][ عـــذبـــة الصفات ][ ضيف كرسي الاعتراف لهذا الاسبوع

من هي عذبة الصفات من وجهة نظرك ؟؟

لبى عذبة الصفات بس انسانه عاديه جدا متواضعه تحب تسعد الي حولها تحب تعيش احزانها مع نفسها ماتحب تكدر جو الي حولها وش بعد ماتعرف تكذب وان كذبت افضحت نفسها على نياتها كمخه بس احلى شي فيها التطنيش والتسليك تحب تناقش بجد بس ماتصبر وتقلبها اهبال وعلى ان عمرها تجاوز العشرين الا انها تحس انها للحين بزر وماتحب تكون مسؤلة على شي حلوه الحريه وش بعد خلاص يكفي

هل شخصيتك في الانترنت تختلف عن الواقع ؟ ام انها متطابقه ام هناك اختلاف نسبي ؟؟

ابدن مطااااابقه ولا في اي تغيررر

ماهو شعورك عندما تنظرين الى النجوم والقمر ؟؟

احس برااااااااااااااااااحه واحب اناظر للنجوم والقمر لاصار كامل

وهل نعتبر ان سطح بيتكم هو المتنفس الاول لدى عذبة ؟؟

ههههههههههههههههههههههههههههههههههههههههه

لاوالله كان سطح جدتي هو المتنفس الاول لعذبه بيتنا كانت امي تهاوشني ما اطلع عشان ما اطيح بس في بيت جدتي كنا نطلع ومحد يدري عنا ونوايق بالشارع وعلى الجيران ونشوف عيالهم الطخوم

ذهبت عذبة للبنك ووجدت فالحساب مبلغ مليون ريال ؟؟ وش اول شي تسويه عذبة ؟؟
(لاتقولين استاجر واحد يذبحني بس هع )

لا ابد ابشتري ساطور على راسك

ابشتري سياره لاخوي الكبير


متى يترك البرواز الصوره ؟؟

اذا تحطم الزجاج


في اثناء تعبك من القادر على اضحاكك ؟؟

محد واحيانا انا من نفسي انسي نفسي التعب واضحك

لو كانت عذبة نهار !!! فماذا ستقول لليل ؟؟؟؟

ابقوله خذ راحتك وخل وقتك طويل عشان الناس يرتاحون مني وانا انام وابقوله خلك خفيف على العشاق ارحمهم هع هع هع

اشياء تحرصين على وجودها معك اينما ذهبتي ؟؟

مافي شي احرص عليه ابدن ابدن



مردوده لك

اذكر مرة كان توبيكك .. احبك يابحر .. وش يعني لك البحر ..؟


البحر امووووووووووووووووت عليه ودي لو الشرقيه او الغربيه يسلفونا بحر

عذووبه .. تذكرن يوم تنسين رقم جوالك الرقم السري .. وفوق كذا مفتاح القفل .. ولا بعد حرقتي الشريحة ..


حركاتك هذي اسميها شيخوخه مبكرة يعني ولا وشو ياليت توضحين لي ؟؟

الحين وش دخل الشريحه والرمز القفل طيب خل يجي دورك تشوفين كبت العشاء على اصول

لاوالله اسميها لحسة مخ انلخس مخي ذيك الفتره يمكن قعدت ثلاث ايام ما ادري عن جوالي يوم تقفل من نفسه خلص شحنه واجي ابفتحه كنت توني صاحيه من النوم ويابنت الحلال تذكري الرقم منا مناك عجزنا وزياده الكرت مالقيته واحترقت الشريحه بعد كم يوم من حرق الشريحه طبعن الجوال رميته باقرب درج رجعت له بعد فتره ابي اتذكر رمز القفل عجزت يابنت تذكري ابد تقفل المخ عندي سوينا فرمته للمخ مافي فايده كان اسبوعين عشت فيها بلحسة مخ مو طبيعيه ما اذكر شي وزين اني مانسيت اسمي بس يا اكلت تهزئي من قبل الاسرة الكريمه وتعرفون عاد حطوا السبب بالقعده على النت



اغنية .. خالد عبدالرجمن .. اذكريني اذا حبيتي غيري .. من تذكرك فيه هع هع..

اكب عشاك والا تونا على العشاء مابعد تقهوينا

ابد تذكرني بوحده يقالها هيفاء




اهجدي خلاص لاتكبين عشاء والا ترى اكب كل عشياتك

بسم الله الرحمن الرحيم
الله يعينك يا عذوبه علي هههههههههه
نبدا
1- عذوبه صفي نفسكـ بكلمـهـ وآإح ـدهـ فـقط ؟؟




2- كيف كـنتي في طفولتكـ مشآغبه - هاديه ؟؟



3- موقف حصلك وانتي صغيرهـ وللآن تذكرينـهـ ؟؟


4- اذا كنتي متضايقه ايش اول شي تلجأي لهـ ؟؟


5- ايش اكثر شي ماتستغني عنـهـ بح ـيـآتكـ ..؟؟


6- لونك المفضل؟


7- اكلتك آلمفضلة ؟



8- فلم كرتون تحبينه ؟



9- فلم كرتون تكرهينه ؟


10- مسلسلك المفضل ؟


11- فاكهةالمفضله؟


12- ايش الشي الي تتمني تغيرية فيكـ ؟


13- الأصدقاء وحدهم من يقرؤوننا بعمق شديد .. وهم أيضا من يفهمون من نظرات عيوننا ما يوجد بداخلنا .. أتمنى أن تخبريني بموقف تتذكرينه مع إحدى صديقاتك .. سواء كان الموقف إيجابي أو سلبي ..


14- ـ مالذي تتمنينه الآن ؟ وغداً ؟ وبعد سنه ؟ وبعد عشر سنوات ؟


15- هوآيـآتك .. اللي تمآرسينهــآ دآئمـآ .. ؟


16- افضل مكان سافرتي له؟


17- الشي اللي يعجبك في نفسك؟


18- الشي اللي تكرهينه بنفسك؟


19- كم ساعه تجلسي على النت ..؟


20- اهم شي تحبي تسويه لما تدخلي المنتدى ..؟


21- هل مسجلهـ في منتدى غير منتدى كلك غلا؟


22- هل اتمنيتي شي واتحقق لكـ ..؟؟


23- تعرفين تتطبخين ..؟


24- هل انتي من ممارسي الرياضه ..؟ وماهي الرياضه التي تحبين مشاهدتها ..؟


25- هل تشجعي فريق كرة قدم ..؟ مع ذكر اسم ناديك المفضل ..؟


26- صفه ينادوك فيها من هم حولك .. ؟؟


27- ايش اكثر شي يشدك بالموضوع يعني يلفت انتباهك ويخليك
تدخلي وتقرأيه ..؟


28- ايش رايك بمقولة غدا يوم اخر .. وهل تؤيدينها ..


29- اسم ولد تحبيه واسم بنت تحبيه ..؟


30- من هـو ظلكـ الـذي لا يفــارقكـ ..؟


31- متى اخر مره بكيتي .ولية ..؟


32- متى اخر مره ضحكتي من قلب .. وليه ..؟؟


33-ايش احلى هديه جاتك ..؟ ومن مين ..؟


34- ايش نوع جهازك وايش لونه .؟


35- ايش هي احلى المناسبات اللي تحبينها ..؟


36-من اكثر عضو في المنتدى مميز في كل شيء ؟؟


37- وقت فراغك وش تسوي غير الجلسه على النت ..؟


38 - تحبي الأطفـآل ؟


39- شي دايما ترددينها ..؟


40- اهم شي تحرصي انك تسويهـ قبل لاتطعلي من البيت ..؟


41- ايش رأيكـ بالمنتـدى .. ووش ممكن تحبي تغيري فيـهـ ..


42- اوول عضوو/ هـ عرفتيه بالمنتدى؟


43- وش كـآن اول موضووع لكـ بالمنتدى؟


44- ايش اكثر شي تحبيه بالمنتدى ..



45- واكثر شي تكرهيهـ ؟؟


46- اكثر موضووع عجيك بالمنتدى ..


47- تحبيني < ..



48- اول ماسجلت في المنتدى وش كاان انطباعك عني ؟؟


49- اممم قولي رأيك فيني بصراحــهـ ؟؟وبـ وشو تنصحينــي ؟؟



ان شاء الله ما اكوون طوولت عليكـ بالأسئلـهـ..

يلا يا عذوبة خلصي من الفراشو و بعدين انا بسالك

الله يعينيك يا عذبة الصفاات على ااالاسئاله
جاوبي وبعدين ا قول لك الاسئاله الي عندي هههههههههههههه
ابي اجيب لك اسئاله ولا اسئالة رياضيات ثالث ثنوي من الوزاره

- عذوبه صفي نفسكـ بكلمـهـ وآإح ـدهـ فـقط ؟؟

اممممممممممم طيوبه


2- كيف كـنتي في طفولتكـ مشآغبه - هاديه ؟؟

كنت مشابغه بعض الشي واربع وعشرين ساعه بالشارع

3- موقف حصلك وانتي صغيرهـ وللآن تذكرينـهـ ؟؟

حصلي موقف مستحيل انساه وانا برابع ابتدائي مستحيل انساه بس ماعمري قلته لاحد

4- اذا كنتي متضايقه ايش اول شي تلجأي لهـ ؟؟

ألجا الى خمدتي وسريري واحط راسي وانام واحيانا اخذ لفتين بالحوش

5- ايش اكثر شي ماتستغني عنـهـ بح ـيـآتكـ ..؟؟

الاب توب صار مثل ولدي

6- لونك المفضل؟

امممم العنابي ودرجاته

7- اكلتك آلمفضلة ؟

معكرونا باشميل يؤؤ جعت


8- فلم كرتون تحبينه ؟

عدنان ولينا فوق السفينه


9- فلم كرتون تكرهينه ؟

قرية التوت اكرهاااااااااااااااااااااااا

10- مسلسلك المفضل ؟

يووم آآآخررر .. كل يوم نقول اليوووم تتحقق الاحلام .. ياقلبي يامحروم من فرحة الاياام تااهت خطاوينااا ومنهو بدنيا اليوم ياخذ بايدينا <<< مسكت خط انثبري بس

11- فاكهةالمفضله؟

ترنج

12- ايش الشي الي تتمني تغيرية فيكـ ؟

حاليا ودي انحف وفي اشياء ودي اغيريها بس خليها بيني وبينك

13- الأصدقاء وحدهم من يقرؤوننا بعمق شديد .. وهم أيضا من يفهمون من نظرات عيوننا ما يوجد بداخلنا .. أتمنى أن تخبريني بموقف تتذكرينه مع إحدى صديقاتك .. سواء كان الموقف إيجابي أو سلبي ..

مواقف كثيره وايجابيه الحمدلله ولغة العيون والحركات تخليني اعرف كثير عن صديقاتي وطبعن بما انهم صديقاتي امون واسالهم ويقول الي بخاطرهم <<<< نشبه



14- ـ مالذي تتمنينه الآن ؟ وغداً ؟ وبعد سنه ؟ وبعد عشر سنوات ؟

اتمنى الان سفره لكندا
غدا اشوف انسانه غاليه علي
بعد السنه النجاح بالسنه الجايه
بعد عشر سنوات التوفيق والهدايه والسعاده والزوج الصالح الله يصلحه مادري وش يسوي الحين

15- هوآيـآتك .. اللي تمآرسينهــآ دآئمـآ .. ؟

الرقص هههههههههههههههههه

لا ماعندي هوايه ماعندي الا الدجه بس لاصرت فاضيه اخبط باي شي قدامي

16- افضل مكان سافرتي له؟

الخبر

17- الشي اللي يعجبك في نفسك؟

طولي عاجبني

18- الشي اللي تكرهينه بنفسك؟

دجتي نفسي اهجد واركد

19- كم ساعه تجلسي على النت ..؟

اغلب وقتي عليه بحكم الفراغ القاتل


20- اهم شي تحبي تسويه لما تدخلي المنتدى ..؟

احب اشوف الاعضاء وش قاعدين يسون هع هع

21- هل مسجلهـ في منتدى غير منتدى كلك غلا؟

ايييييييييه كتير كتير

22- هل اتمنيتي شي واتحقق لكـ ..؟؟

لا للاسف

23- تعرفين تتطبخين ..؟

اييه بس مو كل الطبخات

24- هل انتي من ممارسي الرياضه ..؟ وماهي الرياضه التي تحبين مشاهدتها ..؟

ايه احب اللعب كرة قدم بس لعب مثل وجهي

احب اشوف المصارعه اخذ كورسات عشان بكرا نتصارع انا وشريك الحياة هههههههههههههههه


25- هل تشجعي فريق كرة قدم ..؟ مع ذكر اسم ناديك المفضل ..؟

اشجع بس مو متعصبه عادي يعني اعاند الخصم بس الاتحاد طبعن

26- صفه ينادوك فيها من هم حولك .. ؟؟

امحق صفه معياره وتفشل خلي الطابق مستور ياوخيتي

27- ايش اكثر شي يشدك بالموضوع يعني يلفت انتباهك ويخليك
تدخلي وتقرأيه ..؟

عنوان الموضوع يشد واحيانا ادخل اقرا ويعجبني فيه اشياء بدون مايكون العنوان يشد

28- ايش رايك بمقولة غدا يوم اخر .. وهل تؤيدينها ..

ايه نعم لان بكرا محد يعلم وش راح يصير ويمكن يصير نفس الامس

29- اسم ولد تحبيه واسم بنت تحبيه ..؟

ولد... نواف

بنت...ريما

30- من هـو ظلكـ الـذي لا يفــارقكـ ..؟

صديقتي على غيابها الا انها مثل ظلي احسها معي وين ما اروح

31- متى اخر مره بكيتي .ولية ..؟

اخر مره قبل امس حسيت بضيقه وحبيت ارتاح

32- متى اخر مره ضحكتي من قلب .. وليه ..؟؟

كثير ضحكت بس من قلب من ثلاث شهور تقريبا موقف صار بالكليه وضحكت فيه من قلب وعورني بطني وحالتي حاله

33-ايش احلى هديه جاتك ..؟ ومن مين ..؟

هههههههههههههههههههههههههههه اليوم جتني هديه من صديقة اختي

34- ايش نوع جهازك وايش لونه .؟

n70 لونه اللون الاصلي للجهاز ماحب اغير

35- ايش هي احلى المناسبات اللي تحبينها ..؟

مناسبات الدي جي جمعة بنات وهيصه

36-من اكثر عضو في المنتدى مميز في كل شيء ؟؟

الغلا من بدت تسجيلها كانت مميزه واتمنى لها التوفيق والتميز

37- وقت فراغك وش تسوي غير الجلسه على النت ..؟

اقرا مجلات او رواية

38 - تحبي الأطفـآل ؟

ايييه احب اللعبهم واملجهم وافديتهم وافديتهم

39- شي دايما ترددينها ..؟

لا اله الا الله

40- اهم شي تحرصي انك تسويهـ قبل لاتطعلي من البيت ..؟

اشحن جوالي

41- ايش رأيكـ بالمنتـدى .. ووش ممكن تحبي تغيري فيـهـ ..

ودي اغير الاستايل واركب ايقونات اكثر واضيف حركات جديده

42- اوول عضوو/ هـ عرفتيه بالمنتدى؟

حنونه

43- وش كـآن اول موضووع لكـ بالمنتدى؟

اوووه لازم ارجع اشوف المشاركات بس بعد ما اخلص الاجوبه اروح اشوف وارجع

44- ايش اكثر شي تحبيه بالمنتدى ..

صراحة الاعضاء


45- واكثر شي تكرهيهـ ؟؟

اكره الي يفهم غلط من رد عضو او عضوه

46- اكثر موضووع عجيك بالمنتدى ..

عروسة المنتدى

47- تحبيني < ..


هههههههههههههههههههه اموووت فيك بس بعد ماخلص ابتوطا فبطنك

48- اول ماسجلت في المنتدى وش كاان انطباعك عني ؟؟

بصراحه احس انك بنوته قمر ومودبه

49- اممم قولي رأيك فيني بصراحــهـ ؟؟وبـ وشو تنصحينــي ؟؟

رايي اني مثل ماقلت لك ابتوطا في بطنك على هالاسئله

بصراحه رايي انك عسل واحس احساس انا مابعد عرفتك ان شخصيتك هادئه ولا عليك من احد

انصحك تنتبهي لنفسك واذا انتي تدرسي الله يوفقك والاجازه بدت الله يعينك ويعيننا عليها وان شاءالله تستفيدين من وقت فراغك والله الله بالزواجات ارقضي واكشخي عشان تنخطبين ونحضر زواجك وازفك بعد

شيموووو ياقلبي

وملك الظلام

تفضلوا باسئلتكم

خوذوا راحتكم ابد

ههههههههههههههه الله يحلل رومانتك بوي اجل

ترى انا ماقلت لهم ولاعلمتهم<<<قمة البراائه



بعد كم ساعه اذا ما نزلوا اسئلة برجع بسئلة جديدة

والا اقول وراو بوه اسئله والا مابوه برجع وانزل اسأله بعد شووي

<<<يقول ياحليلي

اقتباس:

رايي اني مثل ماقلت لك ابتوطا في بطنك على هالاسئله

ههههههههههه حلالك توطي باقي اسئله استعدي في البدايه احنا هههههههههه

اقتباس:

بصراحه رايي انك عسل واحس احساس انا مابعد عرفتك ان شخصيتك هادئه ولا عليك من احد

هذه شهادة افتخر فيها من اخت غاليه علي
يسلمووو احرجتني يا اختي
الله يوفقك بعد يوفق الجميع
دمتي بود

ههههههههههههههههههههههههههههههههههههههههههه

تتكلم حايلي انت وجهك

مالت عليك

لا والله وش زين اسئلتها عند اسئلتك بس حلوه اسئلتك تحلل الشخصيه على اصول

الله يصلحك قل امين