لبستى الخاتم الف مبروك

لبستى , مبروك , الخاتم , الف

لبستى الخاتم الف مبروك

لبستي الخاتم 💍
ألف مبروك ياقمر ..💄
ابتدينا مرحلة جديدة
#مرحلة_عريس_الغفلة😎👔
البطيخة المغلقة 🍉
اللي لازم نعرف اذا بيضا ولاحمرا 🍏🍎
لان رح يكون تفكيرك ساعتا على قولة ياسر العظمة
(بكلشي حظي اسود الا بالبطيخ حظي ابيض &#128514
بليزز ساعديني خطتشيبي ماعم افهموا..
خطيبي حاسستو بخيل .. ليش ؟
خطيبي مكالماته قليلة معي
خطيبي عم يتهرب مني
عم شوفو قليل
خطيبي دبئانني وبدو يعرف كلشي
خطيبي حشري
خطيبي زعل مني لانو طلعت من البيت وماقلتله ..

شوفوا ياشلة #المخطوبات_النواعم 🐸💄
نمبر ون ♳حطي ببالك ياحلوة بخطبتك بلاها
بلاها ❎
بلاها خدني جيتك ❎
سيكولوجيا : لما بتتعمق العلاقة كتير بالخطبة غالبا بيفشل بداية زواجكم .. لماذا ياترى ؟ ⁉
سمعي لماذا❔❔❓ .. لان لما بتكشفي كل وراقك اثناء الخطبة بتصيري مملة وواضحة وماعندك شي جديد .. باختصار حفظك عالغايب
لذلك خففي مكالمات
خففي مقابلات
خففي لعي واخد وعطا اوكيه ياعروستنا
الو كيفك حبيبي .. 🙆
عبورة قالتلي كون غامضة 🙅.. لذلك ماعاد احكيلك شي مع اني اشتقتلك 😍..
اليوم بيبي نزلنا عالسوق وفتنا على المحل هاد اللي جنب بياع البوظة عرفتو؟؟
عندو بضاعة حلوة وبتعرف انا مابجيب غير ماركات😌 .. وقت فتنا كان حاطط غنية نامي عصدري وتعي شمي الغبرة😂 .. وبتعرف انا اديش بحبو لناصيفو 😍.. لذلك قررت ضل عم اتفرج لتخلص الغنية اشتريت 3 كنزات 👕👗👘رح يطيرو عقلك .. ومارح قلك شو اشتريت كمان من قسم اللانجري👙 .. خليا مفاجعة بيبي 😌
مازال مصر رح قلك😉 هي شي ساتان وقصير والها شئة 3 سم من كل طرف ومن فوق دانتيل وتحتا ياربي بستحي خلص مارح كمل ..🙈
كملي الله يرضى عليكي .. 🐸
بحياة ناصيفو كملي .. 🐸
شو بقي ياهبلة ماعاد في داعي اصلا تطاالعيا بجهازك لانها تعتبر انلبست لبسة 🐸
ضلي كررري وعيدي شو صار معك من الصبببببببح لاخر الليل
وبالاخر بتقول ياربي بيزعل اذا خبيت عليه شي ..
طبعا رح يزعل لانك صرتي بالنسبة اله متل الفيسبوك .. مو دائما بيعجبنا واحيانا بيكون ممل .. بس اتعودنا نشيك عليه كل شوي ..
نصائح المختصين وعن تجارب ..
كوني الخطيبة التقيلة ..
اكتفي بعدد قليل جدا من المكالمات باليوم ..
اكتفي بزيارة منه وحدة اسبوعيا .. ولا تندلئي كتير بهالزيارة .. كوني الخجولة الظريفة الواثقة من نفسا
واذا كان في كتب كتاب مافي مشكلة من بعض الاشياء اللي رح تضل ذكرى حلوة بعد الزواج ..
لاتحكيلو عن كلشي بيصير معك .. ولاتحكيلو قصة حياتك .. خبي هالقصص لبعدين لان في قدامك عمر مارح تعرفي شو رح تحكي فيه ..
لاتحكيلو قصصك القديمة اياكي .. اياكي 😠
ولا تستدرجيه ليحكيلك .. اللي فات مات .. الرجل بيحمل بقلبو ومابينسى انتبهي ..
ولاتطولي بالخطبة لان الخطبة الطويلة رأس الملل والمشاكل والزهق..
طيب هلا بيسئلوني ..كيف بدنا نعرفه ونتعرف عليه اذا ضلينا بعاد ؟؟
بدك تعرفي خطيبك منيح ؟
اتعرفي على اهله ... ادخلي بيته .. شوفي معاملتن مع بعض .. طريقة كلامن .. طريقة تربيتهم .. تصرفاته مع اخواته .. ادبه مع امو .. وحاولي تعرفي تاريخ حياته السلوكي .. هاد اللي بيساعدك تعرفيه .. لان بيئته هي اللي اكتسب منها صفاته ..
والباقي كله ضحك عاللحى ياماما 😏
تيلفوناتكم والغزل والوعود حقا قرش مصدي اذا اكتشفتي انه قليل ادب مع امه .
ثقافتو ودراستو مابتسوى جرزة فجل لما بيكون انسان بيشتم شتايم حرام لما بيعصب ..
مصاريه وتأمين كل احلامك على افا 👡
لما بتعرفي انه ممكن يرفع ايدو ويضرب .
لبسه واناقته وجماله ولاشي لما تعرفي انه مابيصلي او ماعنده منهج وتدين وخوف من الله .
بقى هالشي كله مارح تعرفيه الا اذا اختلطي بحياته وبعيلته وخليتيه يختلط بعيلتك .. يعني كل اسبوعين عالاقل
ادرسيه منيح لان هاد زواج .. وخلي الغزل والعشق والغرام للزواج ..
لان لو نجح بالامتحان ..
رح تفوتو على الزواج بطريقة صح .. ورح يبلش يكتشف هالشخصية اللذيذة اللي قدامو شو بتعمل وشو بتحب وشو حركاتا وشو لون الكنزات اللي اشترتن
لاتكوني ورقة محروقة .. حافظك وخابزك وعاجنك .. بتفوتي عالزواج على ملل .. وبتفكري انو في كتير شغلات هتكون جديدة ..
حتتفاجئي انو الشي الجديد الوحيد اخدو ليلة العرس ودار ضهرو وصار يشخر .. وماعاد في شي جديد الا الطبخ والغسيل
كوني الماسة مكنونة
خبي حكاياتك
خبي مفاجئاتك
كرمال ناصيفو
بعد الزواج بتنامي عصدرو ..
وبعدا بتمسحي الغبرة
اوكيه
وقد اعذر ابن المنذر

الموضوع الأصلي: لبستى الخاتم الف مبروك || الكاتب: BAYALA || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات