سجل حضورك ببيت شعر ......

صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك ااآه مايمدي !
أنا وحدي !
أتمتم ... نور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقت الساعة ..
ألم .. ساعة
وجع .. ساعة
تعب .. ساعة
صباحك : قمة اوجاعة !
صباح الضحكة لاطارت !
وماصارت !
صباح البسمة لامست نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ) و ( الزحمة ) !
صباح ..
وأطلب الرحمة !
صباحك أنفاسك العذبة ..
وزينك ( شحمة ) و ( لحمة ) !
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموت ..
صباحك / غير !
صباحك / خير !

الصاحب الي مع ادروب المصالح هفى
عساه مرواح مرسي عن رياسة مصر

اهم حاجه مابادلناه غير الوفاء
الين حبله عن ادروب الاخوه قصر

وعدتني و وعدتك م يفرقنا غير الموت شفتك أقفيت وأنا بعدي ما توفيت ♡̷̷̷̷̷̷̷

يالله عسى بعض الغلا ياقايد الغيد مخلوف
ان مارجع ربحه علي الله يرده راس مال

كم لي وانا تكويني الدنيا على روس الكتوف
واشيل مالااطيق من شانك واحملها الجبال

وياما على شانك تحملت الخناجر والسيوف
وياما على شانك ليامن ضقت شديت الرحال

وقفتني بالشارع الضيق وممنوع الوقوف
مسار واحد والمصيبه لايمين ولاشمال

تقول طوفها معي واقول عيت لاتطوف
اجيبها منا تجي منا ولافيها مجال

والحب ماينفع معه فزعه ولا واو معطوف
الحب لو زالت جبال الارض ذكره لايزال

يرقى على حبال الوصال ويخدمه نبض الحروف
شوي من نسج الغلا وشوي من نسج الخيال

وش عاد لو غنيت طاروقك وصفيت الصفوف
صف يبا ياقف معي وصف ليامن رحت شال

الله : يبيّض وجهك بكل الاحوال
واما غيابك ! سوّد الله وجه… ♡

مشكور ياللي خصنا بإهتمامه...عمرك طويل و عمر منهو موصيك.....
قد قالوا الطيب يبين بكلامه...و أنت اتصالك و اهتمامك مزكيك....
مثلك غصب يفرض علينا إحترامه..طيبك و عطفك يجبر الناس تغليك....

تمرني ذكرى ليالي قديمه
...................في محتواها سالفة عمر واحلام
شوق وصفا قلب ونوايا سليمة
...................ما اقول غير الله على ذيك الايام

ضيقه ولا ادري وش سببها ولا زلت ..
............................. أحاول افهم شي منها .. وعيت ..

ان قلت والا يا اثقل الهم .. ماقلت ..
............................. عمر الاماني بـ الألم .. ماتهيت ..

أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي...

مشتـاق له ميت عليه
وينه بعد عمري أبيه
بحـكيله عن كل اللي صار
عن غيبته ليل ونهار
وبلـهفتي بأحضن أيديه
وينه بعد عمري أبيه
حسـيت بأغيابه بحزن
مريت في أصعب ظروف
ليتـه يجي ليته يحن
وبعينه أحوالي يشوف
مـن ياخذ أشواقي إليه
وينه بعد عمري أبيه
راح اللي بعيونه الهنـا
وغـاب الفرح في غيبته
ليـله ورا ليله وأنا
بس أنتظرها رجعته
وأتخـيل إيديني بأديه
وينـه بعد عمري أبيه