بسافر ذهاب بلا ايااب

ايااب , ذهاب , بلا , بسافر

بسافر ذهاب بلا ايااب

بالعربي مليت و في صدري تكه




وبدور لي اذربيجاني يتبناني او اشتغل طباخ في اي مطعم هناك اصرف لي :1:



بالعربي مليت من العيشه هنا



اولاً :



عدد الشعب السعودي 25 مليون:poster_vt:



منهم 24,999,999 شاعر و 1 مستمع :doh:



الرسول صلى الله عليه وسلم يقول (اعطوا الناس منازلهم )



والناس الحين الكل لازم يصير شاعر بالغصب وهو لايملك من الشعر قيد انمله



الصراحه جاتني لوعه وغثه من الشعر بسبب كثرة القصائد الهزيله والركيكه التي اعتادت على اجترار الصور وتكرارها حتى باتت الصور مألوفة لا تتغير



قبل يومين شدني مقابله على التلفزيون مع شاعر معروف إعلامياً طلب منه المذيع


قصيده على بحر المسحوب و استحضر الشاعر قصيده على بحر الهجيني !!



يعني لا المذيع ولا الشاعر عندهم سالفه




برنامج شاعر المليون برنامج معروف و كأنه يريد ان يعيد سوق عكاظ في الماضي


اتفاجئ بأن فيه متسابق يلقي بـ قصيده على بحر الهلالي



ملاحظة :


بحر الهلالي مهمل القافيه في صدر القصيده و مقفى في عجز القصيده



ويقولون له لن تلتزم بالقافيه في صدر القصيدة


والمصيبه من اللي يقول الكلام هذا سلطان العميمي كاتب وناقد وليس شاعر !!



زين الشاعر محمد بن فطيس


قدم لكم قصيدة يقول فيها



ماني بمن ياتي و لا يدرى به .. شطرٍ حفظته ما اعرف كتابه


شطرٍ يناسبني لمثل الليله .. وآشوفني في ذا المكان أولى به


أباتكل بالله و نعمٍ بالله .. اللي ما يوصد دون خلقه بابه


باقول و اللجنة تقيم قولي .. و من كثرة الشعار ماني آبه



الى أخر القصيده



ليه ماقلت شيء ياسلطان ؟؟



ليه ماقلت لمحمد بن فطيس لم تلتزم بالقافية في صدر القصيده ؟؟
ولا القوانين ارتجاليه ؟





وثانياً :



كل يومين مزاين أبل حتى اصبحنا نتغزل في الأبل اكثر من البنات


يعني الابل طيحت سوق البنات !!



واللي ماعنده ابل ماهو بدوي ولا راح يكون عنده وجاهه



زين ليه



يسألني زميلي في العمل : عندك أبل ؟؟



قلت له : ايه



قال : متى شريتها ؟



قلت : ورث اب عن جد



قال يعني : انت بدوي



قلت : ليه واذا ماعندي ابل يعني ماني ببدوي ؟؟



قال : اكيد



قلت له : انت عندك ابل ؟



قال : ايه



قلت : شاريها او وارثها ؟



قال : لا والله شريها



قلت له : تقدر تـنام في الصيف من غير مكيف ؟



قال : مستحيل ؟



قلت : اجل انت خراط مو بدوي ؟



البدوي يلبس ثوب شتوي وينام تحت الشمس في عز الصيف



والصراحه من يومها ماشفت زميلنا يمكن سواها وفطس من الحر ..




وثالثاً :



هوس كرة القدم



اشوف الشباب متجمعين في الأستراحه واقول لهم


وكل الشله منشدين للشاشه يتابعون المباره بين النصر والهلال



طبعاً كل الشله هلاليه



سألتهم قلت وين ابو فلان ماشفتوه ؟؟



قالوا : خله يولي



قلت : ليه



قالوا : نصراوي



يعني اللي يشجع النصر اشرك بالله ؟؟



قلت : الحمد لله اني محايد ولا عمري تابعت مباره في حياتي عشان ما اكسب حزب واخسر حزب آخر




رابعاً :



غثونا


مقاطعه مقاطعه مقاطعه



مقاطعه المنتجات الدنماركيه


مقاطعه المنتجات الأمريكيه


مقاطعه المنتجات البريطانيه


مقاطعه منتاجت الكفار



ياجماعة الخير انتم تريدون ان تعملون لأنفسكم حصر اقتصادي ؟؟ ولا وش السالفه ؟



ياجماعة الخير انتم في بلد لا يصنع الا عصير سن توب و شامبو صانسلك


والظاهر انها بعد تجي من الخارج وتعبئ في مصنع ابن زقر



كيف تبون تعيشون بالله ؟؟



كيف تبي تقاطع وانت سيارتك امريكيه او يبانيه واللي صانعها كافر ؟؟



هل تستطيع ان تحج لمكه على الأقدام من المنطقه الشرقية ؟





وخامساً و أخيراً :



الحضاره والانفتاح و حرية المرأه




قاموا العلمانين الذين يناصرون الإنفتاح و حرية المرأه باأستدراج المرأه ومحاولة نزع الحياء منها وهو اغلا واثمن ماتملكه المرآه العربيه المسلمه ..




سوالف البنات :



يؤيؤ ماشفتوا فلانه للحين تلبس عباة راس زي عباة جدتي


ولا عندها جوال بلاك بيري جوالها نوكيا ..



سمعتوا يابنات عن جامعة كوست في رابغ يقولون فيها اختلاط على مستوى العالم


يعني ممكن يصير الروميت او زميل الغرفه بريطاني او لبناني



وشوي شوي راح تصير كل الجامعات والكليات والمدارس اختلااااااااااااط



يعني الأنفتاح هو نزع الحياء من المرأه وتمكين الذئاب المفترسه منها ..



وآسفاااااااااااااااااااااه



وهذا اهداء لكل من يريد الأنفتاح على قولتكم
مما راق لي

الموضوع الأصلي: بسافر ذهاب بلا ايااب || الكاتب: نبض حايل || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

نبض حايل
كلمات قمه في الروعه
تسلم اناملك
على هذا العطاء المميز
دآآم عطــائك
لك مودتي ومحبتي

يسلموو ع المرور اسعدني بتواجدك انار صفحتي بحضورك الرائع

موضوع أكثر من رآآئـ ع

أبدعت في طرحك

يعطيك العـآآفيه

والرائع حضوروك الجميل يسلموو ع هالطله دمتم بود ومحبه

نبض حائل رائعه من روائع اختيارك الراقي



تسلم يمينك ويعطيك الف عافيه



دمت ودام عطائك المميز برضى وحفظ الباريء

اسير الصمت
اتشرف بحضورك الجميل وعطاء رايك للموضوع

تسلم الانامل ع الطرح
ما ننحرم من جديدك
تقبلوو مروري

الله ي نبض حائل ؤش هالابداع


تسلم يداتك



الله يعطيك الصحه ؤالعافيه