزو كلهم ووليد قال لجيهان وهو خارج:يلا انا بالسيارة بسرعه
جيهان وهي تلبس عبايتها طيب يلا جايين
شوي نزل ماجد وقال:استنى وليد مو بسيارتك
وليد:نعم لا ما اعرف اسوق الا سيارتي
ماجد:لا تفششل سيارتك مغبببرة خل نروح بسيارة ابوي
وليد:ياهووه
ماجد:هيا اقول خرج ومعاه مفتاح سيارة ابوه وركبو فيها شوي وجو ريهام وجيهان وركبو معاهم وراحو للسوق
*******************
وهم بالسوق صارو يلفلفون ويشترون كل شي يعجبهم
شوي قالو بيوقفون بمقهى ويشربون لهم شي وجيهان تبي تروح تشتري شوز عجبها
وقفو عند المقهى وجلسو وطلبو وجيهان تقول لوليد:وليد خلنا نروح نشتريه انا ورهوم
وليد:وحدكم لا معليش بعدين اروح انا وانتي
جيهان:وليد قريب ما بنطول
وليد:لا اجلسي
ماجد وريهام جلسو وجيهان ووليد يتناقرون ع الشوز
شوي جيهان قالت:تعالي رهوم
ريهام:همم وش تبين
جيهان:نروح نشتري الشوز ما بنطول
وليد:جيهان قلت مافي ما بتروحون وحدكم
جيهان:وليد خلاص
وليد:لا
ريهام:زين روحو الحين
وليد طالع فيها وقال:خليها مو رايح
جيهان:ولييد بلا نكد
وليد طالع فيها وقال:زين قومي اصلا انتي النكد بعينه
قامو وصقعها ع راسها وهي صارت تضحك وراحو
ماجد وريهام جالسين ويستنونهم
ماجد من يوم ما خرجو ما تكلم كثير وبس ساكت ويحس انه تعبان ومصدع
طالع بريهام الي لافه وجهها عنه كان يبي يقول لها بس كانت صاده عنه
طنش ولف وما تكلم شوي حس ان حرارته ارتفعت ويبي يسألها عندها بندول ولا أي شي وقال:ريهام
ريهام لفت وقالت:هممم
ولاحظت وجهه محمممر ومبين انه تعبان وهو وقال:معاك بندول
ريهام خافت عليه وقربت منه وحطت يدها ع جبهته وحسته مسخن مررة وقالت:ايه
فتحت شنطتها وطلعت البندول واعطته ايها
هو شربها وصار ساند كوعه ع الطاوله وماسك راسه
وريهام تطالع فيه وتذكرته يوم وجه المكيف عليه ونام ومسكت يده وصارت تخاصمه وهو يطالع فيها لين ما خلصت وقال:يصير ازعل؟!
ريهام طالعت فيه باستغراب وهو كمل:مو انتي قاعده تخاصميني؟!
ريهام فهمت قصده وصارت تطالع فيه والدموع بعيونها ومقهووره منه وقالت بضيق وهي تلف عنه:انا خاصمتك ما جرحتك
ماجد طالع فيها وهو مستغرب وهي مسحت دموعها ولفت وجهها عنه
هو تذكر كلام وليد بالسيارة وصار يتذكر وش قال لها وهو يخاصمها شوي طالع فيها وهي صارت دموعها تتجمع بعيونها وتحاول ما تبينها ولا تنزلها وتمسحها
تقطع قلبه عليها ومسك يدها وقال:رهوم قولي بإيش جرحتك طيب؟؟!
ريهام مسحت دموعها وطالعت فيه وقالت:مو مجبوووور تربط نفسك فيني وسكتت شوي وهي تحاول تمنع دموعها وقالت:اذا ثقيلة عليك ترى ما عليه اروح!
ماجد استغرب من كلامها وتذكر يوم قال لها:{لا عاد ترجعين عندي مرة ثانيه} ويوم قال لها{مو فاضين لك تطلعين لنا بعله جديده}
وقال بذهوول:رهوم وش قاعده تقولين ووشلون تفكرين كذا رهووم شيلي هالفكرة من رااسك حتى لو قلت كلام يجرح صدقيني ما اقصده من يوم حنا صغار مع بعض وبالنهايه تقولين ثقيله!! شدعوة
ريهام نزلت دموعها ومسحتها بضيق وهي تطالع فيه وهو كمل:رهووم لا تفكرين كذا اببد
ريهام ردت بقهر:مو تفكيري ذا معنى كلامك
ماجد شد ع يدها بقوه وقال:صدقيني مو قاصد انتي مثل توأمي رهوم وما اتضايق منك اببد
شوي جا وليد وجيهان وريهام باين بوجهها الضيق جيهان يوم شافتها قالت:شفيك رهوم
ريهام وهي تقوم :خلااص خلونا نروح
جيهان:ليش باقي بدري
ريهام وهي تأشر ع ماجد:ماجد تعبان خلاص مرة ثانيه نروح
جيهان طالعت بماجد وقالت:شفيه
ريهام:مسخن ومصدع
وليد قال لماجد:سلامات يالله خلنا نروح عشان ترتاح
ماجد هام بتعب ومسك يد ريهام وخرجو من السوق رايحين للسيارة
رجعو للبيت وماجد ع طول ع فراشه يحس انه مككككسر حييل وعضامه تعوورة
حطو العشى وريهام قامت بتنادي ماجد
دخلت الجناح وشافته وهو ممدد ع السرير وباين عليه مهلوووك
قومته وقالت:ماجد يلا العشا
ماجد قام بتعب وراح يتعشى معاهم
بعد العشى كلهم جالسين يتفرجون فيلم الا ماجد راح ونام وريهام جالسه مع جيهان تتفرج
ماجد نسي جواله بالصاله شوي دق
قامت ريهام وشافت لقيته اياد وقالت:اياد يدق
جيهان بضحك:يالبييه
ريهام:هههههههههههه
اخذت الجوال وراحت لماجد بس لقيته ناااايم وامه عنده تكمده
قالت:عمه اياد يدق ع ماجد
عمتها:خليه لا تردي ماجد اذا قام بيكلمه
ريهام حطت الجوال عند ماجد وراحت تتفرج مع جيهان
بعد الفيلم كلهم راحو نامو
وريهام منسدحه ع سريرها وتسولف مع سمر ع البيبي
وباين انها متضايقه وما تبي تسولف معها
وسمر تحاول فيها تجي تسكن عندهم وهي تصرف كعادتها
بعد ما خلصت من سمر حطت الجوال جنبها
ونااامت
************



 
 توقيع : ضجة مشاعر ~

سامحوني وحللوني كنتم اخوان واخوات لي والله يجمعني بكم في جنته



لقراءة الروايه اضغط هنا


رد مع اقتباس
قديم 08-05-2012, 09:47 PM   #22


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



الجزء الخامس
في الصباح قام ماجد من نومه بدري وكان الكل نايم
وهو كان مسخن شوي
قام ودخل الحمام وتروش وطلع وجلس ع السرير وصار يفرفر بجوااله
شوي صحيت ريهام وشافته صاحي وقامت وجلست وهي تتثاوب وتقول:ماجد
ماجد انتبه ولف وقال:همم
ريهام:نمت زين
ماجد:ايه وانتي
ريهام وهي تتمطط:ايه
ماجد:رهووم جيعاان
ريهام وهي تقوم وتروح للحمام :زين الحين اسوي الفطور
دخلت الحمام وهو صار يستناها
شوي خرجت وراحت للمطبخ
وهو قام وراح معاها
صارت تسوي الفطور مع الشغالة وهو جالس ويفرفر بجواله
شوي طالع فيها وتنهد وقال:رهووم
ريهام:همم
ماجد:باقي زعلانه
ريهام ابتسمت وقال:لا ماجد خلااص
ماجد:اكييييد
ريهام:اكيييد
شوي ماجد سرح وطالع فيها وقال:رهووم كلمتي سمر
ريهام:ايه امس نششبه
ماجد:ع البيبي
ريهام:ايه
ماجد:بغت منك شي
ريهام بضيق:لا بس تسوولف
ماجد تنهد وقال:انتبهي منها
ريهام:لا توصي ههههه
ماجد قام وهو يقول:ما امزح رهوم جد
ريهام:اووكي بس وين رايح
ماجد وهو يخرج:انا بالصاله جيبي الفطور هناك
ريهام:اووكي
خلصت الفطور وراحت له بالصاله وجلسو يفطرون ويسولفون
شوي قالت :اليوم وين بنروح
ماجد:انا بطلع مع اياد امس وعدته مادري اذا وليد بيوديكم
ريهام:اها يعني منطقه بالبيت
ماجد:ههههه وليد يمكن فاضي خليه يوديكم انتي وجيهان
ريهام وهي تطالع فيه بإستفهام:لا يا شييخ مابي اطلع من البيت بدونك
ماجد:ههههه زين مشكلتك انطقي بالبيت
ريهام بضحك:اووكي بنطق
ماجد:هههههه اوكي رهوم بحاول ارجع بدري ونخرج
ريهام:متى بالضبط بدري؟
ماجد:امممم الساعه 8 او 9 العشا
ريهام:ومتى بتخرجون اصلا
ماجد:بعد المغرب
ريهام وهي تحسب بأصابعها : يعني بتجلسون ساعتين ولا ثلاث ساعات
ماجد:بالززبط
ريهام:طيب وش ابي فيك الساعه 9 بنام انا
ماجد بضحك:الله يالخرااط كل يوم ما تنامين الا الساعة وحده ولا ثنتين
ريهام:ههههههههه ايه بس وين نروح الساعه 9
ماجد:أي مكان تبينه
ريهام:زين بس
قاطعها ماجد وقال:بس ايش خلاااص
ريهام:ههههههههههه ايه خلااص ههههه
ماجد:ههههههههههه
شوي صحيت جيهان ونزلت لقيتهم جالسن ويفطرون وقالت :صباح الخير
ريهام وماجد:صباح النور
جيهان جلست معاهم وصارت تفطر وريهام قالت:نمتي زين
جيهان:لا اعوذ بالله حلمت فيك
ريهام وهي تضربها:وججع احمدي ربك احلا نوومه دامك حلمتي فيني
جيهان بضحك:الحمد لله
ماجد وهو يقووم:وليد صحي
جيهان:ما اضن
ماجد وهو يطلع :بروح اصحيه
راح لغرفة وليد وصار يصحيه ويقول:وليييييد قووم يلا
وليد انقلب ع الجهه والثانيه ونام
وماجد صار يضربه ع جبهته ويقول:قوووم خلاااص تنفخت من النوم
وليد بإنزعاج:ياخي وخر مانمت بدري
ماجد:مشكلتك قووم انا بمووت ططفش لو في غيرك ما قومتك
وليد وهو يدخل راسه تحت المخده:روح تسلى مع رهومتك
ماجد:مع جيهان ما بقط معهم قووم هيا
ولييد:انت وش مصحيك بدري
ماجد:اوه وربي اني مسخخن هيا اقول قوم
وليد:زين روح ارتاح انت تعبان ولا
ماجد:هيا ياخي بلا نككد قوم
وليد قام وهو يقول:والله انك ازعااااج
ماجد وهو يخررج:يلا شوفني بالصاله
خرج وراح وجلس بالصاله
-----------------------------------
ببيت خال ريهام
سمر جالسه بعد ما افطرت وتطالع بالتلفزيون وجوالها بيدها ومراد كان جالس جنبها
شوي دق جوالها
شافت ولقيته خالد اخذت الجوال وطلعت الغرفه وقفلت الباب وردت وجلست تكلمة
اما مراد جالس بالصالة وطفااش حيل وإياد نفس الشي
شوي قال مراد:ريهام واهل عمها ما بيمشون من ينبع
اياد:مادري بس اليوم بنطلع كلنا انا وماجد ووليد تجي معانا
مراد بضيق:لا بروح مع واحد من اخوياي
اياد:براحتك
_________________
ببيت ابو ابراهيم
الساعه 1:30 ابراهيم دوبه راجع من الدوااام وتعبااان حييل
دخل ولقى امل وافنان وامه جالسين بالصاله وبنته وسن وولده فارس يلعبون
شوي قال وهو يطالع بوسن ويفسخ الشماغ:بااباا جاااا
وسن انتبهت له وع طوول رمت العابها وقامت تجري عنده وهو ضحك وجلس ع ركبتينه وفتح لها ذراعينه
وهي رمت نفسها بحضنه وصارت تضحك وهو حضنها بقوووة وباس خدها وهي قالت ع طوول:حلاااوه
ابراهيم:لاحووول لازم يعني
هي عبست وجهها وقالت:بااباا
وصارت تضربه ع كتفه وهو قال بضحك:زين بالسيارة نسيت انزلها
وهي لفت وطالعت بفارس وراحت له تركض وتسحبه وتقول:قووم جيبها يلا
فارس قام وقال لأبوه وهو يضحك:تبيها يعني تبيها
ابراهيم ضحك واعطاه المفتاح وقال:روح جيبها وتعال ولا تلعب في شي
فارس:طيب
اخذ المفتاح وراح يجيبها
وابراهيم حمل وسن وراح للجناح يبدل ملابسه
وامل وافنان قامو يحطون الغدا
حضرو الغدا وجلسو كلهم باقي ابراهيم ما خرج من الجناح وراحت امل تنادييه
دخلت الجناح وشافة وسن قاعده ع السرير وتحوس بأغراض ابوها
ومحفضته بحضنها والبطايق حولها
وقالت بإنفعااال:وسن ليييش !!
وسن انتبهت وحضنت المحفضه وقالت:لا خليها
امل:لا حقت بابا بعدين بيضربك
وسن قامت وهي ماسكة المحفضه وهربت وهي تقول:لالا خليها معاي لاتاخذيها
شوي خرج ابراهيم من الحمام والمنشفه ع راسه وشاف بطايقه مرميه ع السرير وقال بإنفعال:مين رماها
امل وهي تلمها وتنادي وسن:وسن هات المحفضه يلا شوفي بابا زعل
ابراهيم طالع بوسن الي بركن الغرفة ومندمجه في المحفضه تقلبها وتقوول:لا بابا يحبني
وضحك وراح لها وحضنها وحملها وقال:ايه احبك بس مو تخربين اغراضي وكمل وهو يشد المحفضه:يلا هات
وسن شدت المحفضه وصارت تصرخ وتقول:لاااااا حقي لاااا خليهااا
ابراهيم يشدها من يدها ويقول:اعطيني المحفضه ولا مافي حلاااوة خلاص ما عاد اجيب لك شي
سكتت وسن وقالت:وين الحلاوة
ابراهيم:اعطيني المحفضه اول
وسن اعطته المحفضه وهو اعطاها امل وصارت تحط اغراضه فيها ورفعتها
وهو حمل وسن بضهره وخرج وامل معاه يتغدون
---------------------------------------------------------
ببيت ابو وليد
بعد الغدا ماجد جالس وساند راسه ع الكنب ومقفل عيونه وريهام كانت خارجه من المطبخ وشافته وقالت وهي تروح له :شفييك ماجد؟
ماجد وهو يبعد شعرة عن جبهته:مسسخن شوي
ريهام وهي تحس راسه:يووه مو شوي ماجد
ماجد قام وقال:بروح اتروش عسى تخف شوي
ريهام:ايه احسن
قام وراح يتروش وهي جلست مع جيهان بس سمر تكلمها ع البيبي
وكالعاده تحاول فيها تجي وتسكن عندهم
سمر:هاه رهوم وش قلتي بكلام امس
ريهام تنهدت وقالت:سمر صععبه وربي
سمر:رهووم مو صعبه هم قالو لك الي تبينه يصير خلااص صدقيني ما راح يعارضونك
ريهام عصبت وقالت:عارفه هالشي بس بجد هم الي ربوني من يوم ما امي وابوي توفو وبالنهايه اروح عنهم حتى لو ما رفضو واكييد اصلا ما راح يرفضون بس راح يزعلون ولو ما بينو هالشي
سمر:يعني بس همك ما يزعلون
ريهام تبي تسلك وقالت:ايه
سمر:خلااص بتصيرين تزورينهم ما بتقطعيهم
ريهام قالت بصوت عالي:اووف من النشششبه وكتبت لها:حتى لو زرتهم مو زي وانا ساكنه عندهم صعبة والله
سمر:تكفيين رهووم
ريهام:والله مادري يا سمر ما اقدر
سمر:ريهام فكري زين فيها وربي ما راح تندمين
شوي سمعت صوت ماجد يناديها وقامت وهي تقول:نعم
ماجد وهو منسدح ع سريرة ومتلحف باللحاف:قفلي المكيف رهوم بردان
ريهام قفلت المكيف وراحت له وحست جبهته وقاالت:زين خفيت
ماجد:رهووم صحيني بالعصر
ريهام:اوكي اخذت الدوا؟
ماجد:لا نسيته
ريهام حطت جوالها ع الطاولة وراحت تجيب الدوا
ورجعت واعطته الدوا وخرجت ونسيت جوالها عنده
شوي ماجد بدا يدخل بنوومه الا ويدق جوال ريهام فتح عيونه يحسب انه جواله وقام واخذ الجوال وشاف لقاها سمر
طبعا هو جنه وجن سمر ما يبيها تكلم ريهام ابد ويحاول قد ما يقدر يبعدها عنها وع طول رد وصوته مبين نعسان وقال:الو
سمر يوم سمعت صوته عرفته وتأففت وقالت ع طول:اعطيني رهووم ممكن؟؟
ماجد تنرفز وقال:مو عندي الحين بعدين دقي
سمر بضيق:شلون مو عندك ضروري ابي اكلمها
ماجد تنهد وقام وهو يقول:يا رباه يا هالضروريات
وفتح الباب ونادى ريهام
ريهام جات وهو قال ع طوول:تخلين جوالك عندي لييه؟؟
ريهام:اعصاابك طيب
ماجد تأفف وقال:خذي كلمي
ريهام:منو
ماجد:سمروه
ريهام اخذت الجوال وقالت:الو
سمر:هلا رهوم سلامات شفيه ماجد
ريهام جات بتبعد عن ماجد عشان تكلمها وهو مسك بيدها بقوة وقال بإنفعال:كلميها هنا
ريهام طالعت فيه وابتسمت وشدت ع يده وقالت:مافيه شي ليه
سمر:لا بس مبين من صوته تعبان
ريهام بضيق:لا بس مزكم شوي
ماجد قال:تسأل عني الله يشفيها من ما ابتلاها
ريهام وهي تحط يدها ع فمه:اشششش
ماجد نزل يدها ومسكها وهي كملت مع سمر
شوي قالت سمر:رهوم ماجد وإياد ووليد بيطلعون اليوم صح
ريهام بضيق:ايه
سمر:اوكي شرايك انتي وجيهان تجون عندي مرا طفشانه
ريهام توهقت وطالعت بماجد بحيرة وقالت:اوكي بس يمكن نطلع انا وعمتي السوق مع عمي
ماجد عرف وقال:قولي يمكن ماجد ما يطلع عشانه تعبان
ريهام رجعت وحطت يدها ع فمه وقالت بعصبيه:اسسكت دقيقه
ماجد:اووووووف
سمر:اووكي تكفين حاولي تجين
ريهام:اووكي بحاول
سمر:وردي مني لا تنسيين
ريهام:اووكي
سمر:يلا باي
ريهام:باي
سمر:سلميلي ع ماجد
ريهام بقههر:تسلمين
سمر:بااي حبيبتي
ريهام:باي
قفلت الخط وطالعت بماجد وقالت:تبينا نجي عندها اووف
ماجد:ياذا اللييييل مو رايحين صح
ريهام:مادري تقول ردي مني عاد ما جات معاي التصريفه
ماجد:ياربيي منها
ريهام:شكل العشا اليوم بيتكنسل
ماجد دخل الغرفه بضيق وقال وهو داخل:هات جوالك لو دقت مرة ثانيه انا برد
ريهام:اقول لا تفشلني منها
ماجد وهو يسحب الجوال: لا معلييك بتصرف
اعطته الجوال وراحت وهو دخل الغرفه وحط الجوال جنبه وانسدح
وهي راحت لجيهان بالصالة
ماجد فوق سريرة ويتقلب ومو قادر يناام
مو مرتااح ابد وقاعد يفكر وشتبي سمر من ريهام وليش الصحبة الي جات غلط هالأيام
شوي فتح جوال ريهام وصار يدور لسمر في اللستة
لقاها وفتح وصار يقرا المحادثة
قراها كلها من البدايه لالنهايه
وزااد قلقه يوم قرى ان سمر تحاول بريهام تجي تسكن عندهم وردود ريهام غريبه شوي لا ايوه ولا لا
زي الي محتار وما يدري وش يقول
وتفاجا اكثر يو قرى ردها لسمر لما قالت " يعني انتي خايفه انهم يزعلون منك بس"
ورهووم قالت ايه
انصدم حييل وحس بضيق وقال بخاطرة:رهوم يعني ودك تسكنين عندهم بس ما تبين تزعلينا ليه كذا طيب
ضاق صدرة حييل وحس بضييق متمكن منه وقام وهو عااجز انه يناام
خرج من الغرفه ومعاه جوال ريهام وراح لها ومد لها بالجوال والضيق بين بوجهه وقال وهو يلف وجهه عنها:خذي ما دقت
ريهام استغربت منه وقالت وهي تاخذ الجوال:ما بتنام؟
ماجد وهو يجلس بضيق ع الكنبه المقابلة لها:ما قدرت
ريهام بقلق:ليش؟
ماجد مسح وجهه بضيق وقال:مادري
ريهام استغربت من ضيقته الي جات فجأة وقالت وهي تقوم وتجلس جنبه:طيب قول شفيك متضايق
ماجد طالع فيها وهو يحس بقهههر حييل:وقال:مو متضايق بس تعبان شوي
ريهام حست انه ما يبي يقول وقالت:وش الي تعبان دوبك اخذت لك شاور واخذت الدوا وكملت وهي تحط يدها ع جبهته :ومو مسخن من ايش تعبان بالظبط؟؟!
ماجد وهو يقوم ويتجه للباب بضيق:من عقلي!!
ريهام استغربت منه ومن حركته وقالت بقهر:زين الله يشفيك
وراحت واخذت جوالها تبي تشوف يمكن شي فيه ضايقه
بس ما فهمت ليش هو متضايق وما توقعت انه يتضايق من محادثتها مع سمر اببد لأنها هي كانت تسلك لها بس وهو فاهم غلط
ماجد خرج من البيت وع خرجته وليد كان دوبه موقف السيارة وداخل
وشافه وهو معصب وخارج وقال:ويين يالحبيب
ماجد تجاهله وصار واقف ويطالع بالسيارات وضايق حييل
وليد استغرب منه وقال بضحك:ما اشوف في احد من الجيران شاري سيارة جديده
ماجد برضو مطنش ويستناه يدخل شوي وليد قال:تبي تروح مكان
وبرضو ماجد مارد
وليد ضحك وقرب منه وقال وهو يمسك يده ويحط المفتاح فيها:خذ رووح بس لا تطنش لو دقيت رد
ماجد طالع فيه وقال بضيق:خلي مفتاحك لك واقلب وجهك مو رايق لك ابد
وليد استغغرب حييل من رده وقال:سلامات ما غلطت عليك ما تبي السيارة اوكي مافي شي يخليك تعصب علي
واخذ مفتاح سيارته ودخل البيت وماجد قطع الشارعين وصار يمشي في الحي
ريهام جالسه مع جيهان تسولف شوي ودخل وليد وباين معصب وع طول جيهان قالت:يا هلا والله تو ما نور البيت
وليد بدون رد طالع لغرفته
جيهان ضحكت وقالت:وليييييييد
وليد وقف وقال:نعععم
جيهان بضححك:شفيييك معصب انت وماجد اليوم
وليد نزل وطالع فيها وقال:شوفي انا كنت رايق بس ماجد هو الي عصبني
جيهان:اهم شي ليه؟؟!
وليد:مادري عنه خرج معصب وقاعد يتأمل سيارات جيراننا واحسب انه يبي يروح واعطيته مفتاح سيارتي وقعد يخاصم
ريهام قالت بقلق:ووينه الحين ؟
وليد وهو طالع:مادري عنه
ريهام تنرفزت حييل وصارت ع اعصابها ومحتارهوش الي ضايقه
-----------------------------------------------
ببيت ابو اياد
مراد جالس وطفشاان اليوم ما بيخرج كل اخوياه مشغولين وما راح يخرج مع اياد لأن ماجدبيروح معاهم وهو ما يبي يحتك فيه ابد
شوي جات سمر وجلست جنبه وهو مبينه انها مبسووطه
وهو قال:غريبه وش ذا الفرحه كلها
سمر وهي تطالع فيه :وجعع قول عساها دوم
مراد بضحك:هيا قولي وراك شي
سمر:ههههههههه ابد بس ريهام بتجي عندي هي وجيهان
مراد بفرحه:تمزيحييين
سمر:وربي انت ما بتخرج
مراد وهو يصرف:إلا بس متأخر
سمر:متى يعني
مراد:ع تسعه عشرة ليه بغيتو شي
سمر:لا بس عشان ناخذ راحتنا
مراد:ههههههه حللوة ما بقرب منكم بنطق بغرفتي
سمر:هههههه من غير ما تقول اصلا
مراد:وامي بتروح عند جدتي صح
سمر:ايه عشان كذا عزمتهم طفشانه بجلس وحدي
مراد:زين بس غريبه ماجد ما تكلم
سمر:وش دخله حسستني انه ابوها ولا زوجها ما تخرج الا برضاه
مراد وهو يلف وجهه بضيق:وهذا الي صاير وهي بعد تسمع كلامه بكل شي
سمر:مع نفسسسه مرة ما اطييقه مادري مين مسلطه علي كل ما ادق ع ريهام هو يرد
مراد:اماا كذا
سمر:وربي
مراد استغرب وقال:الله حتى ع جوالها خيير
سمر وهي تقلب التلفزيون:مع نفسه كرييييه
------------------------------------
ببيت ابو ابراهيم
ابراهيم دوبه صحى من نوومه والساعه 6:00 المغرب
قام وخرج من الغرفه وهو فاقد حس وسن
مشى وخرج من الجنناح وشافها جالسه ع الدرج وتلعب بعروستها
مشى بشوييش لين ما صار وراها وحملها بسرعه ورماها بالهواه
هي انفجعت بالبدايه بس لما عرفت انو ابراهيم صارت تضحك
وهو ضحك وباسها وصار ينزل وهو يقول لها بإذنها:مين حبيبتي
وهي تقول :انا
نزل الصاله وشاف امل جالسه وطفشانييين كلهم هي وافنان وامه
جلس وهو يقول:وين ابوي
امه:راح لجدانك
ابراهيم:شفيكم طفشانين
امل:قوم بالله خلينا نخرج اليوم الأربعاء احجز لنا استراحهه ونجلس لين يوم الجمعه
ابراهيم:ما ينفع استراحه وحدنا لو اهل عمي موجودين كان ايه
افنان:ياربيي هم الحين مبسوطين بينبع هنا مرا طفش
ابراهيم:هههههه اوكي المرة الجايه ان شاء الله نسافر معاهم منها ننبسط ومنها نزور اهل عمي ابو وليد
افنان بقلة صبر:متى
ابراهيم:بأقرب اجازة ولا
امل:اييه تكفى
ابراهيم وهو يطالع بأمه:ها يمه وش قلتي
امه:معاكم ياولدي الي يبسطكم يبسطني<<مثل امي فديتها
ابراهيم:زين اقرب اجازة ان شاء الله نسافر حنا واهل عمي ينبع
افنان:متى بيرجعون اهل عمي
ابراهيم:مادري والله ما كلمني ماجد ولا عمي
افنان:ياربي حلا لهم الوضع بينبع ما بيردون الا بعد الاجازة
ابراهيم:لا ما اضن ما راح يطولون الحين لهم 3 ايام هناك اتوقع بكرة ولا بعده يجون
افنان:ان شاء الله
شوي قام ابراهيم واخذ فارس وراحو يصلوون المغغرب
-----------------------------------------
بيت ابو وليد ماجد دوبه دخل البيت ووليد كان بغرفتة يجهز عشان بيطلع مع اياد وماجد راح للجناح وصار يتجهز
ريهام وجيهان بالمطبخ ويسولفون شوي دخل ماجد وقال لريهام:باقي ما تجهزتو
ريهام دوبها تستوعب كانت ناسيه وقالت وهي تحط يدها ع جبهتها:يووووه نسييت
ماجد:بسررعه خلصو انتضركم ولا تطولون
ريهام سحبت جيهان وطلعو بسرعه يتجهزون ووليد وماجد ينتظرونهم بالصالة
شوي خلصو وماجد دق ع اياد وبلغه انهم جايين
ركبو السيارة ومشو رايحين لأهل خال ريهام
وهم بالطريق ماجد جالس ووليد هو الي يسوق وريهام كانت جالسه ورا وليد
وسانده راسها ع المقعد حق وليد وضاغطه بقوة شوي
ووليد يحس في شي بضهره شوي قال:مين وراي
ريهام ما انتبهت كانت مشغوله بالبيبي تكلم وحده من صحباتها وماجد لف وشافها وقال لوليد:ريهام
وليد بضحك وبصوت عالي:رهووووم يرحم اههلك ضهري
ريهام انتبهت وقالت بعد ما رفعت راسها:هااا شفييك ؟
وليد:لا تضغطيين عورتيني
ريهام فهمت وقالت وهي تسند ضهرها:هههههه طيب فجعتني
وليد:هههههه الا انتي فجرتي ضهري
ريهام ضحكت وكملت كلامها مع صديقتها
وماجد عيونه بالمرايه ويشوفها وكان مبين انها مستانسه مع صديقتها
وقبل ما يوصلون بشوي قفلت البيبي وسندت راسها ع الشباك وصارت تطالع بماجد وضيقته مبينه بوجهه وودها تعرف وش سبب هالضيقه الي جات فجأه
صارت مسرحه فيه وتفكر لين ما وقفو عند باب بيت خالها وانتبهت انهم وصلو حطت البيبي بالشنطه وجات بتفتح الباب الا سمعت ماجد يقول لها:رهوووم مع السلامة
ريهام التفتت وقالت وهي مبتسمة:مع السلامة
ماجد وهو مبتسم:انتبهي ع نفسك
ريهام ابتسمت وقالت:طيب
دخلت هي وجيهان البيت واياد كان خارج ورايح مع وليد وماجد
دخلو وشافو واستقبلتهم سمر وهي مبينه الفرحة وجلسو بالمجلس
مراد كان بغرفته قاعد ع النت وما يدري انهم وصلو البيت شوي قفل اللاب توب وراح للمطبخ يبي يشرب له شي سمر كانت فيه وقالت له:مرااد ترى جيهان وسمر بالمجلس
مراد:من جد
سمر:ايه دوبهم دخلو
مراد بضحك:طيب وش اسوي لك اروح اجلس معهم مثلا
سمر:تستهبل لا اشوفك الحين مرتز بيننا
مراد:هههههه مو بكييفك
سمر:انت الي بتندم في النهايه مو انا برااحتك
مراد:مالك دخل فيني الي براسي بسويه
سمر:بكييفك
وخرجت ومعها القهوه
وجلست مع البنات وريهام قالت:وين خالتي
سمر:راحت تزور جدتي ماحد بالبيت الا انا ومراد
ريهام انصدمت يوم سمعت اسم مراد وقالت بخاطرها:مراد موجوود الله يستتر
وجلسو يسولفوون ويستهبلون ومراد راح لغرفته وصار يلبس ع انه بيخرج
وبعد ما لبس رااح للمجلس الي هم جالسين فيه ووقف عند البااب وهو يزبط شعره بالمرايه الي بمدخل المجلس ويقول:سلااام
البنات انتبهو وريهاام وقف شعرها من الخوف وصارت تقول بخاطرها:يااارب يخرج اوووف
البنات ردو السلاام وهو لف وطالع فيهم وقال:اخبااركم
جيهان وريهام:الحمد لله تماام
مراد وهو يطالع بسمر:دووم ان شااء الله وكمل سمر وين جاكيتي
سمر:بدولابك يعني وين
مراد:مو موجود روحي جيبيه شكل الشغاله باقي ما دخلته
سمر وهي تقوم بقهر:طيب
وقامت تجيب الجاكيت وهو جلس بالمجلس المقابل لمجلسهم وصار يشوف ريهام من المرايه
وهي مو ماخذه راحتها ابد وتعرف انو قاعد يطالع لها ومرتببكه حيييل نفسها تقووم من مكانها وتهزءه بس ما تدري وش الي يمنعها
شوي جات سمر ومعاها الجاكيت واعطته وقالت بضيق:هيا لا عاد اشووفك ترا ضايقتنا
مراد:ههههههه سلميلي ع رهومتي
سمر:انقلع بس مصدق نففسك
مراد وهو خارج:ولا تنسيين حاولي فيها قد ما تقدريين
سمر:اووكي يلا بس مع السلامه
مراد:مع السلامه
وخرج وقفل الباب وراه وهي رجعت وقالت بضحك:معلييش اذا تضايقتو الحين مافي الا حنا بالبيت
ريهام وهي مو مرتااحه ابد:لالا عادي
وع طول ترسل لماجد png!! ومعللقه علييه
وماجد كان مع الشباب وجالسين بكفي وشوي الا جواله تنبيهات ورى بعض وسرييعه وليد وهو يضحك:اللحق ماجد ذا واحد بيمووت
ماجد وهو ياخذ جواله بسرعه ويضحك فتح وشاف لقاها ريهام وانقلب وجهه وعرف انو فيها شي وارسل:هلا رهووم شفييك؟!!
ريهام وهي قلقانه:مراد كان بالبييت
ماجد انصدم وهو الي اياد قله انه بيطلع مع واحد من اخوياه وقال:ما طلع للحين
ريهام:دووبه طلع قبل شوي
ماجد عصصب حييل وقال:رهووم انتبهي ع نفسك تكفيين واول ما يرجع ارسليلي واجي اخذكم
ريهام بقلق:اووكي
ماجد بخووف:اول ما يررجع تفهميين
ريهام:طيب
قفلت البيبي وصارت تسولف مع سمر وهي قلقانه منها ومن تصرفااتها وكانت خايفه يرجع مراد بدري وقلقانه من نضراته لها
اما ماجد صار قاعد ع اعصابه وهو يتذكر المحادثه والعزيمه الي جات فجأه كل هذا مو من عوايد سمر وش ناويه عليه هالمرة
بنص سوالف البنات سمر قالت:ذي اخر سنة لنا بالثنوي وناااسه
جيهان:ايه وربي رااحه نفسيه اخيرا الحمد لله
ريهام:لا بالعكساحس بفقد صحباتي حيل
سمر:عادي زوريهم ولا تقابلو بأي مكان
ريهام:ايه بس مو زي في المدرسه
سمر:احلى بعد بالمدرسه نطام وكل شي ممنوع
ريهام:بس وناسه وربي مرا بفقدها
سمر:يلا الحين جامعه اكيد بتكون وناسه
جيهان:ههههه ما افكر ادخل جامعه خلااص طفشت
ريهام:مع نفسك صح كرة المدرسه بس ضروري اكمل
جيهان:ليه بالله مسويه دافوورة لهالحد
ريهام جات بتتكلم بس سمر قالت:لا رهوم لازم تكمل وتتوضف بعد تضضمن نفسها ما تضمن يدومون لها اهل عمها بس انتي لا عادي اهلك
ريهام انقهرت من كلامها وبنفس الوقت ذا السبب الي عشانه بتكمل دراستها ولا هي ما تطيق الدراسه ابد بس ما كانت تبي احد يعرفه وهي بطبعها ما تحب احد يحسسها انها محتاجه او ناقص عليها شي
طالعت بسمر ونزلت راسها وقالت:اهل عمي مو مقصرين بشي
سمر استغربت وقالت:رهوم مو عشان شي بس بالنهايه هم مو عائلتك وهالشي ما ينضمن
ريهام زاد قهرها وقامت وقالت بضيق:عارفه هالشي ما يحتاج تقولينه لي
خرجت من المجلس وراحت للحمام وجيهان طالعت بسمر وودها تهزءها بس سكتت وسمر قالت:الحين ليش تزعل
جيهان:لاعاد تطرين هالشي لها تخيلي انك بمكانها اكيد ما بتحبي ان احد يضايقك بهالكلام
سمر:لا بس هذا الواقع ليه ما تتقبل
جيهان:متقبلتة وعايشه فيه ما يحتاج تذكرينها
سمرسكتت وماعاد ردت
ريهام في الحمام اللي بعيد عن المجالس شوي وقاعده تزبط كحلها نزل مع دموعها وصارت تقول بخاطرها:ايه هم عائلتي وانا راضيه اني اعيش معاها كل شوي تقول مو عائلتك ماجد مو اخوك اوف الا ابوي وامي واخوي بعد ملقوفه حقيره
خرجت من الحمام ونسيت جوالها ع المغشلة ورجعت جلست وهي راسمة ابتسامة ع شفاتها عشان تغير الجو
وسمر جات بتتكلم بنفس السالفه بس قالت ريهام:والله وحشوني اهل عمي ابو ابراهيم وجدتي بعد اخبارها
سمر:الحمد لله تمام دايم تسال عنك
ريهام:إن شاء الله اروحلها قبل ما نسافر جده
سمر:متى تسافرون
ريهام:مادري بس عمي يقول بكره او بعده ما قرر
سمر:ليه ما تجلسون الإجازة كلها
ريهام:لا ماجد وعمي ما عندهم إجازة بنرجع جده
سمر:أها يلا الله يعينكم
--------
ماجد مع الشباب وباينه ضيقته وقلقه وليد قال له:شفيك ماجد قالب
ماجد:بصوت واطي:مراد اخاف يرجع بيتهم وريهام فيه
وليد:طيب ترى مو متهور لذي الدرجه
ماجد وهو يمسح ع وجهه بضيق:الله يسستر منه مادري اش يبي بالضبط
وليد:ماعليك لا تشيل هم بنت عمته بالنهايه
ماجد:وهو يعرف بنت عمته ولا حتى اخته كرييه
وليد:خلاص ماجد شوف اياد جاي
سكت ماجد وعينه ع جواله ينتضر ريهام تدق ولا ترسل
-----
سمر قاعده معاهم ويسولفون شوي الا خالد يدق عليها اخذت الجوال وقالت:معليش شوي وجايه
ريهام وجيهان:خذي راحتك
قامت سمر وراحت للمطبخ وصارت تكلمه
وريهام وجيهان قاعدين يسولفون ويضحكون شوي ريهام جات تبي تاخذ جوال جيهان تبي تشوف شي وكاسة العصير كانت ع طرف الكفر حق الجوال وسحبت الجوال وطاحت كاسة العصير وانكبت ع الطاوله
جيهان ضحكت وقالت:جزاء اللقافه يلا قومي جيبي فوطه ونشفيه بسرعه قبل ما تجي
ريهام ضحكت وقامت ولما وصلت لباب المطبخ سمعت صوتها وسمعتها وهي تناديه بإسمة وتضحك وتغازله
انصدمت وصارت واقفة مكانها وسكعت كل المكالمه شوي انتبهت يوم قفلت سمر وهي غيرت ملامحها ودخلت ع انها توها جايه وقالت:اوه انتي هنا ههههه
سمر:ليه شفيك
ريهام وهي تضحك:معليش بس كبيت العصير وجيت ابي اخذ فوطه وانظفه
سمر لا عادي انا بنضفه
واخذت الفوطه وراحت تنظفه وكملو سوالفهم وريهام مصدوومه من اللي سمعته
شوي الا صوت الباب ينفتحومراد دخل وهو يقول:السلام عليكم
ريهام رجع لها الخوف وردت هي وجيهان وسمر
وهو قال:سمر انا بالصالة جيبي لي نسكافه
سمر وهو تقوم:طيب
راحت للمطبخ وصارت تسوي له النسكافه وخلصتها وودتها له
وهو جلس وصالر يشربها
شوي تذكرت كلام ماجد وقالت بتكلمه وتخليه ع انه هو الي جا ياخذها من دون ما تقول له وانه مشغول ومافي احد بيقدر يجيبهم المهم كانت بتصرفها شوي تذكرت وقالت:وين جوالي
سمر:شوفي مو جنبك ع الكنب
ريهام وهي تضرب ع جبهتها:يووه نسيته في الحمام وقالت بخاطرها فرصه اكلم ماجد بعيد عنهم وقالت وهي تقوم:معليش بروح اخذه وجايه
وخرجت من المجلس بسرعه رايحة للحمام
-------
مراد وقف ع انه بيروح لغرفته وصار يمشي بناحية التلفزيون عشان يقفله ورفع راسه وشاف ريهام واقفه ومصدومه والخوف باين بوجهها
ريهام نسيت ان مراد بالصاله وعشان تروح للحمام لازم تمر من الصاله انصدمت يوم شافته وصارت واقفه ومو قادره تتحرك وهو ابتسم لها وقال وهو يقرب منها:هلا رهوم بغيتي شي
ريهام صارت ترجع ع ورى بخوف ومو قادره تردعليه وهو صار يقرب منها لين ما مسك يدينها وقال:شفيك خايفه تبين شي انا بأمرك
ريهام سحبت يدينها وقالت وهي ترجع ورى بخوف وتطالع بعيونه:لامراد تكفى!!
وتفاجأت ان الجدار وراها ومافي مكان تهرب منه وهو صار قدامها بالضبط وساند يدينه من فوق كتفينها ع الجدار ويقول بصوت هادي وهو يقرب من اذنها:شفييك خايفه مو متهور ماعلييه
وحط يدينه ع خدودها وصار يقربها منه وهي مسكت يدينه وتحاول تفكها وتبكي وتقول:مراد تكفى وخر عني لا تكفى بععد
مراد طالع بعيونها وقال:احببك رهووم وعممرك ما عطيتيني فرصه ماجد مسيطر عليك بعد انا ولد خالك
ريهام فكت يدينه وقالت وهي تبكي:ماجد اخوي مو مثلك
مرادوهو يمسك خصرها ووجهه مقابل لوجهها:زين يعني بس اخووك اجل بصير انا زوجك وبعدين لا تقولين مو مثلي كل ولد ببيته بنت مو اخته يفكر بنفس التفكير لا وخاصه لو كانت حلوة مثلك
ريهام وسعت عيونها فيه وصارت تبكي وتحاول تبعده عنها وتقول :لا مراد وخر لااا تكفى
مراد:اهدي الحين مو مطول شويتين وبعدها خلينا نتزوج
ريهام:صارت تدفه بقوه وتبكي وتقول:وخر عني ياحقيير وخر
ودفته بقوه وبعدته عنها وهو مسكها من يدها بقوة وقال:وين رايحه قلت اهدي مو مطول لا تخافين ما حد بيتهم لك انتي اصلا يتيمه
ريهام فكت يدها منه بقوه وصارت تجري ودخلت الحمام وقفلت عليها الباب وصارت تبكي وخايفه حييل ووجهها محممر وترتجف وحاطة يدينها ع خصرها وهي تحس انه باقي ماسكها وجسمها كلله مقشعر
مراد وقف عند باب الحمام وسند راسه ع الجدار وقال بخاطرة:وربي لأنسيك ماجد ذا
وريهام مسكت جوالها بتدق ع ماجد بس خافت يشك بنبرة صوتها لأنها خايفه حييل
قامت ارسلت له ع البيبي "مااااااااااااااااااااااجد"
ماجد اللي كانت عينه ع الجوال ع طول مسكه ورد عليها"هلا رهوم"
ريهام وهي تببكي وخاايفه"مراد رجع تعال تكفى بسرعه"
ماجد"اووكي الحين جاي"
صارت بالحمام وتستناه وخاايفه تخرج ومراد يكون جالس برى ومتوهقه مرة وخاايفه
طالعت بوجهها في المرايه وغسلته بمويه بارده وصارت تحاول تقلل من توترها شوي استندت ع الباب الا وصوت مراد يقول:رهومتي اطلعي صدقيني ما راح اطول معاك
ريهام وهي تبكي ومقهووره مننه قالت بإنفعال:خلااااص مرااد مو كافي اني يتيمة وش تبي تفقدني زياده حرام علييك
مراد:كل الي ابيه تكوني لي وحدي مابي الملقوف ماجد يتدخل فيك بعد اليوم
ريهام بكت وقالت:تكفى وخر والله مو ناقصه ضيق ماجد ما ضركم بشي وقلت لكم انا مرتاحه عند اهل عمي ليه تسوون فيني كذا
مراد:ما بطول بالهرج بتطلعين بالنهايه
وراح وجلس بالصاله يستناها
شوي الا ماجد يرسل لها"رهووم انا برا انتضركم"
ريهام تطمنت وصارت ترسل لجيهان وهي تبكي "جيهان ماجد برا تعالي عندي تكفين"
جيهان"الا صدق وينك ليش تأخرتي ووش جاب ماجد الحين"
ريهام بقهر"مراد الحقيير بسرعه تعالي انا بالحمام تعالي انتي وسمر والبسي عبايتك وجيبي عبايتي"
جيهان خافت عليها وانصدمت من كلاامها وقالت"رهووم وش سوى فيك"
ريهام"مافي وقت جيهان بسرعه ماجد برا خلينا نروح تعااااالو ومثل ما قلت لك العبايات"
جيهان ارسلت"اوكي"
وطالعت بسمر بخوف وقالت:سمر جيبي العبايات
سمر:ليش؟
جيهان:ماجد برى ومعصصب شكله تخاصم مع عمي وبنروح
ونادي ريهام معاك
سمر وهي تقوم: والله كان نفسي نطول بس لازم ماجد يخربها
جيهان ما تدري وش تقول وقالت:يلا المرة الجايه
راحت لغرفتها وجابت العبايات وهي راجعه شافت مراد بالصاله وقالت:وين رهوم شفتها
مراد بضيق:ليش؟!
سمر:كالعاده ماجد برى جا ياخذهم ويعني اني معصصب
مراد بقههر مادري شكلها بالحمام وقام وراح لغرفته وهو مقهور
وسمر دقت الباب ع ريهام وهي تقول:رهووم ويينك يلا بتروحون
ريهام وهي تفتح الباب:ماجد ليه جا
سمر:مادري بس كلم جيهان وتقول معصب
ريهام وهي تاخذ عبايتها وتلبسها:ياربيي يلا نعوضها المرة الجايه
سمر:إن شاء الله بس شفيك طولتي بالحمام
ريهام وهي تسلك:لا بس جاتني الدورة وانحست شوي
سمر:أها يلا معليه
وراحت لجيهان والخوف بوجهها ولبست عبايتها وخرجو بسرعه
ركبو السيارة والموقف باقي ببال ريهام وما صدقت انه عدى ع خير وبنفس الوقت خايفه من رده فعل ماجد اذا عرف وما تدري تقول له ولالا
ماجد قال:شفيكم تأخرتو من زمان وانا واقف
ريهام:لابس سمر قعدت تسولف
ماجد وهو يحرك السياره:الله ياخذها يا شيخه
شوي قال:ومراد هالحقير اياد قلي انه بيطلع مع خويه والحين مرتز بالبيت وربي لو عرفت ما اوديكم
ريهام رجع ببالها الموقف وماردت وسرحت بالشباب وهي تقول بخاطرها:حقيير الحمد لله عدت ع خير اوف
جيهان وراها وخايفه عليها وودها تعرف وش صار لها وليش تأخرت عنهم
وماجد ملاحظ ريهام مسرحه ومن يوم ما ركبت ومهي مرتبكه
وصلو للبيت وقف ماجد ونزلو ريهام بالها مشغول وخاايفه ونزلت ونسيت شنطتها وقفلت الباب وماجد انتبه واخذ الشنطه ونزل وهو يقول بخاطره:شفيها رهوم مصدومه وخايفه قرب منها ومسك يدها وهي لفت وطالعت فيه بنضرة خوف وكلام مراد يرن بإذنها وماجد ابتسم لها وقال وهو يمد لها بالشنطه:نسيتي شنطتك
ريهام رسمت ابتسامه خفيفه واخذذت الشنطه ورجعت بسرحانها
دخلت البيت وراحت ع طول لغرفة جيهان وجلست بعبايتها وبالشنطه وصارت تبكي وتششهق بقوه
جيهان دخلت وشافتها وقالت وهي تفسخ العباية رهووم شفيك حياتي قوليلي
رمت عبايتها ع السرير وجلست جنبها ومسكتها من اكتافها وحضنتها وريهام صارت تبكي
شوي بعدت ريهام عن جيهان وصارت تمسح دموعها
جيهان قالت:وش سوى فيك هالكلب
ريهام وهي تطالع بالباب:قفلي الباب تكفين مابي ماجد يدري
قامت جيهان وقفلت البا وهي خايفه حييل ع ريهام وريهام تحس كل اطرافها باارده وقلبها يدق بقووه وخاااايفه حييل وكأن مراد باقي قدامها وكلامة يتردد ببالها""لا تخافين ماحد بيهتم لك انتي يتيمة اصلا""-""كل ولد ببيته بنت يفكر بنفس الطريقه لا وخاصه لو البنت حلوه مثلك""-""مو مطول وبعدها خلينا نتزوج""
صارت تبكي حييل ومو قادره تتكلم وجيهان زاد خوفها عليها وقالت:تكفين رهوم لا تخوفيني عليك قولي لي وش سوى فيك
هدية ريهام شوي وصارت تمسح دموعها وصارت تقول لجيهان بكل شي
-------------
ماجد رجع للشباب وهو قلقان رهوم مو طبيعيه وباين الخوف بعيونها وقال بخاطره:لايكون مراد سوى فيها شي
سكت شوي وقال:لالا مستحيل رهوم ما بتخليه رهوم بس
فطع تفكيرة وليد وهو يقول:ماجد وين كنت
ماجد:دقو البنات علي وديتهم البيت ورجعت
وليد:أها بس شفيك باقي قلقان خلاص هم في البيت
ماجدبقهر وضيق:رهوم مو طبيعيه خايفه حييل وباين بوجهها مصدوومه وجيهان نفس الشي وريهام باين عليها كانت تبكي واصلا رهوم ارسلت لي انو اجي اخذهو وقالت انو مراد رجع للبيت ياربيي وربي خايف عليها
وليد وهو قلقان:لا يكون
ماجد:لا انشاء الله وليد لا تثبتها ببالي وربي قلقان
وليد:يلعن شككله هالحقيير ماجد ترى تعدى حدووده
ماجد سكت بقلق وقال خلنا نتأكد اول وربي ما يصير له طيب لا هو ولا سمرووه الملعوونه
------------
جيهان وهي مصدومه من الي سمعته من ريهام وقالت:ريهام شللون
ريهام وهي تشهق:يبي يذلني مو كافي الي سووه فيني لا يبون ينهون حياتي شكلهم
جيهان تجمعت دموعها بعيونها وقالت وهي تحضنها:رهوم حبيبتي معليك منه حقيير وكل كلامة خراااط وبعدين الله يرفع بماجد عننه وانتي ادرى به وعارفه شلون هو حريص عليك اكثر من نفسه
ريهام وهي تبكي بقهر:مابي اشوفه و ماعاد ابي اروح لهم ولا ازورهم ولا حتى امر ببيتهم لا هو ولا سمر الحقييرة
جيهان:رهوم ماجد لا تقولين له خلاص
ريهام طالعت بجيهان بخوف وقالت:طيب لو سالني ليه مابي اروح لهم وش اقول له
جيهان:رهوم صرفيه قول أي شي بس لا يدري ابد حتى لو مررة قولي بس لعمتي وهي تصرفه
ريهام نزلت راسها وقالت بقلق:اكرهه حقير
جيهان: خلااص رهوم قومي غسلي وجهك زين جت ع كذا وربي قلقت عليك حيل
قامت ريهام وغسلت وجهها وجلست بالغرفه
جيهان:تعالي نخرج امي بالصاله وحدها
ريهام:زين استني شوي وجهي باين فيه اني كنت ابكي بس يخف واخرج روحي انتي
جيهان:زين استناك



 

رد مع اقتباس
قديم 08-07-2012, 02:04 AM   #23


الصورة الرمزية яmαD ALsĦoQ
яmαD ALsĦoQ غير متواجد حالياً

بيانات اضافيه [ + ]
 رقم العضوية : 3467
 تاريخ التسجيل :  Aug 2012
 أخر زيارة : 08-09-2012 (06:04 AM)
 المشاركات : 37 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Black
افتراضي رد: لا تخليني على الدنيا وحيد~||من تأليفي||~



يعطيكي الف عافيه على سلسلة القصه رائعه

امتعتني كثيرا وانا اتنقل بين سطورها

كم هو رائع الحب وكم هي رائعه القلوب البيضاء

تحيه من عميق قلبي على روعه ماتقدميه

ادمعت عيني وانا اكرر اسم شخصيه تسبب لي بالحزن

عموما متالقه كتالق متصفحك




تقبلي مروري المتواضع



 
 توقيع : яmαD ALsĦoQ



رد مع اقتباس
قديم 08-07-2012, 06:46 AM   #24


الصورة الرمزية ۈرڍيــــﮥ اڷخــــڍ
ۈرڍيــــﮥ اڷخــــڍ غير متواجد حالياً

بيانات اضافيه [ + ]
 رقم العضوية : 3465
 تاريخ التسجيل :  Aug 2012
 أخر زيارة : 09-01-2015 (11:45 PM)
 المشاركات : 5,375 [ + ]
 التقييم :  695
 الدولهـ
Saudi Arabia
 الجنس ~
Female
لوني المفضل : Hotpink
افتراضي رد: لا تخليني على الدنيا وحيد~||من تأليفي||~



قصه رااائعه في قمة الروعه
ما أجمل الحب عندما يكون مرتبط بالاهتماام
لكى منى كل التقدير
تقبلي مروري


 

رد مع اقتباس
قديم 08-08-2012, 08:01 AM   #25


الصورة الرمزية جناين ورد
جناين ورد غير متواجد حالياً

بيانات اضافيه [ + ]
 رقم العضوية : 3372
 تاريخ التسجيل :  May 2012
 أخر زيارة : 09-16-2016 (02:17 AM)
 المشاركات : 12,025 [ + ]
 التقييم :  1214
 الدولهـ
Saudi Arabia
 الجنس ~
Female
لوني المفضل : Sienna
افتراضي رد: لا تخليني على الدنيا وحيد~||من تأليفي||~



يعطيكي العافيه
قصه رائعه
دمتي غاليتي
تقبلي مروري


 
 توقيع : جناين ورد



><ورديــٌُه الخد + أغترابٌ ~><
هن نِعمةٌ مِن الله ، أتحسسُ مِن خلالها طريقي إلى السعاده ~






رد مع اقتباس
قديم 08-08-2012, 09:40 PM   #26


الصورة الرمزية ملامح خجولهـ
ملامح خجولهـ غير متواجد حالياً

بيانات اضافيه [ + ]
 رقم العضوية : 2890
 تاريخ التسجيل :  Oct 2011
 أخر زيارة : 01-17-2014 (09:40 PM)
 المشاركات : 4,126 [ + ]
 التقييم :  251
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



مجــهودوربــى اشهـدعليـه
يسلمــوللإبــداع... ~
أبدعـــتي فمــاأجمـل ماآبدعتي حقــــآ.. ~
~..... رووعـــــه جـدآ
يسلمــوووللإبــداع
طــرح فىغــايةالجمـــال
يدومـ التمــيز
يعطيكـــ الله الفـ عافيـــه ....~
دمتــــي بألـف خيــــر
ع فكره انا من محبين الروايات


 

رد مع اقتباس
قديم 08-08-2012, 09:44 PM   #27


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



الله لا يحرمني من تواجدكم بمتصفحي

وع فككرة بااقي ما خللصت الروايه

لا تحرموني من مروركم


 

رد مع اقتباس
قديم 08-09-2012, 09:29 AM   #28


الصورة الرمزية القناص
القناص غير متواجد حالياً

بيانات اضافيه [ + ]
 رقم العضوية : 7
 تاريخ التسجيل :  Dec 2008
 أخر زيارة : 02-04-2024 (10:18 AM)
 المشاركات : 5,695 [ + ]
 التقييم :  490
 الدولهـ
Saudi Arabia
 الجنس ~
Male
لوني المفضل : Blue
افتراضي رد: لا تخليني على الدنيا وحيد~||من تأليفي||~



الله الله الله

ابدااااااااع والله

انتي استأذتنا من الحين مو دلوعتنا ههههههههههههههههه

والله دخلت جو على اني من امس اقراها بس والله شي

لا تتأخرين بالباقي >> متحمس هههههههههههههههه


تستاهلي والله أحلى تقييم + شهادة بتكون بتوقيعك



واااااااااصلي ابداعاتك ياوخيتي


 
 توقيع : القناص

سبحان الله وبحمده..
سبحان الله العظيم..


رد مع اقتباس
قديم 08-09-2012, 05:00 PM   #29


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



يا هلا فييك

منوور اقوى شيي

ويسعدني انك تقراها

لك كل الشكر ع المرور
وع الشهاده


 

رد مع اقتباس
قديم 08-09-2012, 09:14 PM   #30


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



قراءة ممتعه .....
الجزء السادس
ماجد ووليد رجعو للبيت ووليد اعصاابة ثايرة وماجد مسكه وقال:وليد امسك اعصابك ولا تستعجل ولا تخاصم كل شي بيبان بالنهايه ويمكن نطلع غلطانين
وليد طالع بماجد وقال له بعصبيه:ماجد ما اقدر راح اقلب الدنيا انت تصرف وانا خاارج ما راح اجلس
ماجد:اوكي
دخل ماجد الصاله وشاف عمته وجيهان وامه جالسين وريهام مو موجوده وقال:السلام عليكم
هم ردو:وعليكم السلام
ماجد جلس معاهم وقال:عمي وابوي موجودين
امه:لا راحو يقولو عندهم مشوار
ماجد:طيب وين ريهام
جيهان:بغرفتي فوق
ماجد:اقدر اكلمها؟
جيهان:ايه عادي
ماجد قام وطلع لها بغرفة جيهان وهي كانت جالسة ع السرير وماسكه جوالها دق الباب وفتح ع طول وهي طالعت فيه وما تدري ليش حست بخووف واطرافها بارده وطالعت فيه بنضرة سريعه ورجعت عيونها ع الجوال
ماجد جلس ع طرف السرير وقال وهو مبتسم:رهوووم
ريهام وعيونها ع الجوال:هممم
ماجد:ايش اخبار سمر
ريهام طالعت فيه بقهر وهي تتذكر كل الي سار لها وقالت بضيق:تسأل عنك
ماجد:هههههههه بالله شفيك متضايقه
ريهام ما ردت عليه وعيونها ع الجوال ودموعها متجمعه
وهو كمل بجديه:رهوم اسألك بالله مين مضايقك
ريهام رفعت راسها وطالعت فيه ووببالها كلام مراد وهو يقول""كل ولد ببيته بنت مو اخته يفكر بنفس الطريقه لا وخاصه لو كانت بنت حلوة مثلك"" ونزلت دموعها ع طول وصارت تقول بخاطرها:لا ماجد مو كذا مستحييل وصارت تبكي بقههر
ماجد قال:رهوم كذا انقهر انا اكره اشوفك تبكين بهالطريقه شوفيني سألتك بالله قوليلي
ريهام يوم سمعت كلامه مسحت دموعها وقالت:ماعاد ابي اروح عندهم
ماجد:طيب من عيوني بس مين ضايقك
ريهام وهي تشهق وتذكرة كلام جيهان وقالت:سمر
ريهام وهي تقوم:مع نفسها كالعاده كل ما شافتني قالت هم مو اهلك ولا ماجد مو اخوك مع نفسها
ماجد سكت وقال:رهوم الحين تقولين كالعاده ماقد قلتي لي انها تقول لك هالكلام من اول
ريهام لفت وطالعت فيه وقالت:مافي فايده حتى لو قلت لك بس بجرح نفسي ع الفاضي بكلامها
ماجد قام ومسك يدها وقال:رهووم بسألك عن شي من اووول مضايقني بس مابيك تزعلين ولا تكذبين علي قوليلي الصراحه وانا وربي ما راح ازعل
ريهام تسارعت دقات قلبها وخافت يكون السؤال متعلق بمراد لأنها حست انه شك
وهو قال:اوكي رهوم
ريهام:طييب
ماجد:مرتاحه عندنا ولا تبين تسكنين عند اهل خالك
ريهام استغربت من سؤاله وبنفس الوقت ارتاحت انه مو متعلق بمراد وقالت:شدعوة ماجد وربي ما راح القى مثلكم ومرتاااحه حيييل اما اهل خالي من الحين اقلك مابي حتى امر من قدام بيتهم ولا عاد ابي ادخل مكان هم فيه بس وش جابه ع بالك
ماجد فك يدها ونزل عيونه بالأرض وقال:قريت محادثتك انتي وسمر
ريهام طالعت فيه وقالت:ماعليه لا تشغل بالك انسانه ساامجه وانا بس كنت اسلك لها ولا مو نااويه حتى نيه
ماجد طالع فيها وقال:معليش رهوم تلقفت بس
قاطعته ريهام وقال:عادي ماجد لو ما ابيك تشوف شي كان حطيت كلمة مرور
ماجد سكت وهي كملت:متى نسافر
ماجد:مادري بعد ابوي ما قال لي ليه
ريهام: عشان جدتي ما رحت لها واخاف تزعل مرة من زمان عنها
ماجد:اوكي نروح لها بكرة وبعده نسافر
ريهام ماعندي مانع حتى لو قال عمي نسافر بكره نمرها ع طريقنا اسلم عليها ونمشي
ماجد:اوكي اللي يريحك
شوي الا دق الباب ودخلت جيهان وقالت لهم:يلا العشاء جاهز
ماجد وهو يقوم:يلا يلا
وقام وخرج من الغرفه وجيهان قالت لريهام:قلتي له
ريهام:لا بس سألني عن سمر عشان قرى محادثتها اللي بجوالي
جيهان تنهدت وقالت:زين الحمد لله
خرجو وراحو يتعشون شوي قالت ام وليد:ماجد حبيبي وليد وينه
ماجد:ليه باقي ما رجع قالي بخرج شوي وراجع
امه:باقي ما رجع كلمه ياولدي شوف بيتعشى معنا ولالا
ماجد وهو ياخذ جواله ويدق عليه:طيب
دق ع وليد ووليد ع طول رد وقال:هلا ماجد
ماجد:وليد وينك العشا جاهز
وليد:خل العشى الحين تأكدت انت من الموضوع
ماجد تنهد وقال:ايه بس سمر قعدت تعايرها بيتمها ماله علاقه بمراد
وليد تنهد وقال:الحمد لله
ماجد:زين تعال العشى جاهز
وليد:اووكي جاي
دقايق ودخل وليد وجلس معاهم وصار ياكل
--------
مراد جالس بغرفته وسمر عنده بعد ما عرفت وش اللي صار لأنها شكت لما شافت ريهام مرتبكه وجيهان برضو نفس الشي وقالت له:ليش طيب تسوي كذا
مراد بعصبيه:انتي ايش تبغي كم مرة قلت لك حر اسوي اللي براسي لا تدخلي فيني ولا تحاسبيني
سمر بإنفعال:يا اهبل افرض طيب سويت اللي براسك سمعتك وسمعتنا احنا
مراد:مراح يعرفون باللي صار بالنهايه بنتزوج غصب عنها
سمر:مراد انت شلون تفكر افرض طيب هي ما سكتت وقالت لماجد ولا اصلا ايش يضمن لك ما قالت له الحين باللي صار لأنو جيهان تقول انو معصب
مراد:يارب منه ذا لو يموت اريح لي
سمر:مراد اللي سويته غللط حتى لو تزوجتها بهالطريقه ما راح تسعدك ابد بالعكس حياتك بتنقلب فوق تحت
مراد:خليني اتزوجها بلأول ولا ذا الماجد الملعون مادري وش حبت فيه بس يتمصلح معاها
سمر:ريهام ما تحب ماجد مين قال لك
مراد طالع فيها وقال بإستغراب:شلوون؟؟
سمر:ريهام تعتبر ماجد اخ لها لا اكثر ولا اقل وهو للحين ما قال لها انه يحبها ولا بين لها
مراد:وتحسبيني بصدقك مستحيل ما تحبه وهي عايشه معاه طول عمرها ومو اخوها وما فكرت حتى هي بهالشي
سمر:مو كل الناس تفكيرهم زيك يا خبل وبعدين حتى انت ما تحب ريهام عشان اسلوب ولا اخلااق ولا غيره والدليل حركتك معاها اليوم انت ما تهتم لمشاعرها ابد ولا عندك مشكله لو جرحتها مثل هالجرح اهم شي تتزوجها بالنهايه انت بس تفكر برغباتك وبس هي ما تهمك يعني بس عشانها حلوة ومملوحه تعلقت فيها وبعد تركت افنان اللي كنت تحبها من قلب عشان بس جمال ريهام بصراحه مابيها تنظلم معاك ابد تتزوج ماجد احسن لها هو اللي بيرضيها
مراد طالع فيها وعيونه بتتفجر من العصبيه ع كلامها وقال بصراخ:مالك دخل فيني كم مرة لازم اقول لك كذا وكمل بصراخ:اطلعي برا ولا وربي لأغير ملامحك ولا عاد تتكلمين معاي بهالموضوع
سمر وهي تخرج وتقفل الباب:براحتك بس انا نصحتك وع فكره تراها حذفتني من البيبي وما راح اقدر اساعدك بشي طلعت وقفلت الباب وراها وهو انسدح بعصبيه ع سريره ونام
--------------
ماجد منسدح ع سريره وجواله بيده ويكلم واحد من اصحابه
وريهام ع سريرها وشاده نفسها باللحاف ودموعها تنزل وهي تتذكر مراد وحركاته وكلامه تذكرتة وهو يقول""رهوم انا احبك بس ما اعطيتيني فرصه"" ولما قال ""ماحد راح يهتم لك اصلا انتي يتيمه""
نزلت دموعها وقالت:متناقض كلامه كريييه آآه لو بابا عايش كنت قلت له بكل شي واكييد راح يوقفه عند حده ماما ماراح تخليني اكييد
حضنت اللحاف بقوه وصارت تتذكر الحادث وتبكي وتقول:الله يرحمكم
شوي تذكرة سمر وكلامها وقالت:كأنهم متكلفين فيني ع قلوبهم
وصارت تبكي وتشهق بزياده وماجد سمعها وقام ع طول وراح عندها وعرف انها تبكي ومسكها من كتوفها وجلسها وجلس قبالها وهي صارت تمسح دموعها
قال لها :رهوم اهدي خلااص
ريهام وهي تشهق:مااجد اكررههم ما ابي اشووفهم
شوي دخلت عمتها وشافتهم وقالت:شفيكم
ماجد:رهوم مو قادره تنام
فتحت النور وطالعت بريهام وشافتها تبكي وقالت:رهوم شفيك حبيبتي من حزة ما جيتي من بيت خالك وانتي متضايقه
ريهام نزلت دموعها وصارت تبكي
ماجد بقهر:سمر الله ياخذها يا شيخه
امه:استغفر الله ياولدي لا تدعي عليها
ماجد:الا وجع ان شاء الله
امه:وش قالت لك رهوم
رييهام ودموعها تنزل بقهر وهي عمرها ما شكت لأحد الا اذا جا ماجد وصار يترجاها تقله ويخفف عنها صارت حاسه انها حييل تعبانه وتبي تشكي لهم تبي تعرف من جد هم متكلفين عليها ولا معتبرينها مثل بنتهم
شوي قالت عمتها:بنتي ما يصير تكتمين كل شي رهوم حبيبتي اعتبريني امك كل شي فضفضي لي تكلمي قوليلي وش قالت لك هي بالذات زاد حالها وكله ذا عشانك تسكتين وتكتمين بعدين بيصيرون يذلونك بشي اكبر لا تسكتين رهوم قوليلي بكل شي عشان اتصرف معاها مو كل شي بتعرفين تتصرفين معاه انا مثل امك رهوم ولالا
ريهام وهي تمسح دموعها:الا عمه الله يحفضك لي
عمتها:هيا بنتي قوليلي وش قالت لك
ريهام قالت لهم بكلام سمر لها
و ماجد تنرفز وقال:تاكل تراااب ماعليك منها
وعمتها قالت:لا اله الا الله طول عمرك معانا حبيبتي يعني قصدها انك مكلفه علينا رهوم خليها مريضه والله انك في عيوننا وع روسنا ولا تزعلين اذا قالو اهل عمك حنا اهلك وكل شي تبينه بيجيك لو ايش لا تنكدين ع خاطرك
عمتها مسحت دموعها وقالت:لا تشيلين هم ولا تبكين مريضه ما تستاهل دموعك
شوي الا عمها توه داخل ويقول:السلاام عليكم
وهم ردو:وعليكم السلاام
طالع فيهم وقال:شفيكم
ام ماجد طالعت بريهام وابتسمت وقالت رهووم متضايقه شوي
ريهام منزلة راسها وتمسح دموعها وعمها طالع فيها وقال لماجد:وخر وخر خلني اشوف
ماجد وخر عشان يجلس ابوه
وعمها جلس قبالها ومسكها من دقنها ورفع راسها وقال:قولي اميين
ريهام منحرجه من عمها وقالت:امين
قال:الله يحرق قلب كل من يضايقك ولا ينكد عليك
ريهام ابتسمت ونزلت راسها وماجد قال بصوت عالي:آآآآآآآآمييييين
امه وابوه ضحكو عليه وابوه مسك ريهام من كتوفها وقال لها بصوت هادي:بنتي والله مابي اشوفك متضايقه ولا متنكده قسم بالله ما افرح ولا انبسط الا اذا شفتك مبسوطه ولا سمعت ضحكتك تكفين حبيبتي لا تنكدين ع نفسك بأشياء ما تستاهل اذا في شي مضايقك قوليلي وربي ما ارتاح لين ارضيك بس اهم شي لا تتنكدين
ريهام طالعت بعمه وابتسمت حست بجد انها محتاجتهم كللهم قربها وتعبت من ذاك الشعور اللي يحسسها انها وحييده ححيل وقالت:تسلم عمي الله لا يحرمني منكم
عمها قربها منه وباسها بجبهتها وحضنها وقال:رضاك حبيبتي يرضينا كلنا وزعلك يزعلنا كلنا تكفين لا تضيقين ع نفسك
ريهام نزلت راسها بحرج وهو قال لها:يلا حبيبتي نامي وريحي بالك وكمل وهو يقوم وعمتها قامت وراه :تصبحين ع خير حبيبتي
ريهام وهي تنسدح:وانت من اهله عمو
راح عمها وعمتها ونامو وماجد جلس ع سريره وقال:رهوم
ريهام:هممم
ماجد:ناامي زين كلمت ابوي وقال بكرة بنسافر عشان الدوام مافي اجازة وبنمر جدتك قبل لا نمشي
ريهام:طييب
ونامووو
----------------------------
مراد بغرفته دوبه صحي من نومه اخذ جواله يبي يشوف كم الساعه
كانت الساعه 3:00 الليل حط الجوال جنبه وصار يحاول يرجع لنومه بس مو قادر ينام ابد انقلب ع ضهره وحط يدينه من فوق راسه وتعلقت عيونه بالسقف وصار يتذكر موقفه مع ريهام وكلام سمر له
تذكرها وهي تترجاه يبعد عنها وهو يقرب زياده وتذكر سمر لما قالت له "انت ما تحب ريهام عشان اسلوب ولا اخلااق ولا غيره والدليل حركتك معاها اليوم انت ما تهتم لمشاعرها ابد ولا عندك مشكله لو جرحتها مثل هالجرح اهم شي تتزوجها بالنهايه انت بس تفكر بالرغباتك وبس هي ما تهمك يعني بس عشانها حلوة ومملوحه تعلقت فيها وبعد تركت افنان اللي كنت تحبها من قلب عشان بس جمال ريهام"
شوي همس بصوت حييل مخنووق وقال:يووووه افناان آآه بس بجد كنت احبها بجنون لين جا ذاك اليوم يوم جات ريهام تزورنا وما كانت اول مرة اشوفها فيها بس كانت غيير عن كل مرة كانت احلى واكبر جذبتني حييل كانت تخاف كثيير من السيارات الكبيرة وكان ماجد دايم معاها واذا خافت يهديها ووقتها بديت اسحب ع افنان لين تركتها مرره
وسكت شوي ومسك جواله وفتح ع رقم افنان وصار يقول بخاطره:هي وش ردة فعلها يوم سويت فيها كذا
اذكر انو ما عاد ارسلت ولا دقت وكان اخر شي بيني وبينها مكالمة جرحتها وقعدت تبكي وقفلت الخط بوجهي وبعدها انتهئ كل شي
بس لوعرفت انها وحشتني حييل الحين واني بجد فقدتها
سكت شوي وتذكر سمر لما قالت " بصراحه مابي ريهام تنظلم معاك ابد تتزوج ماجد احسن لها هو اللي بيرضيها"
وقال بخاطرة:صح هي معتبرته مثل اخوها بس ما تستغني عنه ابببد اوف
سرح شوي وهو يتذكر افنان وضحكهم وهبالهم وكل الرسايل الي بينهم كانت استهباال وشكثر كانت تتريق عليه اذا جا بيكلمها واذا غلط بكلمة وهو ينحرج ويصير يسلك وهو يتذكر من دون ما يحس ابتسم وقال:احبها وربي بجد عمري ما ضحكت من قلب الا معاها وعمري ما انبسطت الا اذا صارت تنكت على وتستهبل بس ليش سويت فيها كذا بس عشان رهوم احلى منها ايه صح بس ريهام ما تمييل ليي ابدد وتكرهني بعد حيييل وهي بالعكس كانت تحبني حييل بس خساارة انا ضيعت كل ذا بغبائي
حط يدينه ع وجهه وصار يقول بخاطرة:اه لو اخطبها بتوافق بس ابي نرجع مثل اول وترجع لي ذيك الضحكه الي كانت تطلع من قلبي وكنت انبسط حييل معاها والحين بس نكدت علي وكرّهت اهلي فيني وبعد ريهام وكلهم صارو يستحقروني
قام وخرج من غرفته وراح للمطبخ وشاف اياد جالس فيه وباين عليه مبسوط حييل وقال له:شايفك مبسووط وراك شي
اياد انتبه له وقال:هاه هههههه ايه مرررة ابي اكلم امي عشان تخطب لي
مراد بفرح:احلى ونااسه بتتزوج اخيرا
اياد:هههه تبي الفكه مني يعني
مراد وهو يجلس قباله:ههههه مو كذا بس غريبه مين اكيد انك مفكر بهالشي
اياد:اييه وحابكها بعد
مراد:ههههههه ميين؟؟
اياد:اخاف اذا قلت لك تقوم تحبها مثل ما سويت بماجد
مراد طالع بإياد والعصبيه باينه بوجهه وقال بإنفعال:لا تتدخل بشي ما يخصك
اياد ببرود:لا والله بس ابي اتزوجها وانا مريح بالي
مراد وهو يقوم :على تراااب
وراح لغرفته وهو معصب حيييل
اياد قام وخرج من المطبخ وبيده كاسه عصيرة وطلع لغرفته وهو يقول بخاطرة:وربي اني صادق فيك البنت من يوم ما انخلقت وهي معاه وتجي انت ع الجاهز
دخل غرفته وشرب عصيرة ونااام

ماجد صحي من نومه وكانت الساعه 11:00 الصباح قام ومالقى ريهام ع فراشها
خرج من الغرفه وشافها قاعده في الصاله وبيدها جوالها وسمع صوت في المطبخ وقال لها:رهوم
ريهام لفت وقالت:نعم
ماجد وهو يجلس:متى صحيتي
ريهام:قبل شوي
ماجد:مين بالمطبخ؟
ريهام:جيهان والشغالة
ماجد:ابوي بعد نايم
ريهام:ايه بدري ما راح يقومون الحين انت وش مصحيك
ماجد:مادري قمت ومافي راسي نوم
ريهام:ايه صح انت حذفت سمر من عندي؟
ماجد وهو يلف وجهه عنها:ايه
ريهام:هههههه متى؟
ماجد:بعد العشاء امس
ريهام:احسن ريحتني منها
ماجد:كريهه
ريهام تنهدت وصارت تفرفر بجوالها
شوي الا جيهان طلعت وحطت الفطور ع الطاولة وقالت:يلا تعالو نفطر
ماجد وريهام قامو وقعدو يفطرون وماجد قال:وليد ماصحي
جيهان:وين ما راح يصحى الا الساعه 2 الضهر
ماجد:هههه نومه ثقييل الله لا يبلانا
ما مداه ما ياكل لقمتينه الا وصوت وليد نازل ويقول:جيهاااان
جيهان وهي تضرب ع جبهتها:يوووووه عمره طويل
وقامت وهي تقول:نعم
وليد:سويلي فطور
جيهان:تعال افطر معانا
نزل وليد وشافهم وقال:غريبه يالدجاج صاحين بدري
ماجد:الا انت الغريب وش مقومك
وليد:مادري كذا حسيت انكم بتمشون الحين قلت خلني اقوم اسلم عليكم
ماجد:ههههه لا ما راح نمشي الا بعد العصر
وليد:زين يعني ارجع انام؟
ماجد:ههههه لا افطر
وليد جلس معاهم وصار يفطر
-----------------
قرب اذان العصر
ريهام وعمتها والشغاله يلمون اغراضهم وماجد راح يغير زيت السيارة وابوه مع عمه
بعد ماخلصو رجع ماجد للبيت وريهام وعمتها كانو جاهزين واخذهم وراح لبيت جدة ريهام
وصلو ودخلت ريهام وعمتها عند جدانها اما ماجد جلس بالسيارة يستناهم ع اساس انهم ما راح يطولون وبيمشون من وقتها
ريهام سلمت ع جدتها وجلسو معاهم شوي وراحو ورجعو لبيت عمها عشان يحملون اغراضهم ويسافرون
ابو وليد كان بالمجلس جالس مع اخوه شوي الا خال ريهام يدق عليه
ابو وليد:هلا ابو اياد
ابو إياد:السلام عليكم هلابك
ابووليد:وعليكم السلام
ابو اياد:كيفك وكيف اهلك ان شاء الله تمام
ابو وليد:والله الحمد لله كلنا مبسوطين وبخير انت شلونك
ابو اياد:بخير والله بغيت اكلمك بموضوع عساك فاضي بس
ابو وليد:ماعندك مشكله حبيبي فااضي
ابو اياد:تسسلم والله بس بغيت اخطب بنتك لولدي اياد كلمني يقول يبيها قلت اكلمك ونشوف
ابو وليد:حيااكم والله ع عيني وراسي ماعندي أي مانع بس نشوف كلام البنت وامها ونرد منك والله يحييكم باي وقت
ابو اياد:الله يسعدك يلا تتم ع خير ان شاء الله
ابو وليد:ان شاءالله
ابو اياد:يلا فمان الله
ابو وليد:مع السلامة
قفل منه وابو ماجد قال له:خال ريهام؟
ابو وليد:ايه يبي يخطب جيهان
ابو ماجد:لمين من اولاده؟
ابو وليد:يقول إياد كلمه وقال له يبي البنت
ابو ماجد:يلا الله يتمم ع خير
ابو وليد:امين
قام ابو ماجد يبي يسلم ع اخوه وهو يقول:يلا فمان الله بنمشي الحين ونشوفكم ع خير ان شاء الله
قام ابو وليد وسلم عليه وقال:ودعتكم الله ولا تقطعونا كثرو من جياتكم
ابو ماجد:الله يكثر خيرك واعذرنا ان كان كلفنا عليك ولا شي
ابو وليد: لا لا مافي كلافه اخووي الله يحييكم باي وقت
ابو ماجد وهو خارج:يلا فماان الله
ابو وليد:استودعتكم الله وتوصلون بالسلامة ان شاء الله
خرج ابو ماجد وخرجو اهله بعد ما سلمو ع اهل عمهم ومشو لجده
---------------------------
جيهان وامها قاعدين بالصالة يسولفون شوي الا دخل ابو جيهان وهو يطالع بأمها ويقول:تعالي عندي لك كلمتين وقامت امها وراحو لصالة الثانيه وجيهان قاعده تفرفر بجوالها
دخل وليد وشافها وقال:هههههههآآآأأئ يا هلا والله بجيجي الف مبرووووووك
جيهان وهي تطالع فيه بإستغراب:شفيك ؟؟!
وليد بضحك:اخيرا بيصير صديقي مبلط عندي بالبيت وزوج اختي ههههههآأأآئ والله وناااسه ان شاء الله بس تتم
جيهان بصدمة:وش تخربط انت ؟؟!
وليد وهو يجلس:ابد والله بس المحبوب خطبك وابوي مبدئيا احسه عاجبة الوضع وانتي يارب بعد يعجبك وامي بعد وانا عني عااجبني حييل هههههههآآئ
جيهان نطت جنبه ع طول وهي تقول:منو قول بسرعه؟؟
وليد:اخخخخص والله مو مستحيه وانا اعرف رده فعل البنت اذا قالو لها احد خطبك تستحي ههههههآآئ سلامات
جيهان:تككككلم بسرررعه
وليد:ما بحرقها ع ابوي هو يقلك انا بس اجهزك للواقع
جيهان بقهر:قول يا خببل منو ؟
وليد:لو تبيّضيين مو قايلك هيا طسسي
جيهان:ع تراب مع نفسك
وليد:انا ادري عنك بتعرفين بالنهايه ليه كذا مستعجله
جيهان: الله ياخذك ويرزقني بأخو مثل ماجد قول امين
وليد:هههههههههههههههههههههههههههههههههه متى بيكبر عشان يصير مثل ماجد هههههه خلي بس تحمل امي اول هههههههه
جيهان انقهرت ورمته بالخداده وقالت:عادي يعوضني بزوجي مو انت مو متهنيه معاك كأني مو اختك شوف بس ماجد وريهام سمن ع عسل يالباهم بس مو هالحجر معاي وجججع
وليد:لتصحييح في فرق انا وياك اخوان من لحم ودم وهو مو اخوان ههههههآآئ يعني اقلك مين البنت اللي بعاملها مثل ما يعامل ماجد رهوم حبيبتي مو اختي
جيهان:وجججع ان شااء الله يا جعلك ما تتوفق
وليد وهو يرميها بالخداده:بلا يباك ابلييس وش اللي ما اتوفق اخوك يالخبله
جيهان:وانا اختك يا ولد ابوي
قطع كلامهم ابوهم وهو يقول:بس يا مبزرة انت وياها متى تعقلون خلاص بنزوجكم
جيهان ووليد طالعو بأبوهم وهو كمّل:قومي جيبي لي مويه يا جيهان
جيهان قامت وهي مستغربه من كلامه وجابت له مويه وجلست وهو شرب وسكت شوي ووليد صار يستناه يتكلم
شوي قال:الحين يا جيهان ولد خال ريهام اياد اليوم ابوه كلمني يقول يبي يخطبك له وانا اشوف بصراحه انه رجّال وما به عيب وبنفس الوقت صديق اخوك واكيد انه يعرفه اكثر مني وكلنا شوفينا موافقين بس نستنى رأيك انتي فيه ونرد منهم والله يوفقك ويسعدك ويتمم لك ع خير
جيهان طالعت بأمها ووليد الي كاتم ضحكته ع شكلها وقالت:طيب ابوي بشوف
ابوها:الله يوفقك
وبدا يتكلم مع وليد بخصوص الشركه
جيهان قامت وراحت للمطبخ وامها معاها وصارت تكلمها بهالموضوع
____________________
اياد دوبه داخل البيت بعد ما راح يجيب شوية اغراض لأمه دخل وطالع بأبوه وقال:هاه يبه كلمت عمي
ابوه:ايه كلمته يقول بيرد منا قريب
اياد:زين ترى اهل عمي ابو ماجد مشو
ابوه:الله وياهم
اياد:توه ماجد كلمني
ابوه:يوصلون بالسلامه
اياد طلع لغرفته وامه قالت له:بتخرج
اياد:ايه ببدل ملابسي وطالع مع واحد من اخوياي
امه:زين رد بدري لا تتأخر مثل امس
اياد:ابشري يمه
بدل ملابسه وطلع من البيت
-----------------------------
ماجد بالسيارة هو اللي يسوق وابوه جنبه ويتكلمون عن الشركه وشغلهم شوي قال ابو ماجد:اياد كانه يبي جيهان
ماجد:مادري والله ليه تكلم فيها
ابوه:ايه اليوم ابوه كلم عمك وقال له وعمك كأنه موافق
ماجد:الله يوفقهم والله دوبني ادري منك
ابوه:الله يتم لهم ع خير
ريهام سمعتهم وقالت:إياد ولد خالي!!
عمها:اييه
ريهام بخاطرها:حركااات هههههههه يلا اكيد جيهان موافقه ههههههه
وصلو لنص الطريق ووقف ماجد عند محطه عشان يصلون المغرب ونزلو لمسجد في المحطه وصلو وهم راجعين قال ابو ماجد:ماجد خلاص انا بكمل الباقي من الطريق
ماجد:طيب
ركب ابو ماجد وامه قدام وهو وريهام ورى ومشو
ماجد طالع بريهام وقال لها:باقي بس ترم واحد وتخلصين الثنوي
ريهام:اييه اخيرا
ماجد ابتسم وقال:هاه بتكملين الجامعه ولا شلون
ريهام:بكمل اكييد
ماجد:الله يوفقققك يارب
ريهام:ههههه من قلبك تدعي
ماجد:هههههه اييه دامك تبين التوفيق ولا
ريهام:ألا اكيد
ماجد:تتوقعين جيهان توافق ع اياد
ريهام بضحك:اييه ومليون بالميه بعد هههههآآأئ هذا اذا ما كانو متفقين من قبل بعد
ماجد:هههههههههههههه حركاات والله فالينها
ريهام:الله يسعدهم
ماجد:وسمر ما عاد اضافتك ولا كلمتك؟
ريهام بضيق:لا احسن مع نفسها
وتذكرة ذاك اليوم لما سمعتها وهي تكلم خالد بالمطبخ وقالت لماجد:ماجد وليد بينه وبين سمر شي ؟
ماجد:شلون ؟
ريهام:يعني يكلمها ويرسل لها ولالا
ماجد:ما اتوقع صح هو يبي يخطبها بس مرة ما اتوقع انو يكلمها ويرسل لها اببد ليه؟
ريهام وهي تلف:لا بس شكيت بشي
ماجد بفضول وضحك:بأيش شاكه؟
ريهام وهي تضحك:هههههه تعجبك هالسوالف!
ماجد:ههههههه لا بس ..
ريهام:ههههههههههه
سرحت ريهام بالشباك وصارت تفكر وتقول:معقوله سمر تسوي كذا بنفسها واهلها ومين هذا اللي بتصدقه لا ويتغزل فيها وهي ترد عليه مررة وقححه توقعت كل شي منها الا هالشي الله لا يبلانا
مع السرحان بدت تنعس ونامت
--------------------------------
ببيت ابو ابراهيم
ابراهيم داخل البيت بعد ما كلم ماجد وقال لأمه:يمه يمه اهل عمي راجعين جده الحين هم بالطريق
امه:يوصلون بالسلامه الله يبشرك بالخير ان شاء الله يجونا بكرة
ابراهيم:ههههه بتفتكين من الطفش الحين هههههه
امه:ههههه ايه والله ملينا
طلع ابراهيم لجناحه وغير ملابسه ولبس قميص البيت وراح وجلس بالصاله وصار يلاعب بنته وسن وفارس ولده يلعب بالبليستيشن
شوي قال له:فارس هات هات خلني اهزمك شوي
فارس:زين بابا خذ انا اللي بهزمك
ابراهيم اخذ يد البليستيشن وصار يلعب معاه كورة ووسن جالسه بحضنه وصارت تضغط باليد وتخرب عليهم قام ابراهيم قال :املوووووه تعالي خذي بنتك
امل:طيب جاايه امسكها شوي
ابراهيم:لا قاعد العب مع فارس تخرب علي تعالي بسرعه
خرجت امل من المطبخ وقالت وهي حاطه يدها ع خصرها:اقول امسكها مو فاضيه قاعده اسوي العشى بعدين ترى بنتك مثل ماهي بنتي
ابراهيم وهو يضحك:بنت خذيها ابلعب مع ولدي
امل:ياربي يالحنيّن امسكها ما راح اخذها
ابراهيم لف وحطها ع الكنب ورجع يلعب مع فارس وهي قامت وجات بتنزل بسرعه وطاحت ع وجهها وصرخخت
لف ابراهيم وهو مفجوع وشافها وقام ع طول وشالها وصار يرميها بالهوى وهي تبكي
خرجت امل وقالت وهي خايفه:شفيها
ابراهيم وهو يفرك جبهتها ويحظنها:طاحت من ع الكنب
وسن وهي تبكي:آآآآآآآيي وخر يدك بابا تعورني
ابراهيم:حياتي بقلبي انا خلااص لا تبكين
وسن وهي تشيل يد ابوها من ع راسها وتبكي:ماما رااااسييي دمممم
قربت امل منها وقالت وهي تشوف جبهتها:لا حبيبتي ما في دم خلاص شوي بس وتروح
تورمت جبهتها شوي واخذتها امل وراحت المطبخ وصارت تكمدها بالثلج
وابراهيم رجع يلعب مع فارس وهو يقول لأمل:لو اخذتيها من البدايه
امل بعصبيه:بس يا شيخ ما تمسك احد منهم كل شي علي
ابراهيم:امهم العزيزة
امل بإنفعال:مع نفسك بعد هم يقربون لك ترى
ابراهيم وهو يلعب:اعصاابك اموول وانتبهي لا تطيح من عندك
امل:ليه شفتني مثلك اخليها ورى ضهري عشان العب بالأتاري
ابراهيم:بالعافيه حبيبتي لا تتخيبل تعرف تنزل من فوق الكنب
امل بعصبيه:زين بعد شوي تعال احملها وربي ما تمسها
ابراهيم:ههههههههه ما بتمنعيني من بنتي
امل:زين شوف
ابراهيم:هههههههههه وسن تحب بابا صح
وسن وهي تشهق:لا بابا يطيحها
امل:ههههههه تستااهل
ابراهيم:مع نفسك خلاص مافي حلاوة
وسن وهي تبكي:مابي حلاوة راسي يعورني
ابراهيم:بالعافيه
وسن وهي تحط راسها بحضن امها:ماحب بابا يعور راسي
ابراهيم:ههههههههه فارس تحبني
فارس وهو مندمج باللعبه:اييه
ابراهيم:عادي وسن فارس يحبني
وسن:مابنام معك بنام مع عمه افنان
ابراهيم:هههههه مو بكيفك
وسن:الا بكيفي
<<قعدو يتناقرون وامل وامه يسوون العشى
------------------------
حطو العشا وجلسو كلهم ياكلون بس ابراهيم وفارس باقي يلعبون شوي قالت أمل:ابراهيم يلا العشا قومو
ابراهيم:زين اصبري شوي
امل:هيا بسرعه
شوي خلصو وقفلو البليستيشن وقامو يتعشون
امل كانت قاعدة تتعشا وبنتها وسن بحضنها شوي الا جا ابراهيم من وراها وحمل وسن من دون ما تدري ورماها بالهوى وصار يضحك ويقول:هاه بكيفي ولا بكيفك هههههههههههه
وسن صارت تبكي وتحرك رجولها وتقول:نزلنيييي ما احببك نزلني عند ماما
ابراهيم وهو يضحك:ماافي تتعشين معاي
وسن وهي تبكي بقووة:وخخخر مابي معك نزللنيي
ابراهيم:هههههه اقعدي خلااص
وجلس وجلّسها بحضنه وهي تدف الطاولة وتبكي تبي تنزل من حضنه وهو ماسكها بقوة ويضحك شوي قالت امل:خلااص ابراهيم هات البنت وتعشى
ابراهيم:مابي ليش تعاندني
ابو ابراهيم:زين فكها مو وقتك لا انت ولا هي خلونا نتهنى عشانا
ابراهيم عرف ان ابوه تنرفز وفكها وهو يقول:زيين والله لوريك
وهي راحت عند امها وقالت:ما احببك
بعد العشا بشوي امل في المطبخ تسوب لوسن رضاعتها ووسن جالسة ع الطاولة وتلعب بجوال أمها
دخل ابراهيم وشافها وقال:خلااص بتنامين
وسن طالعت فيه وقالت:ايه مو عندك بنام عند عمه افنان
ابراهيم:زيين بنشووف هناك بالغرفة مافي جدو بنومك معاي غصب عنك
وسن بكت وقالت:مو بكيفك
امل وهي تضحك:هههههه طيب انا ما بتنامين معاي
وسن:لا انت بتنامي مع بابا مابي انام معاكم
ابراهيم اخذ رضاعتها من امل وقال:خلااص روحي نامي مع عمه افنان بدون رضاعه
وسن صارت تبكي وتمد يدينها لأمها عشان تنزلها من ع الطاولة وأمها نزلتها وصارت متعلقه بإبراهيم عشان يعطيها رضاعتها
وهو راح للجناح ودخل غرفة النوم وانسدح ع السرير والرضاعه معاه ووسن تلاحقه شوي دخلت امل وفارس لقيوهم يضاربون ع الرضاعه
ابراهيم شاف امل وقال لها:قفلي الباب بالمفتاح
امل ضحكت وقالت:زين عطها رضاعتها
ابراهيم:اول قفليه بسرعه
قفلت الباب ووسن صارت تبكي بقوه وتقول:ما احببكم مابي انام معااكم افتحي البباااب
ابراهيم مسكها بقوة وحضنها واعطاها رضاعتها وقال وهو يتصنع العصبيه:نامي بسرعه
وسن يوم شافته معصب قالت بخوف:مابي وصارت تدفه برجلينها ويدينها
وهو صرخ بوجهها وقال:انا قلت نامي
وسن خافت وصارت مغطيه وجهها بيدينها وتبكي وهو قال لفارس:وانت بعد يلا روح نام خلااص كم الساعه
فارس وهو يضحك ويخرج من الغرفه:بابا يعني انه معصب الحين
ابراهيم سمعه وكتم ضحكته وقال:لا تخربها روح انخمد
فارس:هههههههه زين زين رايح
وراح لغرفته ونام
ابراهيم قال لأمل :قفلي النور خليها تنام
امل قفلت النور وانسدحت جنبه وقالت:هات وسن انا بنومها
ابراهيم:اقول ارقدي ما صدقت تسكت
امل:هههههه
وسن حاطه يدينها ع وجهها وتشهق وابراهيم حاضنها
شوي شال يدينها من ع وجهها بقوة ودخل الرضاعه بفمها وهي دفتها ودفته وقالت:انا ما احببك فكككنيي
ابراهيم مسك يدينها بقوه وقال:ليه ما تحبيني انا احببك
وسن:انت عورتني في راسي
ابراهيم:ما عورتك انتي طحتي لوحدك
وسن:طيب ليه ما تمسكني
ابراهيم:هههههه حللوة كنت العب مو فاضي
وقربها منه وباسها وقال:يلا اشربي حليبك ونامي عشان بكرة اوديك الملاهي
وسن:توديني انا وفارس
ابراهيم:ايه يلا نامي
وسن قامت من حضنه وهو قال لها:شفيك
وسن:بروح غرفتي خلااص انا كبيرة
ابراهيم:زين نامي معاي اليوم وبكرة روحي غرفتك
وسن رجعت وحطت راسها بحضنه وصارت تشرب رضاعتها
شوي قال لها ابراهيم:تحبيني ؟؟
وسن شالت الرضاعه من فمها وقالت:اييه
ابراهيم:كثيير ولا شوي
وسن:كثيير
ابراهييم ضحك وحضنها وهو يقول:يا حياتي انا جعلني فدااك
شوي سكت وقال:يلا نامي عشان تصحين بكرة بدري
وسن وهي تلصق خشمها في صدر ابراهيم:طييب
------------------------------
ماجد يصحي ريهام بعد ما دخلو جده ويقول:قوومي رهووم وصلنا
ريهام وهي تفرك عيونها:زين خلاص قمت
شوي فتحت عيونها وقالت لماجد بإستغراب:باقي ما وصلنا للبيت ؟!
ماجد:ايه بس دخلنا جده
ريهام استندت ع الشباك وصارت تطالع بالسيارات شوي قالت:ماجد
ماجد:هممم
ريهام:وش رايك نمر ليتل سيزرز ونطلب منه عشا
ماجد:زيين خلااص
وقال لأبوه:يبه وقف بالله عند اقرب فرع ليتل سيزرز خلونا نتعشى منه
ابوه:اووكي
شوي مرو من جنب المطعم وونزلو وتعشو وهم خارجين ريهام قالت لماجد:ليه طلبت لي حار مررة
ماجد:هههههه بالعكس حلوة
ريهام:هههه زين يلا روح جزاء لك ابغى بيبسي باااارد
ماجد:ايه وبالمطعم تقولين ابي حمضيات
ريهام:هههههههه ايه اشتهيته الحين
ماجد:ههههههه زين
هم ركبو السيارة وماجد راح للبقالة واشترى لريهام بيبسي ورجع وكملو طريقهم
بعد فترة وصلو البيت وع طوول كل واحد ع غرفته وناااااامو
--------------------------------
اول يوم من الدراسه ريهام باقي ما صحيت والساعه6:30 الفجر وماجد صحي ولبس وجالس يفطر شوي قال لأمه:يمه ريهام ما بعد صحيت؟
امه:صحيتها كم مرة تقول طيب وترجع تنام
ماجد وهو يطالع بالساعه:خلاص صارت سته ونص متى بيمديها تلبس الدوام بيبدا الساعه سبعه
امه:زين روح صحيها والله عييت تقوم
ماجد قام وبيده كاسه مويه كان يشربها وطلع لغرفة ريهام دق الباب اكثر من مرة وما ردت وقال من ورى الباب:ذي عوايدك لا صرتي تبين تغيبين عن المدرسه قووومي بسرعه ما بقى شي ع الدوام
ريهام سمعته وضحكت وقالت:وجع فهمني هههههه
وماردت عليه شوي فتح الباب ودخل ومسكها من ذراعها وسحبها وهو يقول:أدري انك صاحيه قومي يلا
ريهام وهي تضحك:ماااااجد تكفى خلاص بكرة بداوم
ماجد:مافييه يلا بسررعه قدامي قوومي
ريهام:ماجد ماحد يداوم اول يوم م بداوم واجلس وحدي
ماجد:قوومي كلهم بيداومو وانتي اللي تعزمينهم ع الغياب
ريهام:هههههه مااجد والله مافيني ابغى اناااااام امس ما نمت زين
ماجد:مششكلتك ماحد قلك ما تناميين بسررعه مافي وقت
ريهام تأففت وقامت بكسل ودخلت الحمام وهو جلس ويشرب المويه شوي خرجت وباين بوجهها انها كسلانه حييل قام ماجد وكب المويه ع وجهها وهي شهقت وصارت تمسحها وهو ضحك وقال:ايه ازين لك خليك تتنشطين
ريهام:الله يلعن عدووك
ماجد:ههههههههههه يلا بس خللصي ولا بروح وأخليك
ريهام:هههههههههههآأآئ اححسن شي تسوه بروح اننخمد
ماجد بضحك:لعن الله شكلك اقول بسررعه شوفيني بالصالة
ريهام:طيب
لبست المريول ووقفت عند الميرايه وصارت تزبط شعرها وتقول بخاطرها:هو دوامه معاي الساعه سبعه يعني لو ما جهزت بدري بيضطر انه يروح ويخليني اوووه بس بيزععل يلا عادر بغيب يوم ثااني
خلصت ولبست عبايتها ونزلت وهو يوم شافها نازله قام وخرج وهي خرجت وراه وركبت السيارة وراح لمدرستها
لما قربو يوصلون لها قال ماجد بضحك:الحين ما فيك تروحين المدرسه بس ما عليه بوقف هنا شوي بعد ما تدخلين وبسمع صراخك لا شفتي صحباتك ...ويقلدها بصوته:آآآآآآه وحشتيني من زمان عنك هههههههههه
ريهام طالعت فيه وضحكت وقالت:فكرتك بتقول بستناك لا ما عجبك الوضع تخرجين بس هه قاعد تتريق علي
ماجد:ههههههههه لا ياشيخه ما تشوفين حارسكم ذا لو شافك راكبه معاي بيحط اني خويك هههههههه
ريهام:هههههههههه
وقف عند باب المدرسه ونزلت وهي نازله قال لها:يلا مع السلامه وانتبهي ع نففسك وبلا صرااخ لايسمعكم الحارس بيفكر انها حالة ولاده ههههههه
ريهام:ههههه وجع لسانك طوييل هههههه
ماجد:هههههههههه
ماجد بعد ما وصلها للمدرسه راح لعمله
--------------------------------------
وليد بغرفه جيهان ويصحيها ويقول:بنت قووومي الله يلعن عدووك مو بس انتي وراي باقي اروح الدوام الملعوون بعد
جيهان:يووووه ياخي ضف وججهك بروح مع ابووي
وليد:وانا وش بلاني فيك غير ابوي يقول لا تروح دوامك حتى تودي اختك
جيهان:زين ضف وجهك
وليد وهو يسحبها:قوومي وجع هاذي نهاية الدلع يايمه يلا تعالي صحي دلوعتك
امه جات وهي تقول:جيهان قومي يابنتي ما بقى شي ع الدوام
جيهان وهي تجلس وترمي الوساده ع وليد بعصبيه:اكككرررههك
وقامت وراحت الحمام ووليد قال وهو يضحك:ههههههههه ميت انا من حببك
جيهان وهي تقفل باب الحمام بقوه:اطلع برا مابي اشوف وجهك
وليد:مو طالع بكيفي
--------------------------------
ماجد يدق ع إبراهيم ما يرد ودق مرة ثانيه وبآخر لحضه رد وصوته كله نووم :هلاا
ماجد:هههههههههههآآأئ صباح الخييير الدواام يا حلو
ابراهيم وهو يطالع بالساعه:يوووووه زين زين جاي
ماجد:هههههههه يلا فمان الله
ابراهيم:مع السلامه
قام وجلس وشاف امل قاعده تقرى قرآن وقال لها:ليه ما صحيتيني
أمل:وش اللي ما صحيتك من الساعه 6 وانا اصحيك ما رضيت تقوم وبعد افنان من اول تستناك عشان توديها المدرسه
ابراهيم وهو يفرك عيونه بتعب ويقوم:جهزيلي ملابسي
امل وهي تقوم:بتتروش؟
ابراهيم وهو يدخل الحمام:إيه
امل:حبيبي مافي وقت
ابراهيم:بسرعه ما بطول
قفل باب الحمام وصار يتروش وهي جهزت له ملابس وخرجت بتسوي له كوب كافي وافنان كانت جالسه بالصالة ويوم شافتها قالت:همم قام ؟
امل:ايه
ودخلت المطبخ وصارت تسوي له الكافي
هو تروش وطلع وصارت الساعه 7 تمام أخذ كوب الكافي وهو يقول لأفنان:يلا يلا معلييش اخخرتك
افنان:لا ما عليه بنلحق
خرجو وركبو السيارة وراح وصلها وراح لدوامه
--------------------------
سمر جالسه بالصالة وتستنا إياد يخلص عشان يوديها المدرسه وجوالها معاها
شوي الا يدق خالد وع طول اخذته وردت لأنو ما كان عندها احد:ألو
خالد:هلا بروحي شلونك
سمر:تمام انت شلونك
خالد:تمام من سمعت صوتك حياتي فاضيه الحيين
سمر:لا معليش راحية للمدرسه
خالد:ايه صح اليوم سبت ههههه زين ابي اشوفك هناك اوكي
سمر:خلوود اخوي بيوديني لا تتهوّر
خالد:لا معليه من بعيد بس تفتحين نفسي للدوام
سمر:هههههه اوكي براحتك
خالد:يلا باي حياتي
سمر:باي
ضحك بعد ما قفل منها وقام ولبس ثوبه وركب سيارته وراح لمدرسه سمر يستناها هناك عشان يشوفها
إياد خرج من غرفته وشاف سمر قاعده في الصالة وقال لها:انتي ما باقي رحتي
سمر:ومين بيوديني
اياد:غريبه بالعاده مع مراد تروحين
سمر:راح دوامه من زمان قبل ما اصحى
اياد:اوف مرة ثانيه قومي بدري وروحي معاه
سمر:لا اكون مكلفه عليك ما عليه بس ما صحيت بدري اليوم
اياد بإنفعال:شفيك قلبتيها لا مو عشان كذا بس هو فاضي ما عنده الا دوامه انا مشغول
سمر:يا ذا الشغل اللي ذابحك
اياد:الله يشفييك من عقلك الحمد لله اللي عافانا
خرجو وراح يوديها للمدرسه وهم عند باب المدرسه خالد كان موقف ويطالع من المرايه هي شافته وعرفته وكانت تبي تنزل بسرعه وتدخل المدرسه عشان ما يلاحظ إياد وكانت دقات قلبها تتساارع وإياد صار يطالع في خالد ومستغرب انه قاعد يطالع من الميرايه وما نزل عينه لا ومبتسم بعد لف وجهه عنه وهو يقول بخاطره:يا شيين الشباب المخاابييل اللي مثله اربع وعشرين ساعه عند مدارس البنات الثنويه مادري وش يحسون فيه
نزلت سمر ودخلت المدرسه وهي تقول بخاطرها:غبي خلوود مو لهالحد موقف عند الباب بالزبط اووف خوفني
ايادمر من جنبه وراح لدوامه وخالد قال بخاطره:ذا اخوها هه باين عليه شديييد الله يستر بس
-------------------------------
بعد الدوام ماجد راح ياخذ ريهام من الدوام ووقف عند باب مدرستها وقال للحارس يناديها وصار واقف يستناها تطلع والشماغ ع كتفه والعقال والطاقيه فوق راسه وماسك طرف ثوبه بيده والسروال باين ومهدوود حيله يبي ينام
شوي خرجت ريهام وشافته وع طول راحت له وهي تضحك طالع فيها ومسك يدها وصارو يمشون جهة السيارة وهو يقول لها:شفيك تضحكين
ريهام:شكلك تعباان حييل
ماجد ابتسم وقال:ابي انخمد
ريهام:هههههههه
ركبو السيارة رايحين للبيت وماجد يقول لريهام:هاه جو صحباتك
ريهام:ايه بس مو كلهم
ماجد:كيف انبسطتي
ريهام:اييه ما اعطونا حصص فاضيين بس اخذنا الحصة الأولى وخلااص
ماجد:لو كل الايام كذا كان انبسطتي
ريهام:هههههه ايه اكيد
وصلو البيت والغدا كان جاهز وع طول ماجد وريهام تغدو وكل واحد ع فراشه
------------------------
اياد راح يجيب سمر من المدرسه بعد ما قال له ابوه لأن مراد جا من الدوام وع طول نام حتى ما تغدى واضطر انه هو يروح ويجيبها وكان معصصب حيل من حركة مراد
وصل لباب المدرسه ونزل وقال للحارس ينادي ورجع للسيارة وصار يطالع بالسيارات ويستناها شوي الا لمح سيارة خالد ووخالد كان يطالع فيه ويوم شافه انتبه له ع طول شال عيونه منه وإياد باقي يطالع فيه ولف وجهه عنه وقال:حقيير الله لا يبلانا الصباح والحين بعد وجججع
شوي خرجت سمر وصارت تطالع في السيارات وشافة سيارة خالد وتسارعت دقات قلبها وقالت بخاطرها:وجع يمكن هو اللي قال للحارس ينادي شوي لفت وشافت سيارة اياد موقفه قريب منه تطمنت وع طول نزلت وركبت مع اياد
وشافته معصب ولا تكلمت خفت يكون معصب عشانه شافه وصارت ع اعصبها
شوي قالت له:شفيك معصب
اياد:مراد الحيوان يتريقد لي عشان ما يجيبك
سمر:اووف وهالضيقه عشان كذا ما عليه استقدمو لي سواق دام اني مكلفه عليكم
اياد بعصبيه:لا يا شيخه تبينا نفكك ع راسك مع السواق وهالشباب المتفلتين من الصباح لين نهاية الدوام عند باب المدرسه هذا اللي نقص
سمر:ليه مو واثقين فيني؟؟
اياد:والله الشيطان ما ينضمن
سمر لفت وجهها عنه وهي مقهوره وقالت:مع نفسك اصلا ما عاد ابيك توديني
اياد سكت وما رد عليها وكملو طريقهم للبيت


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا, وحيد||من, الدنيا, تأليفي||, تخليني, على


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصه من تأليفي α7saS ๑۩۞۩๑ القصص والروايات ๑۩۞۩๑ 7 06-25-2011 10:22 AM
آآهـ لو تدري بعذآبي مآ تخليني .. يوسفية الملامح ๑۩۞۩๑ عالم الماسنجر والتوبيكآت ,وملحقات السكايب واليآهو ๑ 10 06-09-2011 06:42 AM
مت بغيابك ::::: وحيد :::: وشمعتي ذابت أمير بطبعي ๑۩۞۩๑ للقصائد مـذاق ๑۩۞۩๑ 5 10-25-2010 03:33 PM
أطلبك ياأبوي تكفى لا تخليني .....................!!! إْح.ـسآس ๑۩۞۩๑ للقصائد مـذاق ๑۩۞۩๑ 7 08-18-2010 04:49 PM
لو كنت وحيد وش بتسوي ..خلاص ابرحل.. ๑۩۞۩๑ الألعاب والمسابقات ๑۩۞۩๑ 0 01-03-2010 06:09 PM


All times are GMT +3. The time now is 08:46 PM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant